東歐餐廳 (已搬遷) 新店位置

昨晚八時去大會堂睇騷，之前同姐姐及女友來此吃晚飯。我地三人都未來過，都係睇呢個網話幾好先來，而且想著未試過俄羅斯菜，一於來試試。六時已經來到，由於「筆直」及胃口都有限，我地三人都係吃set dinner。98蚊有一湯一主菜及一杯野飲。姐姐要了豬肉餛飩、我要左焗牛脷飯，女友要了酥皮焗羅宋湯味道姐姐和女友都認為比較酸。姐姐的豬肉餛飩加了酸奶油，都幾好，不過好似同中式分別不大。我的焗牛脷有芝士，幾香之餘都幾漏。女友的菜色我沒有試。老闆Ivan見我們是第一次來，而且當時餐廳實在太早沒有什麼客人，因此免費請了我們入冰室，每人飲半shot伏特加。第一次入冰室，都幾有趣。不過當時餐廳開左無耐，昨天天氣又好熱，因此冷氣仲未夠凍。佢的伏特加都幾好飲，不過如果要正價$45一shot我就唔會要了。買一支伏特加$175，夠飲8 shot仲抵。總括來說是一次不錯的體驗，尤其是對我們這些從來未吃過俄羅斯菜的人來說。去完之後，真的有點興趣在比較涼的時候去俄羅斯，試一試在天寒地凍的天氣下飲伏特加的滋味。http://www.ivanthekozak.com/Home_Page.html

x-4-2006 xxxx小弟是第一次食東歐菜，只知道其中一個特性係非中國式的濃味，除了餐牌上加入英文及中文外，我好欣賞佢地堅持忠於自己的味道及服務，不加任何中港元素，這就是本來的特質，在「本地化」的生活裡，幸好有「國際化」的時刻(不是崇洋或盲目追求潮流)。硬要迎合地道文化，不如唔好食吧！是日得到爐兄悉心安排，預先訂了隻乳豬，乜烏克蘭或俄羅斯菜都有乳豬食咩？睇下同我地平時食開既有乜唔同。我們人齊後，就叫了侍應起得隻乳豬。這道菜名為火熖燒乳豬(全隻) (Ogneniy Porosendk - Ukrainian style roasted flaming piglet in vodka sauce, whole piglet)，除了乳豬外，裡面還釀著有紅蘿蔔粒的糯米飯，然後燒及焗，上檯時還有伏特加酒一齊，點火再燒一燒，皮上及碟側面有少少忌廉汁及黃椒生菜等等作裝飾。這種食法與八寶鴨或糯米雞有點相似，但味道就更加濃及稍為油膩，份量一點也不少。個人意見，起碼有10人兼事前節食先至好叫，我地8人位位食到「滴灑汗」，幸好有其他食友的幫忙及從旁吹谷，先至完成歷史任務，這個時候我已接近7成飽。跟住上的

同一班同事共四個人來吃lunch buffet,d沙律都幾好食.特別係主菜個魚好特別,好creamy, 睇落唔似魚, 但食落又係魚肉po.相信是幾正宗的俄國食物.個老闆係香港人.都幾好傾, 仲教我地店名中Kozak呢個字點解. 各位想知的話自己去問啦.

其實我有一年多冇去Ivan the Kozak。之前都可以話係常客。原因好簡單：同大家一樣，覺得d 野好食，可惜d服務態度就好離譜! 簡直好似時光倒流20 年國內的服務態度咁。大佬啊，我來食餐飯，開開心心，你地塊面洗唔洗咁黑呀。如果你話呢個係烏克蘭waiter 的特色，個個都好似送殯咁款，我就真係無言。(但係妮度係香港喎) 。我對上一次吃了紅菜頭魚批，幾好。豬扒亦不錯。個湯都ok (當時重有sour cream) 焗牛利都好正。一直吃都朱古力蛋糕都ok，但係一叫俄羅斯茶就出事–我地2個人，因為吃得好飽，so 只叫了一杯。之後想share，問佢要多個杯，但係個waitress 就黑起塊面話no，it’s for one person only. 喂，我幫趁你幾百蚊，又開wine 又飲vodka，你洗唔洗咁孤寒呀! 我又唔係要你番渣，加水! 呢個就係導火線。從始之後我就冇去過。重有，d 野雖然ok，但冇以前咁好味。以前俄羅斯茶用一個好大好靚的茶壺，而家就用白色的茶樓茶壺…唉…我好鐘意出外吃飯，每逢有餐廳做得不好，我都覺得非常可惜。真希望個香港老板可以檢討一下。

