李家 (山林道)

營業中

休息中

李家(Tst)大家有留意開我的食評都知道我是李家炸雞的常客😎。李家炸雞在香港的分店都不少，也可以說是連鎖式經營。每間分店炸雞的水準也相當平均穩定，味道都很一致。唯獨是尖沙咀分別的炸雞特別超班，雞肉比其他分店更嫩滑多汁。可能是爐具的關係。今次試了從未食過的燒五花肉，五花肉燒到香脆，最驚喜的是中間的蔥泡菜，及旁邊的辣泡菜，非常惹味。配搭燒五花肉一齊食用滋味非常。而且在多間分店的座位來說，尖沙咀分店的卡位最為寬躺，非常適合放大大盤的食物。

2022年3月17日 星期四今日難得同老婆兩個人可以出街拍拖，去左尖沙咀行街，之後就專登搵左一間韓國餐廳食lunch，因為知道老婆好耐冇食過韓國菜餐廳位於山林道最入面，喺酒店附近，地方唔算太難搵，靜靜地唔算太多人餐牌好大份，裏面有好多款食物可以選擇，淨係炸雞都有唔同嘅味道，而且有分有骨無冇骨添，價錢唔算太貴，另外仲有多款韓國小食同飲品，最後我哋選擇左一份炸雞、一個韓式薄餅同兩杯飲品，怕再叫太多會食唔晒一點完餐之後店員就送上前菜，分別係醃蘿蔔同生菜，醃蘿蔔好入味，酸酸地幾開胃，而且切嘅大小啱啱好可以一啖食落口之後我點嘅飲品就到，係無酒精啤酒配西柚汁，上面仲加上薄荷同檸檬，成大支啤酒掉轉插落飲品到，飲到咁上下啤酒會慢慢流落嚟，用嚟打卡一流，而且因為完全冇酒精，所以飲完都唔會醉，飲到有少少麥味，但唔會太濃郁，唔鍾意飲啤酒嘅人都可以一試至於老婆就要咗西柚梳打，西柚味好出，而且夠晒冰凍，飲落去好爽，酸酸甜甜幾易入口之後終於到炸雞出場，有兩款味道，分別係原味同甜辣，原味可以食到雞嘅原汁原味，炸漿唔算太厚，食落外皮好香脆，但裡面仍然有好多肉汁，而且嫩滑至於甜辣味好多醬汁，愈食愈惹味，唔太辣，可以接受

呢間韓國炸雞 🍗好出名最近好想食🇰🇷韓國菜終於去左尖沙咀分店食依加開左好多分店水準仲係咁好😍炸雞完全係韓國嘅味道🥺有好多卡位堂食都坐得好舒服🔸半半炸雞 (原味+甜酸) $168炸雞外層酥脆，咬入肉質粉嫩又juicy😆仲要好嫩滑，原味都好正，有少少辣味。甜酸味仲開胃，就算撈左甜酸醬都一樣咁脆口，辣辣地仲惹味！🔸海鮮蔥餅 $158平時係食海鮮煎餅，第一次試呢款海鮮蔥餅！海鮮餡料有蜆肉、蝦🦐及魷魚，配埋大蔥粗切加入在內，好香蔥味，點埋獨有醬汁令到成個蔥餅更惹味。🔸芝士雞蛋卷 $128蛋卷內有滿滿嘅芝士，夾起仲會拉絲架😍雞蛋好厚身嫩滑，入口軟綿綿感覺，面層仲有好多茄汁同蜜糖芥茉醬，又靚又好味😋

呢日黎到尖沙咀李家, 呢間李家出名食炸雞, 一路都想黎試試佢! 一入門口就聽到播住kpop ! 真係夠哂韓味, 店員仲要係韓國人! 冇得去旅行黎住食韓國野先都OK! 我地坐低冇耐店員就放低左兩碟前菜俾我地, 分係醃蘿蔔同埋椰菜絲,而呢D 前菜就係唔駛收錢~~醃蘿蔔勁正, 食完超有胃口,可以食多好多野! 我地叫左原味無骨炸雞!一大碟啖啖肉既炸雞先至係$168, 真係食得夠哂過癮, 佢係新鮮炸出黎, 勁脆口, 食炸野最怕D 油唔靚, 佢既油一D 都冇問題, 食得出唔係萬年油, 而炸雞既顏色亦唔係好深色, D 油PASS! 我地仲叫左炸醬麵, 呢排睇得多韓劇, 好想好似D 韓劇主角大口大口咁食D 麵! 佢既炸醬麵份量都真係唔少, 夠4個人食! 入面仲有好多五花腩, 蝦同墨魚, 仲有青瓜絲係面添! 面唔係太淋, 同埋D 醬一齊食真係好好食! 我地仲叫左個泡菜豬肉湯,入面有勁多泡菜同埋豬, 辣辣地食得勁過癮! 呢趟短暫既韓國之旅真係令人相當之滿意!

