東京食堂 (已結業)

朋友介紹尖沙咀有間食堂，蒲燒鰻魚冇得頂，喜愛食鰻魚嘅我梗係唔可以錯過。食堂位於一個隱蔽的後巷內，到達尖沙咀柯士甸大廈，走入小巷，隨即發現東京食堂。食堂裝修簡樸，大約有十幾個座位。價錢平民化。蒲燒鰻魚(半/全)套餐包括麵豉湯和珍珠米，份量十足，鰻魚肉質肥美，入口感覺軟腍，以粟米粒車厘茄伴碟，珍珠米配上飯素更更美味。黯然銷魚飯燒汁甜度比例恰到好處，蔥花配煎蛋加上鰻魚，味道另一番風味。吉列炸蝦外皮金黃鬆脆，口感爽口彈牙。蜂蜜紅茶紅茶清香醇厚搭配上蜂蜜，口感柔和。柚子梳打味道清新，帶一點酸甜，胃口瞬間提升。

眨下眼又到令人期待嘅星期五😍，今日同某君繼續跟WhatsGap嘅網民推介餐廳揾食，依間野平時行街如無意外實會miss咗，因佢位於正常唔會入去嘅柯士甸大廈個天井到，雖然係咁，又幾企理乾淨喎衰鬼😌東京牛肉 • 附炒野菜 $48>即叫即炒，熱辣辣>牛肉幾好，有牛味而不韌，但少肥>炒野菜幾香甜，靚仔>飯好軟熟，但無乜飯味>湯略鹹==================推介指數 🌕🌕🌕🌗🌑照燒雞扒 • 附炒野菜 $54>個樣幾靚仔，吸引>雞皮比想像中腍，個人比較喜歡脆皮>雞肉無咩肉味，偏淡>炒野菜幾香甜，但唔知點解無金菇>飯好軟熟，但無乜飯味>湯略鹹==================推介指數 🌕🌕🌕🌗🌑雖然店仔細細，位置亦不起眼，但我地一路食一路有客人嚟光顧，客似雲來，當中亦不乏OL同學生，實在難得👏🏿

有一間私心食店一路都唔想推介，因為怕介紹完之後，從此變成排長龍店，但係今日再嚟嘅時候，決定唔自私介紹給大家黯然銷魚飯平時去茶餐廳經常會見到嘅菜式，換上日本版就變成肥嘟嘟厚厚的鰻魚，太陽蛋，蔥花，醬汁分佈平均，我最愛太陽蛋煎到有邊，每次必點項目麵豉湯平時麵豉湯大家飲得多，但係有冬菇嘅你又有冇飲過？！檸檬蜜糖水天氣乾燥正適合今日飲餃子雞翼外皮香脆，餡料脹卜卜內軟，香脆可口其實我第一次嚟嘅時候已經係2015年，久唔久就會過嚟幫襯，而家推薦一下呢間用心經營嘅小店，因為咁多年食物質素依然保持得好，好食及價錢相宜，食過嘅人就知我講緊乜嘢

良💛小店！要多多支持👍🏻小窄巷內不起眼嘅鋪位，隱藏住高質日式小店！店舖小小，裝修好有日本風。鰻魚飯係較受歡迎嘅菜式，喜歡鰻魚嘅朋友唔洗多考慮，必食！蒲燒鰻魚(半)$78 + $30定食(珍珠米、味噌湯、凍豆腐、茶)評價：⭐⭐⭐⭐️⭐🍱 蒲燒鰻魚(半)定食前菜小食：凍豆腐配麻醬👍🏻 味噌湯較鹹主角：厚身嫩滑鰻魚配上濃濃鰻魚汁，好美味😋 份量送飯剛剛好👍🏻 鰻魚肥美又唔會多骨！配菜粟米好甜好味🤣

早排行開supermarket見到鰻魚就好想食啦！咁岩同同事傾開整鰻魚食，同事朝早推介呢間隱世黯然銷魂魚飯，lunch time就即刻過黎食！舖面唔大，座位唔多，好彩我地lunch time flexible d，2點幾黎到唔洗等位！✨黯然銷魂魚飯鰻魚都算大份，舖滿咗隻大碗，而且厚度岩岩好燒汁味濃，唔會太鹹隻煎蛋煎到岩岩好，蛋黃仲係好流心，做黯然飯就岩曬！督碎佢，配合埋燒汁飯底，輕輕攪拌下，好味到清底，一啖不漏😂一向眼闊肚窄嘅我見到有餃子雞翼，即刻點埋😂雞翼當然係無骨處理，入面的餡料係豬肉同韮菜，啖啖肉，好正！雞皮炸到脆卜卜，口感十足！食曬後，10成飽😂野飲叫咗檸檬蜜糖水，酸酸甜甜，健康又消滯，滿足曬！

呢間隱世食堂係有次係d foodie ig見到就去trytry跟住openrice地址行過去搵黎搵去都見唔到有類似既鋪頭跟住街口有個叔叔問我地問我地搵咩 跟住就指住：咪呢到lo🤣 我同朋友一望 真係係個小巷行入去 十分隱世🤣🤣我同朋友都中意食鰻魚 9秒9已經揀好食咩 仲叫多左碟雞翼當時八點幾 店內得翻一台客人 店員比我既感覺同係日本小店既店員一樣 親切有禮貌🥰適合兩三個朋友一齊黎傾計食飯 環境幾舒服如果係一大班人就唔太合適喇～

