東園 (已搬遷) 新店位置

奶茶香滑、飲左廿年、味道如一。咖啡牛腩、香滑入味、軟林林。大大碟、下午來食飯、真的要比心機排隊。價錢由從前的23元到現在差不多40元。環境坐落於尖沙咀一個不起眼的大排檔，這裏吃到的不只是廿年一貫的水準、更是老闆東哥對於味道的堅持。由讀書、會考、到高考、大學、到出黎社會打拼、東園的孖寶一直為我打氣。累了、便想到東園的奶茶、牛腩。東園、見證著香港不同的年代。在這多變的香港、我找到一些東西是不變的東園奶茶和咖哩牛腩。

尖沙咀返工，間唔中都會去吓海防道街市入面的大排檔食lunch, 平時去開食牛丸麵，點知今日星期三休息冇開，咁就改左去食對面的東園，今次第一次食。一坐低，伙計阿叔就問我飲唔飲湯，跟住就好快手放低咗碗羅宋湯，我叫咗個蘿白忟牛腩加杯熱奶茶。E...個羅宋湯有驚喜，足料味濃，絕對唔係水浠浠！飲完個伙計阿叔仲問我要唔要多碗添，服務唔錯。蘿蔔忟牛腩飯D牛腩好淋，蘿蔔入味👍。柸奶茶都好滑，港式茶記口味。整體唔錯👍👍👍

橋底大排檔好多年都仲咁多人食， 一定係抵食夾大件。 個人就比教鍾意佢有好飲嘅餐湯(有d火候), 午餐都好多野選擇， 叫餐又得， 即炒粉面都好食， 又夠火候。 不過眼見最多人食嘅一定係耐唔耐先有嘅蘿蔔牛腩飯。

其實，日日下晝都晌東園食飯已經變成我既飯堂一樣，都冇諗住寫D咩評下佢。但希望話俾大家知晌尖沙咀食野，好食的唔一定要貴。首先，要推介他們的咖哩吉列豬排飯，呢樣食物好多地方有得食，但唔係一定做得好食。但係呢度既咖哩吉豬，一定唔會令人失望。他們的秘制咖哩汁，香濃但不會辣，適合大人及小朋友。 吉列豬排即叫即整，入口時香脆，豬排炸得剛剛好，唔會干晒，仲有肉汁。加上一杯凍奶茶，正呀。但係記得要小甜，我會叫小小甜，因為水吧大哥落甜都幾重手呀。

前日同同事食LUNCH.....去左大排檔....即刻就揀左呢間~~~點解呢~~就係呢間D大姐大哥寧舍有禮~同埋吹得~食左個咖哩吉列豬扒飯.........好好味......豬扒係炞到岩岩好....亦好有味~配埋佢D咖哩汁好好味~連飲野都係$30都好大眾化

由於返工地點原因，這間大排檔一星期內，同事們與我一定叫幾次外賣. 早餐平均$18-20 左右，來來去去都是餐肉火腿蛋個類，外賣要加一蚊(我估tst 得佢一間係咁)質素平均，早餐送外賣速度很快，不用等好耐. 奶茶好有味道，不過, 建議走甜，他們落糖很重手的.午餐，我經常叫是炒粉麵飯，質素有保證一點。另外，我同事經常叫咖喱雞飯，他說比起亞四好味一點.另外，我推介黑椒牛柳絲炒意，好野味.(平均$25，有湯and 飲品)

在冬季先會來熟食大排檔堂食, 否則都叫外賣, 東園的常餐算抵食, 23蚊ea有交易, 品質都唔錯的~ 豬扒整得幾好味, 奶茶味又濃, 通常我都係飲熱奶茶走甜, 老細就話好惡飲~ 所以每次我都叫惡飲奶茶~ 另外每日都出10款指定午餐, 27蚊ea, 炒飯最有鑊氣!