有機廚房 (已結業)

美味健康一家大細都啱食 UG Kitchen今日婆婆同我哋一齊嚟九龍城城寨公園放電..玩完一輪我哋就去九龍城廣場Shopping嘆下冷氣.行完Aeon買咗一大堆嘢..之後就搵地方坐低休息..揀嚟揀去其他地方都要排隊.同兩隻馬騮仔一齊等位真係勁辛苦..終於畀我哋搵到一間唔使等位又平又抵食嘅餐廳 UG Kitchen我哋喺門口見到佢個下午茶餐已經即刻衝咗入去坐低..因為真係好抵! 42蚊一個茶餐仲有得配埋嘢飲 ! 睇咗一輪婆婆叫咗個瑞士汁雞髀配沙律我就叫咗個吞拿魚牛角包配炸蕃薯條! 瑞士汁雞髀配沙律 佢個瑞士汁雞髀炆得好入味,雞髀肉非常滑完全唔會鞋颯颯,哥哥都食咗一大半隻,側邊嗰兜沙律大大兜有蘋果青瓜水蜜桃薯仔仲有啲生菜.兩婆孫食一個都食唔曬!!吞拿魚牛角包配炸蕃薯條呢一碟都係大大兜唔單止個碟大分量都好多.佢個牛角包啱啱放出嚟熱辣辣外脆內軟唔會硬掘掘..佢啲吞拿魚醬都好好味應該係佢哋自己調教嗰醬汁嘅.炸蕃薯條炸到啱啱好唔會太燶少少香口總括:餐廳環境非常舒適.服務態度亦良好.上菜速度非常快唔使五分鐘就已經上齊所有嘢食.所有食物份量都好大而且有水準.餐廳有好多卡位就算小朋友一齊坐都好舒服.唔會

Book左生日飯一家大細一個幾歲小朋友加一個手抱B.B.帶埋蛋糕去到話一張bb椅都冇很差的安排萬分失望最後要臨急臨忙換場地很不愉快的經驗如果要service千其唔好去一定比唔到你

好耐無去過九龍城廣場，以前中學就會成日去搵野食同抽yes卡😂依間有機廚房有沙律吧任食沙律菜，仲有湯同麵包，味道都唔錯，只食沙律吧都食飽😋食左兩款沙律，牛油果大啡菇個款好正，大大舊牛油果正，啡菇多汁好滿足👏🏻推介大大盆葡國雞!! 主角唔係雞，而係濃濃嘅醬汁同配菜🤤 再配埋麵包超好食，唔膩味道剛剛好👍🏻 如果配菜可以再多啲仲正，記住點菜時講定配菜要多😆

以有機為名，實以蔬菜類為有機，其他未必是同有機有太大關係，食材尚新鮮滋味，平均$200/位，值得再次光顧。沙拉吧的蔬菜新鮮、薯仔雜果沙拉好味、麵包也有驚喜，唯一是用 Flora 人造牛油，失敗！虎蝦海鮮龍蝦意大利飯、三文魚扒意粉、蕃薯條也很值得一試。下次要試三文魚扒配焗蕃薯！😋

原來有有機下午茶，唔係朋友一個人試過食力讚都未必知呢個舖位係做有機餐廳。上次朋友食過好食既吞拿魚牛角飽配蕃薯條，當然會食左先講，有機菜新鮮好食，牛角飽同朋友講既一樣係KING SIZE。好在朋友叫我食著唔夠先加個沙律吧啦~~大大份飽肚之餘好好味，甜蜜既蕃薯條，好味到連朋友個份都想食埋。朋友個舊豬扒飽都大大份，可一又可再。全部都叫左包，D(懷舊豬扒飽) & E(吞拿魚牛角飽配蕃薯條)

