札幌元祖北海道拉麵 (已搬遷) 新店位置

差唔多兩年無黎過，放工我地黎食晚餐：叉燒拉麵X2 - 豬骨湯底香濃，麵質彈牙，叉燒算稔，可惜只得兩片。還有椰菜，海帶，筍片，粟米和芽菜蔥粒，有誠意。總是感到有牛油既香味瀰漫在空氣中，哈哈。價錢略貴，但真係比連鎖的好！

簡簡單單點了碗鹽味拉麵配餃子$90。先呷一口湯，mmmmmm咸中帶鮮，甜中帶咸，麵有點硬，但帶勁，配上湯裡的荀﹑粟米﹑昆布﹑蔥花及兩塊軟滑的叉燒，吃完無比暢快。餃子︰餃皮沒有煎得很香脆，可幸菜肉餡切得很碎﹑很鮮味。每次看到餐桌上的推介牌 - 鰻魚茶漬都想一試，但每次都不自禁點了拉麵。會再來的

次次經過都要等位. 所以見到都唔敢入去,今日我就特登同埋我 D 同事落去幫襯.去到之後一定要齊人先至比入去坐,係唔滿意既係我地話齊人, 佢都仲要問多幾次.超長氣. 呢方面一定要檢討! 搞到我 D 同事發脾四坐低之後. 個麵又要等... 等左好耐先至有得食.個湯底勁得. 我覺得有日本風味, D 拉麵好特別...味千真係要收皮.... 我以前去日本食既就係呢種味道. 好難得可以o係香港食返以前既感覺...希望下次可以再去. 價錢非常抵. 我以後都唔會幫襯味千!!

聽說這間餐廳的拉麵出了名好食, 特地來試試.餐廳在交易廣場的平台, 唔係太難搵的.麵條食落口感不錯, 濃味噌湯底是一般日本餐廳不能提供的, 冷叉燒另外以碟上, 味道不俗. 總的來說食物有質素.但我想我以後不會再來了.原因是兩位中年女侍應的差勁服務態度. 講真, 睇住兩位的黑面尊容, 你胃口即時變差......... 態度囂張, 你看餐牌時佢企你旁邊射厘眼咁盯住你, 係咁問你落單未........算啦, 話哂佢地是在"交易廣場"上班的, 所以有優越感, 看不起普通顧客....... 食飯都係為開心0者, 要食好野又要有好服務, 去其他地方都得啦........ 我諗大家唔想睇人面色掛....? 一係著得光鮮D, 一係唔好去, 反正我以後唔會再去啦~

12.5.2008收工悶悶地, 去咗中環碼頭一帶影下相, 影到8點零諗住搭地鐵, 沿路經過交易廣, 好自然就去到交易廣場嘅地標”太極雕塑”…..咦! 竟然發現以前曾經食過好地道口味嘅札幌元祖北海道拉麵店…..竟然有開??因為以往呢間麵店逢假期都休息, 不過已經係好耐之前嘅事, 所以就抱住重溫舊”味”嘅心態幫襯!!入到麵店, 冇乜大改變, 可能因為假期, 唔係太多人, 所以都覺得好闊落....因為記得以前weekday嚟食, 好鬼多人!! 一坐低就問你要涷定熱嘅茶, 都幾窩心, 因為杯茶都唔差!! 其實有好多嘢食, 不過去到就梗係食至出名嘅拉麵啦~~~佢哋啲拉麵冇得揀, 得一種--"叉燒拉麵", 不過湯底就有得揀, 清湯, 味增(麵鼓)or豬骨湯, 仲可以加大, 適隨尊便, 我當日就揀咗豬骨湯底+煎餃子嘅拉麵定食, 其實味增(麵鼓)都好正, 因為北海道啲麵鼓响全日本都數一數二!!大約五分鐘就有得食, 唔~~~好香嘅豬骨湯味, 啲湯唔會好似"味千"果啲咁多油, 可能係真材實料, 唔使靠啲豬油先有香味, 啱晒我呢亭鍾意豬骨湯但又怕佢肥膩嘅為食鬼~~一食落口, 啲麵唔會好淋, 好有咬口, 好味

