東海薈 · 拉斐特 (青衣城1)

營業中

休息中

年初二去飲茶，之前打去訂又話新春冇得訂，之後去等位，居然D票一張飛都冇郁，不過見有d人話booking就可以直入，仲要得訂左10位枱，但得2位就可以入。原因在於客booking客個個即時塞2封利是俾知客就0k，正一垃圾酒樓最後等左一個鐘，一張飛冇按個，仍然係D1飛，即時走人

The seat arrangement is poorly managed. It is not follow the order. You will experience other later comets get the seat earlier than you, so long waiting will be expected. The ticket for designated number of seat will not be the same as the number of people getting inside

第一次去酒樓食大閘蟹套餐竟然有意外驚喜。論服務已無可挑剔；講到食物更是無得頂，最欣賞用法包點蟹粉的食法，法包皮脆再加上味道濃郁的蟹粉，絕配哩！食大閘蟹當然唔少得蟹粉小籠包，味道不錯。主角大閘蟹更是爆膏，正。滿足又美味的一餐。

其實向來，不太喜歡做某種事件之中的主角，但是身不由己，順應民意，就去一下。之後來到青衣城這間酒樓，裝修之後，好像也沒有入過去，其實和以前很大出入，以前是比較傳統舊式那種酒樓，現在，東海之後，加了幾個字，什麼拉菲特，都不知道什麼意思🤔。除了其門面裝修之外，點心其實比外邊的可能好少少。茶葉也是一包包預先載起，再放入茶壺裏面。炸雲吞，溫度不算太熱，但是也未算冷掉了，還好。燒腩仔的味道不錯，的確是肥瘦相間，五層燒肉😍，頂頭的皮亦都夠脆。鮮竹卷普普通通，正正常常，內裏餡料不太多。奶皇包好像非常有趣，上面有個精緻的圖案，就像那個什麼臭屁孩，或是蛋黃哥一般。原來午餐也可以叫乳鴿，我吃了其中一件，其實味道不錯，肉汁亦算多，也不算太肥膩，味道鮮嫩，有點輕微酥香。酒樓價格常常弄錯，這是常見的事，因此，大家到外邊吃東西，緊記一定要看看單😏，否則可能被收多了錢也不知。本來訂十多個，結果只有10人去到，結果埋單時也是收十二人錢😒。

平時去酒家婚宴，都唔會有乜驚喜，不過今次自己本身都幾鐘意東海既牌頭，所以都有啲期望。場地其實同其他酒家分別都幾大，好開揚，又用白色為主，同出面既海景都幾襯，唔錯，夠舒適!龍蝦湯用料足，帶有少少酒香，好鮮味，碗碗都有龍蝦肉，掂!甜品方面都好精美，色彩夠繽紛，奶凍亦夠creamy，最緊要係唔太甜，good!櫻花蝦乾炒飯用料足，每粒飯都好爽身，唔會油膩膩釀海鮮蟹蓋又係摰愛，海斑、帶子、鮮蝦全部都係我最愛呀～風乾火腿沙律好清新，幫忙開咗個胃添甜品內既流心就係重點菇菇同芝士真係perfect match好誘人既煎帶子，牛油味好香濃喎

