望月樓

營業中

休息中

我們一行8人，晚上8時入座，坐了一張原先6人的枱。點了兩個4人套餐，餸菜連同單尾的兩個飯神速上枱。侍應也不理枱面是否可放得下。上湯的時候，重手重腳，每碗都倒瀉了不少。招呼欠奉，樓面也似乎沒有主管，像個飯堂，燈光昏暗，令人覺得不舒服。未到10時已趕客了。$5000多的花費，實在不值。單尾的焗豬扒飯加上2隻荷包蛋，真攪笑，不及大家樂數十元的出品。奉勸各位，執到錢，也不要去。

🙈第一次認識望月樓, 係因為covid爆發群組😷🤧😌店內環境雅致, 座位寬敞, 空間感十足✨連🍴餐具💡枱燈,佈置都充滿傳統和藝術氣息🎨💃🏻°前菜小食🔸夫妻戀(凍食) $138 8.5/10聽名以為係夫妻肺片啲frd, 會有內臟喺入面🫣😲原來係牛肉片包住牛舌❄️冰冰涼涼加埋微辣的醬汁, 十分開胃😋唔食得辣都食到～😽🔸三色素鵝(凍食) $88 7.5/10😻捲得好靚, 顏色有紅🔴有綠🟢, 賞心悅目☺️腐皮包住紅蘿蔔🥕菇同蔬菜🥬充滿營養°主菜🔸乾煸四季豆 $128 7.5/10四季豆炒得爽口, 唔淋👍🏻十分惹味😋🔸金莎蝦球 $198 7.5/10新鮮炸起❗️🉑按人數嗌相應件數🗣🦐蝦球肉質彈牙鮮甜～🔸玫瑰豉油雞(半隻) $338 7.5/10味道正常, 肉質嫩滑🔸八年陳皮蒸牛肉餅 $198 7.5/10賣相較其他菜式較遜色🤧但牛肉餅食落彈牙, 帶淡淡的🍂陳皮香味👍🏻🤭平淡中帶點不平凡呢～個人覺得味道係有少少似平日🫖飲菜叫的蒸牛肉球🤣🔸望月焗豬扒飯🐷🍚 $208 7.5/10嚟到望月樓, 當然要試試佢嘅🔅招牌菜---焗豬扒飯！☑️採用新鮮番茄🍅製成醬汁炒飯底撈埋🍳煎蛋蛋黃汁液, 即刻食幾碗

九龍塘又一城 樓下間 八月居要排隊，於是走上兩層 來試下 傳說中第五波疫情爆發源頭地既 望月樓，午飯時間，門口無人排隊，掃安心出行即入座，裏面大約坐左3分1座位，感覺無乜人，服務員態度還可以 合格。睇過餐牌，唔係傳統粵菜餐廳，而係中菜 點心 又加d川菜，於是就都點幾樣試下，咩夫妻肺片 鴨血 ，又腸粉 粉粿 之類。呢間餐廳算係嘗試創新，可惜失敗，皆因d野都唔好食，點心唔掂 中菜唔掂 川菜就直頭食唔落，試淡之後無食，所以就，唔會再來咯。

收工夜左行開附近，來望月樓食中菜差差電。叫左個二人餐，一坐低就放左個前菜青瓜仔邊等上菜食野前飲個湯潤下，杏汁燉白肺湯，飲完好舒服，湯料又足，呢啲湯屋企懶煲，出街有得飲一定叫來飲。蒜泥白肉好好味，重口味arm晒香油萵苣絲就有不過不失，整體都脆身主菜就揀左酸菜煮桂花魚，魚肉鮮滑，魚湯都好香，不過個人喜歡酸味多少少高手炒飯有驚喜，炒飯粒粒分明，料頭又足，如果可以大碗d就好了。最後個甜品以蛋白杏仁茶作結，杏仁味香濃，熱辣辣上枱，食完飲啖清茶，好滿足。望月樓都係中高價的中菜為主，整體環境服務都不錯，食物的質素都ok，日後有機會會再試吓。