好耐冇食過韓國炸雞，朋友介紹我去李家，話佢哋嘅炸雞好正宗，質素好高👍今日約埋朋友嚟到尖沙咀山林道嘅李家 ，環境幾舒服，坐卡位可以睇電視播放既韓國音樂mv。🎶🎵🐔半半炸雞 $168原味半份, 甜辣半份，一次過可以試曬兩隻味道。炸雞香脆，炸漿唔厚，兩隻味都鍾意😍😍🥗印第安雞沙律 $158有沙律就唔怕食炸雞熱氣啦，沙律好似成座山咁大碟，可以幾個人share。有生菜，車厘茄🍅，蘋果🍎，奇異果🥝🍕泡菜餅$128泡菜餅好香口，除咗有泡菜，仲食到有魷魚絲。

之前聽朋友講過呢間啲炸雞🍗好好味今日得閒即刻同老公來試吓果然炸雞超水準，無令人失望～必叫之選～其他野食都好足料同大碟，抵食夾大件～鋪頭係一上樓梯就係，因為我無留意到，重繼續行😂大家記得留意返，入到鋪頭整間店都播住韓國歌，疫情無得去旅行🧳來呢到當去左轉韓國啦鋪頭門口，呢個位可以打咭呃like😛一座底會有樽水比你，搓手液紙巾牙簽都有提供埋～前菜係免費嘅，酸蘿蔔清清地，相當開胃～西柚soda~味道清甜解渴芝士調味炸雞真係傳說中嘅好食，皮脆肉滑多肉汁，加埋啲芝士粉～無得輸👏🏻👏🏻必叫之選～海鮮炸醬麵超大碟～勁多海鮮勁足料最少3人份量～海鮮湯又係超級足料，香香辣辣～好開胃呢個份量又係最少3人份～

前後買過外買3次，不同食品，次次都好食的。有兩次係 openrice 落單，一次直接去到先落單。第一次買炸雞（辣+原味），返到屋企都覺得好好食，D醃蘿蔔都好正。第二次買咗3個唔同的午餐 combo，買想已經好好啦，多款小食，主菜好食，份量肯定足夠。第三次淨係買咗個 豬肉炒粉絲，攞返屋企就發現應該係4人份量，D肉都幾多都juicy，味道幾好。去到買外買時先發現暫時只能收現金，但係佢哋都幫我落單先，等我去 ATM 攞完錢返來就直接俾錢同攞外賣返屋企。店員都好 nice，有話我知碟豬肉炒粉絲好大份的

今日突然好想食韓國炸雞！諗起附近山林道有間李家，即刻帶埋個朋友一齊去撐枱腳先～環境好寬敞又夠乾淨，座位寬落，坐得好舒服。前菜奉上免費酸蘿蔔同沙律菜，酸甜爽脆夠哂開胃，做前菜一流！炸雞有齊多款口味供選擇，仲可以揀選有骨同無骨添～最後揀左半半炸雞：甜辣口味同蜂蜜蒜蓉味，即叫即炸，熱辣辣上枱，睇見都流哂口水啊，勁吸引！炸雞鬆軟又香脆，外皮炸到金黃酥脆，咬開肉質鮮嫩入味，好JUICY啊！甜辣口味辣度剛剛好，辣勁中帶點甜，勁惹味～蜂蜜蒜蓉好香濃又香甜，啖啖都勁滋味。泡菜餅份量十足，大量豐富配料好足料！食落每啖都有泡菜、魷魚等，酥脆可口，酸酸甜甜帶點微辣，惹味又醒胃。芝士雞蛋卷蛋卷濕潤軟嫩，加入大量芝士後，味道更加濃郁，口感綿密又細膩，每啖都充滿超濃醇既蛋香，仲有拉絲芝士內餡，層次感相當豐富，好滿足！

