昭拍耶2 (已結業)

呢間舖頭我已經幫襯過好多次， 因為價錢其實都唔算太貴，而且食物質素好好， 每一次呢度必點嘅係南瓜軟殼蟹， 生菜包，生蝦( 好可惜今次生蝦賣曬,所以冇得食lu)。。。 今次是有新嘢就係蝦餅同埋串燒， 繼續keep住質素非常好， 食物嘅溫度夠熱， 炸物夠脆， 去個串燒汁做得都幾好，好味道。。。 南瓜軟殼蟹呢一個菜式一試難忘， 用嚟撈飯，不得了, 好味道喊呀。。。。食生蝦嘅時候夾住蒜片，一流。。。。 會繼續無限次幫襯。。。。推介推介。。。

突然好想食泰國菜，就同埋老公一齊黎到出名食泰國野既九龍城食晚飯。黎到昭拍耶俾佢門口個menu菜式吸引住，就決定入去品嘗品嘗。我地點左幾款菜式，最為欣賞的是咖喱南瓜軟殼蟹，南瓜夠晒香甜，軟殼蟹又炸得夠晒香脆美味，點埋咖喱汁食簡直一流。

星期六和阿仔去食lunch, waitress堅持要我們坐餐廳中間（人來人往）的二人枱。因有小朋友的關係，問是否可安排坐另一張，其時只剩下一張四人枱，我也明白她們是想留給party of four的。但未order已有兩人入餐廳，他們即時可坐四人枱。我當然向 waitress requires坐那四人枱的另一邊，但waitress 完全冇安排，態度惡劣，怕是嫌我們煩。我們走了，去小曼谷食。可能他們覺得小朋友不會食太多，情願招呼多啲大人吧。Not kids friendly, will never go again!

之前經過覺得裝修好特別，驚得個樣。今次經過唔诜等位，就一於試吓，才知道份量都好足，有賣相仲好好味。個併盆好吸引，蠔餅都好脆，服務員好有笑容，整體滿意，會encore。

呢間泰國菜喺九龍城都食過幾次，水準都算唔錯所以同朋友都周不時走過來食。我鍾意佢呢度嘅食物種類又多元，每次同朋友gathering都唔使怕有人冇啱心水嘅食物，因為佢嘅種類真係幾多下架！每次我都會點呢度嘅珍多冰，覺得好似幾地道下。除咗椰味香濃之外， 我鍾意佢嘅椰汁糕（綠色一條條嗰啲）嘅份量好多，而且仲有大樹菠蘿一絲絲嘅果肉，飲落唔會有假嘅甜味，而係濃郁嘅果香，所以每次都會叫一杯。生蝦又係每次都會食，感覺上都幾新鮮，生蝦嘅蝦肉爽口彈牙，加上酸酸甜甜，有帶有少少辣嘅醬汁，真係會食上癮㗎

今日嚟到九龍城，點可以唔食泰國菜呢？本身都唔知道呢間泰國菜嘅存在，但係俾佢嘅門口吸引左，見到裏面有一個寫住九龍城嘅霓虹燈牌，好型好出眾！叫咗個柚子有子沙律，柚子十分清甜，帶微微嘅酸味，加上木瓜絲同沙律菜一齊食，好健康好新鮮嘅感覺。叫咗一份炸蝦餅，比起平時嘅炸蝦餅，佢嘅份量多咗同每舊都大啲，點埋甜酸醬，好好味。外面金黃酥脆，炸粉唔會太多，入面嘅蝦肉仲爽口彈牙，而且蝦味都幾夠㗎 ，唔會話食到冰鮮嘅雪藏味，我同朋友都好鍾意！

[ 泰國菜 | 岩哂唔食得辣的我🔥]••每次去九龍城食泰國野，食來食去都係個一兩間，仲要質素越來越差🌚有次陪男朋友去剪頭髮，佢個髮型師介紹左呢間新式啲既比我地🏠就咁睇門口真係唔知係食泰國菜🇹🇭🧐-🔹南瓜咖哩軟殼蟹($148)⭐️7/10 原個南瓜🎃入面載滿咖哩，仲有啲切片蔬菜🥒咖哩味道好濃，加左南瓜既甜味，岩哂我呢d唔食得辣又要學人食咖哩既人🤗軟殼蟹炸得好脆，份量都幾多🦀另外叫左份蒜茸包($26)點咖哩食👅👅🔹菠蘿海鮮炒飯($88)⭐️5/10側邊條菠蘿勁勁勁酸😖炒飯無乜味，炒得唔夠乾身，海鮮只係面頭有幾粒，入面幾乎係無料既🤷🏻‍♀️-🔺之前仲食過生蝦刺身🦐蜜糖燒豬頸肉🐷泰式鐵板蠔餅👍🏻👍🏻👍🏻都好正，男朋友食到lamlam脷😋🔺雖然裝潢都好新式，但都係泰國人主理架💁🏻‍♀️而且比起九龍城其他泰國餐廳乾淨啲，又無咁多人等位😼--更多食評ig: hungrykays

