時新快餐店 (已結業)

係openrice看食評恨來好耐今天終於可以和親愛的來試期待已久的時新漢堡包我要了個雙層芝士漢堡蛋包($14)她要芝堡($10)記得之前有post講salad正所以兩個都係加salad醬再加了個french fries($10)Order後新鮮整個熱辣辣包勁正！！漢堡咬落去d juice多到流出來mix埋d cheese & salad好味！塊蛋邊脆脆的, 女友後悔無加蛋一個字--正！french fries只屬點綴好熱氣，味道麻麻overall, 我個包真係好味過麥記環境ok a，Food quality is most important!如果怕太多肉，芝士漢堡蛋包($12)應該係perfect！值得推介, 下次再來淨要個包就夠！(ps. 如果有包餐\跟野飲好)

聽左呢到個大名都好耐，就係未試過﹗星期日工友仲要工程關係野都未食等埋佢一齊來呢度食個tea﹗估唔到成五點都仲有人排隊，不過都係等左十分鐘就到我order了﹗點了兩個芝士漢堡及炸薯條﹗芝士漢堡看落簡單細細的，只係兩個包皮夾住塊扒及一塊芝士。點知入口果然名不虛傳，漢堡扒夠厚好多肉汁，同0係老麥等食的乾爭爭的完全不同感覺，由於自家製扒的關係，食落有咬口不會硬到快餐店的似紙皮，芝士溶左溝埋0的肉汁真係天仙配，唔洗兩啖就食左一個﹗好好食呀﹗炸薯條炸得乾身好脆，怪不得個個都叫啦﹗下次來一定要食雙層芝士加雙層漢堡扒包，口感一定更佳更豐富﹗

今日同我女朋友專登去左時新試下係咪咁好食啦,一去到就好多人排晒隊,有個呀姐一行出黎連果個呀姐,都話,(嘩!咁多人排隊)我地排左成半個鍾頸隊先叫到野食,我地食左個雙層芝士漢堡,薯條同雞比,個漢堡比我想像中還要好食,雞比一D都唔鞋,不過薯條就好普通,入面好細,連想係果到食都唔得,太細又太多人啦,不過我同我女朋友都話,我地一定會去食多一次.

早在十月的時候,已經慕名來時新快餐\店。和老公晚上六點幾黎到,間鋪有六至七個人,有一pair 情侶。其實呢間快餐\店都有幾十年歷史,老闆的爸爸在六、七十年代左右率先賣漢堡包,生意非常好!但直至麥記來港,開到成巷成市,時新先開始兼賣飯。先論環境裝修,間鋪真係又迫又像狗窩,有一大堆舊雜誌供食客閱\讀。餐\廳侍應唔多,老闆又要整漢堡包,又要執檯收錢,一腳踢。但係論食物,十蚊一個的漢堡包真係好好味!!雖然酸瓜洋蔥生菜通通欠奉,只有一塊漢堡扒,一pat 沙律醬汁及一片芝士,可以加蛋。即叫即整,好新鮮!熱辣辣!我最欣賞的是塊漢堡扒都算juicy!絕對唔會好似麥記0個D 呾乾巴巴!同埋漢堡扒原來混入了洋蔥碎,好好味!!下次有機會行過,一定會買返個食!

呢間食店長期係開飯喇排行榜既ＴＯＰ　ＴＥＮ，見好多人都比好多笑面，自己唔試下又點得呢？早期ＪＡＹ　ＣＨＯＷ黎紅館開ＳＨＯＷ，見未夠鐘就同男友黎食Ｄ野頂下肚啦！ＴＵＲＮＯＵＴ冇令我失望。我只係叫左個炸薯條同凍奶茶，男友就叫左炸脾熱奶茶。薯條炸得好脆好香口，食落好吸引，連喉嚨痛既我都忍唔住口要食哂佢，凍奶茶既水準相當唔錯，幾香濃幾滑，男友就話雞脾炸得好香，入面就好滑完全唔鞋口，絕對係水準以上。雖然間鋪頭既裝潢冇果Ｄ名店咁靚，個ＦＥＥＬ好ＲＡＷ好有味道，我完全唔介意佢既殘舊，反而仲會加分添！

