普慶餐廳

營業中

休息中

原本係想試米芝蓮點心，但實在太難book所以轉去普慶試下午茶自座餐。價錢就真係好抵人均百來蚊，又不過老老實實全個自助bar除咗movenpick雪糕冇其他人值得試，結果以十球完場 (註: 姐姐都bus到手軟個球越來越細 )

一直知道Eaton buffet好爆，唔提早2個禮拜book都唔會食到。適逢年尾又多節日，同埋我resign，就約埋一班同事去食個lunch buffet。其實都有啲sad，離開一份做咗咁耐嘅工，同事又咁好🥺.Lunch buffet有生蠔🦪、青口同麵包蟹🦀呢啲凍海鮮，都唔錯。生蠔好新鮮，不過味道mamaday，唔算重蠔味或creamy，但呢個價錢ok嘅。.最意想不到係有新鮮即炸天婦羅🍤，炸漿調得好好，好簿，估唔到咁好食，所以排隊拎嘅人都好多。.其他野食就normal，燒牛肉略嫌有啲韌。而甜品🧁🍭選擇都算多，雪糕係movenpick。依家食餐好少少嘅都唔平，今餐lunch buffet人均三百幾，其實都幾好，每個人口味唔一樣，食buffet就可以滿足到唔同需要🤪

上星期去咗普慶餐廳食遊樂園自助晚餐。我食過逸東軒既中午同晚餐, 都覺得幾有水準。所以對佢既西式自助餐十分有期待。一開始就好多人排隊拎龍蝦同埋生蠔。每隻龍蝦開邊成兩份，每人每次排隊限拎兩份，龍蝦肉質挺彈牙，味道都不錯。而且可以無限排隊, 非常吸引!生蠔就比較失色，都是每人每次排隊限拎兩隻。生蠔不夠肥美，海水味淡，鮮味是有的，但味道略欠點甜。龍蝦旁邊仲有啲蟹腳嘅，但因為我比較懶，唔想剝殼，所以就冇拎到, 哈哈!另外佢日本食物區相對有多一點驚喜。炸生蠔做得很出色，外層很香脆，脆漿不會弄得太厚，所以不會太油膩，保持到生蠔的鮮味，內裏鮮甜多汁。我亦都試咗鹽燒虎蝦，同埋佢哋嘅叉燒。虎蝦的肉質比較軟，鮮味不夠突出。而叉燒就太靭，不夠肥美。每個人只可以點一杯嘢飲，憑券領取，有雜果賓治同熱朱古力揀。我揀咗熱朱古力，上面有啲棉花糖，朱古力唔算太甜都唔錯。另外，話明係遊樂園主題，餐廳有個小游戲區，有得玩拋環，同埋擲彩虹。大獎係有得staycation，咁當然難度非常之高啦，我坐咗喺遊戲區旁邊，全晚都冇見到有人贏到大獎。不過睇住大家都玩得好着緊都好開心，都唔少人贏到小獎品，就是免費換領多一杯嘢飲。甜品區都有唔

第一次book 普慶自助餐，之前已經聽過好多好評，所以係聖誕節同媽媽去食。中午自助餐有，龍蝦，麵包蟹，蝦，小龍蝦，生蠔（我本身唔食），天氣凍，有蟲草花當歸湯，先暖肚，再開始食凍海鮮🤩。海鮮味道鮮甜，而且仲不斷refill 仲有聖誕火雞，燒肉，西冷牛扒，食物種類很多，媽媽比較喜歡燒大蝦伊麵，同粥，仲有烤栗子，小椰菜，南瓜湯等等。。。每人一杯特飲，我們選擇了熱紅酒和橙汁食物種類多，好快就飽飽🥰整體都滿意

聖誕假期去咗逸東酒店普慶餐廳食下午茶🎄見佢主題係芝士火鍋，以為所有野都係圍繞住芝士火鍋，點知去到見到超勁多野食囉唔該。首先飲品奶茶咖啡果汁使講，佢仲有職員幫你沖綿花糖朱古力同西柚特飲。野食方面都唔小，有芝士通粉，芝士漢堡，芝士盤，芝士芝士，又有火雞串燒，最估唔到下午茶連中式點心都仲有！甜品方面好多雪糕生果少得，佢仲有應節甜品好似聖誕布甸（不過唔岩我口味），聖誕樹頭蛋糕等等環境方便非常好，充滿聖誕氣氛，狗狗都戴晒聖誕帽，播住聖誕歌。感覺好warm好開心，相信晚餐氣氛會更好，下次一定要試下！

