東寶小館 (已搬遷) 新店位置

第三站來到東寶，之前亦食過一次, 今次兩個人食,可以食個飽６點鐘來到已有幾枱坐左係度，２個人要搭枱，不過都無所謂，好多人坐一張大枱，不覺得逼。一坐低就點左個炸豬手同荷葉飯, 跟位仲要左個沙拉骨，同魚雲煲。先來豬手，呢個係好多人都有點，炸得香脆的豬手點上惹味既南乳汁，豬手不太大件容易咬，炸得香脆又不會太乾.跟住係魚雲煲，一上枱個煲依然係吱吱聲, 姜葸味好香，魚雲先經炸過再落煲煮，魚骨炸得好香脆，幾乎骨頭都食埋，正係好好味。送酒最岩，忍唔位叫左支啤酒, 啤酒用碗飲，叫戰斗碗，而且係凍既, 呢樣真係周到跟位係荷葉飯，荷葉飯好大個,只售88, 味道唔錯, 最後食唔晒要打包。最後係沙拉骨，買相不錯，每一舊骨上都均勻地沾上白色的沙律醬, 但係好乾身，汁只係骨上，碟底無多餘既汁。質素不錯，食完三個餸真係飽到想嘔。兩個人叫四樣野, 好飽, 東寶依然係咁好食, 值得推介。

新年後去東寶食飯其實對東寶的食物質數完全無問題............... ok 好食......只係覺得點解去政府街市大排檔的食市食飯要收人 5% 服務費而且我又唔覺得他們有特別好的服務，同以前一樣。5% 服務費好似有點那過...........

舊同事訂定位, 一行七人準時到達. 點了 南乳炸豬手, 豉椒蟶子, 炸蝦丸, 上湯粉絲豆苗, 豉油王蝦,羌蔥蠔煲, 醉乳鴿, 荷葉飯, 七層塔(齋菜)豬手炸得很利害, 蟶子普通. 豉油王蝦算是不錯. 乳鴿一隻都好大碟. 七層塔素菜配搭幾特別. 荷葉飯太濕. 啤酒是用碗飲的, 好豪氣呢.差不多食完店員已趕住比埋糖水我們食, 當然係想我們快 d 埋單吧. 沒上次食咁好味.

我又同男朋友&屋企人去食野啦~嗶~我地老遠走過去北角去試下間東寶小館 ~果然,我地選擇係正確,但......真係好多人呀~多到不得了~我地等左起碼一個鍾,我地都覺得值.我地叫左幾樣野,我特別想講個荷葉飯,好有荷葉味呀,又好大碟呀!係勁抵勁抵食果隻~另外,墨魚麵呀,又係好熱,要叫呀,包你實笑你對面果個朋友呀,成口都係黑色,另,要提大家一句:最好訂位先同埋要預左勁慒

超水準的一餐，可惜同行只得四個人，試不了很多菜式。黃金蝦真是食過番尋味。

一行四眾來到東寶, 要喫的心中有數:滷水浸雞膶, 噢! 美味, 雞膶嫩滑鬆化, 滷水味香濃,喫不停口, 已忘膽固醇威脅之危機了.南乳炸豬手, 皮脆肉爽乳香, 火候佳(當然有時失手), 招牌菜豈是浪得虛名!金銀蛋冬瓜, 金銀蛋一般都配以莧菜, 可作湯菜; 是次將冬瓜切片, 加以金銀蛋煮之, 喫到 冬瓜之清爽, 金銀蛋之甘香, 湯汁甜美, 誠一美好之配搭. 內子讚不絕口.

