有料案內所 (井財街)

營業中

休息中

難得去屯門 所以就趁呢個機會去食有料案內所😎我3個人 都等左幾個字先入得 因為店內唔係好多位 通常多過2個人等位都會耐少少 我地點左小丸子抹茶紅豆麻糬窩夫同士多啤梨藍莓芝士奶蓋刨冰 其實本身好掙扎叫窩夫定係叫梳乎厘班㦸好 但最後都揀左窩夫 喺等甜品黎既途中見個個都係點梳乎厘班㦸 我就心諗 死啦 係咪應該叫班㦸唔好叫窩夫呢 之後同自己講應該窩夫都好食嫁首先係窩夫黎先 一黎到已經急不及待要食 咬左一啖 omg!!!!抹茶味相當夠 不過食得多會覺得好甜 之後小丸子加窩夫一齊食 不得了 我個人係好鍾意食小丸子呀麻糬呢類煙煙韌韌既野 所以我覺得好好味 因為佢啲麻糬唔係得小小 份量係好足料 呢窩夫真係相當之高分之後個士多啤梨藍莓芝士奶蓋刨冰呢 我都覺得好味 啲冰係充滿住士多啤梨味 唔會話純粹係冰 加埋芝士奶蓋又甜又咸咸地咁 味覺上會有衝突 不過溫馨提示 我覺得要至少3個人share先得 因為份量好多同會好漏

原本想試聚chill...點知要6pm 後先開😂😂見介紹，野食都好似唔錯，同幾吸引，於是試下～井財街都幾多野食～個人覺得最吸引都係"嘆甜品"。。疏乎厘 同 心太軟都超正👍🏻🤩今日。。就來到"歌舞伎町井財街"..試呢間😁😁.日式炒麵好味道：⭐️⭐️⭐️味道覺得普通。。而且食完都幾入渴😂😂.套餐的話。。。+$15 雞軟骨～好味道：⭐️⭐️⭐️⭐️反而雞軟骨炸得恰到好處，及味道唔錯～配上沙律醬👍🏻👍🏻.套餐還可選擇飲品。。友人選了。。蜜桃梳打～個人覺得麻麻地 😂😂好味道：⭐️⭐️.伯爵茶珍珠疏乎厘班戟好味道：⭐️⭐️⭐️其實唔算難食。。因為個人好鍾意食疏乎厘，試過其他不同店，相比之下，它的味道一般😂😂.有特色的室內佈置😀😀令人好掛住日本～.其實仲有好多餐牌。。因為這裡post 相有限😂🙈暫post 這些～

招牌設計十分搶眼 一睇就知係日本風既裝修整個設計參考了日本歌舞伎町無料案內所是一間甜品店，但也有不少日本主食供應除了招牌的班戟以外，還有正餐選擇 仲有章魚小丸子大阪燒炸雞等日式小食只要SCAN一下QR CODE就可以落單十分方便店家採用日本產的雞蛋甜品方面會更加香濃!炙燒焦糖布甸麻薯窩夫  即焗窩夫淋上濃濃一層焦糖布甸醬蛋味相當濃, 蛋香很突出 上炙燒焦糖面, 就像焦糖布甸般 增添了層次感再加上一球雪糕  又冰又熱,窩夫又脆口 味道很豐富!綠茶紅豆小丸子pancake伴碟係紅豆,白玉 抹茶雪糕 梳乎里夠空氣間又鬆軟 濃濃既蛋香甜味屯門井財街15號金銘大廈地下3號舖消費$200

#有料案內所 💛今日想介紹位於屯門井財街嘅一間日本餐廳🧚🏻‍♀️佢又有小食又有甜品🤤🤤仲要係好平民嘅價錢 真心推介呢度☺️☺️裝修方面俾人嘅感覺好舒服 有個大阪嘅logo喺度 真係好似去咗日本咁 最最最想講嘅係佢啲刨冰真係好平‼️‼️‼️平時一個都要80幾蚊 呢度只係需要$39✨✨真係痴晒線 大推大家去食💗💗 性價比超級好阿🍧而家仲做緊全單九折嘅優惠😍😍真係平上加平☺️芒果芝士奶蓋刨冰 $39💰（9/10）刨冰份量好多🤤多到好似雪山咁樣🍧配料有超多芒果🥭同埋芝士奶蓋🧀🥛芒果係切到細細粒🧊好甜唔會係酸嘅 配埋刨冰食真係好消暑❕❕💠芝士奶蓋份量一樣驚人 係真係好多好多奶蓋🤤🤤身為奶蓋殺手嘅女小編真係超級心心眼😻😻仲要香濃芝士味 配埋刨冰食 邪惡感加一 不過咁好食嘅野係面前💗💗減肥遲啲先講啦🧚🏻‍♀️🧚🏻‍♀️真係真係好好食 😋 仲有仲有 有個驚喜嘅位係啲刨冰中間有個雪糕喺度😍😍仲要係曲奇味🤪🤪啱晒男女小編口味 仲要用一個咁平嘅價錢 食到咁好食嘅嘢☺️☺️女小編一定會encore‼️‼️ 性價比超級高🤍睇到呢度 快啲約埋朋友一齊去‼️‼️推薦指數🌟 9 / 10 🌟💛#巨B食黃店📍#巨B覓食屯門有料案內所 (屯門)⚜️屯門