同將要去外國嘅朋友餞行~ 就去左佢介紹位於九龍城嘅一間泰國菜館食好耐都無食嘅泰國野~~ 明爐烏頭~ 呢個烏頭比較多骨🙈 食嗰陣要小心啲😂 佢配埋一個酸酸甜甜嘅汁~ 點埋佢黎食好開胃☺ 不過嫌條魚上面放得太多雜菜😂 泰式刺身蝦 幾新鮮 蝦肉好滑 一碟有7隻 蝦頭都有蝦膏可以食~泰式烤雞 呢個真係出乎意料之外地好食😊 通常烤雞啲都肉都會比較乾身 但呢個係勁滑勁好味~ 鎖住啲肉汁 菜包肉粒~ 啲炒肉粒有小小辣幾惹味！總括黎講呢間泰國菜都幾正宗~ 但略嫌份量較細🙈🙈 同埋店舖位置比較偏僻比較難揾😦 舖頭嘅裝修係幾靚 好似cafe咁😊 不過綠色餐具同雲石枱面好唔夾😂😂😂 有個失望位喺老闆娘無啦啦講左我地有個生日蛋糕 搞到無左個俾朋友嘅surprise 😑😑

其實大半年前黎昭拍耶2食過lunch,  覺得始終無昭拍耶1咁好食, 所以一直都係食開昭拍耶舊店, 但大半年後再試, 好食左好多喎宜家lunch都有3個menu, 有炒飯麵/沙律/湯河, 仲可以加小食, 連埋飲品同糖水都係$38-$62不等。今次叫左5款食物, 全部都好惹味, 食物夠熱, 打破晒上一次食既不足。黃咖喱雞配蒜蓉包($62), 一眼望落去以為好稀, 但味道很好, 完全唔辣既咖啡, 好重椰香, 蒜蓉包烘得香脆, 一流! 因為太多汁, 所以我地加多左份薄餅, 真係太好食冬蔭公湯河($45), 唔好以為細細碗, 但其實佢呢款闊既河粉份量好多, 湯底比平時既淡, 怕辣/怕香料味既人都可以食到。生菜包($58), 有d奇怪點解生菜包都可以係1個set lunch XD, 不過如果你有番幾個人黎食, SHARE 多1份當個小食又有野飲都唔錯架, 肉碎都唔錯, 生菜睇落都新鮮, 不過可能因為D香料薄荷, 有人話覺得有牙膏味,蝦醬炒飯($58), 飯粒乾身, 唔會太咸, 好香好惹味, 同埋好大份!泰式金邊粉($58), 呢個相對普通, 因為比較淡口。每SET會包汽水同糖水, 新店會相對坐得

兩個人叫左半打沙嗲串燒，豬頸肉炒雜菜，Chao2炒飯，芒果糯米飯和青檸梳打。沙嗲串燒：個汁好好食。除左沙嗲汁仲有少少燒汁，幾特別，啲肉又夠林。豬頸肉炒雜菜：冇乜特別，比較淡口。Chao2炒飯：幾好食。多海鮮，十分足料。甜品要問店員先知芒果糯米飯：有啲貴($56)。不過係好食既，椰漿好濃郁。面頭有啲脆脆，幾有咬口。另外，餐廳的佈置亦十分出色，有cafe 既格調，文青可以去影下相。食完好滿足整體黎講都好好，會再黎食！

想來想去都系選擇去左新鋪，其實應該冇乜分別。鋪頭軟裝幾有心思，今晚第一次去覺得印象不錯~姐姐服務態度都正~下次還會再去的啦，同埋都已經冧到食咩(這次唔記得影茄子沙律。哎呀呀~)

除夕新年假期的最後一日，我突然間想去九龍城食嘢，老公就二話不說同我去了。我們漫無目的在街上遊走，直到走到這間店，看到很多人在門外等候，便等埋一份去試一試。其實餐廳的地方不算很大，食客之間坐得亦要比較親密。我們點了三道菜和兩杯飲品，第一道是椰子雞湯。這一鍋湯飲落除咗有椰香味之外，仲有陣陣的辣味和香草味。而呢幾種香味亦都滲入湯渣，飲完食完成身暖笠笠。第二味就係炸蝦餅。食落係好脆、好香同埋好熱，點埋泰式甜酸醬真係好惹味。第三味就係菠蘿海鮮炒飯。只係見到有一舊菠蘿伴碟，但 d 飯食落又唔係好有菠蘿味，不過加入的海鮮都唔算少。而飲品方面，我們分別點了一杯凍青檸梳打和一杯熱香茅茶。杯梳打唔算好特別，但杯香茅茶真係插一支香茅响入面，我一邊飲一邊攪拌，味道清清地得來又好好玩。

