昭拍耶2 (已結業)

九龍城泰國食肆多，真係好難選擇，所以都係隨機行到去邊就食到邊。見昭拍耶門口幾靚就入去試試。Set lunch價錢合理，又多選擇。所以四個人，一人一個set share 食，fit哂！第一個係生菜包，味道一流，唔太辣，生菜又多，唔駛爭！第二個係柚子沙律，柚子多，仲有落咗紅色小蝦米，好好食！第三個係炒河，呢個炒得有鑊氣，料又多，又夠辣！最後係黃咖哩雞，呢個配蒜蓉包一流！另外仲有餐飲，有椰靑，有龍眼冰~~~60蚊有咁好質素真係買少見少！

星期五午飯時間, 店內唔多人, 感覺好寧靜,餐廳樓底高, 又夠光猛, 令人好舒服裝修擺設都好有特式,帶住一點點懷舊又新穎的風格已經食過幾次~食物一向唔錯, WAITER又夠親切^^- 冬陰功湯河: 河粉係一大片的, 同平時食開的好唔同, 不過湯底都略嫌唔夠辣- 炸蝦餅: 好食! 外皮夠鬆脆- 炸春卷: 好食! 有淡涼咖哩味- 芒果冰: 新鮮芒果做, 推介!- 甜品 (跟午餐送): 涼粉+明列子, 夏天食岩哂! 食完成個人爽哂

平時去九龍成食開傳統D街方D既泰國菜，今次就試間坐得舒服D有D裝修既！生蝦差不多每次食泰國菜必叫！size 比較細自己覺未夠彈，以價錢睇情願試佢其他野小食拼盤味都可以不唔夠熱主菜尼兩樣都好，咖哩可一試，用飯用包都正燒魚就唔大夠味

九龍城太多泰國美食，成日去昌發、小曼谷，是時候試啲唔同嘢。朋友介紹，原本想去本店，但排長龍就臨時決定來呢間分店。一到門口已經比佢環境風格吸引，同普通餐廳唔同，呢間好似cafe，唔算嘈，啱曬傾計。啲台都幾闊，出來食嘢就係想坐得舒服啲，好感倍增lunch set價錢適中，五十幾六十包嘢飲，都算抵食。不過就等得耐小小。朋友推介咖哩南瓜盅軟殼蟹必試，貴就貴啲，不過堅好食！成個南瓜擺上來，有誠意。咖喱唔算辣，但好濃味，用匙更筆埋入面啲南瓜，甜度啱啱好。軟殼蟹都好入味，外脆內軟，配埋咖喱汁，正！叫左兩個炒飯一個炒金邊粉，好大碟，三個女仔都食唔曬仲要拎走掛住食冇影到相。對呢間餐廳印象唔錯，會再來

朋友聚餐帶到九龍城搵泰國餐！最後揀左呢間昭拍耶！首先裝修行型格路線幾岩我feel!環境都幾干淨！幾好.係門口泊車有d難，惟有泊前面一條街咯，都好快有位。等左一陣，就安排左我地入去坐，菜單簡單清晰，很快朋友們就各自點左自己最愛既菜，waitress 泰國姐姐（應該係）好有禮貌咁落單上菜，俾個like你先！最緊要係面帶笑容😆.菜品慢慢咁上齊，一道一道泰國菜都睇到花過心機去製作，有d泰國菜式都係係呢度先第一次試到，邊d菜式就睇下我post d 相啦！一路食一路傾計，快樂時光差不多用左2個小時結束，好朋友加好食品！下次聚腳將昭拍耶加入我既朋友聚會點之一！值得推介跟住去九龍城搵甜品食先！

