時新快餐店 (已結業)

非常抵. 兩個才那廿多D.叫了一份魚排包, 黑椒汁及一份芝士蛋漢堡包, 沙律汁.魚排包, 黑椒味重而不會喧賓奪主.魚排本身亦煎得很香.芝蛋漢堡方面, 我沒有嘗到舊肉.在只吃到芝, 蛋, 包及沙律醬的情況下, 已感到渾然天成.再一次說, 十幾蚊, 你想點OY....

我從不說"好不好吃", 只說"喜不喜歡"上星期因要去大酒店, 終有機會一試首位的時新快餐店.試後, 只能說一句"我不喜歡"包是普通的嘉頓麵包, 芝士是普通的芝士醬汁是普通的醬汁.最大問題是那一塊肉竟然亳無肉味.只能說一句"我不喜歡"

男朋友好鐘意食漢堡包, 特別鐘意食時新, 今日放工我地特登去紅磡食!! 黎到一樣好多人, 真係想搵個位都難!! 我地叫左一個雙層芝士漢堡配黑椒汁, 一個芝士漢堡配沙律醬, 然後再加多隻炸雞脾 & 一杯檸樂!!唔好睇間舖頭好似好簡陋咁, 每個漢堡都係即叫即整架。食起上黎熱辣辣, 芝士又溶溶地, 味道絕對好過麥記, 再加上有三種汁可以任君選揀, 真係一流!! 一個雙層芝士漢堡都只係 $12, 仲可以去邊度搵??

好好味呀~~ 一定要加塊芝士帶溶的芝士 與漢堡混在一起真係令人難以忘記!!!!!!!!

話說今日有一張單係要去紅磡呢邊跟住係睇地圖個陣咁岩隔離條街就係時新所以索性叫拍擋車我過去一人一個漢堡包好老實個句話好食,真係唔算叫好好食但係即叫即煎,已經贏人幾條街加上食落去真係有肉汁8蚊雞一個包仲想點?有得再去食一次既話都會再去但係衰在,個個位真係睇左地圖都唔係好識去...

上星期六自己一個嚟紅磡觀音廟拜神，順便去埋一直好想試下嘅"時新"。呢度地方唔算大，星期六嘅三、四點間鋪頭都差唔多坐滿。我叫咗個雙層芝士漢堡加蛋、同埋一罐可樂。個漢堡好好食，熱辣辣，漢堡混合適量嘅洋蔥粒，非常香口。麵飽微暖，飽邊有啲脆，相信是烘過，由此可見佢地嘅製作都好認真同有心。呢度嘅漢堡好local，好有風味。正正正！

星期六, 同朋友仔在佐敦上左去黃埔的小巴, 途徑呢頭, 落車去食下炸雞脾先熱辣辣的炸脾, 皮炸得脆, 朋友仔最欣賞. 炸香腸又係新鮮炸起, 都幾ok. 我再要了雙層芝士漢堡. 包來到, 芝士都已經溶緊, 十分港式的漢堡, 好有舊時中學食快餐的風味. 漢堡扒有好多大大粒洋蔥碎, 鬆鬆的, 雖然冇咩彈性, 但又不是壓到扁扁的柴皮牛肉餅. 雙層肉+爆汁, 吃得有點狼狽. 忘了講明要咩醬, 結果來了沙律醬, 比較冇咁喜歡. 我想茄醬會夾些吧. 或者黑椒汁+漢堡扒都應該是不錯的選擇. 十二蚊, 有包, 有2件脹卜卜肉, 有芝士, 有汁, 熱辣辣 + 本土風味, 我睇唔到點解要拿來同mos burger/ triple O 去比. 雖然係幾好, 不過老實講, 為此冒名而來就冇咩必要. 山長水遠來到, 大家要求就唔止係咁lu.之後同cheap兄講開, 佢話我太貪心, 普通芝士漢堡的肉同包比例剛剛好, 現在則肉太多了. 但係, 唔貪心, 唔食到成口滿滿的就唔係我啦 =p

最近放大假, 所以就展開左香港飲食之旅黎到呢度, 叫左一個 雙層芝士飽 + 紅豆冰所以食物都係即叫即整, 所以等下都抵, 保證新鮮熱食講番個包, 個麵包夠軟, 又好似先烤個, 再加上2件厚厚的漢堡, 漢堡多汁, 最正係入面有洋蔥, 所以比其他的漢堡香口, 再加上溶溶地的芝士, 係好多地方都食唔到的好味紅豆冰一般貨色, 由於唔想食太多野, 所以無叫薯條同雞脾, 不過聞到對面的薯條香味, 應該都唔錯, 雞脾炸到好香, 但又唔似 kfc 炸到好油, 環境方面, 始終係小店, 比較淺窄, 不過我一向都唔係食環境, 食野, 始終都係味覺享受至上 下次encore , 一定要食雞脾