趁今天可以準時離開辦公室，既然朋友們都讚好，就慕名去吃吃看。當日晚上七時多，店子不算太擠，獲安排坐在面向牆的單人位子，甫坐下來，侍應姨姨便問你要喝點甚麼，茶的話要熱還是凍。最後要了熱茶。是晚吃了：味噌拉麵加蛋，本身口味偏濃，每次吃拉麵總會點味噌湯底。加蛋純粹為個人喜好。碗內有大量的蔥、芽菜、玉米、洋蔥、筍片，還有兩大片豚肉。 湯底實際的顏色較相片深色，拉麵上桌時還不住的冒煙呢。麵湯很香，聞到很濃郁的味噌香味。冒著把舌頭燙熟的危險，先喝一口湯。嘩，實在太好味了，味噌湯底入口濃郁，帶點微辣，並不是一味的死鹹，是一種複雜的鮮味，還有一陣甜味，拌著蔬菜同吃，實在是美味得很。麵的顏色比平常見到的沒那麼白，看起來比較黃和帶少許透，吃起來很彈牙，就算泡在湯裏一段時間（我習慣先吃掉蔬菜才開始吃麵的）也不會糊成一團。豚肉軟腍得來還來很有嚼勁，超美味！只得兩片我覺得是不夠的。蛋就是普通的鹵蛋，鹵得入味就是了。麵湯真的很夠熱，半小時後還冒著煙，最後忍不住把整碗湯送進肚子裏去。薯仔年糕餅，愛吃薯仔也愛吃年糕，將兩者混在一起，簡直無得彈！吃下去時幼滑的薯蓉跟煙韌的年糕拌得很均勻，一啖有齊薯蓉的幼滑和年糕的彈牙，

昨晚收工終於試左!我叫了豬骨拉面. 一, 上枱時, 碗面夠熱. 上面的配料又多, 海帶, 芽菜, 洋蔥, 日本白蔥, 荀片, 粟米, 日式叉燒. 二, 拉面是較粗身的曲曲拉面, 是北海道的拉面類.好彈牙, 唔會過淋或過硬.三, 食拉面前喝了啖湯試試quality. 唔, 好得, 冇味精. 豬骨湯煲得好正. 但同面一起吃時, 就覺得唔係好夠味, 所以要落7味粉. 或者我自己鐘意濃味些.四. 叉燒好吃, 我覺得冇日本地道的那麼肥.五, 碗面真係好大碗, 食極都食唔完. 加上粗面的關係, 所以好飽.加一後$66, 同日本吃的價錢差唔多, 絕對值得. 但因為太大碗, 我都唔會常常去吃.另外, 我覺得那裡的staff都幾有禮貌呀.

擒日食晏約三個舊同事一齊去食呢間, 平時就成日都經過開就係唔知點解都試過佢喎, 當我去到既時候問帶個阿姐我地已經有3個人但係佢話要齊人先可以安排入座, 平時等位都係話過半人數就可以入座架啦, 所以拿拿聲打比個係灣仔既同事問佢到未好彩佢已經人在中環啦, 入到去其實有幾既空位但係佢就係都唔肯比人入坐, 有時規矩就死既人係生架嘛都唔識得轉彎既, 入到去睇下佢個餐牌其實唔係好多選擇所以都係揀拉麵餐食：我個係　：　炸雞豬骨拉麵餐　～　先講炸雞係一般既貨式至於個拉麵就好大碗個湯底都唔錯, 不過我唔鐘意佢放芽菜, 麵質都算彈牙仲有兩塊日式叉燒比你, 反而我好欣賞佢個叉燒食落去唔會好"鞋烚烚".舊同事A : 餃子豬骨拉麵餐　～　個麵同我個一樣唔駛點講啦,　至於個餃子都係一般貨仔囉, 我諗係邊一間日本鋪頭都食到呢個水準.舊同事B同C : 醬油拉麵～我試過佢地個湯底比起豬骨係濃不過相對都咸同埋佢都唔係叉燒而係肉碎.總抱講試過就算架啦個價錢又唔係平喎, 呢百幾去食第二樣好過.最後比個多樣貼士你地去食呢間小心waiter 因為我就係好唔好彩咁比個waiter　同我加茶時倒潟攪到我半條褲都濕晒.

