東海薈 · 拉斐特 (青衣城1)

營業中

休息中

如幾日朋友share左東海個大閘蟹個menu黎， 屋企人話想試下， 咁就出發去試食。我地叫左個4人餐， 先黎左2個小碟菜： 百味豆腐同乾煸四季豆再來燉雞湯 - 超級咸，要加水先飲到接住係蟹粉小籠包好好食，個湯汁好正輪到主角出場- 大閘蟹，一共有2隻，佢會睇你食到咁相下，先出第二隻。我地都覺得第2隻好食一點，原因是夠熱，第1隻係溫熱，感覺比較差。食完2隻，之後來的都沒位置食啦， 但呢個蟹粉蒜蓉包個蟹粉好味，撈左落個烏冬到一齊食，個味超正！ 之後仲有一兩碟菜，都冇食，直接叫佢打包，所以沒影！ 4人餐每人多4蚊，除非你好肚餓或者都預左打包,唔係我建議食返$368，多一粒小籠包，蒜蓉包個蟹粉又正。

往年十二月頭睇到openrice嘅好評初嚟試食,非常滿意所以今年比較留意,睇到第一篇有關食評之後便book檯再嚟過。不過今年稍有唔同,酒樓設有四人套餐包茶芥只收加一。最先上檯嘅炖湯好好味。依味菜膽就但略嫌花膠嘅質素麻麻脆豆腐水準一般炒角豆比較偏辣,但係味道唔錯蟹粉小籠包上檯熱烘烘主角係幫忙分好每人一碟,當見你食完之後便問准再上第二隻每隻約有五兩多重量,問過係全部採用蟹公嘅。全圍檯13人,問過大家平均嘅質素都唔錯大家舊年一致叫好嘅就係依個蒜蓉包,但感覺今年水準無往年咁好。上檯時凍咗啲,蟹味亦出唔到。一個四人餐有半隻雞人,13就有三碟。估不到有驚喜,皮非常脆而肉滑雞味濃,絕非冰鮮貨色結果打包咗兩盒帶走酸辣烏冬味道一般。反而最後嘅薑汁湯圓,薑味好濃好好味四人套餐$1488,OK喇

秋風起🍂即刻心癢癢口痕痕，諗起要食大閘蟹🦀見到東海有一個大閘蟹套餐，二人同行每人都係三百幾蚊，梗係唔會錯過啦餐廳安排非常之妥當，一坐低就已經準備好醋同磨好晒嘅薑，仲有大大隻碟印晒成個大閘蟹嘜頭上去，連特製嘅食蟹鉸剪都有配備，實屬體貼頭盤有蟹粉小籠包，真材實料，勁多蟹粉。接住泥就有煲雞螺頭湯，湯味濃，好好味，飲完成個人暖晒。跟住重頭戲泥勒每人兩隻大閘蟹！！本身嚟咗一碟兩隻，每人食完一隻之後，再泥多碟確保隻隻蟹一拎上手都係熱嘅！食得好high！個size都有一隻拳頭咁大，唔係話好多膏，但係食落真係好正跟住就有蟹粉蒜蓉包，蒜蓉法包外脆內軟，加埋好厚嘅蟹粉，食落去真係返尋味食到呢度，已經非常之飽，美食仲陸續有來。仲有健康嘅淮山浸時蔬，同煙韌嘅手打烏冬，兩碟味道都唔錯最後食咗咁多涼野，梗係要飲返個薑汁湯圓平衡下。薑汁非常之濃郁，熱辣辣🔥㷫烚烚🔥芝麻湯圓亦都好味😀最後埋單，兩個人加埋茶芥同服務費$900都唔使，就食到咁多野。過晒口癮食大閘蟹，非常滿意，值得推介！