25-10-2017 (Wed)最後一日放假,呢日攰到近11:00am至起身,梳洗完後同老公o黎用埋最後一張$50.00劵,我o地12:08pm o黎到,又要等15張枱,等o左50分鐘即12:59pm至有枱,我o地o係等位時已經諗定食咩o野,所以好快落單,o野食都好快到o黎.1. $168.00午市優惠套餐中o既海蜇燻蹄海蜇份量少啲.先食海蜇, 調味係又甜又辣,海蜇只係有少少爽脆,內裡好腍.味道:1分而燻蹄就夠味,但唔會太鹹,爽口,有一半就只係肥肉,不過好爽同一啲都唔覺得油膩.味道:5分2. 套餐中o既瑞士汁雞球炒河好快到o黎冇鑊氣,應該係預先炒定晒, 雞球size不一,又大又細,肉嫩滑唔o鞋, 瑞士汁味道濃.味道:3分3.脆脆芝麻啤梨(大點,午市$28.00)造型極似啤梨,已經放涼o左,食吓先,味道麻麻,唔單止冇黑芝麻味,重要係唔知咩味, 黑芝麻味要自己”撩”起啲餡至食到佢o既味.味道:0.5分我一邊食呢3樣o野,一邊係咁飲茶,真係好口渴.服務:揭開個壺等加水,等o左好耐完全冇人理,要叫至加.叫埋單,又係o個個好似未瞓醒o既女人應完就算,冇叫人埋單;叫第二次佢就即刻call收銀埋.2

昨晚一家五口到此食反，前身我們經常食。估吾到改左名後，甘難食首先上左碟蝦片，吾錯喎，小孩鐘意，但之後果D就..叫左個豉油蝦(室温!你食過末？可能我見識少，今次第一次食室温既豉油蝦)但我吾會博，因我有兩個小朋友要食，有咩事睇醫生就大鍋，我叫人幫我熱反它，個侍應當住我面講:"我拿入去叮反熱它."如果你係我，你會比咩反應......叫左個津白，一個例湯，一個蒸扇貝，一個寿包(好大，同出面D酒樓有少少吾同，但ok)，一個白反(我D小朋友食白反溝湯)我叫左佢比左個反先，點知仲耐，個湯，菜同蝦都上左，但個反仲末到，我足足崔左5次，你可以同我講，反末煮熟，你食住其他嘢先，我Ok ga! 吾係個個同我講，追左，來緊......我成日講一分錢一分貨，對茶餐廳吾會有要求，但里餐反成3oo位，甘既食物水準相信我甘既傻仔吾會來第二次

17-10-2017 (Tue)同老公繼續放假,朝早食乜呢?趁平日同時間仍算早,於是又o黎呢o度用券,我o地去到o既時間,同上次7-10-2017(Sat)( https://www.openrice.com/zh/hongkong/review/%E4%BD%A0%E6%9C%89%E8%9F%91%E8%9E%82%E8%A8%88-%E6%88%91%E6%9C%89%E9%81%8E%E7%89%86%E6%A2%AF-e2886921)時差唔多,今次1-2人 o既No.就叫到54,我o地張飛o既No.就69,快好多噃,等o左15分鐘左右就到我o地喇,俾o左張貼玻璃牆o既四人枱,吸收o左上次o既經驗,我o地爭取時間叫o野食同務求o係11:30am埋單,我o地剔o左:1. 早市優惠,$20.00o既柴魚花生粥睇見柴魚唔多,粥底棉但唔多米,味道淸淡舒服.味道:4分3. 頂點o既晶瑩鮮蝦餃$28.00Size適中,內裡只有爽口蝦仁,味道對版,唔錯.味道:5分2.加$12.00o既香軟麻沙糍真係好軟熟,內裡充滿芝麻,味道唔太甜.味道:4分4. Encore中點o既開心果蛋撻$18.00

以前返學關係，經常都會在青衣食飯，這次回母校探望完老師，就與舊同學一齊在青衣商場食飯。就位於青衣城的拉斐特，不只是婚宴，還有不少巧手小菜於午市和晚上供應。薑汁芥蘭，剩餘芥蘭最嫩的部份，爽脆甘甜，以薑汁去炒是最好味的。燒腩仔，每次到酒樓也會點的，但不是每一間都燒得好食，這個還不錯，皮脆肉嫩，原味已經甘香，鮮蝦湯飯，這個是朋友點的，湯飯平時也喜歡食，湯底是最重要的，其次是蝦肉幾彈牙。荷葉雲耳蒸雞，雲耳有降低膽固醇功效，對健康有益，用雲耳蒸雞同時亦吸收了荷葉的香氣，雞件嫩滑，配白飯尤其配合。咖啡千層糕，晚上就不要飲咖啡啦，但吃一件咖啡做的甜品還可以，味道不會太甜，但充滿着濃郁的咖啡香味。幾款小菜都合適大家的口味，大家還開玩笑說我的婚宴不如就在這裏辦好啦，哈哈～