睇住呢間野排係第一又唔係好似其他前20名咁咁多食野咁貴既地方咪去試下有咩咁勁可以打敗晒d名貴餐廳叫左個雙層蛋,雙層漢堡芝士,薯條同埋一個飯個飯真係好普通...薯條炸得太乾不過果兩個漢堡包就真係一流塊漢堡加左好多onion好好食又唔會煎得太乾仲有d肉汁都係12蚊一個好抵食!!!

今日又去左時新, 今次12點9左右已經去到, 算係我最早一次, 由於朝早食左野唔多肚餓, 去時新食包的確係好選擇, 入到店內唔算多人, 唔講咁多即叫野食今次兩人去叫左兩個包餐, 另加一個芝士漢堡同埋一個雙層漢堡加蛋, 包仍然做到外脆內軟, 口感一流, 漢堡扒唔似某快餐店果d又硬又乾, 同行友人第一次光臨都話自製漢堡扒誠意已值滿分, 而我之前都係食開雙層芝士漢堡, 但見各位食家話加蛋更美味, 於是試下加蛋, 果然冇介紹錯, 我認為真的比用芝士更美味, 好0岩我口味, 真係唔錯, 食完兩個包都夠了, 至於飲品方面算係普通, 冇咩特別...食緊野果時隔離兩位食客都話黎時新唔食漢堡包等於冇黎過, 今次我地兩人一共買左4個包, 一定算係黎過啦^ ^走果時都好多人呀, 最搞笑到搭巴士返家時, 部巴士路過時新, 車上好多客都望住, 大家都討論話時新呀咁樣, 睇來時新人氣繼續上升

今次係第二次去時新食..全因我扭計成功..要男朋友同我去食^^好彩男朋友識去咋..如果唔係我呢d方向白痴一定唔識行過時新o個邊.. 今次去時新見到人流明顯比我第一次去o個時多..係某雜誌威力大還是OR普及化呢？今次去叫左一個芝士蛋漢堡($12)、一個雙層芝士漢堡($12)、一隻炸雞脾(10)同一罐可樂($6)...我去落單時服務員做到踢晒腳都非常有禮貌..笑容可親..兩個漢堡我同男朋友都切開share..試晒兩種..芝士蛋漢堡ge芝士味道唔太突出..反而隻蛋煎到o岩o岩熟..好味！而雙層芝士漢堡好juicy..d汁同個漢堡好match！男朋友讚口不絕..今次最有驚喜係隻炸雞脾..真係皮脆肉嫩..d雞皮炸到好脆..好似食緊薯片咁..雞肉又嫩又惹味..我同男朋友一致認為時新d雞脾有水準過以生炸雞脾聞名ge日月星！ 突然之間好慶幸自己係食極唔肥型..唔洗好似其他frd咁on diet呢樣唔食得o個樣又唔敢食..如果唔係我成世人就錯過左好多美食啦！

由於住係紅磡區既關係, 由十多年前去過時新食漢堡飽之後,到近年再次幫襯, 仍然覺得時新既雙層漢堡飽與別不同.呢度既漢堡飽特別之處係漢堡扒係自製既,唔同一般連鎖快餐\\\店用牛肉,而係用豬牛雞三種肉混合,所以好似我女友咁唔食牛肉既都覺得好食!!而我覺得漢堡飽最特別之處係佢\\\秘製既醬汁, 令漢堡飽更為出色,推介!!!!不過環境方面就真係唔好有任何期望啦, 多年前既裝修都依家己經爛哂; 而且同舊式快餐\\\店一樣廚房係樓面既一面,所以油煙會較大~~

