東方小祇園齋菜

營業中

休息中

呢間東方小祇園 我堂食就未試過 亦唔打算試 事關聽朋友講得多呢間嘢服務態度麻麻 食物又難食之類 今日買個外賣係因為有個朋友入咗廠 冇啖好食 就買個齋滷味！但企喺收銀機附近對住個齋滷味柜嘅阿姐剪緊剪緊（齋滷味）我叫住佢剪多兩下再細粒啲 個阿姐真係做多小小都唔願意 🙄攞嚟我面前冚蓋時佢話：「冇得再剪細」我心諗 我睇住佢剪緊時已經提佢 佢當聽唔到 攞嚟我面前冚蓋就話冇得再剪細！都唔知咩道理我就費事採佢 我連唔該都冇同佢講 接過外賣我行人我雖然冇喺度堂食過 但買個外賣兩樣嘢接近80蚊 我諗有得揀 我唔會堂食幫襯

作為一個未能食素的人，很多時都不會主動去齋舖食飯，但剛好今天傍晚在灣仔經過東方小祇園門口，想到很久也沒有吃齋菜了，便進去吃個晚飯。見店舖內人頭湧湧，原來今天是初一！因自己很怕吃到扮肉類的齋菜，所以只點選了幾個簡單的餸菜。環境：店內裝修簡單，座位不算闊落，清潔環境尚可菜品：齋菜款式簡簡單單不花巧，味道頗好。但糕點不單止質感不好，而且味道也不佳服務：不知是否因為初一人多，服務員大多比較繁忙，所以服務不算殷勤但也算快手

位於灣仔傳統素食店，星期六中午時段唔算多人，不用等位已可入坐，店舖古色古香，保留傳統中式裝潢。餐廳內環境淨潔，餐枱上餐紙有簡介店舖的歷史及讀音。素春卷香口爽脆，內裹有白蘿蔔的清甜，亦有唔同素材配搭，香脆可口，好味非常菠蘿咕嚕肉~菠蘿新鮮酸甜適中，素咕嚕肉有彈性煙韌，醬汁比較杰，甜甜地幾好食酸甜齋+齋义燒時有外賣，甜酸剛好，開胃可口。齋义燒煙韌可口，一口接一口雞絲粉皮~用上咸咸地的腐乳醬，咸咸辣辣，我個人麻麻地喜歡，但同行者覺得好味。我個人比較喜歡用上麻醬的口味。小店有提供中國茶，我們選了“香片”，茶香清甜唔澀口，店員落單上菜加水也有禮貌及勤快，覺得不錯。小店的餸菜比較大碟，多人去品嚐可試多幾款，當天只2人同行，未能試到其它菜式，下次可再惠顧。

今晚11號約7:35pm ,由於太肚餓只買咗一份$13齋食，食完後問職員有冇垃圾桶掉咗裝齋膠袋，因為街頭附近垃圾桶遠且趕車又拎著大袋野，無奈才問近收銀處職員與站在門口的大叔，居然態度愛理不理且惡劣，請問難道一間咁大咁老字號的店舖連一個垃圾桶都冇嗎？講唔過去的，所以以後不會買和進堂食，怪不得我客人都講那里服務差，今天真係見識了

2年多後趁初一再光顧，懷念羅漢齋，但今日一試不會再來。店內環境衛生大不如前，重点見圖，廁所門大開又唔蓋好，陣陣嗅味傳出大堂嚴重影響食慾亦不合衛生，員工態度亦趕客，食物質素好一般，不會再光顧，失望。

朋友最近轉食齋，我哋就諗到灣仔呢間老字號《東方小祗園》，好食又抵食！最出名就係香酥荔卷，酥皮香脆，包住滑綿芋頭！必食！齋鹵味鮮味又彈牙！羅漢齋炒麵炸到脆卜卜！仲有好特別嘅法輪卷，裏面有髮菜同埋金菇，清甜爽口！份量亦好足夠，而且好新鮮份量亦好足夠，而且好新鮮！最後來多幾個潤肺糖水，大家share分大家share分，超級大滿足！- 香酥荔卷- 佛門齋鹵味- 桂花炒素魚翅- 翡翠法輪卷- 羅漢齋炒麵- 生磨合桃露- 玫瑰馬蹄露- 薑母芝麻湯圓- 雪耳糖水

經過見到門口啲小食好似幾好食就買咗少少黎試，買咗鹹水角同芋角，食嗰陣有一陣化學野味，連聞到都好攻鼻，好似梘味定唔知梳打粉味，食落喉嚨勁那，吾知咩原因，之後嗰一日就即刻喉嚨痛，連飲暖水都好痛，好那。。。。我上網查見到應該係臭粉，懷疑係落得太多導致食落去係咁樣，有啲失望！希望店員好好控制份量，改善下。。。。另外鹹水角個皮好厚粉，冇乜餡料喺入面同食緊舊粉冇分別。。。唔會再有下一次，希望大家吾好中伏。。。

前兩天午飯時間，不想吃飯麵，想吃小食，便到公司附近的東方小祇園買小吃。蘿蔔糕、腐皮卷和豉味齋都不錯。我也是第一次見齋是有豉味。芋角，看來賣相不錯，但可惜入口細嚼就有種亞摩尼亞味，希望店家找出原因，以免食壞人。

