東匯海鮮火鍋飯店 (已結業)

大大話話係東匯海鮮火鍋飯店都食咗差唔多十年，知道商場嚟緊會大裝修，唔知裝修完之後都會仲會唔會喺度呢？今日夜晚同兩個朋友嚟食飯，叫咗四個餸，但因為唔係我埋單所以唔係太知價錢冰鎮滷水鮑魚仔鮑魚仔彈牙唔會韌，滷得好入味，點小小芥辣食仲正豉油皇中蝦中蝦都幾大隻，差唔多隻隻都有蝦膏，豉油皇甜甜地好惹味翠綠炒青衣球本來想蒸條斑食，但因為我哋成日都食蒸魚，所以今日轉食炒班球，啖啖肉唔使吐骨枝竹火腩炆骨腩枝竹豆腐炆得好入味，但有少少油，骨腩都多肉其實呢度好似係阿拉斯加長腳蟹專門店，但係咁多年來都未食過，希望佢裝修之前食到一次啦

一個風球接住一個風球。今次呢個響正星期日。又無得去玩喇。聽到話個風會響兩點左右落波，所以最好就係去飲茶喇！兩個人飲茶呢度實到位。懶得㨂就㨂左呢個餐。一個粉面，菜一碟同兩個點心。講真，㨂呢個既時候係以為仲有右邊既點心既。原來無！但其實兩個人咁樣叫真係太多喇！叫左豉油雞半隻加瀨粉！漱粉食極都食唔晒！菜就覺得比較細碟。點心方面叫左紅油抄手同鮮蝦菜苗餃！呢個紅油抄手實在令我驚訝，出場既時候只係一碗雲吞，之後我地自己加辣油！雖然係咁，但都好好食。菜苗餃就一般啦！埋單$140。坐得舒服又無人！響星期日黎講實不錯。

睇到以前食評，同意以前係鰂魚涌居民同上班一食堂。但，今日光顧後，此情不再了。商場人流明顯比半年前少好多。東匯排頭的西餐廳，coffee shop,擴展的坐位，都冇哂。1點鐘了，都大把位。“客飯30蚊起“，星期一至五，日日唔同餐牌。即管試下。叫左菜遠排骨炒河，雪菜肉絲炆米。（每款$48）都是暖的。唔係炒河，係撈河。冇油，健康之選。炆米鹹。明顯罐頭貨。加埋茶芥，$130。一點都唔平。明白生意難做，但厨房唔俾d誠意,都好難頂落去。

每年年初一例必要到鰂魚涌，因為我外母一家要同她的細佬(即將我老婆舅父)團拜，而由於康怡附近的酒樓，好難在年初一早上訂位，所以我們都會揀這間位於地庫的酒家飲茶，估唔到它由原本兩間鋪，擴張到4、5間鋪。由於表弟先到，所以一切都由他揸主意，他叫了點心和炒粉麵。咸水角－皮厚餡少，一般。煎腸粉－煎得幾香👍蘿蔔糕－味道一般，粉比較蘿蔔多炸兩味道一般粉果－無味叉燒包－皮厚餡少蛋黃流沙包－蛋黃味好淡，粉漿好多。馬拉糕－好鬆軟XO醬煎腸粉－冇XO醬味，煎得幾香山竹牛肉－比較彈牙，同好味👌瑤柱乾燒伊面－瑤柱好少，伊麵炆得幾淋黑松露炒飯－冇黑松露味，炒飯一般。整體點心味道麻麻，炒粉麵一般，其實唔想黎，因為冇得揀。由於表弟請，因此不知道幾錢，我諗年初一飲茶，十幾人起碼千七以上😅

Great service. They don't normally serve coffee, but went out of their way to make it for me today. Delicious siu mai and congee. Well worth the visit to check out this jolly joint where the old folks hang out to read their newspapers with morning breakfast.

東匯火鍋海鮮飯店近家，就在樓下，我當是我家飯堂，喜歡它又平又正，老婆則嫌它了無新意。無謂多講，開餐點菜。叫了自選2人套餐($183)，自選了古法蒸紅魚(12兩)、金菰瑤柱西蘭花和椒鹽荳腐鮮魷。自選套餐送即日明火例湯，另加了一個價「細」小菜，菠蘿咕嚕肉($42)。古法蒸紅魚用肉絲薑蔥絲同蒸，魚肉味鮮，再帶陣陣肉絲味道，絕對古法炮製，如能加小量果皮，效果會更加出色。椒鹽荳腐鮮魷，荳腐鮮魷炸得恰到好處，鮮魷味鮮爽滑，荳腐入口鬆化，佳作。金菰瑤柱西蘭花份量十足，金菰瑤柱蓋滿西蘭花面，西蘭花剛熟爽口，和金菰瑤柱混在一起吃，配搭不錯。菠蘿咕嚕肉屬街坊小菜，炒得火候十足，肉排夠厚身，腍甜入味，配上菠蘿青椒，炒得酸甜惹味，十分開胃。明火例湯是蓮藕豬骨湯，老火湯夠青甜，蓮藕豬骨味濃郁。

