望月樓

營業中

休息中

大約一年前新開嘅時候去過一次，已經認為唔會再去第二次，但好朋友極力推薦我試多一次，入到去同上次一樣，燈光暗，音樂略為大聲，喺度睇緊唔知叫咩食好，有個高高大大嘅男經理埋嚟好耐心推介我地食咩，可能佢好醒目睇到我覺得燈光太暗臉上流露出一些不滿，向我地推介時令蟹粉小籠包，仲有脆皮金沙腸，蘋果叉燒酥(上次我將佢比喻為麥當奴蘋果批)，xo酱蘿蔔榚，今次明顯食物有進步，又或者男經理好耐心有禮嘅招呼，所以啲食物都特別好味🤣所以話做飲食業食物同招呼同樣重要，男經理仲推介晚市特式小菜，我同朋友即刻相約下星期去試，希望唔會令我地失望啦

係呀！你哋冇睇錯🤣係中菜！嚟到呢間中菜有地道港式西嘢😂🎉焗豬扒飯🎉呀呀呀🥰😋🤤首先我真係為咗呢兜焗豬而來，呢個價值$208蚊嘅焗豬扒飯😍的確冇令我失望😋首先大兜到一個點，份量一定夠4個人食！😆一上檯我都嘩咗聲😂😂另外就係佢炒底飯，好香，好有鑊氣，個汁似鴛鴦炒飯嗰隻，有蕃茄、洋蔥！超級香，口感very good👍🏻👍🏻👍🏻 主角豬扒就真係厚切😍厚度目測有2cm😍仲要面層有少少脆脆哋，一啲都唔嚡，仲好鬆軟，好好味呀🤤🤤🤤另外仲叫咗幾碟餸，份量都大碟🤣🤣燒雞好正，平時我唔食雞皮，呢個佢塊皮勁薄，炸到好脆，一啲雞油都冇，連皮食堅正🤣🤣另外嘅咕嚕肉都係水準以上，細細粒，方便一啖一粒😂😂👍🏻👍🏻個炸粉完全唔厚，好食👍🏻最後嘅鮮蚌浸時蔬，係好香嘅魚湯，白菜仔同埋象拔蚌仔，超鮮甜😋👍🏻，白菜索晒啲湯汁，好味👍🏻👍🏻-望月焗豬扒飯 $208-新鮮脆皮吊燒雞 （半隻）$338-無花果咕嚕黑豚肉 $198-濃湯鮮蚌浸菜苗 $178

呢間酒樓全部嘢食都好高質😋樣樣都好好味，果然一分錢一分貨🈵💯🦐鮮露筍蝦餃皇🥢💰$78大大粒，皮薄饀靚👍🏻🉐推介🉐🦐蟹子燒賣皇🥢💰$68好大粒，好好味🍤韮黃鮮蝦腸粉🥢💰$78好大粒蝦，腸粉又滑又薄😍🉐推介🉐🥢蔥花脆炸兩腸粉🥢💰$58一樣咁好味，葱花又香，炸兩又脆，真係好正🐷鮮肉濃湯小籠包🥢💰$68多汁多饀👍🏻🥢芙蓉海鮮芋角🥢$58超好味😍勁脆身，一向鐘意呢個點心，但唔係間間都好味，呢間真係無得頂，入面又多料🉐推介🉐🍎蘋果叉燒酥🥠$58第一次見加咗蘋果嘅叉燒酥，味道估唔到係非常之夾，比較清新，一樣都係外面好香口，食咗半個都好夠，味道好👍🏻🥢雪山叉燒焗餐包🥢💰$58好少食包嘅我呢個我冇食，但大家都大讚好味👍🏻🥢XO醬蘿蔔糕🥢$68好大粒，煎到脆卜卜，連埋XO醬超正👍🏻🉐推介🉐🥢椒鹽脆皮豆腐🥢$98細細粒，的的骰骰，外脆內軟，外面充滿椒鹽非常好味👍🏻🉐推介🉐🥡椒鹽九肚魚🐟$108好薄身，炸起上嚟好脆，同出面嘅好唔同，好味好多🉐推介🉐🌶虎皮尖椒🥒$98佢係充滿辣油嘅，辣汁蓋過尖椒草青味，好惹味，不過辣到咳咗幾聲，但我已經係食得辣嘅～唔食得辣嘅朋友呢碟就未必啱你哋啦🉐推介🉐🧄黑蒜龍鬚炒麵🍲💰$20