兩個人中午去食望月樓,叫佐5樣野-海鮮芋角, 燒賣, 炸兩,蒜泥白肉, 藤椒清湯烏冬同芝麻卷芙蓉海鮮芋角（$55）4.5/5海鮮芋角比想像中好, 味道好足, 係連麵衣都食到有味, 入面嘅蝦都好大粒蟹籽燒賣皇（$62）3/5除佐豬肉同蝦比一般酒樓燒賣大,其他覺得同酒樓燒賣差別唔大,如果豬肉再肥少少就好喇蔥花脆炸兩腸粉（$55）2.5/5正常炸兩,無咩特別…食第一件好脆口，第二件淋咗比較油膩蒜泥白肉 （$138）5/5蒜泥白肉好食, 佢個蒜泥真係蒜泥, 唔係出面打到好碎果啲,而係個質感好似薯蓉禁,而且佢每一塊肉都係同一塊青瓜卷埋一齊，平衡番整體感覺好夾藤椒清湯烏冬 （$68）3/5本身expect係清湯再帶有藤椒味嘅，點知上枱係好似酸菜魚嘅湯底味，想清清味蕾嘅我哋覺得一般生磨芝麻卷 （$58）5/5芝麻卷好好食,好香芝麻味,一食落去芝麻味係禁湧出黎,不過對我黎講係甜佐少少,但係都覺得好好食職員服務都唔知點評價….樓面侍應好好，但reception就麻麻最後兩個埋單$524,下次會再encore芋角、蒜泥白肉同芝麻卷😆

202209月的週末，早上九時多致電望月樓，即興預約當天成功望月樓一直是我想試的中式餐廳之一，剛考第五波疫開始時預約了吃晩飯，最後取消告終餐廳裝潢古色古香，樓底比一般酒樓也高，雖然不是酒店，但裝修也別具氣派中午飲茶吃點心限時90分鐘，預約了11時30分，雖說即興訂座有位，入座不久也全場客滿了被安排座的二人圓桌，空間感足印有望月樓水墨山水圖案的餐具有特式的茶壺，開了龍井茶($20)茶味一般點了三個點心: 百花鮮魚籽釀魚肚($68)三大粒百花釀魚肚，放在精緻小碟而且蒸籠是六角型，賣相頗吸引上層蝦膠鮮味，底層的魚肚剪裁成圓型，魚肚軟腍有咬口，吸收了蝦膠、蟹肉蛋白獻汁，入味，加上面層的粒粒魚籽，整個百花釀魚肚倍感彈牙蟹子燒賣皇($68)燒賣上枱熱騰騰，賣相也不錯，唯豬肉餡料不夠鮮味，味道普通海中龍皇拌金魚餃($98)挺配合點心霸氣名字的餐具金魚餃非常精緻，栩栩如生，活像兩尾金魚快活地暢泳蝦肉餃化身金魚暢泳，上湯池中有杞子、蟹肉、食用花等蟹肉、杞子湯底，頗鮮甜，個人口味覺得有點咸用上彈牙花膠做金魚餃的餡料個人意見，如金魚餃上枱時才加入熱湯，味道會更佳，因為食用花已過淋和餃皮有點過軟埋單: $30

星期六中午去到望月樓，12:10 取飛，等第四張二人枱 ，接近等了45 分鐘先有枱入座，寫明限時90分鐘。環境都舒服，唔會好迫。Order 了五款點心1️⃣脆皮韮菜蟹肉盒 ： 來到先知原來係炸物，中間真係有蟹肉，算好味2️⃣上湯煎粉果：上菜時配有碗上湯 ，不過我覺得普通，咬落太琳3️⃣牛肉腸 ：都正常，腸粉都滑4️⃣蟹籽燒賣： 都正常好味 ，唔會太多肥肉5️⃣東星斑菜苗餃： 呢個唔好食，口感梅梅地，唔新鮮。 總體來說， 五個點心+ 2 個茶位要$440 ；有其他點心專門店或酒樓質素更好！ 所以下次都不會再光顧，主要價錢同食物質素不相符。

此店曾一度上頭版 因為是第5波疫情的引發地 今天我是因為旅發局的贈券而來的 因訂了位 所以不用等 用餐時間是90分鐘 裝修頗幽雅 只是燈光較暗 服務員態度一般 收費是中位價 我們2人要了5款點心 最有驚喜是招牌脆皮血旺 驟看似是椒鹽豆腐粒 咬下去外皮脆 入口是有韌性的鴨血 很特別海中龍王伴金魚餃 造型漂亮 是蝦餃呢 味道不錯脆皮韭菜蟹肉盒 炸得很香 蟹肉一絲絲 很有新鮮感韭黃鮮蝦腸粉 皮薄蝦很大只 鮮肉龍湯小籠包 是最失敗的 一般都是四隻但只得三隻 其中一隻已經破了湯流到一籠都是 其餘兩隻要很小心夾才不會破 味道普通 摺口厚埋單是539 用優惠券 減了200呢