東寶可算是我們北角之光，吃了十年以上，拿手小菜還未吃盡，除了因為太過忠心於某些小菜之外，也因為這裡實在太多特色菜，有點吃之不盡的感覺。是晚叫了南乳炸豬手, 芋頭蟹, 炸榴槤, 大肚婆炒飯, 風沙雞.南乳炸豬手 – 吃了多年，水准保持得極好，皮厚筋位多，是做得最好的菜之一。芋頭蟹 - 第一次食，雖然我不算好蟹，但只拿面包送濃濃的芋頭已出奇的好味，只有倚靠芋頭本身的味道才能不搶蟹的鮮味，而芋頭也自成一味，這樣我也滿足了。炸榴槤 – 也是第一次食，裡面的榴蓮非常Creamy, 榴蓮本身的香甜味配上脆皮應會令好它的人有重新的感受，是一個很特別的菜，也不知道有沒有其他地方有得食，可惜外面不夠脆，應該是放涼了一會才上，唯有下一次再食大肚婆炒飯 – 一個野味的濕炒飯，每次不是叫鴨汁飯就是叫這個風沙雞 – 皮奇脆，伴隨的蒜頭也是一絕，從前水准是比較好的，現在雞肉比較干，雞味也不夠，但卻仍是必食菜之一。所謂江山如此多嬌，東寶也是；這裡確是越多人一起食越好的，因為實在太多名菜了。

同朋友到東寶一試大肚婆炒飯 : 飯太淋(失敗之作)黃金蝦 : 大家連殼都吃下炒波菜 : 不失不過風沙雞 : 好味炒聖子 : 回味無窮生炒骨 : 食指大動朋友都好滿足!

一路都係呢到既捧場客~~不過呢度唔就腳…仲要次次都五點幾六點黎霸位…鍾意呢度夠串，又串得起~~今日一行五人六點幾先到…上到黎見到剩返少量檯……好驚冇得食呀>.< 早知唔知吋耐街啦!好彩好彩，因為我地到齊人，所以個哥哥好快指左我地去個魚缸隔離張檯^^冇睇餐牌，叫返我地d例牌: 炸豬手 冰鎮瀨尿蝦 (個阿姐推介既，媽咪鍾意食，所以唔睇價錢都試！) 黃金蝦 椒鹽瀨尿蝦 風沙雞 豉油皇炒麵 麵醬炒唐生菜樣樣都係高水準之作，一次都未試過令我失望!!特別特別推介個冰鎮瀨尿蝦~~ 好過椒鹽，因為蝦肉好鮮甜…隻蝦大大隻!!之前仲食過墨汁墨魚麵…味道都好得意，不過食到成隻污咀狗咁…下次唔敢lu^^原來東寶出名之前，我細細個幾歲女就已經跟daddy同佢D波友黎啤酒送飯.....而家大個女都仲記得呢度好滋味埋單 $ 970最緊要食得開心

六點鍾去到已經要等位, 好彩等咗一陣啫D嘢食都唔錯! 粟米班塊整得都幾好味, D魚塊同粟米汁係分開上, 所以咬落都好脆口.另一推介係薑葱炒蠏, 隻蠏都算大, 肉質好鮮甜(我地要肉蠏), 好有鑊氣, 不過要成$15/兩, 都唔平!其實間店都算貴價, 不過志在食D好嘢, 唔計得太多; 不過另外值得推介係隔離有一個大笪地停車場, 假日都只係$7/hr, 仲抵過泊八達通老虎錶啦!!

朋友們介紹之下去左北角街市食dinner,等左好耐都仲要撘檯,仲有見到menu發覺都不是便宜的~~~d野食黎左之後~我就佢喇喇~~~因為好好食~~~!!!京都肉排: 肉汁不停咁流出黎,口感100分!!!琵琶豆腐: 水準之作~!!!!好香口墨魚面: 食佢個賣相好了~~~~~~沒有墨魚味的~~~大肚婆炒飯: 好好食!!!!不過食唔晒~~次次黎親都冇荷葉飯....~~下次再踫運氣吧!!!!

