本味食堂 (已結業)

馬鞍山而家雖然好多食肆..不過有時想食返碗車仔麵都真係好難搵..本味食堂黎過好幾次了..車仔麵要3餸起..今次叫左豬大腸，雞翼尖，仲有牛腩..3餸每樣份量都多..今次仲叫左扣底豬大腸厚切果種，大大件冇豬腥味道豉油皇雞翼尖好入味，炆到骨肉分離..牛腩比較瘦..冇咩肥膏..口感咬落去略嫌偏硬左小小湯底另外再加左麻辣汁(中辣）唔好睇小佢少少一part辣汁..撈埋都有料到架餐飲叫左凍檸茶..Menu 仲好好可以比你自己圈小冰呀..咩甜度咁...

一個多月了，終於來了本味食堂🍜事緣上個月無咩胃口頂唔住係屋企附近隨便食咗個車仔麵心情夠晒悶，仲要食到嘅蘿蔔真係唔太掂😪大少就話馬鞍山有間車仔麵，蘿蔔掂到🤩，就係因為咁🍎就黎咗本味食堂·黎到本味食堂，接近一點但鋪頭仍未開門，心諗唔係今日休息嘛😨係附近行行企企一陣，差唔多點半，再番黎望下🥳好彩開門了！·車仔麵三餸起～價錢有$8，$10，$12嘅分別麵底有6款基本選擇（$10）除此之外更可選銀針粉，紅薯粉，烏冬同出前一丁（$12）·我就揀咗自家祕制香辣汁（大）✨ 米線（$10）✨ 厚切腩肉（$12）✨ 炸魚肉春卷（$12）✨ 蘿蔔 （$8）（車仔麵三餸$42，跟餐一杯熱咖啡☕️ 𝕗𝕣𝕖𝕖的）另外仲點咗炸燒賣（$20/10粒）🔥 火炙雞中翼 （$22/3隻）·🐟 2舊炸魚肉春卷，唔錯唔錯～食落仲食到啲春卷皮係脆卜卜架☺️🐖 厚切腩肉講唔上榎歰歰，一咬落撕開仲見到肉絲～絲絲分別，肥肉位好韌😖到極少食肥肉嘅我都𝕂𝕆晒😎💫 最後我最期待嘅蘿蔔就有待觀察😂，3舊蘿蔔口感都不一，一個就好年輕，仲帶點點生澀味，未算入味；另一個還可以，中規中矩；最後終於比我食到一個尚算入味帶點清租嘅蘿蔔了🥰💫 炸燒賣$20/1

車仔麵係呢家越黎少見，生於馬鞍山就更加少，而黃色車仔麵就更難搵，今次就幫襯本味食堂。 米線$10+秘製牛腩$12+醬漬溏心蛋$10+豬紅$8+凍手沖咖啡$3跟餐秘製手腩好入味，食落都嫩滑，但有少少毛，食嘅時候要小心d，醬漬溏心蛋都做到好流心，而且都夠入味。豬紅都係好入味。湯底腩汁都好夠濃，不過香辣汁要中都無咩辣味。凍咖啡啡底都幾濃厚，可惜就甜左少少。米線方面就少左啲，男仔食一定唔夠飽。本味食堂味道都算中上，$43嘅價錢連野飲都合理，如果麵底個份量多d就更好啦。

以有格調裝修吸引人進店，但座低睇餐牌後，覺得較其他車仔麵貴，一食即有完全中伏的感覺。成碗麵無味（甜酸齋，蘿蔔，菜心），粗麵不是一向的粗。雖然是清湯，但都應該有清湯的味，不是清水淨煮。全店堂食都用塑膠，有必要嗎？😠。

