杏子甜品糖水專門店 (已結業)

上星期同班莊員開完會就去食大排擋，食完唔夠喉就過左附近呢間食糖水一行八人入到去即刻有位坐低，呢間嘢其實已經食過好幾次，印象不錯，店舖裝修不過不失，係普通甜品店樣。Menu有雪花冰、西米露、心太軟、梳乎厘等等，比印象中上幾次多左系列。最好笑係有「厚多士系列」今次比較驚喜係原來有黑白涼粉，我其中一個朋友都叫左，分別係鮮雜果黑白涼粉同紅豆黑白涼粉。兩款都好快就有，鮮雜果黑白涼粉上面仲有芒果汁，好開心，生果方面就有火龍果、草莓、西瓜、芒果等。黑涼粉就係平時嘅涼粉，而白涼粉有d似泰式椰汁糕，好彈牙，好正👍而價錢32蚊嚟講都足料。而紅豆黑白涼粉平d，冇記錯應該25蚊，個fd話好好食，配埋花奶又唔會太甜，佢話抵食，不過因為我唔係幾好紅豆，所以冇試到lu。總結而言，價錢合理又幾好味，係d座位會有親密d，不錯，下次再食

雖然是晚已經食到好飽, 但老公係都要食棉棉冰, 因為上次試過唔錯, 所以係都要再嚟食, 話順路經過食wor~可能今晚係閒日, 所以店內空無一客人, 專人招乎我地, 上次試咗個楊支甘冰, 今次試朱古力果只, 個名唔係好記得, 總之係全個朱古力味啦~師傅唔知係咪果晚未刨過冰, 刨得高興過頭, 成碟邊都係冰, 驚high到整污漕, 唯有食咗邊果d, 同時要就住嚟食, 不過我忍唔住食哂佢頂頭果d朱古力脆粒粒, 跟住一路冰+香蕉咁食, 有d似食緊香蕉船, 老公話d冰都好夠朱古力味, 但可能我要求高, 覺得朱古力味都唔係好重, 但可接受, 食到落底, 原來仲有椰果墊底tim~

同屋企人食完晚飯, 好似唔係好夠喉, 於是同老公食埋甜品先返歸, 路經此地, 見唔係太多人, 於是入去試下先~呢度地方光猛, 門口都有兩張枱比你選擇, 入面就有冷氣, 梗係選入面坐啦~ 又唔駛食塵..........佢種類唔算太多, 但都足以令我地選唔落手, 因為始終第一次幫襯, 樣樣都想試, 於是我叫咗個飽肚的甜品, 而老公就叫咗個冰~由於唔係多人, 而且坐低咗果D都已經食緊, 所以我地一落單就整我地果D, 所以等咗一陣就上枱~  蜜紅豆水晶粉雖然話係紅豆, 但除咗紅豆之外, 都有芒果汁的, D紅豆實在太甜, 而D芒果汁又唔酸, 所以一定要撈勻D水晶粉一齊食, 真係好飽肚, 果碗水晶粉真係可以當正餐咁食, 好有咬口, 好正~  楊枝甘冰即係楊枝甘露味的綿綿冰, 雖然話綿綿冰興咗幾年, 但我地都係第一次食, 因為覺得D有味的冰唔值幾十蚊, 但今次食過, 又覺得好正, 真係好綿, 入口即溶, 個感覺好特別, 而且佢呢個冰又加咗D爆珠增加口感, 中間又有D甜芒果肉同酸柚肉, 甜甜酸酸, 最好就係佢碗底有片冰, 令到佢冇咁易溶~

果汁無溝水，抵讚，6點半入去無人，到臨走8點時才多人。即叫即做，特別熱野，等下應該，仲有心太軟配雪糕同兩杯果汁無影到，同男友去食，飽都嘔都抵，炸香蕉好味，不過外面有沾糖粒，太甜，

芝士白汁火腿繪意粉配熱杏仁霜芝士白汁唔多見，乾睜睜的但都有味道嘅，火腿份量少有圖為証，意粉夠熱謄謄是可取！杏仁霜是用熱水沖杏仁粉，幸好不太甜，可接受！##############芝士白汁吞拿魚酥盒配熱柚子茶芝士白汁吞拿魚酥盒，香酥可口！柚子茶自然又是用熱水沖的柚子蜜！

廚師可謂攪盡腦筋，將炸好的薯條加入芝士焗，非常香脆可口！奶茶就不及大牌檔的香濃幼滑喇！凍冰冰的芒果水晶粉剛好降低芝士焗薯條的熱氣，滑滑的透明水晶粉冰凍入心，大大片芒果加埋甜甜酸酸芒果醬，令昏昏欲睡的下午精神一振！

星期六又到杏子嘆嘆下午茶！$24的朱古力醬香蕉格格餅伴曲奇餅雪糕球真不錯，格格餅是脆口的，夾上諗口的香舊是頗有趣，朱古力醬為格格餅添上味道，最下層還少許忌廉，雪糕是又滑又可口！落左一包糖的檸檬茶依夠酸味！$24炸雞翼伴半件多士、檸水。三隻炸雞翼非常香脆，美中不足是有兩隻未熟透！

蜜瓜西米露$20加入一些的芒果醬，感覺有點怪怪地！但芒果醬的酸酸甜甜又奇妙地帶出，平凡的蜜瓜西米露冇一絲絲新意！芒果、益力多冰沙$22，在香港、埃及我飲過鮮搾芒果汁，其實兩次的鮮搾芒果汁都不是甜的，但有淡淡的芒果香。今次的芒果、益力多冰沙都是淡淡的、少少益力多的甜酸，雖然味道不算可口，但我會欣賞店鋪沒有添加糖分！