我都唔係第一次食李家㗎啦🤣佢哋啲炸雞真係好似喺韓國食嗰啲咁㗎💕佢哋啲雞有得揀有骨或者冇骨㗎👍🏻我自己就覺得有骨會有風味啲🤣➼ 原味炸雞要知一間餐廳嘅炸雞好唔好食，一定要食原味！🤣外皮好香脆！又唔會太厚👍🏻雞肉好嫩口，肉質好Juicy！件件都啖啖肉💕好滿足呢！➼ 蜂蜜蒜味炸雞好足料啊！件件都好重蜂蜜蒜味👍🏻啲蜂蜜多到個底都仲有🤣蒜味都好重，少少辣好好味！啲蜂蜜唔係食完會想係咁飲水嗰種，食完一件又會想再食下一件😋➺ 小分享：其實除咗炸雞，佢哋啲湯品都唔錯㗎！不過我冇影相Haha🤣推介魚餅湯👍🏻少少辣好開胃！

之前都食過好多次呢間炸雞店，今次試埋蔥味炸雞🍗。同埋encore蜂蜜蒜蓉無骨炸雞。蔥味炸雞除咗有大量大蔥絲，仲有少少酸味嘅醬汁，味道幾開胃。香甜又不失蒜香，蜂蜜蒜蓉有好甜嘅蜂蜜，因為有大量蒜頭同蒜蓉嘅關係，蒜香都好充足🥰🥰🥰。呢款口味好受歡迎！另一款enocre嘅係炸魷魚配年糕湯。魷魚香脆好味，可惜今次份量比平時少。年糕好煙韌，仲有唔少韓式魚糕。味道都幾辣。提提大家一定要叫套餐先有得食炸魷魚🦑。

冇得去韓國唯有食住韓式炸雞頂住當先，於是黎咗位於尖沙咀嘅呢間李家。呢到嘅炸雞有冇骨同有骨揀，冇骨貴少少，但就可以享受啖啖肉嘅快感。青辣椒蛋黃醬炸雞跟洋蔥($118/無骨半份)炸雞想食多一款口味，於是叫咗mix half & half。叫咗呢款新口味，少少辣嘅青辣椒、香濃嘅蛋黃醬、爽脆洋蔥，加埋皮脆肉嫩嘅炸雞，口感味道都非常有層次。蜂蜜蒜蓉炸雞($113/無骨半份)另一款就叫咗蜂蜜蒜蓉味，落咗勁多蜂蜜，令炸雞夠哂香甜，配埋蒜蓉，簡直係prefect match。海鮮湯($188)海鮮湯有兩個辣度可以揀，揀咗冇咁辣嘅兩隻辣椒。香辣湯底加埋海鮮嘅鮮甜味，冬天飲夠哂暖胃。配料方面都有好多款海鮮，好似有蝦、青口、墨魚仔、魷魚等等。湯入面仲有飯，飯粒吸收哂海鮮湯嘅精華，唔錯。。李家 (山林道) (尖沙咀)尖沙咀山林道54-56號利雅商業大廈地下2號舖。。

9 0 後 的 味 蕾.韓風從來係香港都未減退過熱潮，要食正宗韓國嘢梗係要去尖沙咀，呢間餐廳就係由韓國人主理，提供好多地道韓國小菜。.🪄蒜蓉蜂蜜炸雞 $99就有半份，大概有六件雞，面頭鋪滿左蜜糖，甜絲絲，外層啲皮炸得幾鬆脆，唔會硬骨骨，最重要係入邊啲雞肉好嫩滑，推薦👍🏻.🪄海鮮鍋$199用韓式辣醬，配搭各款海鮮，eg 兩隻蝦、魷魚圈等，再用石頭鍋裝住保持溫度，底下有少少飯粒，海鮮有、細隻八爪魚好滑，口感最正，價錢相對炸雞就有啲貴.🪄西柚梳打& CHUM CHURUM桃味燒酒西柚梳打隻色望落去好似好假，不過出到嚟個味道又OK，唔會有糖水甜味，反而有西柚酸酸苦苦嘅味道，CHUM CHURUM呢隻品牌嘅燒酒非常推介，甜甜地好易入口，唔會好「嗆」。.🪄雞泡魚乾 飲得酒就梗係要有呢啲小食，呢一間嘅雞泡魚乾你平時喺街上面買嘅感覺新鮮好多，表面亦都唔會充滿糖漿，配燒酒吹水一流！