#confidante_foodblog屯門覓食Oreo朱古力奶蓋富士雪山🗻$35味道：🌟🌟🌟🌟回頭：🌟🌟🌟彷雪嘅奶蓋有好濃郁嘅奶味，夾住啲冰食啱啱好，側邊仲有oreo碎同朱古力醬，加埋奶蓋嘅奶香真係好幸福😳到最尾，冰山入面包住左個朱古力雪糕，就算冰沙融化都唔驚溝淡左個味。唯一美中不足嘅係，食到尾嘅嗰個雪糕球唔夠啲醬甜，所以雪糕球變到好似無乜味咁。 服務態度 ：🌟🌟🌟🌟🌟一入到去問店員係咪有oreo富士山，佢即刻話有叫我地坐低，好快幫我地落好單。環境：🌟🌟🌟🌟入面比較暗，可能因為我地係平日下奏去，所以比較静，但好舒服，不過坐門口位就比較光，同啲櫈有啲高😂有料案內所 (屯門) @fuwafuwapancakess📍屯門井財街15號金銘大廈地下3號舖📞 66572866

今日食完飯之後朋友話想去食糖水，醒起未食過呢間野，所以就過左黎試下🤗我地叫左：小丸子紅豆抹茶疏附里pancake hk$84士多啤梨北海道3.6牛乳奶凍 hk$38好好食😋😋😋價錢亦唔太貴，會再黎幫襯❤️

我外賣叫Oreo朱古力留心梳乎厘，平時叫其他甜品舖梳乎厘外賣都係會變到塔晒，但係呢一間嘢完全冇，同佢啲相真係完全一模一樣， 超好食🤣🤣🤣我都再叫咗一個Oreo朱古力窩夫，窩夫就冇疏乎厘咁甜，但係都好好食，適合啲唔鍾意太甜嘅人食😚可惜嘅係上面兩個係分開兩次叫，而呢一間店兩次都俾錯雪糕我第一次叫嘅窩夫我見佢寫明左係朱古力雪糕我就冇特登註明要咩味雪糕，然後佢竟然俾咗芒果味雪糕我🤔🤔第二叫嘅梳乎厘我已經特登註明左要Oreo雪糕，但係佢俾咗雲呢拿味我🤦🏻‍♀️🤦🏻‍♀️，反正我就好疑惑如果佢冇晒Oreo味雪糕點解唔聯絡我先？好在因為佢個雪糕係另外攞杯裝俾我，所以都冇影響原先嘅窩夫或者梳乎厘嘅味🤔🤔野飲方面我淨係試咗蜜桃靜岡烏龍茶叫咗半糖，所以味道淡淡地，啱啱好可以攞嚟解膩依間嘅熱食e.g. 章魚燒、煙肉大阪燒、唐楊炸雞都勁好食😋。

點了外賣自取，到店後店員未核對號碼就直接了當地說沒有，態度亦十分差，愛理不理的樣子。 除此以外，還叫了杯奶蓋四季春，難喝到難以置信，就像水溝芝士奶蓋。。。真的很失望，完全不值這個價錢

店內唯一的女店員黑口黑面😐梳乎厘等左20分鐘未有問一問，佢聽完望一望我，直接ignore我，咁的服務態度簡直驚人😯放底碟梳乎厘後佢冷冷地拋下一句：梳乎厘係要等20分鐘食物普通，OpenRice的劣評通常真，的確唔夠空氣感收完錢一句多謝都冇，$84，貼錢買難受，冇下次

鋪名令人聯想起日本嘅無料案內所，想當年去心齋橋見到成條街都係仲唔識野行入去，出翻黎google先知咩事🤣講翻正題，依間甜品真係又正又抵食，除咗最吸精嘅奶蓋刨冰仲有窩夫班戟等甜品小食，店內嘅大紅燈又真係以足日本咁😂1.士多啤梨藍莓芝士奶蓋刨冰 $39刨冰大到成座雪山咁🤩2個人食share夠哂，仲要先$39抵到爛!!!奶蓋控一定要試，爆哂漿鋪喺個刨冰巨滿足😍包你食每啖都有奶蓋，香濃芝士味同士多啤梨刨冰好夾，咁熱食完透心涼❄️中間仲有芒果雪糕，絕對會再黎食，性價比超高‼️🌟推薦指數：10/10🤩▫️▫️▫️▫️▫️▫️▫️▫️▫️▫️▫️▫️▫️📍有料案內所 (屯門)屯門井財街15號金銘大廈地下3號舖

2115去到門口有人排 職員叫我地不如外賣所以我地揀咗外賣 叫咗三個窩夫 中間有對遲過我地到嘅情侶 我地等緊外賣嘅時候入咗我坐低堂食 我見到佢地嗌咗兩個窩夫 結果2200人地食完起身走 我問佢佢仲叫我等我10-15分鐘 根本就清曬啲堂食客先到外賣（肯定唔喺漏單 因為最後比咗兩份我最後一份我唔等）等唔喺問題 窩夫即叫即整等喺必須不滿喺佢嘅服務手法 浪費人地嘅時間 仲好意思叫我不如外賣 你地咁唔想做堂食不如淨喺做外賣啦 真心多時間嘅人可以試下去叫外賣