食酒店早餐係一件好有旅行feel嘅事情，無得出遊唯有喺香港食返個早餐buffet，價錢好抵，只需$128+10%，所以唔expect有太多野食。早餐時間為6:30-10:30am，我哋8點幾到，staff超好，會逐個counter介紹有咩食，5-star hotels嘅buffet都冇試過係咁，而食物種類比想像中多，好多款麵包，西式、中式都有，冇咁大個胃試唔晒咁多野😅麵包 - 揀左幾款，其實仲有好多款，連雞蛋仔都有，不過唔夠熱，烘返熱會好食啲Salad Bar - 仲有水果，cheese，sausages，可以砌個簡單嘅cold cut platter，太多野食下次先砌Typical all day breakfast嘅野食，薯餅唔錯Veggie corner，每樣食少少，早餐食creamy野係heavy左啲，不過又幾好食中式corner，其實仲有粥、湯麵、咖喱、炒麵…… 不過食唔到咁多食個飽早餐嘅感覺好滿足，service好好，呢個價錢出面食個all day breakfast都要，想食個豐富早餐強烈推介大家黎呢度👍🏽

對上一次嚟係2018年6月，嗰陣餐廳啱啱開無幾耐，雖然只係食自助午餐，但係食物質素，款式，服務都令我驚喜。懷住期待嘅心情三年後再嚟食晚巿buffet，質素明顯下降了，不過經疫情嘅洗禮，都算係咁。Candy corner佈置有心思。每人每次可以拎兩隻蠔，排隊等嘅時間唔耐，蠔肉新鮮。海鮮吧隔住透明屏障可以揀選海鮮種類，由職員夾比客人，感覺乾淨，而且唔使比人翻雲覆雨咁揀。海鮮都好新鮮，由其龍蝦，肉質爽口無渣，大蝦就完全無味。刺身新鮮。壽司嘅飯就爭啲。熱葷我覺得麻麻，連扒都好韌，又鞋。黃金粥同湯，湯係蟲草花紅蓮雪耳湯，好足料，無咩味精味。甜品種類都唔少，好多都幾好，唔會甜到漏，另外仲有即製窩夫。任食Häagen-Dazs雪糕。每位客人會一張票，可以玩一次遊戲同去水吧換一杯飲品。遊戲票可以換玩掟彩虹或者拋圈入樽。飲品有三款選擇，煮香料紅酒，雜果賓治同熱朱古力。

⭐️午餐buffet抵食，臨近聖誕節去好有氣氛，仲送一人一杯special drink📍重中之中：海鮮蝦、蟹、螺、青口、龍蝦、小龍蝦幾新鮮，每碗都有冰粒去保温，味道食到海水嘅鹹味，唔錯📍生蠔同其他大部分餐廳一樣，排隊攞生蠔，每次2隻，有職員即場沖洗，幾細心。生蠔雖然size不大，但肉質彈牙。📍熱食+tapas款式種類多，質素中上，天婦羅即場炸，有驚喜。📍甜品最有特色、最好食係雪糕，必試推介味道。甜品味道一般，勝在款式多，可以試好多款建議下午來，性價比會高過晚餐☺️

這店是家人提議來吃的，處於地庫2樓，當晚一家人坐低後，家人先嚐生蠔龍蝦等海鮮，我就行了場地一周，拿了點熟菜，經過牛扒又拎了一份，順便點了一杯檸檬西柚汁。家人說生蠔跟龍蝦還可以，我就在第二轉時去拿了一份，龍蝦得半隻，我在沒人排隊時多要了半隻，回位品嚐，生蠔好鮮甜，但龍蝦過火了遍硬，跟住去了日式區拎了份刺身跟一些天婦羅，還在泰式區拿了串燒，整體這店水準還算滿意，只是飲料沒有任飲，離開後還要去買飲料解渴。

芝士火鍋🫕對我嚟講係一樣好Christmasty 嘅野🤩但喺瑞士食過一次之後都無試過，見the astor 有芝士主題嘅下午茶自助餐就去試下，但都幾失望😞主角cheese fondue 食落無乜芝士味同埋好粉咁（係麵粉嘅粉🙈）相影出嚟嘅樣係我哋自己再加左唔同芝士落去，食落先ok 似返樣🙈另外嘅raclette cheese 要排好耐隊🤨🤨smoky 味好重，好食嘅算係芝士counter 都有好多唔同選擇（後尾有再refill 多啲）但除左parmesan 同blue cheese 之外其他都覺得好一般😞甜品counter 都係芝士主題，大部分都合格，有1-2 樣係出面蛋糕水平幾surprised 仲有grapefruit mojito 同hot choco 提供，mojito 有啲稀，hot choco 反而ok雖然係all you can eat 但 cheese fondue refill 要$20，不過其實大部分食物都係carbs/ cheese，有種食完唔知食左咩嘅感覺😅服務方面可能因為我哋張枱比較偏，無乜人見到我哋野食就都refill 得快嘅

中伏自助晚餐…..海鮮好樣好似好勁，但完全冇甜味，甜品唔掂，只得雪糕食得吓。其他款式亦冇咩驚喜，不值一試。仲要生日去食，訂時表明生日，但酒店毫冇走示，一D誠意都冇，完全no services，超失望，而自助餐晚不算平，一個人平均要7佰幾，沒有任何折扣，連長期住戶亦冇優惠。