呢日行開中環附近，見到呢間野都幾特別又唔貴咪食囉。我地叫左三個餐，都係98蚊，有個羅宋湯，ｄ味好濃，唔似茶餐廳個ｄ咁難飲，又足料，仲有個浸水麵包送，呢個就真係有ｄ怪異。另外個湯就酸得滯囉，都係羅宋好味ｄ。主菜方面我地叫左個烏克蘭餃子，好似粉果咁，有pat sour cream係上面，幾特別，但係裡面ｄ料就少左ｄ。個芝士魚幾好味，原本以為隔離個ｄ係飯，原來係薯蓉。個酥皮豬肉呢，就同出面的炆豬肉差不多，但個侍應一開始就打開左塊酥皮，好似唔食得咁，所以冇食。呢度環境真係超靜，可能係個位唔好啦，所以冇乜客，但如果想靜靜hea的話，都係唔錯的選擇。

浮花過後,與友人到此晚飯,繼續討論電影看後感.在閣麟街下的Ivan,不經不覺都幾年了.年前去過,價錢都唔平,今日的Dinner set,已經賣到$98一客.多年來,烏克蘭菜也是只此一家.九點幾過後,只得一檯客人,友人話烏克蘭菜根本無可能賣得貴.)說得正是,除非你係來吃魚子醬.一貫俄國菜館的又紅又暗的氣氛,在這鐵幕下,兩杯Vodka到肚,爆出戈利巴喬夫滾蛋之說話,隨時比秘密警察捉.今時今日,當能吃得開懷.$98一個set,有湯有主菜有飲品.烏克蘭羅宋湯,正常的"正宗"羅宋湯,面頭應該有酸忌廉,以前來吃過的,也是如此,今次只是一舊已沉底的牛油.不過湯本身很鮮甜,大量紅菜頭,食菜咁食.主菜烏克蘭芝士磨菇焗魚,英文名叫白魚,照嫩滑的肉質,味道去估,應該係Haddock.魚肉很鮮,沒有雪味,芝士亦不過濃烈,沒有搶去魚肉的味道.俄國餃子,一向皮厚肉多.此味亦不例外,一碟十幾粒,點上酸忌廉吃,一口一粒,不知不覺清碟,嫌其無甚肉汁.這次"Volver",吃得也滿意,畢竟$100一個頭的晚餐,在此區是無敵的.好過去一些不知名,收你三百銀set dinner的西餐廳.此店有如一個三十有多的前鋒,身價日漸下

老父老母遠征中環，由我安排午飯，思想正徘徊於東歐與Habibi之間，母親大人一句：「俄羅斯啦！」搞定。不過呢度咁多喊面，難免有點心驚肉跳。回心一想，價錢又不貴，好吃就吃多點，不對胃口就吃一點。釋懷。十二點半。只一桌客人。女服務生雖惜言如金，但見我母親汗如雨下，竟立即向她遞上紙餐巾，都幾體貼。天氣太熱，吃沙律喝湯剛好，主菜則可有可無。正猶豫，女服務生主動說主菜可以後加。開動。湯有四種，沙律十來碟（因為認不準，故不贅），麵包兩款，甜點兩款。沙律味道雖非特別出眾，但材料都算新鮮又唔差──地道不地道我是分不出來的，但跟別處的有點不同就是了。老媽最愛魚湯，但我覺得辣肉湯對口味，老爸則覺得四款湯各有各好。兩款麵包都試了，口感偏硬（材料及製法關係？），都幾喜歡。甜點一為蛋糕（少甜），另一為crepe（猜的），都ｏｋ啦，（別理我，我嗜甜，想吃甜一點的）。咖啡就一般。款款試勻，都已經飽，還好沒有點主菜。食到中途，女服務生都不忘問多一次要不要點主菜，食到尾又提我們有咖啡茶可隨時叫佢奉上。雖然沒有主動添水，但一問就有，都唔覺得服務差。$59另加一。裝修有特色（就如電視所播），客人不多靜靜地可傾偈任坐（到三點

又平又特別0既野，我梗係要番頭試(知自己應該在中環時間無多，wuwuwuwu……)。今次試左個豬手，因為煮得唔係好熟既關係，唔係太好食，D 肥膏特多，又有太raw的感覺，最後無食晒碟野。其實，真係唔洗叫個飯餐，齋食個沙律都夠飽，個沙律又多選擇，好多款排晒係道任你揀。同寬別朋友去最好，因為通常都好靜，可以傾計，坐耐耐唔走有得(唯一怕要趕住番公司)。裝修特靚，無話題時又好以講下d裝修。Ps: 我最喜歡佢地d刀叉匙庚，隻隻都有花係上面。好靚，唔知道邊道有得賣呢。知道請話比我聽，係我個openrice 個message board留言。Thanks。

餐廳佈置好有特色,不過地方都幾細,野食同份量唔成比例,女士黎食都夠,男士可能會唔夠飽,anyway,黎得呢d特色餐廳食都係食氣氛,試下,下次應該都唔會再黎,不過值得一提係呢度有兔肉食,個人唔係太接受到....