想試下馬鞍山新黄店，見呢間既review唔錯就去食下。我地兩個大約7點入座，附近有幾間餐廳排長龍，呢間得三四個人食緊，心入面已經覺得不妙，不過試左先算啦。店員算有善，可以任揀位座。點菜係用marker畫喺menu膠板上，不過枱面有成10支marker，冇一支有色....可能膠板俾人畫/擦左太多次上唔色，但點個菜都搞到我地一頭煙。我地兩個都點左豬紅，但落單後侍應番來話冇豬紅，有d失望。有野賣哂可以一座低同個客講左先嘛，搞到我地又要大戰marker落單...之後冇野做周圍望，發現間野衛生好有問題。地板污糟，地下d牆花哂又有污漬，枱面除左污漬外仲有不明既黑色一點點，我好驚係小強屎...之後上左飲品，用紙杯裝住，杯邊痴左粒更加似小強屎既物體，同時間聽到隔離枱都話杯飲品有野，要侍應換左佢🤢我已經冇哂食慾，但因為好肚餓所以但求快d食完走人。之後上左碗車仔麵，雖然我好少食車仔麵，但佢個湯底同配料既質素我只可以用“能夠果腹”黎形容。兩個人食完要成150，咁既質素環境我去食大快活好過...另外一樣我個人好唔中意既野係，真。係。好。唔。環。保！！！openrice review d 相見到用正常餐具，但我

嘢食質素差到一個點。魚蛋似足橡膠，龍蝦丸腍到唔知食緊咩，以為叫金菇實冇死啦，結果啲金菇好似未煮過咁，咬都咬唔斷。念在係黃店，而且啲冬菇同溏心蛋算係咁，所以幫襯咗幾次。結果今次食食下，一睇，發現有塊牛筋上面黐左條眼睫毛。當場有啲反胃，然後再定睛睇下其他嘅餸，竟然畀我搵到成三條（十成九仲有遺漏）。老實講都知車仔麵唔會乾淨成點，但係至少眼不見為淨。實在接受唔到食人哋啲眼睫毛落肚lor。以後都唔會再幫襯，完。

第一次嚟，因為唔係好識路，行左個大圈先知原來係藍店大壹對面條巷仔😆由於我選擇困難，點左大腸，魷魚，豬紅，豬皮，冬菇撈米線，我驚浪費食物，叫咗少米線㗎，但都係食淨左少少米線😢老公就點左腩肉，魷魚同豆卜腩肉同魷魚好出色，呢兩樣必食，腩肉好入味，肥美又爽口魷魚個口感好正，脆卜卜大腸同冬菇都正，大腸肥美，冬菇好入味，爽口彈牙，豬皮都可以，豬紅就唔係好入味，下次我會膽拖腩肉，魷魚，大腸，冬菇🥰飲品有陳皮冰糖檸檬，好健康呀，不過我飲凍嘅冇咁健康😝下次下次，下次飲熱嘅，會再嚟，加油啊💪

#中意嘅請分享請點讚🍻----------💛#黃店💛5/8/2019罷市----------車仔麵餸有$8/$10/$12例如牛腩/魷魚/腩肉($12)、貢丸/芝心丸($10)、蘿蔔/金菇/豬紅($8)。麵底除左普通粗幼麵等，仲有銀針粉($12)、紅薯粉($12)、出前一丁($12)湯底腩汁同辣汁都可以揀大/中/小，大嘅腩汁唔會過咸，冬菇勁大舊又厚肉又勁入味。3餸車仔麵送一杯飲品，另外宜家所有餐具都係即棄，比較衞生又乾淨。----------📍本味食堂🔎馬鞍山鞍祿街18號MOSTown Street新港城中心大街(3期)地下12號舖

喺香港食車仔麵其實一啲都唔平，所以好多人寧願食雲南米線！但車仔麵係香港特色美食，再加上本味食堂係馬鞍山唯一一間黃色車仔麵，所以一定要撐！叫咗個雞翼豬腸芝士腸油麵，份量偏細。湯頭食落唔似係味精湯，滷水雞翼非常入味，豬腸又唔會太肥，味道真係唔錯，不過依個份量對女仔嚟講都唔夠！另外只要order一碗三餸以上嘅車仔麵，就可以以套餐價加杯嘢飲！值得一提係本味食堂所有餐具都係即棄，喺抗疫期間如果真係忍唔到口想出街食嘅，呢到人少少自閉咁快快食都係唔錯嘅選擇！