和很久沒見的朋友食個晚飯，一行四人決定去了朋友番工的九龍城區食晚餐。食飯之前做了少少research，得知有間裝修不錯的泰國餐廳，於是就決定係呢間開餐啦。一去九龍城，就知一定要食泰國菜！呢間餐廳一入去就已經被四圍環境吸引，以啡、銀色為主題，水泥牆身配搭濃厚的泰國風情的裝修之外，牆身仲掛左好多呢間鋪頭開始至今的歷史圖片做裝飾，非常之有個人特色。服務方面，裡面都是以泰國人為主，落單和上菜都算幾快，服務不錯。至於食物方面，泰菜當然要叫頭盤生蝦，爽口新鮮。冬陰功湯，小鍋份量足夠四個人享用，非常足料，叫了超少辣，結果酸但不辣軟殻蟹配南瓜咖哩，軟殼蟹份量足，點配咖喱都幾惹味木瓜沙律，新鮮清爽，d 調味料幾好滋味半打雞豬串燒，雞比豬鮮嫩及大件，個燒烤汁都幾好味，但覺得可以再燒燶D會更加好味冬師傅竹夾燒雞配糯米飯，幾得意既設計，兩枝竹夾住黎燒，同樣雞幾有咬口，同埋呢款重味少少，可能我比較濃味人，我覺得呢款幾好味，配糯米飯但要襯熱食。蒜茸炒椰菜苗，推介！D菜都幾新鮮，同埋好少食到椰菜苗，好爽脆，個汁好好味，可以encore多一碟呀！蠔餅，份量超級大好似一個薄餅！蠔的分佈平均size也不過不失，不過下面係

今日夜晚屋企冇飯開，打比個朋友，佢話約左之前去露營識左d傻傻地既朋友仔出來食飯，今咪join囉，去到九龍城一定係食泰國餐啦，又剛剛見到呢間鋪，幾多人食d裝修又幾靚仔今就入左去5個人叫左6個餸！生蝦！好食，特別係炸左既蝦頭好香。茄子沙律好清新，未見過其他泰國菜有，可以一試。椰子冬陰公就吾太夠辣，不過份量足。南瓜軟殻蟹就配個甜甜地既咖哩白飯吾該。雞串糯米飯d糯米飯好食，雞串入味吾鞋。最後重頭咖哩膏蟹，隻蟹真係多膏又勁好食，冇失望，所以......又黎白飯吾該，不過如果d咖哩汁辣d就更完美。今就食到飽飽，原本仲想食甜品，不過太飽冇叫，下次先試。係有d吾明，點解d咖哩汁比今多我餸多幾碗飯都夠啦。

Happy Friday 梗係要食餐好既!今晚一行5人去試下呢間九龍城既昭拍耶2。我地7:30pm左右去到，好在有預先訂枱,因為跟住就開始多人。鋪頭裝修有格調，淨係睇招牌都唔知呢度食泰國野。 樓底好高，有空間感好舒服。天花板有幾個吊落黎既木盆栽幾得意。不過，我好奇點解呢度餐具竟然用大排檔果種綠色膠碗筷。碟豆花茶(熱$28)，第一次見呢款花茶,梗係要試下啦。店員話杯花茶本來係藍色既，督下d檸檬杯茶就變紫色。但可能杯茶早已有兩片檸檬，所以一黎就已經係紫色。杯花茶隻紫色好靚，不過唔覺有茶味，飲落甜甜地，似熱檸蜜。首先上個泰菜必點既泰式生蝦($88)，一碟6隻。生蝦加炸蝦頭既配搭好得意。生蝦鮮甜，炸蝦頭就夠惹味香口。唔錯唔錯。😋😋南瓜咖哩軟殼蟹($148)，南瓜咖哩同炸軟殼蟹分開上，唔會浸淋軟殼蟹。南瓜咖喱個賣相好吸引，份量好多。但咖哩味唔濃，入口甜甜地似葡汁，一d都唔辣好啱送飯。所以朋友都忍唔住要即刻嗌個白飯撈汁食。😋😋燒泰式茄子沙律($88) 呢個個樣幾睇得下。微微燒焦既茄子配秘制泰式酸甜汁，好開胃。😋😋咖哩炒膏蟹($308)都係甜咖哩，朋友話無上一道南瓜咖哩咁甜，但我真係食唔出有咩分別😄