今次介紹小編一年可能食1-2次菜式～食齋😂不過久唔久一餐都覺得唔錯～依間重新裝修過又睇下佢野食有冇變化😃帶埋大家一齊睇👀竹笙素生翅味道幾好·食落好似碗仔翅口感·用料唔輕手·分左幾碗都係每碗夠料食👍佛門齋鹵味酸齋～咖哩齋～叉燒～素鵝～素雞·色素唔會好勁·雖然唔會好油膩但味道差左d羅漢齋炒麵豆腐～紅蘿蔔～雲耳～粟米仔～白菜～冬菇等等材料好多·醬汁夠味唔算好濃·麵餅有小小脆口感唔錯香酥荔卷芋頭味足～入口表面有小小酥脆幾好味·小編覺得唔點醬比較好食·同埋食1-2舊都飽肚·叫之前諗諗仲會叫咩餸免得食唔哂🥲豆乳浸勝瓜雲耳蕃茄味道算清清地普普通通·勝瓜唔會煮到太淋無哂咬口·湯頭清清地唔算好油可以飲小小👍錦滷雲吞炸雲吞塊皮唔算好厚之餘仲幾脆口·碗醬汁方面用上好多配菜～酸甜味唔濃～相反小編覺得配荔卷個醬比較好味同夾得上👍—————————————————☻非專業食評·純個人口味☻📍總結:Er…好似無之前咁好食😂唔知係咪轉左食材或者廚師呢～不過不失啦～食齋有冇話邊度多選擇或者好味架～不妨話俾小編知🙂

做完運動，決定今晚食齋。去左東方小祗園叫左兩道菜式，一個係西檸酥鴨，一個係一品煲仔飯加「無蛇羹」。員工服務態度幾好，全部都好好食，煲仔飯冇肉都咁惹味，又唔肥膩。食到飽飽都係$200（茶介$12一位），性價比好高（有食齋既朋友都知道新派食齋餐廳都比較貴）。一路食，一路睇佢張墊枱紙介紹餐廳歷史同理念，好有意思。想食齋既朋友，我都非常推介呢間。

一直都喜歡他們的馬豆糕（椰汁香豆也適中），就算越來越貴（8元一小塊）久不久也會買一次來食的，昨天又忍不住去買了兩件回來，但第一口就已經失望，怎麽椰汁味那麼淡的，再食就覺得似椰汁溝了水的淡而無味，最後因為8元一塊無理由掉了就勉強食埋，現在這樣的價錢這樣的品質我就不會再幫襯的了

我覺得呢間係全香港島最傳統最好味嘅素食店！尤其是甜酸齋真係好好味，羅漢齋飯也是我最愛！我在外面食也避免食米飯因為有些店做嘅飯又硬又好似生米饭咁，但呢間店做嘅米飯軟绵可看出他們真心做好味嘅素菜！

岩岩去完灣仔打疫苗，無咩胃口，於是就試下喱間開業好多年既老店東方小祇園（齋菜）佢完全係配得上素食專家喱個頭銜，好食過大佛果間多多聲😂齋魯味併盤有幾款係幾好食既，例如係甜酸齋酸酸甜甜好開胃，齋燒鵝個汁好醃得好入味，素鴨個皮炸得好香口，小小油不過可以接受，其他就一般羅漢齋炒麵$80個羅漢齋汁煮得好入味，冬菇同豆腐既份量都好多，配埋個炸左既炒麵底，脆得來又淋淋地，好好食翡翠法輪卷$100佢個皮炸到金黃色很薄脆，配埋個紫菜金菇菌，帶小小咸香味，好好食我非常推介大家來試小衹園，因為以往齋菜比人個感覺就係淡而無味無咩款式老人家先鐘意食，但係小衹園佢把齋菜煮得出神入化，設計左百幾款齋菜供大家享用，真係食極都食唔厭，同埋佢真係煮得好好食，唔會淡口，完全顛覆左大家對齋菜既黑板印象！推介職員都好nice，會主動同我地閒聊，又問我地岩唔岩食，好有老店情懷的感覺，就是那種住屋村會同鄰家小孩打招呼放學一起玩果種I will be back

近日吃膩了西餐和粵菜, 昨晚改去灣仔東方小祇園素食, 少鹽少油吃得清淡一些, 我們在地面餐廳, 夜了, 客人不太多。素食款式很多, 有小食點心, 合桃糊, 芋頭酥卷, 蒜堆及齋鹵味, 也有小炒, 齋粥, 齋飯, 齋麵.   價錢和普通粵菜相約.我們叫了齋鹵味, 兩款.酸齋,  味道很好, 酸酸甜甜很醒胃.咖喱齋, 口感稔軟, 咖喱味濃.豆腐粟米羹, 暖暖的送上, 都幾足料, 好食 !羅漢齋炒麵材料豐富, 有冬菇, 炸腐竹, 紅蘿蔔, 筍片, 雲耳, 鮮菇, 粟米仔, 菜心等。煮得不會太腍，食落頗有口感，芡汁打得又夠薄，既少油又少鹽，感覺較健康, 炒麵炒得脆口, 不錯.吃素菜比較健康, 久不久吃吃對身體也好. 

外賣個超簡單鮮茄飯要等13分鐘，a waste of time!!在今時今日的社會，不可特住歷史由久便不去進步，衹賣齋及堂食算了吧。。。。。。。。。。。。。。。。。。。。。。。。。。。