其實我是叫西米露加湯圓$15+$5，攞錯了！無所謂喇！紫米露仲飽肚添！好在紫米露煲得夠諗加埋三粒芝麻湯圓，已經夠飽！芒果紫米露$25，大大塊芒果加埋芒果汁就特別醒胃，而且在家煲紫米露需時甚多，煲一大煲有排食，都是簡簡單單吃一碗好了！

又白又滑的是河粉，有趙口的椰果，加埋椰汁，百吃不厭！$19芒果拿破倫千層酥~~伴圓碌碌的芒果雪糕球，西瓜粒粒、哈蜜瓜粒粒、蜜瓜粒粒，可惜所有的粒粒瓜都唔甜，淡茂茂！$32拿破倫酥夠香脆~~芒果份量也多，但的忌廉是唔凍架！咁就要扣分喇！

杏仁茶加湯圓是我在杏子必食之選，$20是抵食，杏仁茶雖然無乜杏仁香味，但總好過加杏仁香油，食多咗的添加劑！白紫~~河粉底，仲有椰汁、椰果、紫米露、雲呢嗱雪糕，$28抵食。椰果、紫米露有趙口，河粉滑滑，加埋香甜雪糕，感覺最好是不太甜！

吃過午餐之後，便順道前往禾輋村的商場尋找甜品店，來一個午餐後的飯後甜品。近來在下也漸漸在午餐之後，就來一個甜品，似乎也成為了在下的一種習慣。禾輋村對於在下來說，既陌生又是熟識的名字，陌生是因為在下甚少來到這屋村，也不曾居住過，熟識的是因為在沙田轉車往火炭山頂的時候，小巴必停的屋村站頭，而在下也是第一次在這裡尋找甜品店。而杏子甜品糖水專門店就是座落於禾輋的商場裡。環看店舖環境，新束束的，是新開的小店，裝修也很簡潔光新，並沒有華麗的佈置。而當在下進入店舖的時候，仍然是午飯時間，因此有著不少學生在內吃著午餐。無錯，學生們在吃著他們的午餐，原因就是除了有甜品糖水之外，還有粉麵和一些小食供應。可是在下既然吃過午餐，那不需要午餐餐牌，遂著侍者奉上一張甜品餐單就好了，其他的餐牌都用不著呢！從餐牌中點了一客黃金歲月，黃金就是榴槤，整個甜品說穿了的，就是榴槤西米露。除了榴槤外，還有芒刺在背雪糕，西米露和柚子肉，而榴槤則很軟熟滑溜，飄散著榴槤的貓屎味道，為不吃榴槤者來說確實不是味兒，但對於榴槤愛好者，則是美味無極限。芒果雪糕味帶芒果香味，但並不強烈，西米露和柚子也不是太甜，但當中以芒果雪糕和榴槤為最甜的。

那個晚上看過中學的學弟學妹在沙田大會堂公演話劇「爆剪冰室」之後，和姊妹同學搵甜品食。但公演完了都差不多九點半至十點，新城市廣場和附近的甜品店都差不多關門。我們其中一位姊妹話過去禾輋邨去「發掘」一下，發覺禾輋商場重新裝修過後都OK靚o左，不過太夜的關係連「王老吉」都關門！！！最後走o下走o下，去到地舖那邊的這間「杏子甜品糖水專門店」，還未打烊，真好，如神救助我們這班嗜甜女子…幾個女仔叫了不同種類的甜品。不過比較特別值得講的是這兩款：鮮雜果椰汁西米露想不到這個以杯了盛載的西米露，這個杯子的容量都不少啊！而選用的鮮雜果包括草苺﹑芒果﹑西瓜﹑蜜瓜﹑哈密瓜﹑蘆薈和火龍果，用料十足。西米也是主角，雜果雖多但各安本份，沒有喧賓奪主。而甜度適中，不會有狂加糖水的感覺。一口雜果﹑一口西米露，一樂也。紅豆綠茶雪花冰這碟雪花冰的賣相非常艷麗：首先是刨冰的綠茶雪花，重複疊成一層一層的花卷，在旁邊伴以紅豆蓉，一紅一綠相得益彰。在綠茶雪花卷上淋上焦糖漿，伴碟的還有三個紅黃綠水果球：紅色西瓜﹑黃色哈密瓜和綠色蜜瓜。很有心思。至於食落去的味道…因為這不是我點的，但姊妹叫我試一匙，我覺得綠茶味是有的，但不夠濃香。姊妹百

是日去附近大排檔食完午飯, 談得興起指定動作當然係食糖水!見到未有人寫食評, 當然要做第一個唔知道係唔係新開, 不過見到糖水店裝潢光猛新穎, 應該唔係開左好耐.下午3:30pm入坐, 人都幾多, 剛好有人離開所以無需等位~好少見糖水店有下午茶餐叫. 就叫左一個試試 - 朱古力窩夫拼cookies & cream味雪糕. 餐茶點了杏仁霜. 朋友單點一個西米霜一齊share, 經濟實惠!只係影左朱古力窩夫拼cookies & cream味雪糕. 賣相相當靚, 窩夫好鬆化, 食得出係新鮮預備. 雪糕唔算太特別, 不過味道同配搭都好恰當, 加上加埋餐飲都只係$25, 性價比其高~單點既西米霜係另一驚喜. 香芋味好濃, 以為係荔芋, 但竟然有芋頭粒粒, 加上西米煮得軟綿綿, 十分好味道!呢間糖水店係近來新式甜品店中很值得推介的店, 正呀!