東歐餐廳

作為香港唯一一家吃烏克蘭菜的餐廳, 它的菜式風格令我大開眼界, 沒有伏特加的午餐, 但有肉食者如我的至愛, 大量用不同做法煮成的肉, 吃起來相當飽足. 當中的Chicken Kiev最為經典, 它有就是將雞肉卷起, 中間放著香草牛油, 再將其炸起, 很典型的東歐風格, 直接而樸實無華, 外脆而薄, 雞肉嫩滑無渣, 雞肉鮮香配以香草牛油的甘香, 沒有太多修飾.以餐廳名作為菜式名字的烤豬肋骨, 就是在烤豬肋骨加上伏特加再燒起來, 除了充滿視覺效果外, 酒香配上烤肉醬的煙燻味相當濃烈, 切成細塊再去骨, 吃起來不會失儀態, 肉汁豐富, 如果肉質再嫩滑一點就更完美. 芝士盅牛脷粒反而相當嫩滑, 芝士醬香而順, 和牛脷酥香很合襯, 同埋樣帶酒香也許是東歐人的烹調風格吧!甜點的蜂蜜蛋糕相當傳統, 也就是Medivnyk, 是多層海綿蛋糕之間填入奶油餡, 上面加上蜜糖和果仁, 口感結實, 甜得有點膩, 果仁香令其味道帶點層次, 未必每個人都啱, 但其做法心思和複雜性值得欣賞.最後還是要說, 希望烏克蘭一切平安就好.Ivan the Kozak is the only restaurant that

東歐餐廳，唔係全港唯一既俄羅斯烏克蘭菜餐廳，不過絕對係香港少有，而兼且係好食的!!近來發現，原來晚市停堂食後，餐廳出左冷凍包。1. 俄國宮廷焙鹿肉($208)☆☆☆☆☆鹿肉個樣比較似牛，佢既肉質特點係比較瘦，結締軟組織同筋位比較少，所以唔可以談得上多汁鮮嫩，肉纖維比起其他肉類亦較為粗硬。東歐餐廳呢度既焙鹿肉，燉到d鹿肉好淋，唔會好硬，亦一d都唔腥燥。個紅汁既味道好特別，帶甜，有蘑菇，鹿肉燉得好入味，鹿肉每咬一啖都滲出甜甜既醬汁味，好味道之選!!2.俄國炆兔肉($208)☆☆☆☆"兔兔那麼可愛，怎麼可以吃兔兔!!!"對於唔識撒嬌既我黎講，sorry，我係會吃的。東歐餐廳既炆兔肉，用既係白汁炆，有好多細細粒既紅蘿蔔，第一眼睇落有d似KFC嗰隻白汁。味道其實都有d似，但帶有八角等等香料味，可惜咸左d。我呢包入面有2件兔仔腿，質感無我想像中咁綿軟，表面偏乾稍硬，仲有淡淡燒燻味。可能烏克蘭同香港既背景有相似既地方，呢間餐廳絕對係同聲同氣😉💛絕對值得支持!

.中環雲咸街呢間餐廳以「正宗東歐菜」為賣點，主要係烏克蘭菜，老闆娘係烏克蘭人。之前《喱騷》阿澤有介紹過，曾經日日full booking！但多_謝正苦嘅政策，小店最近生意少咗好多，加上附近好多公司都有wfh 政策，依家連lunch hour都坐唔滿🥲.餐廳環境舒適，行浪漫情調路線，非常適合情侶拍拖、慶祝紀念日，亦都適合三五知己閒聊聚舊❣️.餐廳午市有提供lunch set, 包咗沙律、湯、主菜同飲品；湯可以揀傳統烏克蘭羅宋湯或南瓜忌廉湯。我哋今次嗌咗兩個set 再加一件甜品share，埋單每人$200有找。咁嘅價錢食到正宗烏克蘭菜，個人覺得好ok👌🏻.😋焗蘋果鴨胸鴨胸煮得啱啱好，唔會嚡熠熠。特別欣賞佢個醬汁，係香甜帶點微酸嘅蘋果味，好開胃！裡面有一件件切好嘅蘋果同薯仔，味道出奇地夾！有煮開嘢食嘅朋友都知道，用生果煮食，如果煮過龍會令生果好酸，但呢度完全冇呢個問題，好出色🤩.😋奶油燉雞柳Chicken Stroganoff 係一道經典俄羅斯菜，醬汁香濃但偏鹹，雞肉都好入味，配上粒粒蘑菇同薯蓉，薯蓉亦好香牛油味.😋烏克蘭風味蜂蜜蛋糕係東歐嘅經典甜品，用上蜂蜜同俄羅斯酸忌廉做成，一層一層咁鋪上

