村爺爺龍蝦湯.泡飯.燉湯專家

營業中

休息中

朋友推薦係油麻地有一間小店專門食龍蝦湯泡飯好食但價錢非常親民，今日決定去試一試。去到嘅時候已經見到門口大排長龍，大概等左差不多45分鐘先有位。Menu有好多選擇，大部份都係以唔同食材配上泡飯。我點左殿 · 海鮮龍蝦湯泡飯，有成半隻龍蝦同好多唔同的海鮮，例如蜆、魷魚、扇貝、花膠等等，但係價錢都只係$98，超級抵食。雖然d海鮮唔算特別高質，但係以呢個價錢食到咁多海鮮真係非常親民呢～有朋友點左花膠螺頭雞煲翅都話好好食，d雞夠嫩滑好入味😃

話說琴日喺油麻地經過村爺爺龍蝦湯泡飯店，見到條長長嘅人龍，就睇吓佢個餐牌，見到有大大隻龍蝦泡飯有幾吸引喎！所以就同朋友跟大隊一齊排隊食飯我哋等咗大概半個鐘就入得，雖然人龍好長，但好彩人流去得好快，所以唔算等左好耐就可以入去食飯啦我哋叫咗個龍蝦泡飯，除咗有半隻龍蝦之外，仲有好多唔同嘅海鮮，例如扇貝、青口、蜆等等，咁多海鮮加埋一齊令到個湯底好濃郁將個飯放左落去之後更加好食，白飯吸收晒個湯嘅精華朋友就叫咗呢個花膠雞湯配白飯，估唔到係有半隻雞係個湯入面！本身仲以為會係雞絲，但係原隻雞係個湯入邊真係嚇親雞湯煮得好香，一啲都唔覺得有好多雞油，而且份量好多！我同朋友兩個女仔都食唔晒呢！

今次吃左三樣野，第一味是網上大推的花膠螺頭雞🐔煲翅，🐔雞有少許【生】，不止我們認為雞較生，旁邊有檯食客也是，叫了三份雞，有兩份都是生，要求再加熱！第二味是川芎白芷🐟魚頭湯，是三個最好味的，清清的藥材味，都是一般。第三味是極上海鮮龍蝦湯🦑🦐，味道清淡，有龍蝦頭和淡淡的蝦味，咁d肉去左邊？原來要食$98個種先有龍蝦肉，下次大家想試就要留意啦！總結：味道清淡，材料一般，去火鍋店個湯底比佢好味多，用個爐放但又無加熱功能，無聊！不過飲完無口喝，應該無物味精！今次因為不是食飯時間，所以無人排隊先試下，如果平時鍾意食清淡野或病人餐可以一試，個人認為【無下次】！！

睇食評見到兩位數的價錢，有半隻龍蝦，又有花膠同半隻雞，梗係想黎試下啦！見個個都話排曬隊，所以就早少少過黎，5點45分黎到點知都已經排緊隊！不過人流去得快，等左一陣就入得喇！排隊果時見到有d藝人都有黎食，好似幾有睇頭咁。餐牌寫明邊幾隻款會有龍蝦，除左飯之外，都可以食米粉、麵...不過個人覺得飯應該好食d,因為吸味！真·豬永其龍蝦湯泡飯真係有半隻龍蝦！湯底好甜！有龍蝦的味道，而豬求其係指豬雜，粉腸、豬潤等等···如果唔食內臟就唔好叫呢個，其他真·龍蝦泡飯都會有半隻龍蝦！花膠螺頭雞煲翅套餐加左十蚊有飯、菜同熱飲，咁就可以當泡飯食喇！雞湯味都算濃，但花膠的味同翅味（好似係魚唇）就無乜喇，而螺頭都有d硬！最gimmick就係有半隻雞，仲有手套俾埋你自己手撕雞南乳炸雞翼+薯角炸雞翼好好食！好勁南乳香加上雞翼油，好滿足呀！而薯角就無乜特別。

