東海酒家 (已結業)

本人與朋友兩家人的小朋友在附近球場踢完波後首次幫襯此店. 因商業區週日生意淡靜關係, 晚飯很容易便安排到座枱, 此店環境幽靜, 服務也不錯.  小食不是花生酸菜而是蝦片更合小朋友心意 我們一行七人點了以下菜式:- 蜜汁叉燒 好味- 脆皮醬油雞 (皮脆但有雪藏雞味)- 三杯酒香骨 好味- 家鄉紅燒肉 好味- 清炒時蔬(西蘭花) 淡而無味,自己整仲好食- 椒絲腐乳通菜,一般埋單共$805,收費表面公道合理.  回家後check 單先發覺一碟淡而無味的西蘭花收費$98比椒絲腐乳通菜,三杯酒香骨,家鄉紅燒肉, 各$88還要貴!這收費really surprised me. 仲以為佢收錯$m 我即晚打電話去問番真正收費又真係話你知係$98喎 但又解釋唔到一碟連蒜頭都冇粒嘅炒青菜點解仲會貴過其他小菜囉.

一大班人吃午飯最緊要開開心心，我們叫餸叫到好似食晚飯！餐前小吃居然有「印尼蝦片」，驚喜。「椒鹽豆腐」﹣弄得夠香口，不錯吃啊「虎皮尖椒」﹣完全不辣的，反而味就以香做主導「生炒排骨」﹣醬汁掛滿排骨上，味道也沒有太酸，調味剛好「啫啫唐生菜煲」﹣香口取勝！「翠玉瓜炒什菌」最後來個「蝦醬炒鴛鴦米」，大家是飽到不行呢！

東海酒家，服務態度非常差，經理態度惡劣；部長對客人毫不理睬；桌子下積聚了超多垃圾，碟子非常髒 ，在一個只能容納16人的空間多放下一張4人桌，導致原本有限的空間更陝窄， 而擺放嬰兒椅時竟「請」我們擺放在不時有人提住熱水出入的茶水間。 用一個字形容：差；用一個詞語形容：惡劣;用一句形容：今時今日咁嘅服務態度點得？

週圍都冇晒位, 得東海仲有位咋... 係屋企樓下拎齊3份免費報紙拎咪吓, 打發吓時間...花膠浸娃娃菜--必吃!!! 花膠好大件, 值回票價!!!鮑汁鳳爪--必吃!!! 鮑汁味濃, 鳳爪忟得好淋好入味!!! 份量不少, 抵食!!!叉燒包--OK啦...仲食咗珍珠雞, 北菇雞包, 腸粉, 甜品...飲完茶行咗去魚則魚涌海濱公園吹吹風... 買晚餐果時先醒起朋友送嘅法國鵝肝留咗係東海, 慘啦!!! 好彩打電話去東海搵得番啫... 第2朝即刻LaLa聲去拎番...

東海點心已經有好多人寫過評語，所以我今次淨係講講佢嘅＂炸物＂！分別係炸魷魚鬚同埋錦鹵雲吞！ 炸魷魚鬚：上檯時Ｄ油仲係閃下閃下，好新鮮，岩岩炸起！ 炸漿好薄身，Ｄ魷魚夠鮮甜，無論魷魚身同埋魷魚腳都有齊晒 ，口感好爽一Ｄ都唔老！ 錦鹵雲吞：而家好少酒樓可以食到錦鹵雲吞，而且更加少地方可以食到好食嘅錦鹵雲吞！不過東海呢度嘅錦鹵雲吞真係唔錯，可以推介！ 一碟５隻，隻隻夠大而且脹卜卜，餡料唔馬虎！至於個汁料就夠讚 ，因為酸甜度適中，大大碗夠大家點黎食，裡面仲有好多配料：紅、青椒，菠蘿，蝦仁數隻等，令人驚喜！

大閘蟹完全無鮮味, 無蟹香味, 膏又少又削。蟹粉蒜茸包得2吋 x 3 吋咁大, 因為啲蟹粉得一湯匙左右, 幾乎唔夠搽4塊麵包, 蟹粉內找不到蟹黃, 得少少蟹肉, 其它尚可接受, 如果知道主打大閘蟹唔惦, 唔會去食，我年年都去東海食大閘蟹, 今年最差, 好失望。

媽媽想食龍蝦伊麵, 以為東海有番咁上下水準, 特登和媽來試試. 點估到一隻龍蝦加伊麵收費$498, 竟然龍蝦肉得3-4件,加蝦殼都唔夠十件, 伊麵茨汁水汪汪咁仲好咸! 問部長點解我地叫的一隻龍蝦得幾件, 連龍蝦鉗都冇, 部長話貴野系咁, 澳洲龍蝦系冇鉗的, 唔系掛??!!!!! 服務態度極差另外的魚湯魚腐娃娃菜煲的娃娃菜超老, 每條菜要咬幾次先咬得開 餐後送的番薯糖水, 番薯好多根有爛味,糖水又唔夠甜!今次的選擇真系超錯

10 x 除咗講唔掂,都唔知講咩好。呢間野我一向都唔鍾意。不過D同事話想近D 喎 (唉懶到死) 咪比多次机會呢間係公司樓下嘅嘢囉.....點知:1) xx蒸鮮尤...得三舊 2) 價值$42 蚊嘅四季豆...得蚊滋咁細碟 3) 名為'法式甜品'...其實係有cream 嘅蛋糕仔 4) 好彩有個好'流' 嘅流沙包 全場嘈到爆,除咗同格離個同事溝通到之外,全程想同其他同事講下嘢都唔得

我都係第一次嚟呢間"東海海鮮酒家"食飯.我覺得呢度地方裝修ok,燈光都幾光猛.坐得算舒服.嘢食未試過.所以唔知,好唔食..........................我經過一輪試食,呢度d嘢食,大致上都唔錯.

