杏甜品 (香檳大廈) (已結業)

嚟到當然要試吓佢哋個招牌甜品杏仁茶燉蛋白 每日限量供應㗎 想試一定要早啲去！一上枱已經聞到好香嘅杏仁味 食落好清甜 口感又順滑 唔會有浸藥水味😋個燉蛋白都超級滑溜 仲好香蛋白味🥚兩者配搭得好好 食落又唔會好甜

店主對出品有一份堅持，杏仁選用頂級大 size，即日現磨，甜度由果糖把關。為現代對健康飲食關注一族，提供一份有益健康的甜品。🌰杏仁茶燉蛋白店家必試推介是杏仁茶燉蛋白，燉蛋白非常足料，足足有超過半碗，蛋白口感細嫩，質感結實嫩滑。店家的主打杏仁茶香滑濃厚，質感細緻滑溜，燉蛋白在底，上面加上杏仁茶，出品顏色純白，沒有搶眼嘅顏色，但簡單中見真章。在疫情肆虐的當下，嚐一份潤肺養顏的甜品，為健康加強一度屏障🥥椰皇湯丸燉雙皮奶雙皮奶嫩滑香濃，滲入淡淡的椰皇清香，基底燉得幼滑，入口尤如豆腐花般細緻，連埋面層牛奶，一啖入口即滑入喉嚨。湯丸煙韌Q彈，芝麻味香濃。全個椰皇燉得非常足火喉，椰子肉輕輕一㮿，全部椰肉都離殼，KO 完這個甜品之後，感覺超級滋潤🥭呂宋芒小丸子杏仁茶吸吸夏天芒果當造，傳統智慧不時不食，梗係要order一杯芒果飲品，一飲為快。香甜多汁的芒果肉，一粒粒浮在冰凍的杏仁茶上面，配著七彩Q彈的小丸子一起享用。甜美的芒果、香滑的杏仁茶加上煙韌小大丸子，復古與創新嘅結合，滿足晒味蕾嘅層次享受，感受清爽嘅夏天滋味。需然飲品有提供飲管，但成杯飲品内芒果肉同小丸子都絕不孤寒，建議用匙羹𢳂來食會更開心

尖沙咀一間小清新甜品店 主打每日新鮮製作杏仁茶同水果爽冰🤤 之前已經試過佢哋嘅龍眼冰 非常驚艷😱 今晚食完飯經過又入咗去🥰無嚟一排Menu都update左 今次決定試番上次冇試嘅杏仁茶 叫左呂宋芒小丸子杏仁茶 貓山王榴槤爽冰同埋椰皇湯圓燉雙皮奶🤤招牌嘅杏仁茶果然出色 為咗堅持品質 杏仁茶每日新鮮現磨🤩 用上天然果糖 味道天然☺️ 杏仁茶帶有呂宋芒嘅甜味 出面真係飲唔到👍🏻水果爽冰係小店招牌甜品 今次試咗貓山王榴槤 榴槤控必試🤯 味道比食榴槤更加香濃😱 除左爽冰面放上大量貓山王果肉 爽冰更是用上大量貓山王榴槤肉製作而成 無添加糖分 全天然 勁香濃🤤椰皇湯圓燉雙皮奶一次過滿足晒我又想食湯圓又想食雙皮奶嘅願望🤩 雙皮奶用上北海道3.6牛乳製作 唔止滑捋捋 仲好香濃牛奶味道👍🏻 女仔一定鍾意食 推薦大家一定要過嚟幫襯🌟

間餐廳好有文青同台灣風格，青綠色加木系裝修好舒服，職員著住整齊制服，今次已經係第三次幫襯啦，今次試佢個椰皇燉蛋白先，好香滑，另外一個杏仁合桃露加芝麻湯圓，呢類叫新派甜品舖，味道方面好柔和細緻，舊式傳統舖嘅就好豪邁奔放，有兩種唔同嘅對衝，大家都各有所長，希望佢哋開多啲分店啦，睇到各方面都好用心。

成日見到好多人推介呢間，今次終於氹到男朋友仔一齊陪我去試了😚杏甜品是一間主打杏仁的甜品店，有別於一般傳統老店，店舖相對會有比較多的創新配搭及組合，例如近期推出的杏仁茶吸吸系列～-🎈貓山王榴槤爽冰 $59香港咁熱既天氣梗係要叫返個爽冰消暑🤪我比較鍾意佢個爽冰係比較似雪糕既質地，食落好清涼還帶有陣陣榴槤味～當然唔少得既係頂層仲有榴槤蓉，岩哂一班榴槤控☺️-🎈呂宋芒小丸子杏仁茶吸吸 $55是全新推出的杏仁茶吸吸系列啊！🤗原本覺得好新奇有趣，竟然用芒果配搭上杏仁茶？🫣但其實兩者都幾夾，香甜既芒果再配上杏仁味，而且裡面仲有埋小丸子幾有咬口咁！-🎈椰皇湯丸燉雙皮奶 (熱) $69最喜歡是這款❣️可能因為是熱的感覺更養生，吃起上來好舒服～雙皮奶用上3.6牛乳，入口好滑，仲有啲牛奶係面頭！而今次仲轉左榴槤湯丸，令到一咬就有榴槤散出來的香濃味🙆🏻‍♀️同埋最正係好輕易就刮到啲椰皇肉哈！-🔸Almond Dessert杏甜品📍尖沙咀加拿分道40-46號香檳大廈地下6號舖