很久沒嘆下午茶，星期六在家附近東匯中心的東匯海鮮火鍋飯店嘆下午茶。東匯中心整個商場曾經改裝為水簇廣場，打造為另一個花園街的金魚街，最終失敗。現在打回原型，商場現祗有一檔水簇館，售賣熱帶魚。此商場屬街坊商場，沒有什麼觀賞價值，勝在商品價格實惠。現在介紹的東匯海鮮火鍋飯店當然也不例外。因為家在酒家附近，也會常來光顧。此店是一般街坊酒樓裝飾，簡潔為主，服務及環境一般。下午茶有多款特價點心，經濟抵食。點心叫了香芋煎堆仔($11.8)、紅油炒手($11.8)、薑蔥牛肉角($9.8)、脆香九菜角($13.8)及燒鴨魚湯瀨粉($11.8)。香芋煎堆仔，炸得金黃，餡料芋泥夠香，一口吃下，外皮脆，內芋泥餡料香軟，口感不錯。紅油抄手，一碟四隻，帶酸辣味，好味開胃。薑蔥牛肉角，角皮有點厚，浸在醬汁，再配香蔥，味道不錯。脆香九菜角，煎得香口，入口鬆化、九菜味香濃。至於燒鴨魚湯瀨粉，燒鴨有點冷，味道一般，而瀨粉湯底祗有微溫感覺，不夠熱燙。此店食品水準一般，論價錢則算相當抵食。

因為近排推出$50優惠券嘅關係我地屋企多左去呢間酒家食夜晚雖然無豪華嘅裝潢 但勝在侍應態度好兼且大件夾抵食例湯足料唔再講侍應仲會好好咁俾埋豉油我地食湯渣脆皮雞係必嗌！非常入味之餘皮仲脆卜卜最好食係糖水！通常唔係紅豆沙就綠豆沙好甜好滑好有驚喜！

先說有關享用優惠的建議（怕有心光顧此店的人沒時間看完整篇，故先提重點結論）︰1. 先自行看清條款。2. 如有疑問，向職員查詢時，最好向多位職員查詢確認。3. 能記住是哪位職員更佳。4. 入單後，要求計算賬單（不是寫點了甚麼菜，而是要知道最後要付多少）。如有出入，可以儘快（上菜前）更改。被八點九後（還是九點後？忘了 ）八折嘅字句吸引，喺門口有位姐姐話小菜八折，海鮮就沒有折。坐低後看到幾張柯打紙，有"價細"小菜、孖寶套餐，海鮮等，看到"價細"小菜張紙最低有寫不再折扣優惠之類（但冇寫可否八折），心想「小菜」才有八折，咁點計呢？我一手拿住"價細"小菜張紙，另一手指住張紙，向其中一位男侍應詢問，我問︰「呢d有冇八折呀？」，佢接過張紙，睇咗之後講︰「有呀，小菜有八折，今日…星期五，唔使加五蚊，星期六要加。」見佢答得清楚詳盡，便放心下來。就是老套地點了、吃了，結賬才知道沒有八折。可說數目不大，看似小事，但真的很難受。首先被要求指出哪一位說有八折，我四周 張望，實在不太認得，後來我認出了另一位職員（我其實認錯人，到我記得認錯人，便即跟有關人士說「唔好意思」），拿來賬單的男士向該職員問︰「你係咪應承

成年前嚟過呢度食過义燒酥讓我回味無窮之後去過不同地方食都無呢度吟大隻又吟好食所以吟日要再嚟食 睇落明顯無之前吟有"火喉"可以再焗耐d令酥皮更香脆乾身陣陣牛油味噗鼻造法較西式食落义燒無吟鮮味噢! 有少許失望 另外讓我較深刻係鮮蝦芋蓉角炸得時間適中外面鬆脆內裡芋蓉軟棉棉加上蝦蓉鮮香非常不錯 !

快餐店 d 飯己無乜驚喜所以, 最後還是想嚟飲杯茶食個包一個人嚟呢度有到好有呢種典型點心可以食齊5種我自己覺馬拉糕不錯清香蔗糖味 蝦餃.燒賣.义燒包 一般口味粉果 多花生. 糊椒香很冶味 !有種街邊小食 feeli like !唔多飽叫埋呢個街頭腸粉腸粉本身唔夠滑雖然, 碟底有好多豬油 食落總覺得比街頭小食差一點點噢 ! 原來係無咗麻醬

