東京築地拉麵 (已結業)

睇戲前搵個地方填肚，喺戲院附近搵到呢間，見佢哋門口既Menu 都啱食就決定落樓梯入店。可能對於旺角黎講，星期六下午12點可能都叫時間尚早，入到店除咗我同老公，就未有其他客。坐低待應就放低兩杯水同menu，食物選擇除咗有一張假日午餐定食既餐牌外，仲會有一份好似報紙既menu。諗完一輪，最後揀咗築地橫町牛丼同綠魅拉麵。牛丼係set lunch ，會附送小食同一杯$18以下既飲品，牛丼汁既味道偏鹹，d牛肉好碎，反而杯飲品唔錯。而綠魅拉麵反而有d驚喜，最初怕菠菜魚湯底會好伏，但味道ok之餘，d豬肉都好味，呢個麵可以推介。

正呀冬天暖胃小鍋物岩手純情豚肉鍋牛肉壽喜燒鐘意食辣可以配辣濃湯開胃又夠辣配埋三分肥既豚肉味道超夾肉超嫩！包埋飲品一杯食材有豆腐，山葵，菇， 蔥，蘿蔔片等食到最後加埋烏冬超飽 岩手純情赤之豚鍋 (H2)赤,即紅,火辣辣度大約香港人既中辣水評但湯底不單純死辣,配合上各種新鮮食材,味道更加豐富係一種帶起食慾既辣度辣味濃湯配上三分肥既日本純情豚肉放在鍋中煮大約3分鐘吸滿辣湯,一口咬下油脂甘香,肉汁豐富沒有一絲膩感,反而更想吃,入口即化可以追加豚肉,咁就非常滿足了!烏冬有彈性,最後放湯煮就可以吃了!壽喜燒甜醬油湯底 可追加肉$18一份烏冬$12鍋物中有山葵,牛肉,紅蘿蔔片,豆腐,金菇等食材 牛肉 肉味濃,鍋熱煮1分鐘就可以吃到最嫩滑既質感當然要配埋日本雞蛋,吃起來牛肉更嫩更香

同朋友喺聖誕節around 7pm黎東京築地食，原本以為會好多人要等位，但一入去淨係見到幾枱人。叫咗個牛肉壽喜燒，包烏冬，裏邊有好多牛肉，仲有豆腐、冬菇+1隻生蛋。凍冰冰最啱打邊爐，壽喜燒個湯底好味！

雖然仲未凍，但都開始要打邊爐。黎個抵食既一人火鍋先！牛肉壽喜燒火鍋$88鍋入面有雜菌、秋葵等蔬菜。仲有超多份量的美國肥牛。用生雞蛋蘸來吃。肥牛味道更濃更滑。唔夠飽，仲可加烏冬$12。仲有杯野飲品添。

同幾個朋友黎食晚餐, 佢個餐牌好特叮,設計到成份報紙咁, 好有心思. 叫左個燒牛肉丼餐, 包一杯野飲. 燒牛肉丼D牛肉唔乾身,加埋D汁幾好食, 唔會好肥膩, 而飯量都幾足夠, 飲品叫左杯牛乳奶茶,其實姐係一般野奶茶.整體滿意

行完街，見menu整到報紙咁幾得意，就錯入呢間劣食餐廳，入到嚟店員都無乜禮貌感覺都唔太好，坐位都幾窄，令到客人有咁快得咁快，食完就走。綠𣁽拉麵 $64湯底根本無“新鮮波菜汁同鮮甜魚湯”味，試咗幾啖只有鹹水味，淡以無味睇，Menu介紹豚肉講到“純情豬”還好啦，最好食都係糖心蛋，醬油味十足。築地大盛炙燒豚丼 $78厚切豚肉一層一層的肥瘦均勻，醬汁惹味，唯一飯量算少，男生吃就不太足夠。清酒$48 和歌山紀州梅子冰 (跟餐+$8)清酒太熱，倒出嚟好似滾水咁。梅子冰同酸梅湯冇分別。

黑鬼濃厚豚骨湯叉燒拉麵成碗麵味道一般 得個樣好食又唔香 湯底唔夠濃郁似水 一點都唔杰無咩豬骨味拉麵好淋 已叫左麵要硬d但都係咁唯一隻蛋好食 叉燒還可以 筍反而幾好食 爽得黎帶少少甜

Ate here a few years ago. Was super long queue but really tasty. Return yesterday and found out there was not many people and the ramen was not exceptional anymore. Just decent. Anyway it is worth the price. Atmosphere, service and decoration was fine.