食物: 唔好食，來來去去都係肉同埋包, 夠哂俄羅斯feel, 一未包肚而無特色。服務態度: 又懶又唔想做, 班唱歌的無感情好似播帶, 鬼佬ｍａｎａｇｅｒ串，明明係佢無講要收ｍｉｎｉｍｕｍ　ｃｈａｒｇｅ，係都要屈我地話無聽到；中國人ｍａｎａｇｅｒ，想同佢傾點解決問題但就一直回避，直到收錢先出現，仲教訓我地話西方人食野係咁喎！可能佢地唔記得我地係客人，同埋唔記得華仔係電視上講過的野啦！

昨晚和幾位多年未見的舊同事相約吃飯聚舊,在蘇豪周圍行了好幾間餐廳,行到這間,在門外看了MENU,(還有幾位俄羅斯籍厨師的照片),後來祇因寫在門外的一句"你嘗過正宗的烏克蘭俄羅斯菜嗎?"我們自問都未試過,於是把心一橫,把當晚的開心聚會作睹注,一齊來個全新的體驗...進去後感覺佈置很有家的感覺,十分温暖,叫了些食物,例如頭盤,湯和主菜,十分合胃口,叫了幾種水果啤酒,意外地好飲...歌手的歌十分悅耳,以為是播CD...總的來說是不錯.

一個不知所謂既老闆!!自己沒說清楚Minimum charge, 還硬說我們"屈"佢!難道我們中國人就一定是無賴! 難道我們中國人就一定聽不清英文?有這樣差勁老闆的, 還值得去嗎?

本人是日(平安夜)也是座上客,與两位來自澳洲的朋友一同來歡度佳節,氣氛不錯,現場有俄羅斯男女歌手表演,(可惜聽不懂他們唱什麼,不過就很有東歐味)此夜設有最低消費(每人$290).我們每人各自叫了一個頭盤,一個湯,一個主菜和飲品,十分之飽也末够最低消費,卒之買了支俄羅斯vodka返去嘆,(待應話一年祗有幾晚係有最低消費啫)紅菜頭ＸＸ沙律(記唔住全名)好食羅宋湯唔錯(錯就錯在唔辣,但正宗,冇得講)果個魚湯冶味啲燒猪柳同銀雪鱼都似樣,鹿肉呢就見人見智(成排假牙就免試啦,不然都幾係嘢)

朋友訂檯時那外語人沒有提及有最低消費，當食物上了檯時他才走來說！如果他的態度可以好一點，或介紹一些菜式給我們，我們都可以欣然接受，因為只不過是三百多元，不過他給我們一個很ｒｕｄｅ的印象！太差了！既然他態度差，我們打算找別個來談，就那裡的老闆吧！可惜的是經過傳話後，此人一直沒有走過來我們這邊，我想他是想逃避吧！結果，我們這班性格不夠強的人就屈服，點呀點，盡量點多幾款ｄｉｓｈｅｓ．．．．想問的是，這件事件上是否一定是中國人聽不清英語而弄錯？還是有人將責任往我們這邊推？所有菜式都變得無味！最後離最低消費差少少，但我們堅持不再ｏｒｄｅｒ，因為受傷的心情已經超額！臨走那老闆終於走過來，還解釋了一個課題-"為什麼要有Minimum Charge" 及一個令我感到很憤怒的理論-《海皇粥店理論》, 夠喇夠喇！我們雖然生得細粒，但我們不是學生，少來這一套！這間鋪的人真的不可理喻！！好像他們一定不會有錯，錯的只會是其他人一像！！以後不會再來！

與女友在此慶祝生日一踏進門口已甚有東歐氣色星期日至四的set dinner頗抵吃, $98點了一個酥皮什麼豬柳, 賣相得意而細碟, 但原來吃完都很飽, 當中的薯仔和酥皮不錯, 反而豬柳則較普通另外點了火雞什麼意粉, 名字忘記了, 只記得火雞太鞋, 炸蘋果的味道亦很怪, 這碟菜我倆吃了六成便放棄了跟餐\的飲品太甜, 像菓汁棒未雪時的味道而烏克蘭羅宋湯的味道則很不錯女友的三文魚湯我則認為太酸了特別為女友order朱古力咖啡糕作為生日蛋糕叫一份已足夠兩人分享插上蠟燭, 播起生日歌, 氣氛很好不過, 記得要早過隔離桌子的人order, 否則會失去那種驚喜感