一直都醒唔起要試下呢間泡飯，睇完梅窩張相，先知原來呢間鋪d海鮮係離島採購！咁新鮮，點可以唔試？晚上七點鐘到 排隊排左半個鐘，老細未受網上謠言影響，一直落力招呼客人，強👍🏻由於排隊期間已落定單，坐底唔洗5分鐘就有得食！100蚊唔洗既殿海鮮龍蝦泡飯加凍飲，絕對抵食！湯底鮮甜無味精，讚！龍蝦青口帶子蜆肉食得出好新鮮，而且份量好夠

之前係臉書經常見到黃秋生介紹呢間餐廳嘅龍蝦湯飯，上次七點幾來到，已經排咗超過四十人，唯有放棄無食到。今次諗住六點唔駛點排隊，但結果都有十幾人等緊，最後等咗大約半個鐘，終於可以一試了。其實都唔駛點睇餐牌，梗係點最出名嘅殿.海鮮龍蝦湯泡飯及花膠螺頭雞煲翅配白飯。先上檯嘅係龍蝦湯泡飯，賣相一流，份量多亦相當足料，除咗半隻龍蝦外，仲有蜆，青口，扇貝及魷魚等等，湯底非常鮮甜，好濃龍蝦味，飯倒入湯後吸收晒湯嘅精華，無得頂。隨後雞煲翅都到了，一煲有半隻雞，店員亦分別提供刀叉及手套俾你拆雞，但因為好熱嘅關係，拆起上黎都有d難度。雞湯入口香濃，咀唇有黏住嘅感覺，可見相當足料，而雞肉亦好嫩滑。飲完花膠雞湯後，感覺好暖好飽。埋單每人都唔駛一百蚊，有龍蝦有花膠，算非常抵食。不過要食真係要俾d耐性，因為排隊至少排半個鐘架。

open rice search 油尖旺區，top 10實會出現村爺爺，究竟係未咁好吃？！未食之前有朋友話佢只屬一般，因為咁，我無叫到過百既有龍蝦既龍蝦湯飯，驚中伏都唔會咁傷荷包😂（窮呀嘛無計）7點鐘去到，排左20分鐘就到左我地叫餐了，門口已經叫你落定order,未齊人一律唔比入，我明白既！效率嘛～餐牌！我叫左$68花膠雞煲翅，加多$10變套餐，抵到爛！半隻大雞，有幾舊花膠，有菜有飯有野飲，好crazy超大個餐！好多肉，好大碟菜，好大杯奶茶！至於味道就中規中矩。雞係熟既，唔滑身，花膠係平價貨，食唔食都差唔多😂反而個湯幾清幾好味😂但$78唔加一你仲想點？！呢個係吉列蝦蠔（龍蝦湯）泡飯，落單都講明無龍蝦，驚你誤會，咁樣幾好，清楚嘛～個湯係淡淡既龍蝦湯，海鮮正常，我係食吉列蝦蠔，因為朋友話唔好食，所以我跟佢比左3/5星。由於我鐘意食墨魚，又鐘意食魚腐，上菜時熱辣辣，爽口既，$32，好食啦大熱天，排20分鐘，味道只係一般，位置勁逼，個餐又大份，食果陣就住就住，好驚撞跌野又好驚手爭批到人，真係食一次就夠要試既話都值得一試既～～～～

龍蝦湯泡飯味道一般！我系睇完食評之後先黎呢度食嘅，覺得有d失望！雖然海鮮嘅份量系足夠嘅，湯系ok嘅！但是我...食完之後唔想食第二次..............................