朋友聚會，選了一間裝修美觀及舒服的餐廳。生蝦是我的最愛，新除了新鮮之外，還配上了炸蝦頭，大家一定要試。咖哩軟殼蟹亦是一絕，記得要配上蒜蓉包。串燒與泰國地道的相似，香口有肉汁，正～最後，最後一定要飲冬陰功及龍眼冰。冬陰功酸酸辣適中，龍眼冰，清甜解渴，甜度適合香港人口味！

星期五Happy Friday，要大吃一餐好好慰勞一下自己。 來到九龍城當然是吃泰國菜，我們一行五人選擇了“昭拍耶”，餐廳名字好明顯是由泰國譯音再轉回中文過來的!從店舖外面看， 其實粗心一點都意識不到是泰國餐廳，它不像傳統的泰式餐廳放滿木製雕刻、女神像或大象的裝飾品，門外只是簡約的把“Chaophraya”名字掛在正中央，入內樓底十分高， 空間感大。老闆選擇了水泥牆身、黑白畫、木製橫樑、植物及簡單的泰國的吊飾作主要設計，枱跟椅子都不是统一的樣式，隨性的設計讓人十分舒服。先點了一杯熱蝶豆花茶(HKD28)，待應送來時，特別告知是天然藍色，拮檸檬會變紫色的。但我發現拮完並沒有太大分別!哈哈! 不過，它的味道真好! 酸酸甜甜十分開胃，真想再來一杯!燒泰式茄子沙律(HKD88) : 燒茄子肥厚多汁配上少許泰式酸甜的醬汁，清新不膩，我好像未試過在其他餐館找到這菜式，所以有機會來的話，大家不妨一試。泰式生蝦(HKD88) : 每次去食泰國菜，我一定會吃生蝦，因為鐘意它的辣醬汁配生蒜。生蝦肉厚爽口，醬汁濃郁，不過對於喜歡泰式辣的我，認為可以加多一點點指天椒。一碟有6隻生蝦，我們有5個人，我只是吃了一

裝潢舒服，食物水準好，服務亦不錯，絕對會再去。南瓜咖哩+軟殼蟹香中帶甜，又脆又新鮮，必食之選。直頭要叫兩客蒜蓉包來一齊食！串燒都頗為惹味，燒得很香。最欣賞係杯泰式奶茶，好好飲，茶味香濃，甜味適中，難得香港飲到咁貼近正宗口味的泰式奶茶呀！唯一椰菜苗有點老，不夠爽口，不過不算礙事，仍然值得再幫襯。

之前聽朋友說好好食，一直未有機會嚟試。今日下午去佐敦谷公園，夜晚同朋友慶祝生日，一於嚟試下。好彩訂6點，如果唔係冇位。未到6點嚟到，可能太早關係，侍應忙著準備，未有熱情款待。裝修好特別，唔似一般泰國餐廳。叫了以下菜式：好足料嘅冬陰公 幾好味嘅酸辣雜菌荳腐渴串燒 燒鷄 豬頸肉 未食過咁想你去食個菠蘿嘅菠蘿炒飯 熱的芒果糯米飯 椰汁千層糕 呢餐真係好好食，所有大人細路都食得好開心！

今日難得有時間，當然要出去找好東西吃。黎到九龍城就試下呢間泰國野。點知平日都要排隊，明明裏面仲有位，都唔比人入去坐。算啦，搭枱。2個人叫分別叫左：椰青、馬拉盞炒通菜、蜜汁燒豬頸肉、濕炒河粉(雞肉)、辣香葉什菌炒螺絲粉。椰青很不錯，食泰國野一定叫黎飲。不過旁邊阿姐居然話有個青老d，我就唔知佢點分嫩d老d，我果個就連果肉都好好食，睇你運氣啦~呢個燒豬頸肉，確實好正，肉質嫩，辣汁好。如果黎呢間一定必點的菜一般野，建議不要點(我超後悔叫左佢)，因為佢d主食確實也很多菜及菇做配料，如果人多食，唔夠菜其實都唔好考慮點佢。呢個真係經典，同你講食泰國野都可以食到好清，就係叫呢個。你話我清淡咪鬼食泰國菜? 我話你總有跟大圍迫於無奈時。簡直係清淡的王牌，不過呢個主食係1人份的，正確d係1人女生份，所以唔好想要share佢，你會後悔的最後個粉，如果放係西餐到賣都得，我覺得放係呢間鋪到賣浪費左佢，因為你同朋友去食泰國菜會點呢個粉嗎? 答案就是不會。 辣的感覺開始好少，越食越有。我就覺得好過食咩鬼菠蘿飯啦。總括味道都幾好的，份量就少d啦(或者一般)，女仔食或者你唔係大食男仔黎呢間都好的，價錢唔算貴，平均每道菜7