今日去左又一城同朋友食飯，因為星期六所以怕人多都有訂台，不過其實餐廳都係七成滿唔洗等台，我哋唔洗等就入左去，餐廳環境比較暗有少少西餐廳的格局，坐得都算鬆動，唔迫夾，三個人叫左好多野食，叫左半隻燒雞，窩荀絲，無花果咕嚕肉，螞蟻上樹，三色素鵝，煎粉果，魚湯腐竹浸菜，燒雞都幾香脆唔錯，又唔算太油，咕嚕肉好奇妙地係配無花果，味道都唔錯酸酸地開胃，煎粉果原來係炸的，入面有蝦，，三色素鵝就有煙薰味，一般般，螞蟻上樹有粉粉辣，都幾多粉絲 ，好彩無叫飯面，不過整體價錢就少少貴

經過早前老公寶寶的極力推介後，我便於今天攜帶着爸爸娘親到此一嚐究竟。餐廳以吃粵菜和川菜為主，因而裝潢亦是極具中式風格，設計使用木系配襯燈籠造型吊燈，還有用上猶如水墨畫圖案般的食用餐具，整體予人感覺光亮高端。杏汁燉白肺湯奶白色的白肺湯雖然黏度不算濃稠，但勝在飲用時香濃幼滑，帶有甜味，且杏汁香氣更是甚為出眾，是款養顏潤肺的滋補湯水。秘製柱候牛筋煲膠質豐富的牛筋經過烹調後口感軟腍嫩滑，入口即化，鹹鮮味濃。而另外的配菜蘿蔔亦是製作得細嫩清甜，入味可口。新鮮脆皮吊燒雞半隻燒雞製作得外層色澤金黃，帶有油分，且酥脆甘香，而內裏肉質則保持鮮嫩滑溜，雞味濃郁。川麻豆老龍蝦點菜後師傅便於魚缸直接盛起原隻新鮮龍蝦予我們觀賞，重量大約是為斤半，隨後師傅便將其伴同豆腐製作，並加入大量青蔥粒作為點綴，入口龍蝦肉鮮甜彈牙，濃郁麻香，而豆腐亦辛辣入味，滑溜即化。總結而言，餐廳裝潢設計採用中式風格，整體環境高尚貴氣，舒適光亮。菜餚方面皆精緻美觀，用心製作，味道新鮮出色，是一所有水準的粵、川菜餐廳。

點心有心思和特色，味道幾好，其他餐廳未必有得食，不過價錢略貴。九月一日中午時有一位 姓張 waiter 服務很好，值得一讚。相比其他服務員，張先生的服務態度才符合餐廳高檔的定位。

今日有人請食飯，去位於九龍塘嘅望月樓。一入到去見到佢裝修精緻，不過枱與枱之間嘅距離就比較狹窄。由於我們共有六個人，咁張枱上面只有四位餐具及只有五張凳， 坐低叫茶後 ，便叫侍應加位及加櫈。 咁樣第一個失望位就開始嗰位侍應，好似好唔願意做咁，攞餐具嚟之後，基本上係求其掟落張枱度 。 其實當時下午六時 ，餐廳入面人客亦唔算多， 更加談不上繁忙二字。當人齊後，便叫侍應上菜。首先來到的便是茶香雞。這一味餸兒時有一間叫茶香雞的很好味，諗住回味一下，結果都係失望 。雞本身係有茶香味嘅，不過被他濃濃的醬汁蓋過。 跟住嚟嘅就係招牌脆皮血旺，用脆炸皮包住鴨紅， 沒特別，又貴。寧願食返椒鹽脆皮豆腐，慳返30蚊。 再跟住嚟到嘅黃酒煮豬手，唔... ... 黃酒完全問唔到亦食唔出， 至於墊響底下嘅蘿蔔條，又硬又冇蘿蔔味。 我當佢唔係當造，算。 但最離譜嘅係，豬手上面仲有大量豬毛響度。 大佬，你每個菜收人成二百蚊， 隻雞仲要六百幾，畀啲咁嘅級數人食？ 至於有其他食評家說服務比食物好，這個我認同。它對於那些熟客，的確招呼好好，久不久會行去同熟客寒暄。 至於好似我哋啲唔係熟客嘅，響隔離張枱啫，每次壼茶飲完之後打開蓋，