今次揀左呢間東京築地試下😋😋呢間野既地理位置唔太易搵～我上上落落搵左一段時間先搵到！間野話就話係間商場入面，但需要兜外圍先去到！一入到去客人唔多，即刻就有位啦～食辣既我緊係試下佢個赤神拉麵！睇佢張相以為會好辣～但食落其實唔辣拉麵無咩驚喜，唔太出色..但感覺尚可！但麵上面隻流心蛋絕對加哂分！（溫馨提示：食呢個拉麵前要撈下個麵，啲辣沉哂係底😜）5分滿分既話我比呢個拉麵3.5分，個泡菜雞翼都有4分嫁！😋

今晚同朋友既聚會黎到呢間餐廳其實位置都幾隱蔽 類似地下室 佢既正門都幾似後門 記得門推門就入到餐廳😬入到去佈置都幾有日本feel🇯🇵職員都好有禮貌叫左三樣都係<燒牛肉丼>😬佢送小食<中華沙律>同飲品牛肉上面係半生蛋 方便撈飯一齊食都會有人接受唔到生蛋既食法 😅牛肉好夠”林” 配上飯加多少少牛肉汁會好味d🙆🏻‍♀️佢側邊仲有兩塊大既紫菜 都一樣可以包飯食😛我地都另order餃子小食🥟煎到外面脆卜卜 入面係豬肉

自細對於拉麵總係有著莫名的情意結，所以大個左去大阪都會食一蘭拉麵、金龍拉麵......當然拉麵的彈牙跟湯底呢樣嘢真係好緊要...今次食開ge呢間東京築地拉麵，當時睇到呢個名已經感覺非常之有日系fu😆😆😆，咁就order左綠魅拉麵、泡芙、日式餃子and蔬果特飲。菠菜湯底的綠魅拉麵，拉麵口感唔錯，味道鹹淡適中，湯底夠濃縮，真係同出面的味精湯底有明顯分別，真係飲左都唔會頸渴，追求食得健康的你真係可以一試！👍泡芙跟日式餃子、蔬果特飲也沒有讓我失望，一分價錢一分期待，完全滿足到我食得開心ge原則😬總結：👉賣相賞心悅目，食物也值得俾like、食出日本feel~~~👈

行開旺角諗住搵間日式拉麵食🇯🇵但又想平平哋 唔想食得咁貴🤑喺旺角呢就見到有一間東京築地拉麵 🌐價錢係唔算太貴咁🤨就同班friend一齊入去試吓 喺雅蘭中心後邊間野係要落樓梯嘅落樓梯嗰陣就可以見到佢有一張大嘅poster 即係佢啲menu 📰📰📰間野門面就比較普通 唔係話有太過特別搞笑嘅係佢係播緊韓文歌🤣🤣😅佢啲Menu係好似報紙咁樣 大家要小心啲唔好整污糟😗我哋幾個friend就大家點左每款三神拉麵1. 黑鬼拉麵🍜 望落去個樣就同普通日本拉麵冇乜分別🧐但係食落口佢個感覺就好似香港人開嘅拉麵一樣😐湯底完全係唔夠有味 叉燒唔係燒得特別好食😐拉麵最緊要就係 湯底 面質 同埋叉燒🤔佢依三樣嘢都係好似好普通咁樣煮😧唔夠味道 極為普通2. 赤神拉麵朋友食 佢俾個評語就係一般 兩個大字3. 黃金拉麵朋友比嘅評語係淡而無味4. 小食-金菇肥牛同埋炸蝦🍤反而小食尚算可以炸蝦就一般 金菇肥牛就幾好食 唔會太銀幾有味5. 飲品 - 梅子冰味道唔差 最後食粒梅個陣好鬼酸鍾意食酸野既 可以飲依杯梅子杯Overall 每人大約$120價錢唔算太平 嘢食唔算好味 中等中等🔚

平日約朋友出街，到食飯時間嘅時候通常都唔知食乜好呢一次行行吓兜咗去雅蘭嗰邊，附近有幾間食肆無乜點考慮之下就落咗去呢間東京築地拉麵試試我嗌咗呢碗 赤神濃厚豚骨湯叉燒拉麵一上枱嘅時候見到咁多辣油都有啲驚不過食落去無想像中咁辣但係唔小心嗆到喉嚨就會辣到不得了拉麵麵質普通，唔會嫌棄但亦唔會係好好叉燒味道比較淡啲筍無咁重味，我比較鍾意呢種最好食係嗰半隻溏心蛋隻蛋係有醬油醃過，食落去好香好好味不過成個麵個重點係湯底初頭幾淡，舀上嚟唔係好濃但差唔多食到尾先發現原來有啲調味料、濃味嘅湯喺底即係一開始應該要攪勻成個湯先食到正確嘅味道…

I had a tea in Mk today The restaurant is called Tokyo TsukijiI ordered a vegetable noodles with chicken . It only costed $38 Dollars . It looked very green which meaned very healthy . The taste was amazing . Also , just added $8 dollar for tofu . Yummy and happy price 😆

一個人下午茶時段，有d肚餓，見到話自已是東京築地拉麵店，於是便去試下。坐低後，唔知係咪地牢關係有少少臭味。就好似坑渠臭味，不過唔緊要唔好理佢，食野為先，叫左個下午茶叉燒拉麵再加個日式豆腐同埋一杯咖啡，豆腐先來，估唔到十分kb驚喜，外脆內滑，而味道亦十分不錯，至於湯麵卻十分失望，麵質普通，湯底十分清淡，叉燒比較乾身，十分失望，咖啡反而十分好飲，香濃咖啡味道真想再飲多一杯。整體而言，小食飲品反而比主食好。