今日公司預早慶祝聖誕，所以訂咗位去普興食中午自助餐。嗰度環境好大，不過光線比較暗。首先一定食刺身先啦！除咗八爪魚🐙，其餘我都有試不過，質素真係好一般，刺身完全冇味道熟食嘅選擇反而比較多、我去咗串燒嘅攤擋揀咗秋葵、大蝦、茄子、豆腐。可能全部串燒食物有醬汁，所以味道唔錯，蝦亦都好彈牙，跟住去咗粉麵檔，粉都檔隔離有一籠點心，不過唔太吸引。喺粉麵檔，我order左菜同埋啲丸, 但連基本嘅雲吞都冇😞最後食咗少少甜品，同埋水果水準真係好一般。不過可能長者有優惠，普遍見到嘅都係比較大年紀嘅去食。

噚晚一家四口去食自助晚餐，訂位時普慶同 Hyatt Regency揀，我哋揀咗呢間。有點失望….詳情如下。訂位：成個月前電話訂已經話冇位，落咗waiting，但最後餐廳打返嚟話有人取消。二選一之下，我哋選擇普慶啦，因為啲食評都半斤八兩。訂位係順暢嘅，而且餐廳喺一日前再打嚟 confirm。反之 Hyatt Regency 完全搵過我…入座安排：訂咗6:30，6我哋6:10到，要喺樓上 food court 坐住等咗陣。（完全唔知上一層改咗做 food court…）環境：地方夠大，唔嘈。但由於大，食物好分散。食物：- 選擇：食物選擇一般。當然有冷有熱嘅，但想唔想食又另一回事。- 飲品：場內除咗水，係冇其他自助飲品。每位客人有一張飲品劵，可換一杯飲品。- 食物賣相麻麻地，尤其西式的。（見相）- 生蠔：攞蠔要俾啲耐性，要排吓隊。蠔係開定晒嘅，佢用冰陣住。新西蘭蠔，唔肥美。師傅用大水同埋刷狂掃蠔殼，冇味都冇晒。每人每次限攞2隻。- 凍盤：有龍蝦、大頭蝦、螺，味道不錯，但要俾啲耐性攞。- 刺身：又係要俾啲耐性。各式刺身厚切，讚！但用大量冰陣住，冰融嘅時候，冰水沖到呢刺身冇晒味。- 日式：天婦羅

之前食過一次自助午餐個人覺得呢間係走性價比路線，自己細食食得唔多，無乜意欲encore。不過今次package包埋就比第二次機會順便補打卡。再訪發現雖然仲係多國菜主題，菜式都有更新下，今次比上次啱口味，好多款我都有興趣試下，不至於簡唔到食乜🤣-Cold cut選擇多，ham都有幾款，仲有煙三文魚同比較少見嘅煙鯖魚。呢間啲parma ham唔肥同埋薄切幾唔錯，不過長期都缺貨要問先切番啲出嚟，好快又唔見曬🙉-海鮮類得生蠔好食，睇人龍就知，成個海鮮區只有生蠔係長期需要排隊攞。是日供應紐西蘭生蠔，鮮味較海水味突出，幾啱男朋友口味，來回拎左好多轉🙊難得自助午餐都有生蠔而且質素唔錯，算係回本位之一。其他海鮮就上次已經試過大部份都麻麻哋，今次啲蟹仲細隻到好似喺貧民窟爬出嚟🤣-串燒、天婦羅、刺身、燒味、熱葷，大部份都係正正常常不過不失，中湯唔錯。-自助餐指定動作燒牛扒用左新西蘭肉眼，唔韌都唔算嫩，但係比較乾身入口冇肉汁，試左兩塊都係咁直接放棄🙉燒豬腩肉有同樣問題⋯比較乾柴，不過塊皮就好脆。羊脾好羶好羶好羶…☠️-飲品如果唔揀正常檸茶檸水，是日供應檸檬梳打/西柚梳打。檸檬梳打酸味重，好檸檬😂感覺唔錯，少可

🏨Eaton HK講起逸東大家都會諗起良心企業💛🙌🏻前排國泰裁員盡社會責任出聲明招聘被裁員工！所以賞你住開搶當日小妹第一個電話 & email就係搵逸東💓但第一日就話Full左🥺好感恩第2日就email番俾我仲有位😍開心到爆左！原本$770花樣年華Package包自助早餐、Set Dinnrr已經好抵☺️今次仲要減$500即係$270就有甘正既Staycation！最期待係第2朝在普慶餐廳食番個靚靚自助早餐😋好多野食揀同都幾特別⋯可以話懷舊的香港情懷啊！自助早餐竟然有維他奶🍼同雞蛋仔🧇😋果然係出晒名既普慶餐廳💓好特別！個自助早餐真係無得輸！