久仰大名,終於試到時新喇!同小牛黎到既時候,剛剛係晚飯時段,都有唔少人,但係人來人去流量快,做 左好多轉,幾乎每個時候都full,個個都食漢堡包同薯條,利害!我地點左雙層漢堡蛋包、魚扒包、餐肉漢堡公仔麵,再加兩個飲品。先講主要係我食既魚扒包,其實黎之前已經知道佢係非一般魚柳,因為無炸皮,正合我意,不過我以為係一大舊魚柳,但係原來唔係,係好多細細塊白色魚柳,一個包雖然細細,但係都有成四塊,仍然可以啖啖肉,好正!不過油就真係多左D,一路食一路滴油。除左件魚,個包都好掂,最掂係佢烘過底果片包,食落脆脆地硬硬地,出奇地好味!我好鍾意呢種口感!不過唔知係真定係錯覺,個包好似比一般細,照計間間快餐店入貨既包都應該差唔多架,唔通呢度唔同?至於雙層漢堡蛋包,小牛食左一啖已經驚歎好未,嚇左我一跳,究其原因,佢話呢隻漢堡係兒時最愛,細個成日食到呢隻漢堡,覺得好好味,好鍾意,但係大個左,已經銷聲匿跡,從未食過,而家竟然食到,好開心!我又試下,發現原來係有混有葱果隻漢堡蛋,的確唔係一般快餐店只一一片乾肉既漢堡,又真係幾好味喎!不過件漢堡都幾細塊。餐肉漢堡公仔麵就真係好普通,半片餐肉加一片漢堡,黎呢度都係食包好

5-14-2008 貴為200多個笑臉的港式餐店，其實都試過幾次了，今次就稍作1記吧。雙層芝士蛋漢堡，並沒有堂食所以在巴士上進食時就比較麻煩。即叫即製，夠新鮮夠熱，時新的漢堡的確不錯，還有那沙律醬應該是時新自家秘製的吧，最欣賞芝士還在半熔狀態，還來夠雙層，是對芝士的個人喜好吧，對芝士有要求的當然希望在軟熔狀態而不是乾巴巴的舔住麵包吧。每次來這所小店都滿有人客，真想可以百份百港式地坐下，試試漢堡以外的選擇。稍有微言算是即時油炸，油多不太好。現在愈來愈多人食時新，除了向來受歡迎的漢堡包，時新不妨考慮推出其他不同款色口味。 其實笑臉喊臉也好，香港人可以做到外國大型快餐漢堡的水準，已值得1試。

第1次寫食評，就決定由長期處於榜首既時新快餐店開始寫起！o係紅磡讀左成年書，都唔知有間咁出名既快餐店，見到咁多笑瞼，又點可以唔試下呢！下雨天，同老公盲中中終於搵到哩間野，第1個感覺係有個懷舊feel，人唔算多!!試左個最普通既漢堡包餐，只需$14包飲品，但老公決定+$2轉罐裝可樂，感覺抵d!!個包細細個，一咬落去就覺得好好味!!不論個包或塊肉都好正，麥記唔該行開!!仲叫左隻$10雞脾試下，好入味，唔錯!!可惜佢無雞脾薯條哩個餐啦，要散叫!!總括黎講：抵食好味!!必定再試!!

看演唱會前有空檔，有機會來試一試過個時新快餐漢堡扒造得很好，感覺新鮮同埋幾juice，但點解塊扒有洋蔥？炸雞脾和薯條都不錯，但和茶餐廳質素差不多，好多地方都食到，但如果要食漢堡包，就要來時新食了！

想試全城最靚的炸雞脾，是日終于如願！時新快餐店，今個月係餐廳排行榜第1，排名1路都無跌過，不知能否滿足呢？6點正入店，店子如想象般的小，採取M記形式先order攞野食再搵位，6點鐘店內已是9成滿，幸好旁邊有2個位攝到入去坐低，掃下墻上的餐牌與價錢，發覺真的很便宜！10蚊炸雞脾，10-12蚊1個漢堡，20蚊就食到1個炸雞脾+漢堡真的很不錯，決定好野食便排隊order，當然是叫曬招牌貨炸雞脾+2個雙層芝士漢堡，菠蘿冰+紅豆冰，$56，野飲比雞脾還要貴。漢堡煎檔是開放式，剛好order前所有準備好的漢堡都賣完了，到我們是新1輪，正合我意，能看到漢堡製作全過程+食到最新出爐的漢堡屬大樂也，等得值得，開放式的區域只有3人工作，收銀要兼埋各種飲料的製作，仲要傳埋內部廚房的菜式，見到都辛苦，佩服佩服！另1個漢堡廚的幫手，負責開肉柳、開芝士、開包，烘包，1烘便是10幾set包，兼埋幫漢堡廚準備好曬碗碟方便上碟，動作流利，忙而不亂，是HK人的快！漢堡主廚能力更是驚人，只見漢堡豬柳1開便是16塊上煎檯，同時煎埋數隻雞蛋，反蛋反肉柳控制得好好，剛烘好的包，上芝士，2層豬柳，自制配醬，蓋上便製作好了，同時2杯

食雙層芝士漢堡 (沙律汁) $12評包是新鮮烘熱的，芝士是卡夫芝士，但出色在於漢堡扒。漢堡扒用鮮肉製，還夾有洋蔥，煎到熱辣辣還有點脆口，絕不是m記的貨色可以比擬的。至於那些$100樓上的漢堡包，我想沒有比較的必要吧。以這個價錢來說，這是極品。一片芝士兩塊漢堡扒，十二大洋，邊度搵？

上次食過蛋漢堡 今次食左芝蛋漢堡一樣係快靚正 而且價錢平 真係值得一食再食今次有d唔同 揀左沙津醬 唔要茄醬食落原來又有第2種感覺 好食過落茄醬下次要挑戰下友人1啖咬唔晒既雙層蛋先~