呢間野真係好隱蔽好難搵 唔係專登去既話 就咁經過真係唔會留意到 佢係個類似舊式大廈既入口裡面 間鋪好細 不過好artistic 有幅靚畫俾人打卡 野食好快就上 叫左個壽喜燒定食 都幾大碟 不過牛肉就一般啦 唔算真係好好食 啲湯底好少都冇咩味 同埋比較油（但呢個價合理的）至於啲豆腐就好滑好好食😍可惜珍珠米果到煮得唔夠用心 食到有啲仲好硬未煮熟既米

朋友介紹尼食唔係佢帶路真係搵唔到堅隱世 大推鰻魚飯定食 魚淋滑無骨汁偏重味 送飯一流 味噌湯正常 荔枝梳打唔記得影相夏天飲真係透心涼 可惜室內只有兩張枱座唔到就要座吧枱或者室外

身為鰻魚飯既fans，喺網上見到呢個出名鰻魚飯既小店，即刻過黎試試味道。叫得呢間做隱世，因為都算難搵，要喺柯士甸路穿過一條小巷先見到東京食堂。搵到東京食堂，店鋪大細比原本想像中細，成間鋪得10個座位左右，比人既感覺係日式小店feel。餐牌係簡約設計，以小店形式黎講食品種類算幾多。坐好後二話不說就叫左個黯然銷魚飯，由於即叫即製，等候時間唔算特別快，店員都有禮咁叫我地耐心等候。黯然銷魚飯黎到，鰻魚飯配太陽蛋加蔥花呢個配搭都幾新鮮，增添左份港式既味道，而成個餐配味噌湯，望落精緻，但飯既份量偏少，如果大食既人絕對要喊多飯。但好在鰻魚夠肥美，啖啖肉得黎無乜魚骨刺口，蔥花加鰻魚汁配蛋汁相當惹味，唯伴餐既味噌湯就算普通，飲落似普通市面快餐店既味道。以尖沙咀區黎講價錢唔算貴，下次會再黎試下其他野食！

之前同事介紹來呢度食，話d嘢食都幾唔錯下。係由街道穿梭入黎 都幾隱世下～因為舖頭細 唔多位 所以舖頭出邊都可以開台坐。但唯一不足嘅係 夏天係出邊冇冷氣又冇風扇 再食埋d熱辣辣嘅嘢 都真係幾熱下。呢個係唯一不足之處。四個人都order咗牛肉壽喜燒 所以等的比較耐。同埋食得都比較急。但d嘢食質素都唔錯，牛肉都幾好味～ 一set份量啱啱好 唔多唔少 夠飽。🤣同埋 呢間舖有提供外賣送餐服務。可以係office order都得 唔洗係度吹熱風～🤣

如果平時行過一定唔會發現到呢間小店😂😂因為餐廳個入口實在太隱蔽了🙈🙈路痴的我，搵左三次先見到🤣🤣但之後就覺得都不枉此行，值得的💁🏻‍♀️原條蒲燒鰻魚飯定食條鰻魚嘅長度同厚度都對得起個價錢😂😂個汁好重味，份量可以減少啲，但送飯一流，大推💁🏻‍♀️蒲燒鰻魚蛋飯我要求蛋係全熟🙈🙈一樣好味😋😋‼️鍾意鰻魚嘅朋友應該唔會失望，可以一試👍🏼

好耐無去日本，突然心癮起想食日本野，就睇下附近有咩食。行下行下見呢個食堂，外觀都唔錯，就入去試下佢！叫左個鰻魚飯，再加左小小小食，果然冇失望！賣相精緻，一黎已經好開胃！再加左小食，不過相比都係鰻魚飯好食Ｄ雖然唔太平，但當去左轉日本，食地道野，都唔錯～

聽說這間的鰻魚飯好好味，今日一於去試試。這間小店位置很隱蔽，入口是要穿過冷巷，在大廈中間的井字型天井內，找了好一會。店內不太大，只有3張2人枱和小小的吧枱，大約容納8人左右。來到當然要試食鰻魚飯啦。點了半條葡燒鰻魚定食，包前菜麻醬凍豆腐，味噌湯，飯，和茶 $108雖然鰻魚size不大，但都算幾肥美，啖啖鰻魚油香味，配上甜甜的燒汁好好味。牛肉壽喜燒定食 $98壽喜燒汁味道很鹹，不是甜甜的， 而且牛肉口感十分老， 很難咬開，不推薦。

佐敦隱蔽小店嘅高質原條蒲燒鰻魚飯同照燒雞扒飯☺️ 好彩撞正大學生中學生放暑假唔洗點排隊 小店得十個位左右😆見到甘大甘肥美嘅鰻魚飯 我同朋友即刻😍😍😍實在太好味 食埋個雞扒飯 我哋要捧住個肚走😂

同大家介紹下💁🏻‍♀️最近成日食既餐廳👉🏻東京食堂👈🏻真係好正架👅..每次我都一定會叫”原條蒲燒鰻魚定食”($148) 🍱包左味噌湯、芥末八瓜魚、珍珠米 同 茶🍵 一上台條鰻魚超大條😳 而且肉質彈牙，又燒得岩岩好👍🏻配埋飯係一流呀‼️