一向去開舊舖，但今日舊舖無開就去左新舖。新舖比舊舖大，裝潢好有特色，座位亦寬敞舒適。Lunchset都幾多選擇，每個set包括一份主食同一杯飲品，飲品除左一般咖啡奶茶之外仲可以揀沙冰之類既特飲，我地兩個人嗌左個雞肉炒河、蝦醬炒飯，另外加$15要左份炸蝦餅。炒河好夠鑊氣，唔會好油，亦加左菜心食落無咁膩，但啲雞肉偏乾無咩雞味。蝦醬炒飯唔係好濃蝦醬味，但都幾香，同埋唔油，配菜好豐富，有炒蛋、肉鬆、臘腸同青瓜，不過個臘腸同一般香港食到既味有啲唔同，好重臘肉味同埋偏稔，有人可能會食唔慣。個炸蝦餅係成餐飯既亮點，岩岩炸起，香脆彈牙，可以見到好多蝦肉，加埋泰式辣醬一齊食好開胃。飲品我地揀左泰式奶茶同珍多冰，奶茶好香茶味，奶味都好重，飲落好滑帶少少澀，推介鐘意奶茶既朋友一試，珍多冰有點過甜，但頗有椰香。值得一提係價錢實惠，唔使加一，以咁既質素算好扺食。

九龍城出名食泰國嘢，昭拍耶都算出名，但今次呢間係昭拍耶2(即係分店啦），裝修走工業懷舊風，雖然用上懷舊風，但更感新潮。今次去開九龍城做嘢，諗唔到食咩好，行過呢間昭拍耶2，門面幾靚，本來仲以為食西餐，原來係泰國fusion嘢～門口放咗啲lunch set餐牌，發現價錢都OK，所以決定入去試下喇！因為本身唔係話好食得辣，通常去食泰國菜都係食黃咖喱，貪佢甜甜哋唔會太辣，所以見到menu上有黃咖喱我都心郁郁喇～～佢最好嘅就係有薄餅、白飯同埋蒜蓉包比你揀嚟配咖喱，我就揀咗薄餅，平時少食啲嘛！跟餐仲可以加$15喺三款沙律入面其中一款，夠哂均衡！另外，仲有汽水跟，想飲其他嘢比半價就可以喇！最好係佢星期一至五lunch都係免加一，感覺更抵食呀！！！一見到個set，完全喜出望外！揀配薄餅真係無揀錯！非常香，唔會太油，點埋咖喱汁食，真係好正！比起好多餐廳，呢度嘅薄餅真係好高分！！咖喱雞用咗雞柳，但太明顯有雪味，有少少美中不足；而入面除咗雞柳外仲有不少蔬菜，感覺健康。食飽飽之後，仲送上一份甜品，以呢個價錢算幾抵食喇～好期待再嚟九龍城做嘢，又可以去呢度食lunch呀  

今天，有兩個好消息！所以，Honey話要吃個午飯慶祝下先。來到南角道，見到一間新店，外觀挺新款，水泥牆，還以為是食西餐的。看真啲，原來是泰國菜…昭柏耶2，真好奇！看：裝修挺有型格！連擺設和餐具，都如泰國一樣。本來，我正看著午市套餐。但是，Honey説，要食好啲…散點吧！先來芒果汁沙冰。很濃！很Creamy！濃濃的芒果香，一口芒果果茸，真材實料！冰涼而不太甜，Yummy天口熱，Honey點鮮蝦柚子沙律和蒜蓉炒椰菜苗。鮮蝦有兩三隻，大隻兼爽口。柚子配青木瓜絲、小紅蝦、紫洋蔥、腰果…少少辣，酸酸的，非常醒胃！真是炎夏尚佳開胃菜！而炒椰菜苗，蒜香濃！有清爽的蔬菜咬口，好味Honey又點了菠蘿炒飯 。有一邊新鮮菠蘿，經烤過， 令菠蘿更加香甜，一點也不酸；而且，纖維豐富！新鮮又開胃！炒飯材料也非常豐富！有炸腰果、大隻蝦仁、臘腸 …等等，很豐富！炒飯 少少甜，不油膩。已經好飽！好滿足！餐廳送上甜品：冰涼的涼粉！甜甜的，解膩也解暑。好滿足的午餐！