假日同朋友四處shopping, 記得之前食過Almond Dessert, 好味令人印象深刻, 今日帶朋友去嘆下甜品chill下。由加拿分道入口, 直上一條樓梯, 乾淨企理粉綠色主調環境, 非常適合三五知己圍埋一齊閒聊食糖水。中西式糖水都有供應, 我地揀咗兩款椰皇雙皮奶, 配唔同配料, 另外追加咗一款水果。椰皇貓山皇燉雙皮奶 HK$75送上檯時冇預期散發榴槤氣味, 所以唔擔心影響身邊唔食榴槤嘅朋友。凍嘅貓山皇蓉浸於面層嘅香滑鮮奶, 底層為固體雙皮奶, 每啖充滿淡淡奶香, 滲咗少少鮮奶入貓山皇蓉, 有奶香之餘, 更有陣陣榴槤嘅果香清甜, 最後刮埋椰皇內壁少少椰肉食, 正。  不過 +$15 追加併蜜瓜就有d surprise, 份量極少, 不值得追加。椰皇桃膠燉雙皮奶 HK$67同樣有鮮奶同埋底層雙皮奶, 甜甜地又有層次感嘅桃膠, 養顏又滿足。呂宋芒小丸子杏仁茶吸吸 HK$55本身自己好抗拒杏仁果隻味, 但呢度嘅杏仁茶易入口, 而且香滑。小丸子少少甜, 熟透帶微微煙韌, 間中啜到清甜嘅芒果肉。

香港的甜品店舖多不勝數，但是具有特色的為數不多。朋友介紹了一間位於尖沙咀以杏仁為主題的甜品店，頗為特別。店舖以綠色及白色木系裝潢為主，令我尤如置身韓國cafe當中。⭐椰皇桃膠燉雙皮奶$67以原個椰皇呈上，用料豐富；奶味濃兼帶有椰香，嫩滑的椰肉配上彈牙的桃膠，具有養顏功效，而且能補充膠原蛋白。一挖下去又有雙皮奶，味道香甜。⭐泰國金標龍眼爽冰$55必點之選，足料之作；店家用上泰國金標龍眼、椰果及水晶珠製成這道甜品。夏日炎炎的日子，享受了一道氣味清香，甜而不膩的龍眼冰，實是令人滿足。⭐呂宋芒小丸子杏仁茶吸吸$55帶有甜酸味道的呂宋芒配上了店家招牌的杏仁茶，實屬完美的配搭。而且還加了富有口感及香滑軟糯的小丸子，增加了整道飲品的層次。

今日同媽咪行完街喺附近搵到間糖水舖，冇諗過呢間糖水舖原來背後具有極大意義！原來店主媽咪身體唔好但係又好鍾意食甜品，於是佢個女就開咗間用杏仁來做主題嘅甜品店，目的就係希望媽咪可以品嚐到健康嘅甜！如果我係媽咪一定非常開心同感動🥹杏仁被外界視為Superfrood，具有好多唔同效用，包括係護心抗癌同抗衰老等。呢度梗係要試吓佢嘅杏仁吸吸杯，佢有好多唔同嘅口味，一於試吓個黑松露芝麻，唔好睇佢嘅外表灰灰白白，味道極之唔錯，好多朋友唔鍾意食杏仁，覺得佢有陣怪味，但係呢杯飲品完全冇呢個問題，而且仲非常解渴，因為杏仁帶有少少甘味，尤其喺夏天拎住吸吸下嚟飲，更加涼透心！再加埋大大舊黑松露放喺飲品嘅面頭，感覺好夾同物超所值，因為兩者都係極有營養又珍貴嘅食材呢。令我仲叫咗呢度嘅熱門推介芒果雙皮奶仲有貓山皇燉雙皮奶，兩款都超正，全部凍上，入口唔會太甜，無加額外糖漿，而且製作需時，係值得等待嘅！媽咪勁鍾意食榴槤，都覺得呢個雙皮奶值回票價，啖啖都係榴槤肉，而我個芒果雙皮奶都值得一讚，甜品分咗三層，上面用新鮮嘅芒果，下面有芒果嘅冰冰，最底層就用上嫩滑嘅奶凍，勁具層次感。呢度嘅甜品做得咁出眾又有水準，難怪中午都已經排晒