一家人放假坐得舒服傾吓偈多數都選擇飲茶望月樓啲點心質素一向唔錯但來喱度飲茶記住早幾日book位平日假日一樣甘多人蝦餃，燒賣每次都會叫金錢肚，瑤柱麻辣蘿蔔糕都好食但係成日食真係好悶今日一於試吓其他菜式叫左鮮茄焗豬扒飯真係鮮茄味，唔係茄汁味。豬扒外層脆，唔會好硬。不過$200幾個豬扒飯應該唔會次次食水煮牛肉好食過好多主打川菜餐廳，麻香辣都好平均，而且好足料。下次來飲茶可以再試埋其他川菜:辣子雞，辣子肥腸，都係嗰度員工推薦

普普通通啦 新店菜色以為有驚喜 但只有賣相 無乜味道 特別係蘋果叉燒酥 每舊都唔見有叉燒 有都係啲肥邊或根 簡直令人失望 應該最失敗之作品 奉勸大家唔好叫呢個 仲有係黑椒和牛絲酥 一舊賣$68但只係食到一陣黑椒味 呢個fusion菜式其實如果用普通牛填$68三件都算ok 掛左個和牛名後賣$68…完全O晒嘴 其他菜色不過不失 服務態度係幾ok嘅 但最好唔好入房 只係聽到隔離枱講嘢 坐廳可能好啲 另外我個人覺得燈光太暗好鬱悶feel 無優惠可以唔使去 無乜人排隊又肚餓先好去吧 (唔知點解放唔到相 有機會再補返) 食物賣相ok, 但整體來講味道一般，性價比較低

環境及價錢皆是中上，點心只可說普通，送上桌時只是暖而不是熱的，以這個價錢還可有更多、更好的選擇；而且服務態度奇差，完全不似中價酒樓，平日午市客量根本不多，走時也不見有人等位，可見不是因客量問題，根本是管理問題。當天與朋友四人午膳，預早以open rice book枱；前台竟然把我們四人分別安排在餐廳兩角，分成兩枱處理，以至我們各自白等了近半小時才發現，而前台自始至終也沒有表示任何歉意，只當沒有事發生。聚會後約二時，準備離去，便請侍應幫忙拍照，一個説轉頭但結果走了沒有回來，一個說手污糟，負責埋單那位叫我簽卡便走沒有表示可幫忙，還有兩個侍應看見馬上一起轉背行去另一邊。前後五個侍應，一個也不幫，這種服務態度在九龍塘可真少見，我以為自己在旺角茶餐廳。

对川菜没啥研究，第一次来望月楼。.望月楼做川菜加粤菜，菜品是原来三希楼和骏景轩的李志光师傅设计的。几道辣菜虽然不是很辣，但做的挺有特色，让人印象深刻，推荐住附近的人来尝尝。 （这家不是100%纯正宗川菜，介意的人就不要来啦）.———我喜欢的几道———.【蒜泥白肉】蒜泥白肉应有的重口味都有了，加一片菜，增加一些清爽口感，不错。.【脆皮血旺】看起来像炸豆腐，里面其实是鸭血，第一次吃这种做法。很有趣！.【青椒皮蛋】【四川豆干】两道小菜都颇有滋味.【虎皮尖椒】很大一片，不是很辣，不过很久没吃到虎皮尖椒了，也算满足。.【砂锅胡椒海中虾】这道好吃，虾皮已经非常酥脆了，可以直接嚼，胡椒非常入味，喜欢！.【水煮厚切牛舌】厚切牛舌非常软嫩，大家直呼过瘾！喜欢！.【金银蛋浸蔬菜】这种菜式的灵魂就是蛋！这道里面蛋很多！看照片会发现蛋的黄白色都快完全盖住绿色的菜了。漂亮！.———其他菜———.【麻婆豆腐】.【无花果咕噜黑豚肉】.【青椒清香东星斑】汤很不错，有些朋友很喜欢，对于重口味的我感觉鱼的味道淡了些。【啫啫时蔬】.【新鲜脆皮调烧鸡】.【福建炒饭】.【生磨芝麻卷】