八個人去可以搏命叫!田氏白肉---簿片腩肉,蒜蓉加醬汁好惹味!麻辣仙掌---其實味道都幾似泰式鳳爪,配料也差不多只是少了一份酸味多番少少辣!好味!豉椒炒聖子---唔算大隻但肉質僅僅熟, 夠入味仲好滑.風沙雞一隻---温度微暖,雞肉近骨位有小小唔熟,蒜蓉夠乾身同唔會一味死咸!媽士打炸生蠔---用大隻筒蠔炸有少少芥辣喺中間,炸得很乾身咬落唔會成口油！黄金蝦---呢次Ｄ蝦比較細隻, 同埋個咸蛋黃淡咗Ｄ！沙拉骨---唔知係咪煮咗擺喺度所以唔係好夠熱.鴨汁荷葉飯---呢個喺我嚟呢度嘅主要日的, 喺度食咗好多次!呢個飯係無失過手,一上枱打開已經間到香味.南乳炸豬手---夠淋,好重膠質!唔會得番Ｄ皮包骨,個南乳汁都幾甜吓!麵鼓醬油麥菜---好少食熟菜嘅我都夾咗幾條！食埋個薑汁涼粉---飽晒!

去開北角~就去OPENRICE睇下有咩好食啦,,見到呢間東寶小館有一百九十幾個笑笑臉咁多~於是決定去試下啦…真係幾多人下…而且都算係坐得幾迫…成個熟食中心~最多人就係呢間東寶小館!不過我地搭檯都唔洗等就有位啦…叫左是日例湯(一鍋), 風沙雞(半隻), 蠔仔炒蛋, 金銀蛋豆苗是日例湯(一鍋) 今日既例湯係~西洋菜煲豬肺.其實原本唔諗住叫一鍋的諗住一人一碗試下算但無奈一碗$20, 一鍋$60如果叫兩碗都$40啦 咁不如叫一鍋個湯好快就黎左.. 哈又幾好味喎同埋``都算幾大鍋~ 都"不"好多碗出黎飲下呢~之後我地等左好耐…飲呀飲~飲到差D成煲都飲哂…(我開始覺得有點飽-3-")先至黎第一味餸…>>> 風沙雞叫左半隻~ 哈又整得幾香口喎..而且D雞都整得幾滑下呢真係~食D雞胸都唔覺得「鞋」不過男朋友就話覺得D雞煮得太熟..但我個人就覺得OK..反而我就唔係幾鍾意見到D雞有紅色血…蠔仔炒蛋好味^^ 我真係幾鍾意食「雞蛋」男朋友話一定要提既係：呢碟蠔仔炒蛋成功之處係D蠔完全無腥味喎``金銀蛋豆苗@@都幾大碟下喎!不過都好耐冇食豆苗LUUU..整得好食~不過好食得黎覺得好普通

食物方面：椒鹽鮮魷 – 好食, 很香辣惹味招牌菜沙拉骨－皮脆肉嫩，酸酸甜甜．．很開胃風沙雞－好香口，味道亦佳荷葉飯 -　荷葉很香，有『鴨』汁、馬蹄、菇、雞肉得，很夠味，夠晒大碟！炒蟶子　－　爽口鮮甜，豉椒汁送白飯食，味道一流！　薑葱炒膏蟹　－不錯，隻蟹都有很多膏，最貴是這道菜　雜菜粉絲煲　－很普通黃金蝦 - 蝦好大隻，炸得好香脆內裡還有豐富肉汁，加上適當蛋黃，好好味呀！總括：服務一般．．．人很多，很吵嘈，聊天不方便，說話很辛苦．．訂了位，早到還要再排隊，很麻煩．．．食物佳, 但例牌碟細，名副其實貴價大大排檔．．．

去到時已經十點﹐都仲人山人海… 果然名不虛傳叫左四個小菜『炒齋翅』、『麻辣牛尾煲』、『椒鹽鮮魷』、『牛肋肉生菜包』個牛尾煲好好味﹐夠晒麻呀 再淋d Very Good ~食飽仲有『薑汁涼粉』送添 ~ 好滿足呀﹗(P.S.： 唔明點解大排檔都要收5%服務費 但係佢地冇服務可言)