一個平凡的晚上 , 相約了一位舊朋友出來吃餐便飯 ~聚腳地點就在 青衣城 的 東海薈·拉斐特 ~Menu ~羅漢素鵝 $ 58 : 起初還以為這一道菜會是像坊間一般用油炸的素鵝 , 豈料是由鮮腐皮做的 , 實在是充滿驚喜 , 這度素鵝的內餡是什錦蔬菜絲 , 吃得出是用料新鮮 , 而且十分美味 ~菠蘿咕嚕肉 $ 88 : 這道菜端出來時十分夠鑊氣 , 咕嚕肉外脆肉嫩 , 吃起上來也爽口 , 甜酸度很平均 , 廚師的炒工實在到家 ~百味豆腐 $ 58 : 豆腐粒粒炸得金黃色 , 外皮甘香酥脆 , 吃起上來又帶點微辣 , 十分香口 ~四川蝦球 $ 168 : 這道菜端上來時 , 熱氣騰騰的 , 鑊氣十足 , 麻辣香氣四溢 , 且油量不多 , 證明廚師的功力到家 , 蝦球爆得爽口彈牙 , 既入味又有鮮味 , 其麻度和辣度皆十分平均 , 色香味俱全 , 是很有水準的一道菜 ~本篇完 ~

星期日無所事事。無獨有偶，同女朋友閒聊間講到興起大家都想食甜野，於是乎我地就約左出去青衣城。最後隨便入左呢間由東海 • 海都重新裝修過既東海薈 • 拉斐特。呢間店自從裝修後我地都冇再入過去用餐，一入到去掛住叫野食，忘記左影下周圍既環境＄３２，鮮果鮮忌廉班戟，鮮果揀左蜜桃，班戟皮加埋忌廉再加一塊蜜桃一齊放入口。FEEL到個班戟皮岩岩整出黎果種熱脆加上入口好FULL 既忌廉，最後加埋酸酸甜甜既蜜桃，食入口一啲都唔覺得"漏"。$32 蚊，質素絕對在大部分甜品店之上。＄４２，是日精選甜品：士多啤梨忌廉巻。忌廉巻皮是薄薄軟身有咬勁果種，用叉壓下去可以見到士多啤梨忌廉同埋吉士醬咇出來果種快感。吃入口軟軟綿綿的，同鮮果鮮忌廉班戟的口感完全相反。另外附送飲品一杯，點了熱英式紅茶(熱奶茶)。只能說筆者比較喜歡喝茶餐廳的奶茶結帳時，隔離枱點了一些熟食，看起來十分吸引，下次一定再來！！

每次經過呢間酒樓都見好多人等位。今日終於黎試下，不過等位等到天荒地老。。由早上10點等，足足等左1.5小時(P.S. 等3-5人枱)以為個場好爆，點知入到去其實好多吉枱，咁點解要人等咁耐？茶具方面: 茶壺外面勁多茶水漬，碗又洗得唔乾淨，飯都有粒，換左2次都係咁。。食物方面味道不錯，但份量少，價值貴。