同朋友喺新前年試新野順便食餐好嘅收爐Set lunch 有沙律，湯，主菜同飲品價錢由$128－$148 加一叫傳統羅宋湯，因為加咗紅菜頭，所以顏色係偏深紅色，而且比平時羅宋湯清甜招牌芝士焗牛脷，芝士味濃郁，牛脷厚切但好淋好好食，果然招牌菜，真好好食，不過芝士食到尾有少少膩另外叫咗羊仔扒，有2件羊扒，肉質淋易咬，少少羶味，薯蓉好食份量女仔食岩岩好，男仔可能爭少少會再黎食焗牛脷，真係好好味btw呢度啲職員個個都係俄羅斯妹（我估），藍綠色嘅眼睛，好靚

夜晚的東歐餐廳超多人🔥 即便只是平日，強烈建議來之前要訂好座位哦。餐廳不大的空間有種家的感覺，彷彿在等候辛勤工作後的客人們回家用膳🥰 享受幾道不奢華卻會很滿足的傳統菜餚，喝些酒🍻聊聊天南地北。食物方面，俄國宮廷鹿肉的份量可不小，肉很嫩很入味，袖珍豬肉餃子小小一顆🥟 整顆放入口，再呷啖酒🤤飲品方面，點了捷克啤酒、水果酒和茶😋 捷克啤酒的濃郁麥香一喝難忘，不覺苦澀，好喝到不得了！💕

12月嗰陣好朋友超有心知道我一直好想試呢間餐廳，所以就帶咗我嚟慶祝生日🥺 餐廳裝潢好有異國色彩，令我即刻諗起以前讀緊書間唔中飛去歐洲旅行嘅日子🥲✈️🔥🐷古法香燒豬肋骨 ($198)店員會先淋Vodka落啲豬肋骨上面，然後點火燒佢，過程非常震撼，滿足晒視覺享受🤩食落酒味幾濃帶少少苦，如果唔係好飲酒嘅朋友就未必咁啱啦～🐥馳名基輔炸雞扒 ($188)呢道菜有驚喜！雞扒炸到脹卜卜好得意，原來佢哋會先將雞扒整扁再卷成圓柱體，之後將香草牛油包放入去然後拎去炸。一切開啲牛油肉汁湧曬出嚟，雞肉好嫩滑，好正👍🏻🥣傳統烏克蘭羅宋湯 ($68)同我哋平日飲開嘅嘅羅宋湯好唔同，我會形容佢為蔬菜湯，好重紅菜頭味，將啲酸忌廉攪勻佢一齊飲會更好味🥕🧄🥔烏克蘭香煎薯餅 ($88)薯餅係一條條薯條絲組成，炸到超香脆，有少少油不過都可以接受，呢個都推介～🍯🍰烏克蘭風味蜂蜜蛋糕 ($88)好重蜜糖味嘅蛋糕，食落鬆軟都不錯！一路食真係好似去咗東歐旅行咁，因為大部分店員都係外籍人士，但同我哋一樣嘅就係佢哋都好愛香港呢個地方💛🇭🇰 有興趣試下異國風味嘅朋友記住要book位啦～

