影片
早幾日經買外賣早餐上車食，店員阿叔見我行出路邊望吓望吓，問我係咪揸車嚟，我話係呀，跟住佢即刻叫我走返上車，話呢排抄得好勁，外賣做好咗會攞去車度俾我，佢話上次睇住個客抄牌，我覺得呢個阿叔嘅服務真係值得一讚👍🏼👍🏼👍🏼
繼續閱讀
東園呢一間餐廳只係有外賣無堂食，我見佢地外賣做到唔停手，心諗有有咁好食。我一行到收銀見到佢後面有個是日餐牌，我點左個叉燒炒蛋飯加杯或凍鴛鴦。我等左5分鐘左右已經可以拎得（相信可能多單先耐左少少)翻到左上公司，因為太肚餓，我急不及待開黎食，一打開見啲色水都幾靚，叉燒同蛋既比例都岩岩好，但如果可以多少少韮黃就更加好，我試左幾啖都不過不失，但值得欣賞既係飯既溫度仍然保持住好熱，可能佢地做外賣會特別留意呢啲位。最後我用左十分鐘ko左個飯。
繼續閱讀
之前係家家樂，無幾耐前應該轉了手改了名。餐排換了少少但食物路線一樣，舊式港式快餐。無位坐但我地同常外賣自取。鑊氣質素都keep 到。小朋友唔知我地小學時學校飯盒螢光汁的回憶，佢地都好鍾意食呢：）
繼續閱讀