進入餐廳，裝修漂亮，環境舒適，絕對適合談天晚飯的好地方。可惜剩下來的食物和服務質素不達標。以其收取的食物價錢，這餐廳的食物質素和服務態度絕對不合格。很明顯服務質素，員工只是普通餐廳的服務態度，送來的餸菜放在桌子旁邊，茶壺沒有水，就算連揭起茶煲蓋，你沒有提醒，都沒有人過來幫你加茶。茶壺加水後送回來，茶壺竟然放在你面前，不是放在原有的茶墊上，求求其其！員工態度也不見殷勤。我們點了二人套餐，有冷盤，湯，素菜，魚，點心和甜品，竟然先上點心，上湯煎粉果還是油粒粒，湯，蔬菜，冷盤和魚在3分鐘之內全部都上了。還要我們跟他們說，請不要先上甜品，這個感覺，這個價錢，在這餐飯上是完全不好受的。燉湯太過鹹，有員工跟進，說好，但等了差不多10分鐘也沒有反應，我們要追問，才有人過來跟我們安排 (這女經理態度是可以的)。其後，我們要員工不要先上甜品，因為太飽，想晚一點才吃，不消2分鐘，突然有員工送上甜品，我們又要叫他送回去。由於餐廳10:00關門，員工在9:10又再一次送甜品給我們，在我們細問之下，他們說廚房要收工，所以送上甜品，最後我們打包甜品離開。所有的膠盒膠袋收費冇事先跟我們說明(雖然這收費是沒有問題的)，

母親節前夕，幾姊妹專誠同媽咪揀咗望月樓慶祝。估唔到第一道清炒蒿筍就有驚喜，味道清新可人，鮮甜爽口，一啲都唔油膩。懷舊菜回味焗魚腸也帶嚟唔少兒時回憶；吊燒雞皮脆肉滑，不妨一試。不過鴛鴦椒蒸大魚頭有點偏辣，而且畧欠新鮮。值得推介嘅係上湯海蝦煎米粉，米粉索曬啲上湯同蝦嘅鮮甜非常惹味👍🏻

星期六11:30左右, 到又一城搵食，想食中菜來到望月樓, 不用等位, 係最後幾張枱.店內燈光太暗. 坐的位置是一間小房, 有六張枱.在房內沒有長註侍應，搵人加茶落單要等下.食物選擇不多, 而且是高價位的.這店中午做茶市, 晚上是食川菜的.點心性價比不錯. 有質素的.XO醬蘿蔔糕一粒粒正方形的, 香脆, 帶辣.鮮肉濃湯小籠包OK. 不過不失.蜜味叉燒包包質地鬆軟, 不錯!高湯鮮蝦韭菜水餃湯清不太味精, 水餃細細粒皮滑好食!⭕️全店職員戴上口罩 ⭕️進店前量度體溫 ⭕️提供酒精搓手液 ❗️座位間沒有分隔

今日同媽咪去食九龍塘新開嘅中餐廳。去到已經有人排隊等入座，幸好等左一陣就入得。入到去個裝修超靚，環境幾好幾高貴，以紅黑為主題。以下係ordered food:梅子淮山 味道超級特別，第一次食到呢個味道，淮山酸酸甜甜，有梅子味，非常開胃！不錯！呢個唔記得咗叫咩，但我記得佢個口感幾好，外皮非常煙韌，可以一試帶子腸粉正正常常，幾好。帶子如果大粒啲會更好。蝦餃味道正常發揮，值得一讚係佢入面嘅蝦都幾大粒。辣的小龍包真係第一次食，味道幾特別，不過我都係中意食傳統小龍包多d。四川擔擔麵好食！成餐飯最平的食物，性價比最高的食物！最後食埋紅棗糕，就完滿結束，呢個係我最欣賞的食物，紅棗味香濃，口感煙韌，我非常喜歡總言之，呢間嘅食物質素不錯，但價錢有點貴，食左咁多食物，好似要大概600蚊埋單，所以算係一個食環境嘅餐廳，試一次就夠，或者請客都適合。