菜色都幾特別，有鹿肉、兔肉食， 但我只選鹿肉🦌。 提早一個月喺社交平台或打電話預約食晚餐。坐位之間好近，男仔就坐得有d辛苦。烏克蘭菜喺香港真係好少有。昏暗嘅環境，牆上掛基輔市風景畫，再有d異國風情嘅擺設。餐廳真係好靚，真係好似去東歐旅行。 但服務真係好一般。啱啱上菜冇耐，侍應同廚師前前後後係咁望我地枱食完未。 俾我嘅感覺係趕我走。🙂 跟住食晒d野，諗住叫甜品，點知d餐具所有野都俾人收走晒🙄🙄。  趕客趕客！ 唔評價佢服務，咁佢d食物點呢！ 我地叫左3款菜！ (5⭐⭐係最高，星星分數係比較同一間餐廳的不同食物） 正宗烏克蘭羅宋湯⭐⭐⭐主要以紅菜頭作主打，所以碗湯紅噹噹，加上湯面有酸忌廉，顯得湯色更紅。 飲落去清清甜甜。 招牌芝士焗牛脷盅⭐⭐⭐牛脷焗到好淋，入口即溶，值得讚。廚師會幫手切開酥皮。 酥皮同我想象唔同，佢係比較硬身。 俄國宮廷煙鹿肉⭐⭐⭐⭐鹿肉表面有番石榴。我估醬汁加咗紅酒、香料和番石榴汁燴製，酸酸甜甜哋。

前排朋友話想搵D特別既餐廳食晚餐，知道呢間係香港唯一既正宗烏克蘭、俄羅斯菜即刻book位試試啦🤭 一入到餐廳感覺真係似去左東歐，都可以緩解吓因疫情不能去旅行既心情。🟡 正宗烏克蘭羅宋湯 🟡這個羅宋湯用紅菜頭同雜菜煮成，咁紅既顏色係來自紅菜頭😮。味道方面有好濃既紅菜頭同雜菜味道，再加上有少少蕃茄味，整體黎講都幾好飲。🟣 芝士焗牛脷盅 🟣盅入面有煮到好腍好入味既牛脷，加埋大量芝士，再喺盅上面蓋一塊酥皮去焗，上菜時店員會將塊酥皮拎起剪開放係另一隻碟上面。芝士唔係拉絲果種，但都好濃郁，用黎點酥皮食唔錯🤗。牛脷就入口腍到就黎化開咁，不過因為芝士、酥皮同牛脷都較多油，食到最後會有D漏既感覺。🔵 基輔炸雞扒 🔵呢個睇外表完全諗唔到係一塊雞扒，原來雞扒中間卷住牛油再拎去炸成一個波咁，切開D牛油流曬出來😸。雞扒炸到外脆內軟真係一流。呢餐之中我覺得呢款係最好食😋。⚪️ 酥皮燴牛仔肉 ⚪️食落同芝士焗牛脷盅感覺有D似，不過無咁多芝士，比較淡口，同樣有酥皮同D牛仔肉都係入口好腍。配菜有甘筍、薯仔味道不錯😆。喜歡試新菜式的朋友可以一試呀🥰🥰