我承認我對泰菜喜好沿於細時，小時出外尋食沒有香港太多國家地區美食選擇泰、越便是當時最常在街上找到之所謂特式食館．．現在機場搬走多時，從前九龍城區泰菜館街、依舊迄立不移，較大因素深信是比對旺區租金較為便宜有關早數月前幫襯過昭拍耶，感覺不俗、所以今日再度從反．．先上枱是跟餐加上$15.的泰式芒果沙律泰芒本身味清帶爽，與呂宋芒及腰芒口感截然不同清爽之下芒果之幽幽香肉，令人齒頰留香、微微加上酸汁醬給予味道連成一線，好吃 另一款泰式黃咖喱跟跟酥薄餅$62.多件雞肉浸滿於黃咖喱之內，胆汁濃郁之餘，充斥著椰奶香、雞肉嫩滑肥美，跟配之之酥薄餅切上有四、五件沾在咖喱一同來食，滋味又惹味酥薄餅和暖不太熱，用手吃會否風味一點? 小食之內眼看有串燒，跟友人喚來半打雞及豬肉$48.來試燒得漂亮之雞肉串，肉質烤得怜宜、沒有多帶之肥膏、肉質細嫩醃肉味道剛好，咸度適宜、沒有沾汁下食味道沒有失準，正所謂嫩口襯熱食、很是滋味最後主菜亦告出場，泰式炒金邊粉$58.、亮麗之襯碟和賣相論外觀足以加分，吃一口沒有給予太多糖同炒、也許是遷就港人之口味正宗下之改良，起碼個人是接受、太甜之炒粉麵始終我不為太好食花生碎和青檸分別跟在

是晚小妹一行六位同事連同老闆相約九龍城食飯,同事應該是餐廳的熟客所以預先訂位,,今晚老闆在場一定要豪食餐勁!!!!小妹也是第一次來食, 先看門面已比芸芸的九龍城泰國餐廳吸引,店內超高樓底,空間感十足,椅和桌張張不同,可見店主花了不少心思在裝設上, 還有一幅很大的綠化裝置真的很吸引店面裝得有型,自然會對食物有期望啦因為有其中一位同事是素食者,原來餐牌上也有不少給素食者的選擇!加分!沙律點了 柚子沙律 和 茄子沙律柚子沙律材料豐富,酸酸甜甜很開胃,柚子JIUCY 還有青芒果絲,正!!茄子沙律,沙律汁和柚子沙律的相似,茄子應該是燒過的,但略嫌不夠脆,不過不失生蝦是我們食泰菜一定要點的菜式,這裡會連蝦頭一齊上,不會浪費,蝦也是用草蝦,肉還算厚香菇生菜包又一素菜,味道像生菜包,不要以為素菜就是淡味串燒一打(豬,雞)店員說只能叫半打或一打會以為太多,來到原來是泰國街頭很細串的那樣,串燒上也淋上像醋的醬汁,味道和串燒很配,不用點沙嗲汁也夠味菜本來想叫香花,細問之下原來是X香花,可惜沒有貨><就改叫了蒜蓉椰菜苗,味道尚可CHAO2 拼盤原來是一般的泰式併盤終於來到全晚的重點三道菜這是同