晨早醒咗瞓唔著, 上網搵吓邊樹有早茶飲... 搵到呢間東匯開7:30AM...未夠7:30AM去到東匯門口, 見到入面已經坐滿老人家, 好辛苦先見到最入嘅柱後面有1張枱未有人坐, 但係個服務員竟然叫我地搭枱, 我地唔肯, 佢又話等陣有人o黎都係要搭枱...坐低咗, 入埋點心紙, 先留意到... 咦... 點解全部人都係齋坐冇o野食嘅... 同埋... 點解好似冇冷氣嘅...等等等等等... 等到7:29AM, D食物終於一次過湧出o黎啦... D冷氣都開始湧出o黎啦... 咦... 好多人都係食盅頭飯喎, 8蚊咋... 其次就係大包... 好少人叫一籠籠嘅點心...豉油皇銀芽炒油麵-- 好油呀!!! 同埋D麵淋PAT PAT, 豉油皇唔知去咗邊, d麵冇咩味, 反而蛋絲煎得幾香口...香煎蝦米腸-- D腸粉唔使放入口都知道唔好食, 爛蓉蓉咁, 口感太腍, 加咗豉油都冇味, 蔥花仍冇香味, 整體都幾難食...眉豆花生豬骨粥-- D粥都煲得好棉, 配料唔多, 又係冇咩味...唔知係咪照顧老人家嘅需要, d食物基本上腍到爛, 唔係咬, "梅"吓就吞得, 而且所有食物都冇味... 我地以極速食

要10個人午餐搵到位真係唔容易,但好好彩黎呢度飲茶都有張大檯,因為10個人既關係,可以劃好多點心呢!總體黎講呢度既食物都係溫度唔夠,但味道係唔錯既燒腩仔:燒得夠香脆,係一層隔一層,一共有4,5層既燒肉,可惜既係食落係凍既...炸墨魚咀: 墨魚咀食落要多一啲嚼勁, 脆漿夠薄,但較油膩炸兩:唔係好特別,普通貨色, 因為凍左所以皮硬左冇咁好食... 腐皮卷:唔太推介,外皮做唔到好多屠哥種感覺,食落味道亦見平淡叉燒酥:之前黎食過最驚喜既一個點心,之前係三角形,而家係長方形,食落很鬆,酥皮一層又一層, 叉燒很多,很豐富牛肚:蒸既點心因為係即蒸既關係,都係好夠熱牛肚上既一個個坑紋很深, 十分鮮明可見,食落夠厚身,醬汁夠濃味蝦餃: 幾唔錯,蝦夠大隻夠爽,皮厚2算係可以接受,如果更薄會更好 姑且叫佢炸波吧,唔記得佢叫咩野名:幾特別,未食過,店員將每個波波煎開左一半,入面有芋頭蓉,各外推一層既係奶皇,再黎係QQ好似糯米磁既質地,意念夠創意,食落還不錯但芋頭蓉既味道逼真度較低

係QB番咗幾年工, 周不時都會嚟呢度飲茶食lunch今日遲咗食 lunch , 去到已 1:40pm茶樓 d 同事問係咪飲下午茶? 係就等多 5min吟樣我地就無端端吟食咗餐超抵 ...一來就先上咗個 杧果布甸有料喎, 唔係行貨 ...义燒都幾靚, 個魚湯底又好正燒賣好正, 蟹籽無蒸到熟灑, 好靚仔仲食埋蝦腸. 炸蝦cesar salad ...超飽.超開心

周五晚上，兒子要聽 seminar， 不回家用膳，正當盤算著和老公兩口子到那裡吃飯之際，豈料他已來電說仍在辦公室裡埋頭苦幹，要晚點才能下班，還提議我等埋他放工後，一起到家附近的酒樓吃小菜撐檯腳。真好，反正不用我這個超級懶精開火鑽，當然舉腳讚成。記得以往逢周一至周五，晚上九點後，到這間「東匯」吃晚飯，它的小菜是有特價的，不過筆者已有好一段日子沒來用膳，初頭還以為現今通貨膨脹，優惠理應已大幅削減，點知原來這晚的二人套餐，原價 $168， 已包例湯、三款小菜和甜品，九時後更有 8 折，難怪剛進來時，大堂已坐滿食客。當晚的例湯，是冬瓜紅蘿蔔瘦肉薏米湯，以一的個大湯碗盛載，足可分成 5 飯碗，冬瓜入口味道清甜，而且具有祛濕消滯、清熱解毒之效，非常適合經常加班的老公。小菜方面，先來的沙薑霸王雞，其實碟頭不大，而且雞件略嫌過於奀瘦，幸好雞肉吃起來不覺嚡口，蘸上沙薑汁及蔥油同吃，味道還算不俗。記得往日吃的沙薑雞，雞件會加入豉油和沙薑等調味料煎香，故入口不單雞味濃郁，還帶有陣陣沙薑風味，但現今的沙薑雞，大多要靠醬料來提味，水準確不大如前。跟著上的蘿蔔浸牛腩，以一個大瓦煲奉上，份量看起來絕對足夠三