由於疫情關係，店鋪收十點。好多時候食餐飯想去食甜品，堂食但都已經last order左。❗️要9:30前去到先有得堂食呀難得今日早食晚飯，就去試一試特色窩夫。可惜食飽飯，只可以叫一樣，就試一試抹茶麻薯窩夫🧇鍾意食窩夫既我，仲加埋最愛既麻薯。煙煙un un 嘅窩夫真係第一次食，而抹茶味都夠濃，唔會太甜。再加埋紅豆、小丸子同雲呢拿雪糕。成個配搭真係一流。埋單都只係$68蚊。下次有機會想再次焦糖布甸見到都有唔少人推介

02.7.2021「有料案內所」呢間「有料案內所」喺屯門幾出名，一直想試吓。平時好多人企晒係門口排隊，今晚算早來，所以等咗唔係好耐就入得。店舖細細，坐高枱高凳，而且走廊位好窄，坐近走廊嗰位如果身型魁梧或大件頭，應該會好辛苦。另外，牆上有個紅卜卜大燈箱，不停閃，真係有啲眼花，而且一影相會隨時個個變晒紅色，影多兩張穩陣。佢哋用網上落單，都好方便。除了風俗和食（麵食、章魚燒、大板燒之類），主要係甜品，包括疏乎厘漢堡、疏乎厘班戟、有料窩夫、夏祭刨冰、奶蓋/奶蓋涼粉同飲料。入坐前講明18:00之後每人要叫一款食品/飲品，而且留意有限坐時間。由於我哋之前已經食咗晚餐，所以每人要叫每一款甜品，加上甜品份量不少，所以食得真係好飽。即使窩夫好出名，都唔敢叫，怕食唔晒。綜合涼粉：無乜特式，可以不試芒果芝士奶蓋富士雪山/士多啤梨藍莓芝士奶蓋富士雪山：刨冰份量好多，成座山咁，影相呃like最啱，加埋芝士奶蓋咸咸地，都幾特別。兩款都有雪糕球喺冰山之中，味道可接受。灸燒焦糖布甸梳乎厘班戟：最期待呢個班戟，等咗好耐；食起上嚟好滑，但唔夠鬆軟，空氣感唔夠。但整體上還可。貪新鮮感可以試吓，又未至於食完又心掛掛，但平平哋

📍 有料案內所🚶🏻‍♂️ 屯門井財街15號金銘大廈地下3號舖今次嚟到屯門試吓好出名嘅黃店💛 一入到去已經見到大阪心齋橋嘅固力果跑跑人logo🕺唯有呃下自己去咗日本囉LOLLL🤣🤣👅 士多啤梨藍妹芝士奶蓋刨冰 ($39) - 5/10🌟佢嘅價錢真係冇得輸 唔使$40有一大座刨冰 有奶蓋嘅位幾好味 不過啲冰🧊硬到鑿唔開🤣 👅 松葉仿蟹棒芝士大阪燒 ($45) - 6/10🌟呢個大阪燒算係唔錯 有幾條蟹棒同兩大塊煙肉🥓配埋啲大阪燒醬食幾好味😋👅 Wasabi明太子章魚燒 (8粒) ($42) - 5/10🌟佢嘅賣相好靚 識落都有Wasabi同埋明太子味 幾夾 不過章魚🐙太細粒啦 冇乜其他配料 好似食緊空心章魚燒咁～👅 職人炸雞 (+$15) - 7/10🌟呢個炸雞係跟套餐加配 冇乜期望但反而覺得幾好食🤣🤣 👅 凍藍蝶豆花芒果梳打 (套餐送) -5/10🌟想飲啲fresh嘅嘢所以叫梳打🍸唔會太甜 幾好👌🏻必食指數👅💦💦：6.5/10 (行開附近可以支持下黃店💛)#hkfoodie #香港美食 #香港打卡 #天水圍美食 #川菜 #黃店 #天水圍黃店 #中環美食 #中環 #壽司 #sushi #香港

今日早餐食得多左， 到左lunch又唔太肚餓，見到呢間鋪細細地，又係食啲小食，唔會太飽， 就決定食你啦！佢係食A+B+C combo咁食既， 每樣就逐項計錢，所以平貴就悉隨尊便啦！蟹籽芝士章魚燒$36有成8粒咁多！仲要粒粒都大大粒！好正！ 每粒入面都有條章魚蘇，幾彈牙嫁， 出面個皮就厚左少少，不過配埋啲木魚都好好食！芝士味都幾香！秘製芝麻手羽$15有兩隻大大隻既，係雞翼連雞翼尖既！炸到卜卜脆！同埋芝麻都好香，入面既雞肉仲係嫩既！推介～芝士奶蓋四季春茶味淡左少少， 但芝士奶蓋夠濃厚，唔洗加錢，都幾好！