東南加 (天晉匯) (已結業)

將軍澳釣魚回來，東南加餐廳在我地停車附近。行過去好近。服务：阿姐熱情招呼。見到我地釣魚工具多，幫我地轉大一個地方卡位。环境：餐廳冷氣足夠，座位舒服。在天匯附近食野。類似茶餐廳的感覺最方便。鐵板餐仍是港式西餐廳及港式快餐店在晚市時段在餐牌上的必備主菜。另外加10元各自有咸檸七喜，什果賓治😊|牛柳拼蜜糖腸^牛柳不算太大塊，但貴在厚身。鐵板上通常會叫五成。牛柳因為它是牛身中運動量最少的肌肉有關，其瘦肉比例大，油花相對較少，油脂含量較低。五成熟可以保持幼嫩多汁的口感。|燒肉肉眼扒^肉眼肉質嫩，最似叉燒口感系肉眼，因此中意多半肥瘦口感，都系五成。另外加意粉重芝士味。落左黑椒汁非常惹味。…查看更多

約咗到朋友家，又未食早餐，就隨便揀一間餐廳，今次第一次試”東南加”。室內裝修不錯，人客亦算多。錯重點，明明食早餐就走左去睇午市餐牌，見到D 牛市套餐價錢都好優惠。而醒神早餐都有好多選擇，有4大類，共23款。1. C5 炒蛋配牛仔柳($46)，牛仔柳肉質夠腍好味😋，不過炒蛋就唔夠滑，有點失色。而薯蓉同茄汁豆就無特別。2. B4 鹹牛肉炒蛋三文治配輕量版牛奶麥皮($31)，鹹牛肉份量較少，炒蛋同樣唔夠滑，整體質素一般。3. 加配的牛油豬仔包(半個)$8，外面夠脆，而牛油塗滿飽上，美味整體來講，食物質素合格多少少，炒蛋唔夠滑有待改善，反而牛油豬仔包就不錯。…查看更多

下午茶，叫左三樣·炸魚薯條·蒜汁牛仔柳意粉·芝士咖哩雞扒·炸魚-勁厚粉，魚冇味薯條-炸五夠脆蒜汁-冇蒜味，個色似黑椒，但都冇黑椒味牛仔柳-尚可意粉-意粉直頭兒童餐甘，太淋·芝士-係見唔到咖哩-椰汁野香．可以雞扒-話雞柳貼題好多曪！報告完畢·…查看更多

紅日下午去食，呢段時期唔多人去食喇沙雞亦米粉半隻蛋係凍 豆卜都好似有啲益湯底都濃，但唔算辣 雞亦比較油， 都有牛油味海南雞出前一丁當然完全冇海南雞味係白切雞， 但都滑 有4，5舊。出前一丁未煮得好透 喜歡食好硬既都得既味道比較淡2個餐都近半個奶油豬最好食 係呢個包 都夠脆 夠牛油仲有少少練奶 好味跟餐仲有飲品…查看更多

我成餐飯食左35分鐘，飲品都未飲居然趕我走，仲要係命令式：一陣有客來你地要走。我話：飲品都未飲點走？阿姐：冇枱一定要走。20秒後話：而家要走。咁做生意都得，以後都唔會再來。食到成肚氣。食之前又唔講，我又唔係食得耐。…查看更多

東南加將軍澳唐賢街19號天晉匯II期地下G20號舖天晉匯呢邊有好多間唔同選擇既餐廳，都未試得晒，一直都知道呢到有間餐廳，但就未試過，今日下午茶時段有機會黎試下啦:)餐廳入面既卡位幾舒適又闊落，成間鋪頭既裝修都好有格調，有心思下午餐既選擇都好多, 有輕盈啲嘅亦都有啲係比較飽肚既炒麵飯凍奶茶當然唔少得啦焗芝士咖哩雞扒飯因為無食lunch既關係，所以我就叫左焗飯，送餐黎既時候已經聞到好香，熱辣辣即叫即焗係好味既，不過食到落底發現都幾多油呀唔係太健康，所以不能經常食埋單$49蚊，算合理吧…查看更多

喇沙味欠奉，只能算是咖哩湯底。豆卜，偏實 無乜味 應該無乜煮過。豬扒 凍既。(我出去食碗凍檬 塊豬扒都係熱既)落單阿姐服務差兼漏單 對住張打漏既單紙仲要否認 要其他侍應跟手尾。…查看更多

星期日想係將軍澳食個茶記feel下午茶都唔容易，太多大型連鎖店，睇左餐牌覺得呢間唔錯就試試。奶油脆豬睇落淋之之，以為會唔好食，點知咬落入面都仲好脆口，奶油落得一啲都唔姑寒，不過食落好有罪惡感😂瑞士雞翼肉質比較硬，入面亦唔太入味，不過尚可接受。呢碟炒烏冬相當有獲氣，一擺低已經好香好吸引，食落亦唔太鹹，海鮮都有啲蜆肉、魷魚、蝦仔，雖然係雪藏海鮮，但都還好，無咩雪味。 以下午茶嚟講都值得再嚟，始終附近選擇唔多。…查看更多

