東京食堂 (已結業)

行街經過尖沙咀，有啲肚餓，入左去間日本餐廳，竟然有驚喜！我地叫左一個鰻魚飯，一個雞扒飯。鰻魚味非常之濃，啲汁用黎撈飯簡直一流。個雞扒飯簡單得黎又有日本風味，令我回想喺上年去東京嘅旅行。真係非常之有feel!最後講下依間餐廳嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$200。以咁高質素嘅食物黎講算係物超所值。所以整體黎講我對今餐嘅評分係9分！

自從有咗foodie account之後都好少會重複幫襯同一間餐廳，都想試多啲唔同嘅餐廳/小店，推介俾大家🤪但前幾日突然之間好crave日本野，所以都係忍唔住去咗 @tokyoshokudo ！因為呢度嘅性價比真係好高！lunch嘅價錢由$4x起都有交易，又有飯又有麵豉湯，一定夠飽😋雖然呢度地點係偏僻左少少，而且環境比較細，只有五六張枱，繁忙時間可能要排隊。但食物真心高質，又抵食！🥰.ever since we opened our foodie account, we rarely go to the same restaurant twice 😂 but everytime we crave for japanese food 🥘 we cant resist but go to @tokyoshokudo 😋 this place is really a bang for your buck lunch place 🍴 you can grab a don and a bowl of miso soup for $4x & the portions are definitely

支持黃店💛聽到東京食堂個名就好有興趣想去試試👻呢度有d偏僻好易行過miss左😂舖入面位唔多, 夜晚7點幾去等左一陣咁啱好快有位坐出面😛. 牛肉壽喜燒 . <$78>壽喜燒個汁好香好濃不過唔算甜, 係鹹d嘅汁, 加埋蛋汁撈飯食正👍🏻牛肉肥瘦分明, 配埋入面d雜菌同洋蔥好食😋 不過原本以為會用熱煱上烘住咁食, 所以溫度上都係可以控制得再好d加$30有定食: 有麵豉湯同中華沙律, 飯就加$20升級貓飯, 即係鰹魚醬油+紫菜+木魚+牛油🙆🏻‍♀️ 可惜唔係好食到牛油同個醬油味, 覺得一般, 木魚同紫菜好多！麵豉湯亦唔夠熱, 但整個份量係好夠好飽嘅👍🏻. 蒲燒鰻魚 (半) .<$88>鰻魚燒得好香同算厚身, 個汁好食, 配埋粒粒粟米, 半條都好夠啦算抵食😛😛. 雞軟骨串燒 . <$32>. 蒜蓉翠肉瓜 . <$18>. 鹽燒雞脾菇 . <$18>一份有兩條雞軟骨, 好好食😋 翠肉瓜仲好juicy配埋上面粒粒蒜蓉正呀😆鹽燒雞脾菇好大舊鹹香可口🤤 可惜好快就凍, 唔知係咪坐出面大風又打下卡🤣. 蟹肉忌廉薯餅 . <

成日話隱世隱世呢間餐廳真心隱世～好彩細個有食開隔離嘅聯威茶餐廳，所以都有概念點去😝lunch嘅價錢由$4x起都有交易，又有飯又有麵豉湯，一定夠飽😋雖然呢度地點係偏僻左少少，而且環境比較細，只有五六張枱，繁忙時間可能要排隊。但食物真心高質，又抵食，一定會再支持🥰(聽講呢度鰻魚好出名!!要試下😋).this place is not easy to find 😆 but if u do find it, u are in for a treat 😋 lunch starts from $40 for a rice set all the way up to $80 if u want something a bit more fancy 🐟 it comes with soup and the portions are pretty decent so u will be full 🤤 This place is quite small with only 5 to 6 tables so you might have to wait if u come during lunch or d

超級細舖 店員得一兩個 燈光暗暗地 不過枱嘅打燈超級勁 影相好靚 坐得好迫下 唔係好舒服 坐入面有少少油煙味 出面可能好啲*蒲燒鰻魚(全)定食 $158鰻魚一條 $128 燒汁入味 魚肉厚身 食落唔係散曬冧曬 魚皮唔係脆卜卜 不過幾彈牙 唔係特別好食 不過呢個價錢 呢個質素 食得過 不過粟米乾曬水 如果鰻魚都整得甘靚仔 粟米都應該可以整到靚仔啲定食 +$30 飯好飽滿 啲打燈打到啲飯粒閃閃發光甘 麵豉湯普通 冇料 偏鹹 仲有細細碟中華沙律*鐵板牛舌 $46望以為細細碟 但其實有好多 牛舌本身唔係油膩的部位 佢煎的時間快 所以都唔係韌到咬唔開 調味啱啱好 滴幾滴檸檬汁 就會清爽啲 蟹肉忌廉薯餅 $28我以為係自製薯餅 上菜睇落似急凍一包包果種 新鮮炸起 冇咩蟹肉味 忌廉我諗係啲美乃滋 麻麻地 唔係特別想食 可以唔嗌*價錢合理 鰻魚同牛舌高質 不過唔啱食完想傾陣計的人 晚市7點已經排左十幾個人 所以要食就要早啲到啦