晚上八時，爸爸看到柴九個廣告後話想食大閘蟹，於是一家四口就到了華蘭路的東海海都吃晚飯。平時都唔會要等位，因為位置比較唔就腳，但可能因為大閘蟹熱，又係假期，好多人呢，等左十分鐘左右就有位了。佢有幾款大閘蟹套餐可以選擇，餐牌上寫禮拜一至五可有八折，六及日則收正價，但部長跟我們說現在就算係假期都可以有八折，而且茶芥小食加一全免。我們叫了：大蟹蟹宴 (8折後$260/位) :蟹粉小籠包 (每位兩隻) : 佢分左兩個籠上，確保小籠包係熱食，不過侍應少，客人多，侍應忘記了拎醋過來，叫了兩次才記得.. 小籠包的味道不錯，湯汁多，一咬落去，熱騰騰的蟹粉湯汁從包子進入我的口裡，味道佳！不過吃了一隻就好好好好漏了，都幾難食到第二隻魚翅佛跳牆 ( 位上) : 足料，有翅，花膠，冬菇，螺頭，雞腳...味道好鮮，飲完都冇口渴蟹粉蒜茸包 ( 每位兩件) : 脆脆的，配上蟹粉都幾好味，不過我始終不太好蒜茸包，所以吃了小半件就交給爸處理了，爸爸說就算是吃完蟹之後再吃也是很脆的，沒有軟掉江蘇大閘蟹 (每位兩隻) : 隻蟹一端上來，未打開佢，掂下佢隻手已經詹到蟹油，好肥美，打開佢之後，好多透明膏(這是我跟姐從小為透明膏起

十一人叫了二十多個點心+每人一個甜品:點心: 叉燒包, 菜肉包, 流沙包, 咸水角, 炸魷魚so, 蒸魷魚, 蒸牛肚, 蝦腸, 叉燒腸, 腐皮卷, 菜心…. 味道一般.甜品: 薑茶丸子, 丸子不是湯丸的丸子, 而是一粒粒的蕃薯和不用顏色的雜丸子, 而糖水好重薑味, 很spicy, 十分不好味. 環境: 迫+噪.

今日約左成大班同事去東海食午飯，本來對這間酒樓印象不錯，點心及炒飯都好好味，但食到最後有碟”賽螃蟹麵”，食左幾啖發現小強一大隻，攪到大班同事好唔開心，好後悔～～～

一家大細去做節，叫左一個$19xx套餐，其他唔講，個翅來後各人各有各食，當食到七七八八時，小朋友問媽媽翅內黑色一粒係乜?一睇發現係烏蠅狀小昆蟲，立即叫經理埋，經理立即話換過兜。之後再送第二兜來，分完之後各人都小心翼翼，不幸的事再次發生，小弟該碗竟然有一隻小強!於是再叫經理埋，今次我話唔要啦。轉頭經理話扣起個翅減$500，解釋話之前一晚廚房剎過蟲，可能走左落d翅度。 之前有人講過此酒樓服務奇差，本人覺得的確係好差，個廳又唔係大，得二十多，但d侍應都做到踢晒腳。

星期六晚一行十二人到這裡替爸爸慶祝生日，叫了一個加埋成三千五百元嘅套餐。果晚得幾枱客，我地個corner位有四張大枱，其中兩枱只是點小菜，另外我地同隔離果枱都係叫左同一個套餐。我地d餸菜同一時間出，到上鲍魚時（用刀叉），我見到一男一女總共兩個侍應竟然幫果枱分鲍魚，而我地果碟鲍魚佢地就咁放係我地張枱個轉盤上比我地自己搞掂。我地成晚都係自己搞掂，呢間話有幾咁出名嘅東海海鲜酒家根本就言過其實，以佢咁嘅價錢加埋咁嘅服務態度，我根本大把選擇。果個男侍應仲要係鞋口鞋面，一d笑容都冇，叫佢打包d餸菜，佢成袋肥瀮瀮嘅猪頭遞埋我個面度要我自己接，仲係用個好細個嘅膠袋載住。這是什麼服務態度?隔離果枱又係慶祝老人家生日，我地又係，大家都係比咁多錢，但我們得不到最基本的服務。後來我叫個男侍應幫我地分咗d鲍魚，佢仲好奇怪咁顿一顿。後來我忍不住問個女侍應點解佢地同隔離果枱分鲍魚，但唔同我地分，我問佢係唔係只係serve隔離果枱，佢即答我唔係，冇呀。後來仲見佢細細聲同個男侍應咬耳朵。我地以後都唔會再幫襯佢。

同友人噚日中午黎飲茶, 叫了4碟點心, XO醬腸粉, 燒賣, 菠菜鮫, 奶黃飽同埋小蘢飽.. 埋單$200, 都唔平..食物都ok, 只係效率相當低, 可能坐滿人的關係, 有些食物半小時仍未到, 問侍應時先知係漏單, 再落時就話賣晒, 不過都送糖水給我們..埋單就等左15分鐘, 連其他枱的客人都催埋單, 不過都好有禮貌咁講多謝, 可能真係太忙..