是日未食午餐，所以下午茶需要豐富一點，點了一個沙嗲牛肉米線餐，配奶油脆豬包，和一杯檸檬茶。奶油脆豬包，包烘得十分脆口，不會過硬或過軟，奶油份量剛好，不會太甜，十分好味！顏色都很鮮豔，賣相不俗呢！包的大小都剛好，太大就會吃不下一碗面。沙嗲牛肉米線的湯底很淡味，只靠上面沙嗲醬調味，味道比較普通。牛肉鬆軟，米線煮得剛好，是不過不失的一碗面。下午午餐時間不算太多人，自己一個人可以坐在窗口邊，環境較開揚和舒服，可以安安靜靜地享受一個人的下午茶。…查看更多

因為見公司附近就腳所以久唔久會響到食飯，上個禮拜食佢個午餐牛柳，d肉仲係見紅既，算啦肚餓照食，食完之後腸胃炎左一個禮拜，唔係剩係牛，豬都係咁，呢間野d肉好唔新鮮！…查看更多

聽落個名好似好正咁但係普通餐都麻麻地黑椒汁燒牛仔柳意粉配羅宋湯 $61牛柳好淋 夠入味但偏鹹😵 意粉亦都偏淋同小鹹唯一可取嘅係羅宋湯好足料😋鹹魚叉燒炒飯 $54叉燒唔算多 都炒得粒粒分明飽滿不過鹹魚一啲都唔均勻 食到兩啖有好多鹹魚嘅飯🤮🤮鹹到痴線…查看更多

今晚試吓呢間東南亞食店，八點幾去到，唔使排隊，兩個人比安排到卡位坐，座位寬敞舒適👍🏼我地叫咗海南雞喇沙米粉，咖喱雞髀黃姜飯，同埋個豬頸肉木瓜沙律。第一道菜係豬頸肉木瓜沙律，一來到色彩繽紛，細心一睇，原來大部份都係椰菜絲，有白色同紫色的椰菜絲，紅蘿蔔絲，青瓜絲，唯獨主角木瓜得幾條😅😅😅豬頸肉大概有四塊我哋向店員反映很少木瓜，佢拎左入去加返幾條講咗姐唔好意思。味道正常，未去到好食再來，咖喱雞髀黃姜飯，黃姜飯冇乜黃薑味，似係普通炒飯，黃咖喱偏鹹，雞髀又乾又硬，好似擺咗成日咁。👎🏼👎🏼最後，係海南雞喇沙米粉，海南雞係雞髀位，都有5，6塊 ，但係好肥，而且有少少凍，似係就咁夾上去，配菜有一片魚片，唔彈牙但但止，味道仲好似係變壞了，酸酸的，米粉亦都不爽滑👎🏼👎🏼…查看更多

本來對呢間扮食東南亞菜五六十蚊就有飯有包有湯連餐飲嘅椰林閣集團都冇抱太多嘅期望，雖然意粉一向都太焾太碎，但分量都足，可算係超值。但餐廳環境衛生卻令人擔憂。其一，在意粉中竟發現蝸牛的殻，雖然已經熟咗，但大眾普遍知道，蝸牛體內含有寄生蟲等對人體有害的微生物，可大可小。其二，餐廳的冷氣系統漏水，影響衛生問題。總括而言，這餐廳令人卻步的原因不在於食物質素，而是在於餐廳環境衛生惡劣，希望餐廳負責人多加留意，以免令顧客被升級蝸牛餐。…查看更多

情人節間間都爆，無得揀之下黎左東南加食，全場得兩位侍應，忙到甩碌諗住叫海南雞飯實無死，點知隻雞完全無味.....啲肉係梅梅地....重之就差反而中式牛柳唔錯，我要求唔高，佢肉唔鞋個汁惹味我已經接受，始終係普通餐廳仔，佢個洋蔥都唔錯～串燒我只試左豬，好硬但佢個醬汁幾好味，有好濃濃嘅花生醬配搭下唔錯～菠蘿海鮮焗飯賣相不錯～可惜都係無味嘅蝦梅、青口唔新鮮....個蟹肉棒係全個飯最有味，最好味係啲肉鬆因為靠哂佢吊味！總結，我唔會再黎食啦應該～…查看更多

諗住今日出去食飯實同人迫餐死，近近地喺屋企附近食埋野先出去倒數，就試下呢間叫做「東南加」到食啦，見佢出面個餐牌有扒餐諗住叫一份雜扒，一份西冷，點知佢話呢款$92既西冷餐無晒，要就可以揀款特級西冷，咁我就叫左5成熟一黎份西冷成件熟晒，我問侍應係幾成，佢就同我講，你唔係叫7成咩，仲好似話我講錯俾佢聽，我都🙄之後換過俾我，換左一份介乎生既俾我，完全影響左今日既心情叫左個經理過黎，個經理就淨係識得點頭如果你地唔在行扒類咁就唔好問人幾成熟啦，直情唔好做扒餐啦，食到人哋成肚氣態度又差，寧願食意樂好過唔會再有下次幫襯…查看更多