2019年12月24日。晴。尖沙咀。2019年香港嘅平安夜不平安暴風雨嚟之前嘅夜晚喺尖沙咀搵嘢食真係好困難因為所有黃店都大排長龍！但係唔緊要！面對艱難苦困，只要堅持就會有希望！就好似排隊咁，排咗一個鐘左右，就排到喇～～～～有串燒、有小食，下次冇咁多人等位嘅話可以嗌多幾樣小食、串燒當正餐～主食menu比較簡單，選擇唔算好多，選擇困難症患者可以唔使咁煩惱全條蒲燒鰻魚定食，$158之前就已經聽過呢度嘅鰻魚出名，一場嚟到，緊係要試下！食落果然同平時食開嘅鰻魚有啲唔同首先，鰻魚嘅肉質厚實，唔會一夾就散，要用筷子夾多幾下先可以令鰻魚肉分離肉厚，食都食得開心啲～另外，個醬汁亦較濃味，冇平時嘅燒汁咁甜的確高質！熱情果梳打，$24梳打會先倒咗一半左右落杯，然後將剩低嗰半支等我哋自己斟酸酸甜甜，好味～但發現飲到最後就會澀咗啲男朋友叫咗杯荔枝梳打似乎就唔會有飲到尾變澀呢個情況荔枝梳打就會甜啲，都好好飲～牛肉壽喜燒定食，$108牛肉壽喜燒鮮甜，個汁仲可以用嚟撈飯～唔鍾意鰻魚嘅朋友，呢個都係唔錯嘅選擇嚟～

正宗鰻魚飯我自己好鍾意食鰻魚飯，但係香港好難搵到正宗食鰻魚飯嘅餐廳，朋友同我講過話呢間餐廳嘅鰻魚飯好掂，難得今日放假，專登過嚟試一試。餐廳位處屋苑天井的地舖，唔熟路嘅朋友仔可能都要花少少時間搵路，但係無阻我食鰻魚飯嘅決心。到達後老闆同我講好彩我哋早少少嚟，因為鰻魚飯已所剩無幾。我同女朋友分別點左餐廳最出名嘅兩個定食：黯然燒魚飯同蒲燒鰻魚飯（半條）黯然燒魚飯定食包括味增湯同日本飯，魚肉超嫩滑，鰻魚汁好惹味而且肉質厚身，啖啖肉之餘仲伴有少少炭嘅味道，再配埋脆邊嘅太陽蛋，真係拍得住我喺日本食嘅正宗鰻魚飯。蟹肉忌廉薯餅另外追加左個小食，睇得出小店好用心，每樣野都係即叫即整，新鮮滾熱辣。薯餅香脆可口，蟹肉忌廉一向都係好夾，超水準之作。有心去食嘅朋友仔可能真係要預早少少去，因為鋪頭座位唔多，午飯時間好多係附近返工嘅朋友仔都會去食，遲咗就可能食唔到㗎啦！

喺日本食過好好味嘅鰻魚飯，至今一直念念不忘，男朋友推介話呢間鰻魚飯拍得住喺日本食，咁梗係要來試吓啦！餐廳隱藏喺屋苑天井嘅地舖，雖然我搵路都搵咗一段時間，但係絕對值得。我同男朋友分別點左餐廳最出名嘅兩個定食：黯然燒魚飯同蒲燒鰻魚飯（半條）蒲燒鰻魚飯（半條）定食除咗主菜半條鰻魚之外，定食包括味增湯同日本飯，仲有啲粟米粒伴碟。魚肉夠嫩滑，上桌時有炭燒香，而且肉質厚身，絕對係啖啖肉，肥美得黎有入口即溶既感覺，係味蕾嘅享受呀！蟹肉忌廉薯餅另外追加左呢個小食，薯餅炸得好香口，上桌時熱辣辣，好明顯係新鮮炸起，薯餅入面混合左蟹肉同忌廉，食落唔會好膩，又有蟹既鮮味。提提大家，餐廳實在太多人食鰻魚飯，好彩我早少少去咋，因為遲我兩台嘅客人已經冇晒鰻魚飯食啦。

早排同老公去開尖沙咀，醒起有間食鰻魚飯出名嘅餐廳，一於去試試。餐廳位置喺尖沙咀婚紗街好出名嘅「三角公廁」對面。稍不留神就會錯過個入口。我一向好鍾意食鰻魚，所以決定叫兩個都係鰻魚嘅餐。蒲燒鰻魚定食：賣相好靚呀，塊鰻魚都好厚，配埋個鰻魚汁好好味！汁唔會太咸。少少鰻魚、粟米、飯，加埋一啖咁食，口感味道豐富，好滿足。欣賞佢個麵鼓湯唔太咸，啱我個人口味！黯然銷魚飯：除左有鰻魚外，仲有蔥花同煎蛋，好有趣！蔥花好新鮮好香，撈埋蛋同鰻魚一齊食，正！除左兩個飯，我地叫左明太子雞翼，外型脹卜卜，入面釀左啲明太子，爽口微辣，口感豐富！梳打類飲品，真係成支梳打水俾晒我地架，好抵飲