👍🏻椰皇桃膠燉雙皮奶 $67雙皮奶好滑溜，質地好似奶凍咁份量唔多，浸係牛奶入面，有淡淡椰皇味，唔會過甜桃膠好足料，細細粒但份量好多，口感比較腍身個人鍾意Q彈嘅桃膠多啲🤣整體味道唔錯，環境坐得舒服，不過價錢偏貴味道：8/10性價比：6/10-👍🏻椰皇貓山皇燉雙皮奶 $75榴槤味超濃郁突出，超大舊榴槤肉，夠甜唔會有苦味啱晒榴槤愛好者，一定好滿足😎但個人略嫌榴槤味太搶，蓋過咗椰皇味比起桃膠，榴槤呢款會比較飽肚，質地比較濃稠味道：8/10性價比：6/10-👌🏻呂宋芒小丸子杏仁茶吸吸 $55杏仁茶同平時碗裝糖水有少少唔同，呢個質地比較稀，似飲品多啲小丸子煙煙韌韌，呂宋芒打成漿建議嗌少冰會無咁淡，杏仁味應該都會濃郁啲味道：6/10性價比：6/10-📍#杏甜品 #AlmondDessert @almonddesserthk尖沙咀加拿分道40-46號香檳大廈地下6號舖#hkfoodie #foodiehk #hkfood #香港美食 #香港美食推介 #平食 #窮遊 #香港打卡 #情侶好去處 #拍拖好去處 #週末好去處 #尖沙咀 #尖沙咀美食 #尖沙咀美食推介 #尖沙咀好去處 #尖沙嘴 #尖沙嘴美食 #

平時黎開尖咀食飯 都係為意有間杏主題甜品地方 因為本人好愛杏仁味 見到就即去試！點知有點失望 因為杏仁野唔係佔大比例 睇menu會俾我覺得似燕窩店咁 但拎我搶眼既係 作地既杏仁特色野飲 揀左芒果個杯 杏味淡淡地 有好多爆珠 飲個陣 其實唔太吸到 最後飲哂要靠成杯倒入口 略帶失望

近日天氣好熱，想食番啲又冰涼又滋潤嘅甜品。係尖沙咀返工嘅親友介紹我哋去杏甜品，食咗最鍾意嘅杏仁茶吸吸同雙皮奶，很讚呢！入到甜品店感覺舒適，設計時尚，雅致柔和，地方寫意，約埋好友去食就啱晒啦！睇吓餐牌先，有新出嘅杏仁茶吸吸系列，喜歡試新嘢既我當然唔會錯過啦。亦有招牌杏仁茶墩蛋白、凍椰皇燉雙皮奶、龍眼爽冰、楊枝甘露豆腐花、芒果奶昔雙皮奶、芝麻合桃露、湯圓糖水等，款式多而且又獨特嘅手工甜品。養顏青鑽桃膠杏仁茶吸吸   $48新派甜品嘅杏仁茶吸吸，一杯飲到多種口味同食材，味道香醇，好滿足呀！吸吸裡面嘅杏仁茶非常濃郁，與獨特及罕有嘅青鑽桃膠好夾，非常有咬口，杏仁茶吸吸幼滑細緻，滋潤美肌新體驗。椰皇湯圓燉雙皮奶   $69依款甜品散發陣陣椰子香，椰皇內嘅椰汁椰肉好清甜，盛載住雙皮奶同湯圓，質感細膩嫩滑。椰子味超香，雙皮奶香濃幼滑，湯圓餡料係奶皇，清甜而且creamy，滋潤又養顏，一年四季都啱食嘅甜品。芒果奶昔雙皮奶   $59見到面層嘅大大片芒果，已經覺得好吸引啦！依款甜品共有3層，每層都有唔同嘅口感。面層嘅新鮮芒果肉，果味香濃豐郁  ;  中間係芒果奶昔沙冰，顆粒細緻，芒果味濃厚，與下層雙皮奶一

健康有營的甜品小店✨以杏仁為主打，堅持品質，每天現磨，提倡健康、綠色，採用天然果糖微糖，很吸引！👍🏻人氣之選✨《木蓮凍杏仁茶吸吸》$48小店獨特的飲品，杏仁茶的確是微糖的口感，木蓮凍就像仙草一樣，加上有爽脆又有咬口的米珠，的確很特別呢！💯《貓山王榴槤爽冰》$55榴槤味超濃烈，混合榴槤的雪葩是夏日消暑的佳品，而底部也有榴槤味的雪糕，喜歡吃榴槤的一定會愛上。🤞🏻《椰皇桃膠燉雙皮奶》$67 滋潤養顏之選，桃膠相當足料，椰香味亦很重，雙皮奶也非常之滑👍🏻總結：健康有營的獨特甜品小店。