7:15到 條龍已經長到媽媽都唔認得 不過為左食好野排下無所謂啦 叫左個top1花膠響螺雞連set 朋友叫左個殿。龍蝦海鮮泡飯 哇d湯正係好好飲 個龍蝦湯正過雞湯 好濃味 感覺用左20幾隻龍🦐熬湯 不得了 性價比超高 唯一挑剔係店鋪地方較細 其他都好滿意 味道方面： 青口等貝殼類海鮮唔太新鮮 應該係雪藏貨 🐔夠滑 店員好好 會有2隻手套提供 方便你表演手絲雞 絲苗飯 顆顆分明 鍾意食飯會好鍾意如果未去過 不妨試試 78分/100分不過下次我就唔會再去啦 排太長龍 香港有大把好野食

之前夜晚行過都見勁長龍，所以冇機會食⋯⋯星期六中午剛經過⋯見得十人排隊，即刻排埋一份⋯大約廿分鐘就入得啦⋯點左個海鮮龍蝦湯面-$68 咋！！！個湯清甜好好味餸也算多不過我估跟飯會好過麺

價錢好似平，款式又好多，但其實湯入面乜都冇，店有股怪味道，龍蝦只剩隻頭，食材都食得到唔新鮮。唔抵食！唔會有下次。個人經驗是食過最糟糕湯飯，不如其他店30幾蚊湯飯。

每一次見到都要排隊 想試好耐啦！午飯時間排左大概15分鐘左右。係妳排隊的時候店員已經問定你想吃什麼，入座之後就好快上到菜其實店內選擇很多 就咁望都唔知食咩好，但最後都是揀左魚頭鹹蛋芥菜湯，只需加10蚊配白飯一碗同油菜一碟，價錢尚算實惠！店內環境其實有點逼，但勝在服務與菜式補救到。湯頭十分濃郁香甜，看得出來是足料炮製，材料食上黎都感覺到新鮮，但可能是鹹蛋的關係，湯比其他的鹹了一點，但跟白飯一起食，還是可以接受的！

Lunch time黎要排隊約十分鐘先可以入座，一坐低就叫左個魚腩鮮雞肉龍蝦湯飯。原來個湯飯係冇跟個龍蝦頭，但個湯真係夠曬龍蝦味，但係又唔會太濃，夠清甜😌至於d雞肉又嫩又滑，配龍蝦湯一流👍🏻份量都唔少嫁，一碗有4,5嚿，都算大嚿！另外魚腩方面就有少少失望，魚腩略嫌唔夠鮮味，但份量十足，有兩件，呢度都可以加多少少分😃不過餐廳有個規矩，因為繁忙時間，落單要一次過落，即係野飲都要落埋，唔可以分開落，有興趣嘅朋友要留意返啦！

前幾日friend介紹之後黎左泥間野食泥間系網絡上都有介紹過，話好唔錯，但我覺得個湯都很普通，未去到性價比最高，的感覺，但量唔少其實除左面頭啲海鮮，實際下邊都係生菜我睇中湯，但湯未系做得特別理想，我覺得可以整濃啲蝦味，個人認為，純粹份量黎講，可以食到飽，對於一個普通女士黎講然後男朋友叫左個咖喱炸豬扒飯，我無影到男朋友話炸豬扒好麻麻，但我覺得對於唔鍾食意咖喱既我黎講，個咖喱醬都OK唔錯，有小小，小小辣 因為十二點到出邊仲未多人唔洗排隊就入到去，整體黎講都OK

星期一，又要返工啦，又系食好西既時間，今日午餐同事話去油麻地食村爺爺，事關佢食過覺得唔錯，連影帝黃秋生都推介，甘我地一行四個人又即管去試下啦。初時都驚渠多人，要排隊，好彩油麻地唔係上班區域，始終午餐系少人d，d學生哥又放梗暑假呢。我地當然系嗌佢地最出名既龍蝦湯泡飯啦，同事叫我地千萬唔好嗌有半隻龍蝦既龍蝦泡飯，首先貴原本龍蝦泡飯30元同埋ö個半隻龍蝦其實都冇乜肉食，唔抵食。所以我地全部都叫68元既龍蝦泡飯。一黎到，賣相一般，不過飲落啖湯唔錯，頗濃既龍蝦味，加d飯浸落湯度食，都幾好味既，同埋價錢確實好抵，68元有龍蝦有海鮮有飯，d海鮮都幾多架，有蜆有墨魚有青口，真系足料製作既。大家不妨去試下啦！