同男朋友去試包，可能早去，冇人。我食左漢堡芝蛋，沙律汁，男友食左雙層漢堡芝蛋，茄汁。我個個幾好，好熱好脆，芝士溶了加蛋的感覺好滿足，男友個個茄汁太搶味，而且兩塊肉好漏下，都係我個個好。後尾叫埋一薯條，比想像上少油但的確乾了點，而且冇點味，後來我地點鹽同茄汁吃又ok。兩個人吃了36蚊好飽咁走，幾抵。ps噚日食左triple o，兩個人share一個餐73蚊，如果同價錢同物質咁計，時新抵好多，哈。

是晚又來紅磡參加追思禮拜. 當然, 能夠用歌聲去為創傷的人帶來安慰, 係頌揚們堅持下去的推動力.原來時新地點係好便利, 就趁這個機會拉大隊一齊試試. 環境係一般, 老式快餐店的格局, 部份坐椅係日久失修, 但也無傷大雅. 先要了兩個包餐再加隻雞脾.漢堡包餐$18: 8分, 本身的包餐係$14, 但要凍飲係加$2, 凍檸樂再加$2. 不過汽水係罐上無冰的, 要了凍檸樂就有冰. 其實小弟係麻麻芝士, 就先要個剩漢堡包. 果然係即叫即做, 都要等一輪先有得食. 微微煎過的包, 加上點點芝麻係面, 咬落口係比較香口的. 牛肉當然唔係甚麼和牛級的東西, 不過吃落口也有肉汁, 不像連鎖店那塊吃完也未必知道係牛肉定係乜的漢堡. 新鮮煎完, 香噴噴, 連上洋蔥同個包一齊食, 簡單但係美味.芝士漢堡包餐$18: 8分, 另外試了一口文迪的芝士漢堡包, 多了一塊卡夫芝士, 其實口感的實質分別不太大. 不過如果係要包餐的話, 漢堡包餐同芝士漢堡包餐的價錢係一樣的. 要多塊芝士, 也無乜所謂.炸雞脾$10: 8分, 唱高音前仲食炸雞脾, 真的係自我挑戰. 雞脾大大隻, 份量十足, 那個雞皮脆卜卜的, 十分吸引

長期排名第一，係咪真係咁正？其實人o地點講，自己唔食過，又點過到自己o固關？所以今日專登去一趟！倆個人點o左；芝士漢堡包、漢堡蛋包、炸雞脾&薯條，熱奶茶x2倆個漢堡包都好正，漢堡扒加o左洋蔥，食起o黎冇咁乾，仲好有味。麵包烘到剛剛脆，美味。相對o黎講，漢堡蛋比較好食！炸脾好似細個食o固種，不過味道只係一般，而且勁油。炸薯條好快餐店式，不過炸得好乾，唔係好掂！奶茶一如所料，水準之作！環境亦一如所料，好迫呀！整體而言：主打漢堡包掂，炸物唔得，一笑一喊打和。

昨日終於走嚟聞名已久既快餐店試佢既漢堡飽啦,同朋友每人叫杯飲品,佢試左個雙層漢堡蛋飽$12,我就試左個豬扒飽$10.真係好新鮮熱辣辣!真係無介紹錯呀.

第二次食時新喇上次食孖芝，今次食雙蛋可能我普通好芝士，所以覺得今次好食過上次!佢d多洋蔥ge漢堡扒加蛋真係一流呀!再加埋個沙律汁真係好正!!!一定會再去!!!

炸薯條真係一時時試過好好食..又試過普普通通不過時新D叔叔真係好好係有誠意...孖芝真係正都暈大家覺得咩汁最正??我最鍾意黑椒汁!!!!提提大家去時新一定要帶紙巾因為時新冇提供+ 食BURGER果陣佢張紙大細會搞到成手汁下次試魚柳包住得近時新真有福呀!!!