餐廳重新裝修後改左名，雖然唔知有冇轉到老闆，waiter就認到有個女waiter，因長期黑面同埋只掛住同另1男waiter傾計。好彩有個文青look既4眼弟弟好好笑容又勤力，否則真係零 service。星期5晚加埋我地都係只5台人，相對商場入面其他餐廳排晒隊，真係差少少。是日叫左2份dinner set，包自助沙律bar，湯同包都自己黎。湯有羅宋、南瓜忌廉，係全餐最好味的包有3款：提子方包、芝麻包同牛油餐包。有部面包機可以烘熱，但作用不太，唔可以期待有暖暖地又軟軟地既面包。沙律大約7-8款，質素好失望牛扒多筋，7成熟變全熟，鞋口，冇牛味只食到瑞士汁味，唔難食，只係好油凍0T冇0亦冇T味

之前認為午飯時間，外面小店有很多選擇，所以也不是太常過來九龍城廣場然而這間餐廳也是值得過來一趟！(位於地底)最特別的是，午飯時間是自助沙律吧（不肯定晚市是如何），除了沙律外也有面包和餐湯供應，而且質素是不錯的通常都有３種面包選擇，沙律有４款，之前來過幾次都有長通粉沙律（這個大讚）不過這次去沒有，由和風的蘿蔔乾代替（其他都是菜），不過薯仔沙律也很不錯至於主食方便也有很多選擇，由正常的西式餐到韓風石頭窩飯也有（右：鴨胸闊條麵、左：雜菌意粉）主食不過不失，就是一般西餐的水準湯是忌廉南瓜湯，十分香滑，很好喝，我出去倒了兩碗呢來到九龍城不坊試試這間吧。

聽聞九龍城廣場裡的有機廚房的食物水準屬中上水平，所以閒來一試。雜菜牛尾湯，我就覺得味道不淡且有牛肉味，味佳。 沙律菜，紫色的較為味美、綠色的也不錯，兩者新鮮可口，薯仔沙律也感味美。法式麵包味道烘熱的口感豐富味佳都比較吸引，第二次來食4-5件才夠喉。沙樂汁煎三文魚柳口感不韌也不惺、有水準；個人認為野菌粟米湯的味道總是不及雜菜牛尾湯的好飲，但沒有花巧的野菌粟米湯的味道已經OK。沙樂汁煎三文魚柳要求不高的人可以一試也無妨。煙肉絲卡邦尼意粉我覺得份量OK，基本上吃了這碟主菜也不用再添食沙律菜，味道覺得芝士、牛油味濃了一點，依然算可口。我覺得這裡服務不錯，環境好舒服，午餐價錢每位$76-120 十分抵食。

  前幾日同女朋友去九龍城搵好野食，係九龍城廣場見到呢間餐廳，寫明標榜材料用 自家農場種植的有機蔬菜，咁啱又想食西餐 又想食得健康D，所以我地決定去試一試。 可能時間尚早，等左一陣，侍應就為我們準備好枱。睇到佢個沙律吧好吸引，跟餐包埋真係好抵。自己叫左個羊架，好味 唔騷。女友叫左個意粉，分量啱啱好，又好味 整體無論是餐廳環境、食材選用、食物質素都令人十分滿意，下次有機會會再幫襯。 

在平日同朋友一齊食晚餐，慶祝朋友生日。揀咗呢一間喺九龍城廣場嘅餐廳。我們從賈炳達道的入口進入，外圍長身鋪滿了草。 10分貼合有機廚房的店名。我們在那晚沒有定位，但餐廳也不算忙。侍應用親切嘅服務態度介紹晚市套餐。套餐仲有自助沙律吧，食材很新鮮，仲有兩款餐湯選擇。我自己帶了一份七成熟的羊扒，旁邊陪一個焗熟的蒜頭。 10分意大利的風格，我詢問店員這是從紐西蘭的羊扒。之後我們一行四人一些甜品分享。我們叫了一份心太軟，法式蘋果撻，和一個叫酒香生果串的分享。總括今次的晚餐的經驗不錯推介下次可以再來。