東歐餐廳招牌芝士焗牛脷盅焗蘋果鴨胸烏克蘭風味蜂蜜蛋糕價錢💲: $98/ $238/ $88好味程度😋: 4.5/5服務🍴: 4.5/5 (老闆娘好親切)環境🗾: 4/5性價比🥢: 4/5回頭率😚: 4.5/5-呢間💛餐廳一路都好想試，咁啱朋友生日，就book左呢到。入到去覺得好溫馨🥳 雖然環境唔大，但佢好有入左去北歐小屋的感覺，而出面係冰天雪地咁，暖笠笠好warm! 周圍好多異國風情的擺設，成個氣氛好好👍🏻-✅✅招牌芝士焗牛脷盅。盅上面蓋住一塊比較硬脆的酥皮，店員上枱個陣會協助剪開4份，要來沾入面的芝士來食。酥皮唔係酥皮湯個種，但似好香牛油味的餅乾多D🤪 牛脷一口size，肉質好腍，輕輕一咬已經化開晒，仲索滿左芝士汁❤️ 芝士偏鹹，但味道夠濃，如果小啲油會冇咁漏😶 不過呢個我都會再encore!-✅焗蘋果鴨胸。選擇左一個比較少人食的菜式，一樣驚喜🤤 蘋果烤過令香氣更出。鴨胸一塊塊排成一條，肉嫩味濃，隱約見到入面的粉嫩色，唔係cheapcheap鴨胸🥰 淋上大量雜莓醬，加埋🍎一齊食完全冇晒油膩感，亦都癖除晒鴨臊味👍🏻 擺碟都靚靚的！-✅✅烏克蘭風味蜂蜜蛋糕。係我第一次食honey cake

餐廳地點唔難搵，上到去好似真係去左歐洲咁，裝修好別緻，搵位帶位嘅都係東歐人。餐牌上嘅食物睇落去好似冇乜特別，叫左炸雞扒，紅菜頭羅宋湯，牛肉湯，酥皮牛脷，牛肉羊肉炒飯，有埋豬肉餃子。上菜好快，樓面都好有禮貌。一開始黎炸雞排已經好驚喜，切開入面係好似面免治雞扒咁，整到一層層中間夾住流心芝士，炸得熱辣辣，食落有好有層次。紅菜頭做嘅羅宋湯都好特別，無傳統羅宋湯咁算酸。而牛肉湯，豬肉餃子，同埋炒飯就一般。最值得推介係酥皮牛脷! 樓面會剪開酥皮到一塊塊嘅麵包底，再加上傳統東歐醬汁搭配牛脷，燉得好林，好味!!😋😋

聖誕完左又新年🎉😁日日食食食都無停過🤣嚟到2021年既最後一日想食得特別啲🌝所以揀咗左位於中環充滿異國風情的東歐餐廳💛為2021年畫上完美嘅句號🥳因為一早都聽聞呢到一位難求，所以我哋預早一個月已經訂左檯🤓當晚一入到餐廳就有一位講流利廣東話嘅烏克蘭美女帶我哋入座👱🏻‍♀️成間餐飯充滿住東歐風情🪆柔和的燈光加埋唔知唱緊咩既烏克蘭音樂🎶同埋烏克蘭美女店員👱🏻‍♀️瞬間好似置身係歐洲嘅小酒館裏面，感覺好溫馨🥰因為今晚係誇年夜🎊所以我地好放縱地食🤣傳統烏克蘭羅宋湯🍲 $68一開始見到個樣好紅，以為入口會好重蕃茄味🌝點知反而係好濃既紅菜頭同埋雜菜味道😀比平時飲開嘅羅宋湯清爽，喜歡紅菜頭既朋友一定會喜歡😋烏克蘭三文魚湯🐟 $68湯十分足料👍🏻內有大量蔬菜同三文魚肉，鮮味十足🤤三文魚肉冷盤🐟 $98我相信烏克蘭人應該係好喜歡食三文魚的🤓因為餐廳入面有好多三文魚嘅菜式這款前菜是toast配合煙三文魚同cheese butter一起吃的😊Cheese butter配合煙三文魚更能帶出魚油的香味，多士又中和煙三文魚的咸味，食起來味道配合得剛剛好👍🏻Mushroom in sour cream 🍄 $98蘑菇入口