下班後，隨意走到這店，因愛吃車仔麵就試了，很好先說湯底，其實不知道中和小是怎樣，但喜歡濃味就點了大腩汁了，挺濃的，卻不太咸，入口有份"醇"香味，一定要加腩汁豬腸厚身軟爛，入味不臊，值得點，突然想起那湯醇味可能來自豬腸卤水味豬紅普通，在8蚊區內值得試我以為會是方型的厚豬腩，原來只比一般x 仔厚一點點，入口很濃味，突然像吃了台灣醬肉片似的，浸肉的醬汁有好輕微好輕微好輕微的淡酸味，是卤水包一直翻滾所致，但酸味在豬腸沒有，應該是豬肉浸很久，很入味突顯了所致，肉質很o鞋，縱然如此，我還是推介要選這腩肉，味道勝過缺憾。也要推介來喝咖啡，看顏色以為很差，不料很好，下了冰還是有挺濃的咖啡味，沒有咖啡酸味，下次不下奶要濟啡相信會更好服務只是3，是因為沒有服務，而不是因為差，就收單和上菜，車仔麵比平時外面的車仔麵檔要等得較久，約8至10分鐘以上。

其實幫襯左好多次，依加先黎寫食評 。我鐘意佢豬腸吾肥，蘿蔔清甜冇渣，牛筋軟腍入味，湯底吾係死咸果款，再黎個腩汁。基本上次次都係叫依三樣餸，加$3有凍飲。今次太肚餓所以叫多左山根、豬紅。另外，餐單提供小食，我仲食過炸燒賣（幾好）、韭菜豬紅（普通）、煎釀三寶（普通）、咖喱魷魚豬皮魚蛋（汁吾入味，太稀）。以前比較靜，試過霸哂成間餐廳，依加旺到要搭枱，接住有人想入黎又冇位坐。希望老闆快請到人幫手，睇見佢又落單又執枱又遞餸真忙。

馬鞍山成日比人話係美食沙漠，但其實而家已經愈黎愈多唔同種類既餐廳，今日響附近睇完中醫，就見到新開左間食車仔麵既，就同呀媽入去試下先。環境裝修得好企理，鋪頭仲一路播住流行曲，坐得好舒服😌種類都係大路車仔麵餸，三餸起，一碗叫左牛腩腸仔同響鈴。另一碗就雞翼尖豬大腸同魚皮。份量都幾大碗，每碗仲有幾條生菜跟埋👍🏼魚皮同響鈴分開上，個魚皮份量都唔小，因為見佢單點都$18，如果係咁跟麪叫都幾抵。湯底唔算太濃，但滷水啲嘢都幾入味，雞翼尖豬大腸好夠味，同埋個豬大腸夠肥美。我地仲叫左個小食-火炙雞中翼，$22蚊3隻，$34蚊5隻。黎到雖然同我地心目中有小小唔同，簡單D講係炸雞翼，個面灑左D粉咁，都幾惹，不過有小小偏咸。另外值得一題係個菜脯，見佢寫住勁辣，我同呀媽都有D怯，所以我哋只係落咗兩三粒，嘩！果然有料到，比起出邊嗰啲起碼辣一倍，成碗野即刻唔同哂！睇返呢張相先知仲要原來係佢哋自家製👍🏼兩個人食左$111，車仔麪黎講算中上價錢啦，而且送埋野飲...服務都算ok，以後響馬鞍山想食麵類又多個選擇喇！

今日無意間行過 ，見佢寫 “試業中”，就試下啦！ 坐位夠闊，坐得舒服……可選之餸款式都多，但竟然無車仔麵必有之牛腩應該無味精，因食完都唔覺口渴，但以車仔麵嚟講，價錢有D貴，而份量較少！

非常獨特的車仔麵，與坊間的不一樣，食物都比較以原味醞釀，湯底沒有味精，非常清甜，整個感覺很清爽，我個人覺得很適合追求健康的，沒有肥膩，如果喜歡濃味的話便不適合了！已經多次幫襯，坐落於新港城側面並不顯眼，有次同女朋友找新食物幸運地找到，地方不大，容納30人左右，點餐都是寫紙仔那種。最好的是有銀針粉做面底，非常罕有。如果可以加建議就是，用生菜做底，迎合有些不喜歡吃碳水化合物的人，那麼便完美了！總括來講，一間有良心及有信譽的車仔麵

湯底唔錯，牛碾un,豬紅一段，羅白有渣，份量真係好少，價錢比美九龍旺區，好出奇車仔麵竟然無牛腩。希望改善一下，比咗兩次機會，會試多一次唔得就bye bye。。。。