今日又同貓生放假，喺青衣城睇戲，有d舖頭都冇開，又唔知食乜，就歎返個悠閑下午茶啦假日嘅下午茶滿曬座，好彩好多枱等十分鐘倒有位.假日茶位$13小點$22 中點$30 大點$34 頂點$40可能假日關係，都等咗二十分鐘左右先嚟第一碟點心沙嗲金錢肚-金錢肚夠淋，好入味晶瑩鮮蝦餃-正常，值得一讚蝦飯冇黑色腸甜酸炸雲吞-炸得啱啱好，好鬆脆香煎芋絲餅-雖然樣子麻麻，但幾好味，入面有d臘肉蝦米，煎得香香茜牛肉腸粉-腸粉太厚，中肉太少

今日父親大人擺大壽，搵左間靚靚酒樓，裝修白色為主，廁所都好乾淨。呢排有折都好抵，大家食之前要問清楚有冇優惠。乳豬好味，半肥瘦，唔錯，係皮唔算好脆。蜜豆冇筋，唔錯，蝦都好入味。黑醋骨超級推薦，半肥瘦好香好脆。龍蝦係食到lam Lam 脷，蝦肉好爽。魚麻麻，少少老。竹笙好襯個湯，但唔多覺有燕窩🤣鮑魚真係麻麻，好韌，菜ok唔會太老，冬菇正常脆皮雞好肥！同冇乜味道。我個人覺得炒飯還好，但家人話好難食，話佢甜椰椰🤣 但人地係鰻魚汁所以先甜姐，ok啦紅棗糕好煙韌，唔錯唔錯，都幾香唔會太甜。喳咋又係我覺得ok家人話唔好食😂 正常囉！大家可試下。

這兩個星期工作忙到暈！但長輩的生日飯不能不出席！星期四的晚上去了青衣城的東海薈，應該是東海集團吧！因為是工作天，大家翌日可能都要上班，親友之間客氣問候一番之後，很快就上菜了！個人對一般的集團壽宴套餐沒有太大期望！先來乳豬全體🐷，大家都忙著舉杯，忘記拍照，乳豬件不錯，不太肥！再來XO 醬蜜豆炒蝦仁🍤，蝦仁新鮮，口感爽，滿意！然後黑醋骨，味道很 balanced, 真心不錯！蒜蓉蒸龍蝦，及格，沒有什麼特別！蟹肉燕窩羹，這個比較行貨！再上清蒸龍躉🐟，這個是這晚最最最滿意的一到菜，龍躉非常新鮮、火候恰到好處，一點點超薄魚肉粘著魚骨、醬油不咸，帶出魚的鮮味, 太棒了！鮑魚花菇和脆皮雞🐔也不錯！福如東海炒飯不油膩, 已經很飽，吃了一小碗！甜品控等待的甜品來了！包括紅栆糕、馬來喳喳、和原個蛋黃壽包！酒樓一般的壽宴都是紅豆沙，所以這個馬來喳喳有驚喜, 而且甜度剛好，贊👍壽包一上桌，座上位位歡呼, 到吃的時候更個個大叫：好靚呀！好多油呀。。。哈哈😄很開心滿意的一頓壽宴，據主人家說完全不貴！

為咗慶祝爺爺生日，我地一家大細同親戚們預約咗係東海薈食飯。通常避免麻煩，我地都會叫套餐。首先上嘅菜係乳豬。乳豬頗脆，稍嫌脂肪有啲多同油膩。花枝炒蝦仁魷魚唔算太韌，蝦仁尚算彈牙。炸蟹鉗本身好期待呢款，因為我好鍾意食煎炸野。得食落就覺得佢得個樣，雖然酥脆，但唔香口。蟹肉都無juicy的感覺，同以往食到嘅炸蟹鉗差好遠。蟹肉翅呢款清清淡淡，唔太食到蟹肉嘅感覺，但都算尚可。蔥油蒸杉虎斑啲魚都算滑，略嫌鹹咗少少。蠔油鮑魚伴花菇鮑魚唔知係咪吸收咗過多蠔油味，食落竟然會有陣羊騷味，連我親戚都有同感。反而花菇味道係唔錯，夠大舊。炸子雞香口但有啲過鹹。長壽伊麵伊麵唔太入味，醬汁係足夠，但味道欠奉。壽桃包壽桃包除咗有大量蓮蓉，仲有完整鹹蛋黃係包嘅中間，一路食到近鹹蛋黃嘅位仲會有熱油湧出。呢個包的確好足料，賣相都幾好。但我個人覺得加鹹蛋黃實在太heavy，自己都係鍾意食只有蓮蓉嘅壽桃包。雪耳萬壽果個人覺得呢款糖水都幾清甜，可惜自己對雪耳同木瓜都無興趣，所以飲完糖水就將啲料比媽媽處理了haha。