今(7-10-2017 Sat)朝,老公決定o黎呢o度飲早茶,用買月餅送o既現金劵,但上次(https://www.openrice.com/zh/hongkong/review/%E8%A6%81%E6%B8%9B%E4%BD%8E%E7%B3%96%E4%BB%BD-e2883163)講過,每次只可用一張面值$50.00o既現金劵,我o地就扮唔識o黎攞飛等位,去到才10:15am,1-2位o既飛去到45號,但叫就只叫到20號,嘩!咪有排等?我o地等呀等, 等呀等,等到15分鐘後有起色喇,一直叫到43號,21-42號o既客人都放棄o左,我重以為有張4人枱俾客人搭枱.之後繼續等,終於o係10:53am叫我o既No.,而我老公o既仍未叫,我入去坐o係一張二人枱,咁重有一個位,但遲遲未叫我老公入o黎搭枱,咁我剔住o野食先,剔o左,飲住茶等老公.11:03am,見到老公入o黎,佢走o黎我張枱坐低,同時同侍應講,佢唔要佢o地安排o既枱,因咁o岩撞到我,叫佢o地分開單.老公就剔o野食,但又遲遲都未開位俾佢.剔好晒後冇耐,老公o個啲就到o黎.點解佢o個啲咁快到,我o既就未有?於是的問侍應,佢che

21-7-2017(Fri)晚同老公o黎呢o度試食時(o個個食評: https://www.openrice.com/zh/hongkong/review/%E4%BC%B0%E4%BD%A0%E5%94%94%E5%88%B0-e2830563),以$201.00買o左盒要$268.00 8個庄o既迷你奶皇月餅,第二日女友人WK約出o黎食晏後,我就再以$194.00買o左要$258.00 8個庄,4種口味o既迷你迎月禮盒 ,買o左兩盒同家人分,而買兩盒月餅就送4張coupons,睇真啲使用條款,每次只可用一張面值$50.00 o既coupon,原本想拉大隊o黎一次過用晒佢,一次過用晒,但咁樣就唔會囉,對顧客毫無誠意.到26-9-2017(Tue)我放工後o黎攞,紙盒係正方形,好少8個庄o既迷你月餅會係正方形盒,打開睇,8個月餅圍晒邊,中間就有個印住東海月餅o既盒,其實迷你月餅有幾大個同厚,大家都知,而呢個盒都造得幾高,成7厘米,比裝正常size月餅o既月餅盒更高,因係佢o地o係底用張咭紙墊高,可唔可以環保啲,唔好裝假狗?而因為我決定迷你奶皇月餅請公司同事食.第二日,我就拎迷你奶皇月餅

探訪家住青衣的長輩，為免他舟車勞頓；這裡似乎是雙方也感方便的聚會點。相信不少人也會在這裡舉辦婚宴或壽筵喜酌，地鐵直達；在打風落雨的日子扶老攜幼也能滴水不沾，闊落零柱位的廳堂視野無阻，正前方的這個小型舞台不就是教堂內的宣誓地嗎？這個「仲夏超值宴」套餐每位$268；連甜品在內共八道菜，已經有翅、有龍蝦、花菇鵝掌及乳鴿，也不用再多考慮了！東海兩小碟（青瓜海蜇、脆皮燒腩仔）～青瓜海蜇～可能是夏季的關係，近來在中菜館也經常吃到這味「頭盤」，這個調味帶點酸和微辣；更能引起食慾。脆皮燒腩仔~外皮酥脆，肥瘦相間、層次分明，但肉質卻稍為偏乾。濃湯菜膽燉翅~翅的分量也真不少，而菜膽也很淋甜；是屬於清淡形的翅湯，個人認為撒上少許鹽花更能將鮮味突顯。蒜蓉蒸波士頓龍蝦~雖說半隻，剝皮拆骨後起出的肉也不少，肉質結實彈牙，和著混了蒜蓉香蔥的醬油同吃；實在滋味！ 蠔皇花菇伴玉掌~厚厚的花菇炆得軟淋，入口仍帶嚼勁，鵝掌皮煙煙韌韌，也很不錯。紅燒乳鴿～我至愛之一，吃這個得趁熱起動！外皮香脆，只是肉質卻稍嫌不夠鬆化。上湯浸時蔬～之前的豐富多姿，來個青葱的上湯菜心就最好不過了。韭菜煎餃子～以餃子代替飯、麵，皮脆而肉汁也多，如