呢間甜品店已經encore左三次 成日都會有新甜品推出 食極都唔厭😎全新推出左「杏仁茶吸吸系列」 與其飲手搖飲品 不如飲杏仁茶🤍.📌養顏青鑽桃膠杏仁茶吸吸 $48杏仁茶係用左美國大龍杏嚟磨製 帶微甜杏味濃郁 唔會好濃藥水味🥰青鑽即係青稞 係禾穀類作物 第一次食口感好得意🤤好似爆珠咁好爽脆 咬開薄膜就煙煙韌韌 完全係珍珠嘅替代品👍🏻再加埋桃膠 成杯口感好豐富 健康又有益😝.📌木蓮凍杏仁茶吸吸 $48試埋木蓮凍 個賣相同涼粉有啲似🤣但呢到誠意十足 係手工製🫶🏻口感超滑溜 好似奶凍咁 同平時爽口q彈嘅涼粉唔同 而且仲帶仙草香 夏天飲好解暑🖤.📌新鮮呂宋芒果小丸子吸吸 $42嚟到都係必試鮮果系列 好耐冇飲過許留山 可以尋回回憶嘅味道🥹飲落好香芒果味 好杰身有少少似沙冰 酸酸甜甜好清爽🥭另外+$15 要芒果粒 好清甜 成杯飲落芒果味更濃🧡小丸子超煙韌有咬口 份量勁多飲極都仲有 超抵飲🤩不過飲一杯都幾頂胃🙈.📌士多啤梨爽冰 $52呢款個人認為味道偏甜左啲 但唔係假甜味🍓食落好香士多啤梨😌不過天氣熱勁快就溶🥵個面頭仲有好多水晶珠同椰果 相當口感😚.📌杏仁奶凍 +$15嚟到當然要試埋杏仁整嘅奶凍😍口感

杏甜品@almonddessert,我已經係二訪🙆🏻‍♀️上次試咗燕窩係系，今次黎試下新品😍😍 凍飲杏仁系列同埋凍食椰皇系列，簡直係為夏天做好準備🙆🏻‍♀️🙆🏻‍♀️今次我就叫咗呂宋芒小丸子杏仁茶吸吸😍超大杯，而且芒果同杏仁味道剛剛好，唔會好甜，仲好夾，連平時唔食杏仁茶嘅都喜歡，但飲完呢個已經夠飽🙆🏻‍♀️❣️楊枝甘露用咗頂級菲律賓芒果🥭啖啖甜甜芒果味，而且絕對唔Hea，好足料，口感好豐富🙆🏻‍♀️🙆🏻‍♀️💕依家仲做緊個Promotion係星期一至星期四6點前，四人同行1人免費〈燕窩及花膠除外)😚😚

係尖沙咀同朋友食完飯 打算係附近揾下甜品食係openrice見到呢間杏甜品好特別 就諗住試下呢間甜品店主打新派杏仁甜品,雙皮奶同鮮果爽冰亦多有多款嘅懷舊中式糖水選擇 種類繁多👍🏻呂后芒小丸子杏仁茶吸吸 ($55)見到Menu有杏仁茶吸吸嘅系列好特別出面飲料店都好少見到 所以就嗌左杯試 杏仁茶同芒果出乎預料嘅夾 飲落去飲到好香好濃嘅杏仁味 加上酸酸甜甜嘅呂宋芒 味道層次好豐富另外佢嘅配料小丸子份量都好多 口感煙煙韌韌 好好味椰皇湯圓燉雙皮奶 ($69)呢個椰皇燉雙皮奶用原個椰皇上 好吸引奶都係選用北海道3.6牛乳👍🏻牛奶味好濃郁雙皮奶好滑又唔會太甜蓋過奶香味芝麻湯圓好大粒 texture好煙靭 正食到最後仲可以刮埋啲椰肉食 十分滿足泰國金標龍眼爽冰 ($49)招牌必點甜品夏天食呢個爽冰好正 透心涼龍眼肉好足料 配料都好多 有椰果同爆珠真心推薦呢個龍眼冰 如果IG Follow佢地同share 埋story/post仲可以送迷你嘅爽冰一份😀仲有初夏祭限定優惠做到5月31號咋 總括嚟講呢間甜品店嘅甜品普遍都唔會太甜 好健康同養生而且聽店員講佢地嘅杏仁都係每日新鮮即磨中意杏仁嘅朋友不妨一試