東南加 (天晉匯) (已結業)

嗰日同朋友去食午餐 餐包湯 主菜 飲品 印象中68-75$左㚏一個餐 咁多野都幾抵 佢嗰個位置算係新開嘅商場嗰邊所以唔算好多人唔使點等位是日有中湯同羅宋湯 要左中湯 食完冇口乾 應該冇點落味精 叫咗牛扒意粉同埋海南雞飯見隔離枱個牛幾正咁就要左個牛扒意粉 意粉正常偏酸 普通 牛扒就幾鬆軟 雖然冇得揀幾成熟不過以東南亞餐廳來講算係整得幾好食既西餐海南雞飯啲雞都幾多下 飯夠雞油味 而且有兩個醬汁 兩個汁都好好味 一次滿足兩個願望 如果有薑容仲好

將軍澳站popcorn 3期分咗左右兩邊，新開咗唔少餐廳，難得搵到間貌似唔貴既東南亞餐廳，一於去會一會佢。一入到去見到唔少人都嗌湯粉，碗碗都堆到滿滿的，我跟大隊咁嗌咗弓碗試下，豬扒叻沙金邊粉 $39。食物好快就嚟到，湯頭好香椰汁味，叻沙味濃，但偏甜，可能係椰汁比較多，不過唔辣，怕辣既人都OK。不過我就比較重口味，鐘意辣少少，如果多返啲辣味就更好。而表面亦鋪上唔少配菜，除咗新鮮既金不換，洋蔥，炸蔥片，芽菜等等...最驚喜既係佢有半隻雞蛋，魚片，同豆卜。雖然唔係話咩貴嘢，但係好多餐廳既湯粉都係就咁湯底+芽菜葱花，比較少會當係真係叻沙咁做，會有埋豆卜魚片，成件事既感覺即刻完滿曬。不過美中不足既係，主角豬扒唔夠熱，同埋比較瘦，採用普通既冰鮮豬扒，比較鞋口，下次可能會試海南雞或者豬頸肉湯粉。而男朋友仔就嗌咗個菠蘿海鮮炒飯，非常大碟，但海鮮係一般超市既海鮮雜錦，比較碎濕濕。同埋炒飯比較濕身同油膩，無用隔夜飯炒，入口唔夠香同乾爽，但就有唔少菠蘿，非常飽肚。