前陣子應朋友邀請，到了位於交易廣場旁的日式拉麵店用午膳。到達時在店外早已站著很多等待位置的客人，可能是因為星期五的關係，大多數在辦公室公作的白領人仕都會選擇出外用膳。等了差不多15分鐘就被安排入座，店內的環境比較窄，坐下後不久便有侍應過來落單。可能是中午時份較忙吧，侍應好像沒有甚麼耐心去解釋店內的食品和特色，對於餐牌內的介紹說了好像等於沒說一樣。最後我點了豬骨湯底的拉麵，我朋友則是醬油拉麵:過了十分鐘左右，熱騰騰的拉麵便做好了。在麵的中央放了大量的日本青蔥，跟酒底的香氣剛好互相"呼應"，一清一濃的令人立即想吃光光。急不及待之下，還是慢慢來品嘗一下。先來喝一口熱湯，味道剛好不會太濃或太咸，帶著豬骨的肉鮮味，初步已經合格了。再來咬一口日式叉燒，肉質頗淋，中央部份仍可以吃到經原來的味道。至於朋友吃的醬酒湯底，味道清而有很重的醬油味道，適合喜好口味較淡的客人。其他選擇還有麵豉湯和特濃麵豉湯底，小吃有一點點炸物。另外，在牆上好像有一塊用來寫"today special"的牌子，不過全部都是用日文寫上去，因為不太會日文所以看不到有甚麼東西.....= ="(有很多朋友認為日式叉燒比不上我們燒味中的

平心而論, 這裡的拉是挺好吃的. 但價錢絕不便宜. 我叫了牛油鹽拉要$60+10%(我看見最貴的頂級豉油拉要$90). 那拉本身普通, 但材料充足, 有海苔, 芽菜, 雪菜, 豬肉等, 湯底鹹淡適中, 香味極濃, 份量剛好. 另叫了燒鯖魚$50+10%, 但勝在罕有地大塊, 燒得一般, 不夠香口也不夠滑, 我有信心燒得比他們好!環境惡劣, 室內充滿油煙和蒸汽令人不想久留. 聘用的中年婦女侍應們提供茶餐廳式的服務, 令人啼笑皆非, 甚至佛都有火. 例如在鄰桌客人要求下卻不肯關上玻璃門防止油煙被風朝她們吹去; 我想在點菜後留下menu看看卻旋即被她們收去; 我放在桌上的物品又被同一夥計兩次"提醒"我可以放在桌子下的架子中.

這一夜電影遊蹤,來到City Hall.夾在一班"潮童"堆內,隔住大銀幕明看Karl爺之私生活,驚見班"名字圍身"的小朋友,見到電影下的Karl爺家中成兜介指,又笑,見到其書廳幾部iPOD放在檯上,又笑,身穿起晒毛頭的H&M xKarl Cardigan的我,真是不明所以,相信我已經老了.完場之後,時間幾緊逼,慢吃不行,晚飯要快手快腳,本來索性在二樓美心餐廳就地正法,E小姐說麻麻,唯有取中立場,交易廣場上的札幌拉麵.事隔差不多三年再來,上次吃個鹽味湯底拉麵啖出個鳥來,記憶猶新,今次識做,要個濃味的味噌拉麵.特濃的味噌,又真是很濃,味道濃厚,材料甚麼,也是昆布,荀,叉燒等等,E小姐不吃昆布同荀,結果這夜吃的荀同昆布,比平時上拉麵館吃的多.麵條是來自西山麵廠,煙齦有致.嗒一口凍麥茶洗滌一下味蕾,再嘗E小姐的鹽味湯底,果真同年前吃的一樣,一樣地淡.E呢間我一直都唔覺得特別好食,你有無去過九如坊的八千代?呢間正呀.)她對日本菜是很有要求,聽她說,應該錯不了.