我地好多時都會去青衣城食 lunch, 我們對中菜都係一般，都加少去。今日去東海薈飲茶，估唔到水準出乎意料之外首先燒腩仔，外皮十分鬆脆，裡邊可以明顯分出三層脂肪, 燒肉及脆脆外皮, 入口十分多肉汁。水晶蝦餃, 外皮晶瑩通透, 裡邊仲有些蔬菜，十分爽口｡ 蝦肉亦十分彈牙，爽口之餘,口感豐富｡煎羅白, 香口之餘, 材料亦十足｡最後點了乾炒牛河, 牛肉係泡過油的, 而且份量十足, 牛肉很厚身，河粉炒得乾身絕不油，無論外觀及味道都好夠水準｡

新年同家人吃好d，見東海薈個門面好靚下，有啲歐陸feel, 又新裝修，所以㨂呢間試下。入到去又感覺無面口咁grand。新年只好叫餐。上菜超快，一次上幾個餸，但如果餸熱d更好。不太覺有味精，味道不太濃，略嫌有點淡，但每碟份量都算大。套餐有乳豬，炸蝦，雞，炒飯，魚，黑松露蝦，瑤柱西蘭花，有跟糖水。個人覺得黑松露蝦最好吃，蝦很鮮和爽口，炒飯真是超大碟，食餐的朋友記住不要叫咁多白飯先！服務員很足夠，服務好。

臨近六點食飯時間，一家人仲系青衣城行緊街。各人錢包血已盡，個胃都空蕩蕩，心想不如系附近食個便飯。一行人經過東海薈，門面光猛企理，就決定呢間啦。場內客人不多，我地被安排系一張窗邊既大枱，窗外天色漸暗，對岸燈火闌珊，雖然對面海既墳場一片寂寞荒涼，不過亦頗為對映冬日氛圍。我地點左四餸一湯。菜量唔少而且用料新鮮。特別一提系豆豉蒸帶子豆腐，帶子新鮮大只，處理得宜雪藏味亦唔明顯。而另一道者者唐生菜煲都頗有驚喜，蝦醬帶出菜既鮮味，熱辣辣既煲仔正合冬天。 整體食物中上，服務談不上殷勤卻爽快，系一間唔錯既酒樓。

青衣城本來已經無乜酒樓，我地既選擇已經好少，而改裝前的東海還不錯，行中級路線，我同家人經常來，尤其到大閘蟹季節，更加係一定來，之後裝修後改名，地方細左，裝修變得西式化左，但座位更加迫，比街市大排擋更迫，基本上就係背貼背坐，但佢地既價錢一直都唔太平，但編排就比大排擋更差，而服務就更加差，差不多無服務可言，食物來到又無公筷，問職員攞，等到食完我地都未等到公筷，非常恐怖的事仲有，來到坐位，張椅有一大灘紅色液體係坐位上，完全無人理會，而未裝修前個洗手間還算乾淨，無臭味，但今日去洗手間，門口已經有臭味，非常失望今日我地食左煲仔飯，燒賣，腸粉，魚翅雲吞，叉燒酥，燒腩仔，食物整體都算可以，只係燒腩仔肉有小小紅，腸粉沒有彈性好粉，其他都算不太差食完今次應該都無下次了