埋單見到張單收咗小食嘅錢，但係其實冇食過小食，好彩check到，叫服務員更改。張單再翻返嚟以為OK，咁就埋單走人。返到屋企發現原來五個人收咗七位茶錢。所以一定要check單。

好欣賞呢間餐廳幾經波折都保持食物水準，所以每一次我都會keep住支持，因為佢啲食物真係做得好好！「我最喜愛系列」💫話梅浸淮山每一粒淮山都係爽脆微微酸甜清新可口，非常開胃💫水煮魚佢哋嘅油唔會好杰撻撻好味到差啲要飲埋啲湯💫荔蓉香酥鴨呢個要人數多先好叫每人一至兩舊就最正💫川麻豆腐腦🦞(大愛）勁多香蔥配拆肉龍蝦鮮拆大閘蟹粉豆苗麻辣腰果田雞為朋友慶祝生日早啲訂枱嘅時候同佢哋講佢哋可以準備壽包🍑🍑

餐廳衛生情況實在欠佳。1）叫了一壹滾水，倒出來的水竟然是啡色的。2）請員工更換，竟然在客人面前倒出來看，然後一聲不響，最後是換了一壺正常透明的水，但這是什麼服務態度？3）用餐途中，幾隻蚊飛來飛去4）沒有人主動收拾枱面已經食完的碟5)員工服務欠佳，衛生情況欠佳，最重要是食物質素非常一般

入座未夠1hour，點心食到一半，已經要求我哋先埋單又叫我哋儘快食，催到無曬胃口，一睇原來電腦入座時間出錯，我哋出示安心出行證明只係入座唔夠1小時，職員唔理又唔肯改返啱個入座時間，之後派第二個職員繼續叫我哋儘快食，投訴又無人理，作為食客真係真係好無奈！所有職員都唔helpful，做錯嘢又唔改, such poor service, I will never return to this awful restaurant again!

望月樓聽就聽得多，終於有機會嚟試試佢🤘🏿六人同行，叫左8個點心🥟，1個蔬菜煲🥬，1碟炒飯🍚同埋2個甜品🥧食到個個都捧住個肚走🫢🌟福建炒飯，上湯雜菜煲，兩樣都好足料，蔬菜煲仲有加埋蝦乾同瑤柱，鮮味十足🥬🥬。可惜湯頭飲咗兩啖後有啲口渴。🌟各款點心，真心推介翠玉瓜蝦餃，加咗啲翠玉瓜，感覺好清新，可以一個人食晒一籠🫢😋 其餘點心比較精美，味道不錯👌🏿🌟甜品，馬拉糕同懷舊豆腐花，馬拉糕估計係用左黑糖，甘甜不膩。特別推介豆腐花，用木桶上，配埋黃糖同糖漿，完美🥹六個人分享每人都有半碗前左右👍🏿總括嚟講，點心精美，食物味道都唔錯，環境舒適闊落。

長假期的第一天，天氣還可以，四處也人多、車多。幸好香港人習慣排隊的文化，取了 ，大家乖乖等叫號碼，如果已推算輪侯時間需時，除了耐心等待外，也可四處逛逛，順道shopping，消費一番 。入座後，環顧四週，整體環境是走高格調路線，鄰店是高級日本餐廳，同一集團的。我們隨意點了一些經典點心，什麼燒賣、粉果、腸粉等等，味道不錯， 於是再點了麻辣小籠飽、上湯泡飯、和牛一口酥……同樣的，賣相吸引，美道可口，保留全統廣東點心的味道! 望月樓 – 可以再訪的一所中式餐廳，期待下次的再遇！

呢度環境真係好靚好乾淨，如果食套餐，同旁邊普通酒樓價位差不多，咁緊係試下呢度啦！ 食聞名嘅小金魚蝦餃，賣相一流，鮮蝦爽脆，餃皮都好好食，配埋上湯做嘅海水，兩條小金魚，魚魚得水🥰