平常午市來的時候打仗似的零服務零禮貌吃多兩次午市套餐就怕了六十元一碗的平裝版完全比不上最愛的domon除了很趕的約人訂不到位才會考慮來但有人在雜誌上稱之為全港最好吃的拉麵這夜夜收工近近地就來測試一下那碗極上醬油拉麵上桌了碗很大材料也很豐富粟米肉碎芽菜海藻筍叉燒本身樣樣都和午市那六十元一碗的平平無奇可是湯才是那靈魂那甜甜的日本豉油濃得化不開卻不會覺得咸而且超熱乎乎即使食完仍很熱配合彈彈的索盡了湯後變成了豉油色的拉麵每啖都要像日本人一般啜出聲才過癮吃過一啖之後就停不了手便要吃完整碗連湯也喝掉才能收手起初怕一碗拉麵不夠而多叫了汁燒手羽先(雞翼)可惜很不行很乾很咸也可能是我只顧忙於幹掉拉麵的緣故吧一餐過後很飽但好像還欠一點說不出的甚麼是服務嗎?吃日本菜日本人得到的服務一定一定好十倍無計和平裝版相差20元但分別極大1350yen呢在日本來說也算貴了尤幸是物有所值的雖然仍不及olala的牛肉麵驚喜但有得揮還是值得一試的

下午吃飯時間試過跟高進到這裡吃午飯, 但中環lunch hour實在太多人, 要等位等很久, 客人都有點鼓譟, 服務生要應付那麼多客人態度自然也差…所以我喜歡傍晚光顧這裡.先來一杯產地直送的sapporo 生啤酒, 35蚊, 可接受, 還有下酒菜送.拉麵點了札幌味噌牛油拉麵. 拉麵碗不是膠碗, 是日本風格的瓷器碗, 很有中華料理的感覺.叉燒好tender, 完全無渣, 好香滑. 不過湯頭好像淡了一點. 拉麵加一份元貝只加$20, 元貝淡而無味. 唔掂.炸生蠔伴色拉很精美. 炸生蠔我最愛沾日本o急汁吃, 很醒胃!

聞名不如見面, "有幸"試到呢一間食拉麵架....講真, 又唔係平又唔係特別好食...唔知點解咁多人要去試, 仲要睇人面色. 如果唔係要就人都唔去中環呢度食拉麵.那位電線頭阿姐大排到不得了. 全程黑面. 有位又唔招呼人坐, 一味叫人排隊等, 等咩呢?! 又唔係唔夠人手架喎, 不過就係企晒係度唔知做緊d乜囉. 唔知間野幾耐歷史, 不過係度站得住腳, 一定有多少能耐. 但是否嫌生意太多, 所以就漠視質素?!是屬試過就算, 永久black list那種!

a lousy service restaurant:朋友話想食好食既拉麵，雖然我唔覺得呢度好食，但有46個笑，就即管帶他來試試。同reception講兩位，拒唔理我。已知道呢度既服務態度臭名遠播，我就即管等埋拒寫外賣，帶埋入座。有位客人來羅飛，拒好有禮貌0甘問我羅左飛未?! 我話未，拒就企響旁邊等。Receptionist帶完位反番來counter，我豎起兩隻手指話：兩位丫唔該。居然，拒寫了張飛，遞卑我旁邊果位姐姐，大家都呆灑。就算以為我同位姐姐一齊來，都應該系遞卑羅位果個架吓嘛... 完全莫名其妙>_<食物又不是免費的，為何要受氣？所以我跟朋友都走了無幫親。今時今日0甘既服務態度，我們恕不接受，該give them a lesson to learn and hope they will learn from the lost sale.