成個12月工作都真係停不了🥲黎到最後一個星期 終於可以食餐好😍好好慰勞一下自己🥰專登揀中環嘅餐廳 因為可以飯前飯後飲返杯😂Draft Land就正正喺東歐餐廳隔離🍸餐廳環境有種好warm嘅感覺 即使當晚出面得9度🥶 牆上裝飾好有東歐Feel 店員個個靚女😍▫️傳統烏克蘭羅宋湯 ($68)朋友本身不太鍾意羅宋湯 對蕃茄味麻麻呢個羅宋湯用左紅菜頭 飲落好清甜面頭有Sour Cream 發覺佢地好鍾意落▫️招牌芝士焗牛脷盅 ($98)以酥皮蓋左牛脷盅 上碟後細心店員會幫你剪開酥皮 點芝士汁好好味個牛脷超腍 好夠味🥰 仲要係厚切除左牛脷仲有蘑菇👍▫️古法香燒豬肋骨 ($198)上菜時忍唔住拍片啦🤪 店員會落酒點火🔥 記得準備定啦😂豬肋骨酒味較重 軟骨位好juicy但有幾舊燒得太乾 肉質有啲硬▫️傳統芝士餃子🥟 ($88)餃子大大隻 入面個餡食到似Feta Cheese餃皮較厚 同一般食到嘅風格好唔同 值得一試

同朋友去開港島區，隨意搵嘢食食晏，碰碰運氣，walk in竟然有位！環境好有氣氛，好似去咗外國咁！有一排燈箱show烏克蘭景，以為都係啲老套裝飾，熱情嘅老闆幫我哋影相，佢就介紹影埋個排燈箱就好似置身烏克蘭嘅餐廳，有排窗望出去個景咁，睇返相又真係幾似叫咗個set lunch牛脷 勁腍 好正！不過個menu係無寫配米飯 可能係我哋唔識睇掛跟餐配咗杯rose flower tea好香！嘢食好味，老闆又熱情，環境又正下次要再約朋友二擦先得

Kvass（$68），立陶苑進口無酒精啤酒，即係鬼佬涼茶，一飲即刻勾起係捷克飲過嘅回憶。Nalivka（$68），係由生果、草藥、香料、酒溝出嚟，飲落口勁似有果味嘅利賓納。正宗烏克蘭羅宋湯（$68），湯底好清，大量蔬菜，有茄味但唔係茄膏味，入面嘅薯仔、西芹都煮到紅哂，好飲。招牌芝士牛脷盅（$98），超正，大推，一定要試。小弟由細到大都鐘意食焗牛脷飯，呢度個牛脷盅簡直係無懈可擊。芝士香濃有拉絲，牛脷煮得啱啱好，淋得嚟又有口感，面層嘅酥皮並不是脆脆的那款，而比較近似餅皮，但仍好香嘅牛油味，服務員會幫手剪開方便食用，用嚟點芝士醬一流。酥皮燴牛仔肉（$188），服務員同樣會幫手剪開酥皮，牛仔肉炆得好淋，而且好重香料味。配料有蘑菇、薯仔。俄國宮廷焙鹿肉（$228），其實即是紅酒煮鹿肉，而鹿肉因為接近零脂肪，好似食緊瘦牛腩咁。味道中規中矩，不是太特別。配料同樣係蘑菇、薯仔。

之前一直都好難book，今次提早兩個星期終於預約成功，可以一嘗東歐菜嘅滋味。同朋友都係第一次食東歐菜，聽講過呢間餐廳好好食，有好多報道介紹過，所以十分期待。三個人叫咗五個菜同一個甜品，每樣份量唔算好多，share食剛剛好。先叫咗個烏克蘭羅宋湯，好足料好多雜菜，同平時飲嘅羅宋湯最大分別，係佢真材實料，冇用茄膏吊味，完完全全飲到蕃茄嘅濃郁味道。牛脷盅係最好食，必試必點！好淋好入味，一口感有點似牛腩。豬肉餃子反而無太大驚喜，個人覺得可以skip。基輔雞扒一切開中間嘅牛油就流晒出嚟，炸得好香口加埋佢嘅汁好好食，配菜嘅炸薯片都係好有驚喜！烏克蘭薯餅外層超香脆，中間食到粒粒薯仔口感，口感幾特別。蜂巢蛋糕係超超超超超好食，唔太甜，仲食得落嘅話一定要叫！