東京食堂呢個時候，一定要支持下d小店，專登去找尋下邊度有好野食，遇到呢間隱世鰻魚飯，開左業五年，能夠在尖沙咀頂到咁長時間，一定有唔錯的實力既。決定一試！有一個伙計好好人，好有禮貌，比到日本人的服務態度，黯然銷魚飯：好香呀，蒲燒汁配蛋汁再加蔥，味道豐富，口感層次突出分明！蒲燒鰻魚：成個定食咁上，非常有誠意，鰻魚大大條，旁邊嘅粟米伴碟，竟然都好有心思，做埋牛油粟，細心度加分，令到整體的滿足度上升！明太子雞翼：即叫即炸，雞肉鮮嫩蟹肉忌廉薯餅：入面好creamy, 肉眼見到有蟹肉柚子梳打&熱情果梳打：夠大杯，又唔太甜

今日放左工之後去尖沙咀附近搵野食，我行到去韓國街見到有一間日式小店，主打原條燒鰻魚，而且裝修幾有特色，放是我就入去試下。店內的坐位不多，加上門口的兩張枱，大約可以坐十幾人，我大約18:30左右到，已經有好多人，好彩我一毎人食，好快有位。坐低之後，我叫左個全條蒲燒鰻魚，外加定食（包括珍珠米，味增湯，凍豆腐，茶），另外再叫左一杯荔枝紅茶。等左大約10分鐘，全條蒲燒鰻魚加定食送上，鰻魚好大條，燒得好香好入味，配上珍珠米很好食，凍豆腐亦很好食。

呢日請左假去interview，In完之後唔理表現好唔好啦，決定食下好西慰勞下自己，咁揀左個名好有深宵食堂feel既東京食堂呢間野好隱秘，我行左成條街都唔見間舖，原來佢係隱身響柯士甸大廈入面，但間餐廳既客人都幾多喎。本身係想食鰻魚飯，但中午食100幾蚊好似好奢侈，於是我就揀左牛肉壽喜燒因為店內只有兩個店員，所以製作時間都比較耐，但事實證明係值得等嫁。味噌湯熱辣辣，咸咸地，依家凍凍地飲左覺得暖笠笠。而個壽喜燒份量好大，好多菇菇，岩哂菇菇愛好者既我，牛肉唔係吉x家既質素，脂肪分佈均勻，有油脂香，配埋個汁甜甜地送飯一流。咁樣先$54蚊，真係邊度搵，決定下次同朋友仔黎試佢個鰻魚飯先

今日去左呢間食鰻魚飯，叫左原條鰻魚加定食。價錢係中間位。而間餐廳既位都好少，但都好多人排隊。講返個鰻魚飯先，個餐個麵鼓湯比較淡，但個豆腐算滑，同食一口已經知道佢可以令人有少少飽既感覺。原條鰻魚，當然吸引啦！但白飯唔夠多，條鰻魚撈唔哂d飯食，整體都好食既。另外我地都有叫小食，個豬頸肉唔錯，都夠味。至於個餃子雞翼，覺得普普通通。大家都可以試下，因為佢都算唔錯啦。

朋友好鍾意食鰻魚早排話要同我食呢間話好多人讚咁話我地搵左好一陣先搵到入來原來唔係外街d舖頭見到呢棟building要再行入去要再行入去先搵到好有探險感覺估唔到入到來仲有餐廳門面非常低調環境都幾舒服雖然唔大間不過感覺幾特別好relax我地夜晚六點半左右來到估唔到都幾多人來食暗然銷魂鰻魚飯wa個煎蛋超靚啊鰻魚好綿滑甜度剛好燒得好香柚子梳打清新解渴超正蒲燒鰻魚（半份）鰻魚飯相當出色肉質肥美可口我地食到舔舔脷呢個set唔錯有湯同前菜吉列炸蝦🦐脆卜卜好正蜂蜜紅茶清新潤喉小店好好服務同有禮貌d野食價錢親民得來有質素我地食得好開心😃值得推介

今日相約朋友喺佢公司附近食午餐，呢間店小店喺大廈入面的四方位，主打日式食物，有數張小檯可坐餐廳出面，入面都有一些位置一望餐牌就黯然銷魂魚飯所吸引，原來係鰻魚飯加太陽蛋，下單後10分鐘左右就有了鰻魚肥美啖啖肉，而燒汁鹹甜適中，日式珍珠米飯軟熟，仲配多隻太陽蛋，伴碟有日式京蔥加埋山椒粉落去食更美味，個餐仲會跟上麵豉湯另外追加酥炸生蠔外層脆香，入面隻蠔好嫩好多汁又重蠔味加$4仲有凍飲選擇，我揀咗檸檬紅茶，茶香不錯又有微酸檸檬味道，最好就係唔太甜，呢間性價比好高又好食。