在尖沙咀山林道有一間食韓國炸雞餐廳叫李家。 今日同朋友經過就入去試一試。嗌咗自選半半炸雞，一半係蜂蜜蒜蓉炸雞， 鋪滿蜜糖嘅炸雞望落金黃金黃，份量亦十分之多，嗌咗冇骨就更加食得輕鬆同舒服，雞肉十分嫩滑多汁，配埋外表香濃的蜜糖味， 令人不禁一舊一啖接一啖， 蒜蓉味淡淡滲出，增加了味道層次。另一款係青辣椒蛋黃炸雞跟洋蔥，兩者都賣相十分吸引， 蛋黃醬同洋蔥更加鋪滿曬成份炸雞， 甜甜嘅蛋黃醬配上新鮮洋蔥絲， 既清新又美味， 炸雞係脆皮，唔油膩，炸粉厚度剛剛好， 裏面仍然很多肉汁。我哋仲嗌多咗個魚餅湯， 熱辣辣送到嚟真係好暖胃， 湯底好鮮甜，有微辣提升味道， 而入面都有好多款嘅魚餅，有薄薄嘅，亦有捲，亦都有餅狀， 一次過試曬唔同魚糕款，好滿意， 每一款都好彈牙，有淡淡嘅魚鮮味， 即刻諗起韓國嘅魚糕湯。 最後我哋都嗌咗一個西柚梳打，同檸檬梳打，好大杯酸酸地，可以中和食炸雞嘅膩感。

好耐無去食韓國菜，炸雞同燒肉都係我同朋友既最愛。餐廳環境都幾寬敞，有電視無間斷播韓國音樂，職員為韓國人，成個感覺好地道。黎到坐底會上前菜有醃蘿蔔同千島醬沙律。燒五花腩肉配燒烤醬汁食腩肉就係喜歡夠肥美，軟熟既一層油脂再香煎，口感肥美柔嫩，咬落肉汁香甜四溢，配上燒烤醬份外惹味，中間仲有泡菜以及辣大葱絲，放係五花肉上層一齊食超滋味。自選半半炸雞炸雞雙拼自由選擇兩隻味，揀咗一份無骨芝士味，一份蜂蜜蒜蓉味炸雞，炸雞份量非常多，分開兩籃上菜。蜂蜜蒜蓉味炸雞，上菜熱辣辣咁，醬汁份量好多，蜂蜜味道清甜好出，表層仲有蒜蓉令人好開胃。無骨炸雞啖啖肉，有肉汁同少少油脂，非常香口。芝士味炸雞，芝士粉落得好重手，味道濃郁，芝士迷不能錯過。炸雞炸得十分香脆，咬落肉質嫩滑唔乾身。另外仲叫左烏冬，烏冬彈牙海帶湯底清清地，邊食肉邊食烏冬真係好滿足。

🇰🇷呢間韓國餐廳嘅設計新穎卡座位舒適寬敞,其中有兩位店員是韓國人🧑‍🦱🧑‍🦱仲可以睇住K-Pop MV 慢慢歎.....一坐低店員就送上前菜2碟出奇地不是韓式泡菜而係千島沙律醬菜絲&甜酸蘿蔔又幾有新意喎😍🍗半半炸雞（原味+甜辣） $168✨仲有無骨的選擇 $178（點完餐先至留意到）下次再嚟會試下無骨的口味😉雞肉厚身嫩滑juicy原味炸得香脆,炸粉唔會太厚好有脆口感😋甜辣味醬汁調較相當好十分惹味,亦不會太辣🌶️芝士雞蛋卷 $128賣相好靚嘅蛋卷做得好嫩滑軟口超有蛋味🥚切開後,芝士醬好似瀑布咁流出嚟芝味香濃😍🧀🥘芝士辣雞炒年糕 $168🔥熱辣辣鐵板上枱佈滿香濃芝士在上面見到已經流曬口水超足料,份量好大🤩一口年糕嘅size, 容易入口煙韌嘅口感配香辣醬味😋冇骨啖啖肉嘅雞肉嫩口真係大滿足呀！👍😍