由佢裝修咗改埋名之後， 今次係我第一次嚟呢度飲茶，入到去覺得冷氣唔係好夠， 坐的位置都幾舒服，但係感覺唔夠開揚。星期六11:30後就係正價茶。椒鹽九肚魚，覺得佢比較多粉漿，九肚魚的份量比較少， 冇乜椒鹽味， 要靠點喼汁先會覺得有味。叉燒包，三個裏面其中一個冇乜叉燒餡，只係有啲叉燒醬。 食佢要睇你夠唔夠好彩喇!鹹水角，炸得唔錯，餡料都幾足。鳳爪排骨煲仔飯，阿媽成日話點解人哋個煲係黑色，我哋嗰煲係呢種煲仔的煲呢? 由於係第一次係呢度食煲仔飯， 會唔會係冇曬黑色的煲呢?還是係根本煲仔飯就係用呢一隻煲?排骨鳳爪份量都幾多，味道較淡不過飯就比較爛，唔夠乾身，個煲的邊有少許的飯焦，但係就唔覺得有煲仔飯的飯香。香芒忌廉甜筒， 買相幾特別，不過個酥皮的味道有啲怪，入面的忌廉芒果士多啤梨都幾新鮮。不過順帶一提，杯碟茶壺有漬同埋油， 枱上冇擺放筷子的架，亦都冇牙籤供應。

年尾飲宴特別多,提起揀地方都會頭痕好彩有人提議話想食大閘蟹,咁就即管上Openrice睇睇有無可以唸唸嘅見到有一篇介始都幾中肯又吸引,所以既管試試訂位。可能年尾婚宴特別多,連續打咗幾次電話想訂北京道1號&K11嘅01/12&02/12都回覆話俾人包咗場;焗住轉戰青衣場依間試佢哋集團嘅蟹宴。個個都話target係食蟹,所以無叫一圍。叫咗12個散餐$398/1人再加小食(豬腳仔+鹵水拼盤)豬腳仔非常軟滑可口,醬汁調較啱味好快就被KO咗蟹粉小籠包每人兩隻,皮薄汁多主打嘅蟹分開兩輪上檯,每人一碟一隻。經理話全部會係蟹公,因為客人比較喜歡肢解後見到蟹膏唔少,好creamy螺頭老火湯好入味,用料足蒜蓉包算係驚喜,兩碟醬料非常搶手。同檯話基本上唔落醬料已經烘得好好味,加埋蟹醬更勝一籌之後有上湯准山浸時蔬清吓胃口。臘味糯米飯好好味,有人食到三四碗。有非常濃厚嘅膶腸味,炒得好乾身食到薑汁湯丸已經飽晒,但有飯友覺得咁細粒嘅湯丸若果俾六粒就更好嘞計劃緊再嚟食過

今日放假0黎青衣城嘅東海薈度嘆個早茶，晨早流流緊係開壺鐵觀音，叫返個鳳爪排骨飯食下先啦，。啲排骨畀好多， 我最鍾意嘅就係個飯嘅甜豉油!熱辣辣咁上個蒸飯， 仲要蒸到啱啱好，令我驚喜嘅， 係環境舒適咗同食物 比起以前嘅東海真係進步不少。

東海薈是青衣城有海景嘅酒樓，消費算大衆化，繁忙時間需要等位排長龍，今日11點左右竟然可以直接入座仲安排到近窗邊位置，但就比較曬，無所謂，同陽光玩下遊戲都唔錯吖睇住海景嘆番一盅兩件，都係香港人至愛，呢個芝麻煎堆仔，熱辣辣，入口酥軟香甜，芝麻香味四溢，餡料甜度適中，正愛吃蝦餃的我當然要試下佢地嘅出品，要知道酒樓點心掂唔掂，最好就叫蝦餃，皮要薄，海蝦要爽口彈牙，呢度都算満足到以上要求另外的類似炸兩的腸粉，裏面脆卜卜，食得好過癮其他點心全部都在水準之上，不錯不錯