東匯海鮮火鍋飯店 (已結業)

星期六晚约咗阿媽食飯,見未試過呢間又試吓.地方夠晒隱蔽,響地庫內不過唔難揾.以為大節過後會易揾位但係都好full,好彩早到,遲D都冇位.地方唔算差,好光猛乾淨,檯唔會好逼.呢間以食海鲜主打,所以叫咗薑葱炒蟹($98),炸生($68),雲吞翅($75),士多啤利骨($55),BB鴿($26/隻)清炒西蘭花($38).薑葱炒蟹用鐵板成隻蟹上,炒得好香,炸生有10隻左右,雖然有大有细但都抵食,雲吞翅好大煲,足8碗兼無味精但係預咗無乜翅,士多啤利骨我最愛因為炸得夠香個汁又好味,BB鴿就好普通而清炒西蘭花好大碟.份量足,4個人食到好飽,連阿媽都話好過上星期母親節個餐.

同家人4個人食飯, 一定唔會去得遠...爸爸又鍾意去酒樓食...東匯一定唔少得.是晚叫0左個4人餐, 因為有好多海鮮, 老爸的至愛...=.=燒味拼盤唔得, 叉燒好實, 唔蜜, 好鹹因為浸住0係豉油之中...燒鵝皮唔夠脆, 油雞又俾埋d細"ai"位...蒜蓉粉絲蒸鮑魚仔唔掂, d鮑魚仔好唔捨得佢地個殼, 搞到我地拆佢地肉拆得好辛苦好"lau gau"...媽媽更用了很不雅的方法拆肉...=____=""炒飯俾錯0左, 瑤柱變蝦米乾, 僅此而已, 飯身都炒得夠乾身.芫茜豆腐魚湯, 有魚湯的(近乎)奶白色, 但就飲唔到魚的鮮味. 豆腐都係用百福>____< 有冇邊間唔用百福豆腐0架....????? >__< 無味精呢樣是值得欣賞的~飯後甜品紅豆沙幾好, 夠沙亦有粒粒的紅豆, 唔太甜! 仲見到真係有陳皮tim呀~!