春風撞奶舖 (已結業)

見咁多人排隊，我就叫左黑糖仙草撞奶同埋古早味珍珠奶茶，收銀話係固定甜度，諗住少冰佢又話會再甜D，咁就聽佢講要正常冰，即管試下佢地個配方啦！點知足足等左半個鐘，結果杯黑糖仙草撞奶係甜。到。嘔！另外杯古早味珍珠奶茶個色好深，但係完全唔重茶味，不過飲落就正常好普通既珍珠奶茶囉。杯黑糖諗住等佢d冰溶咁d無咁甜先飲啦，但係溶晒都係甜到一個點，飲到一半頂唔順，掉左 又唔係好飲其實可以話難飲，憑咩唔比人個人化自己杯飲品既甜度？完全無需要突登入去元朗試。。利申：平時去天XX茶飲開微糖（30%甜度）

話說之前去春風三月，明明都OK嘅，但係幫佢開咗春風撞奶舖之後，我覺得對呢個品牌好有保留。其實本身都冇諗住再飲呢間飲品店，但係今日朋友經過，竟然外賣咗一杯俾我，我有唯有再俾多次機會呢間飲品店，再試一試啦。上次試過嘅事淡如奶溝水嘅黑糖青蛙，今次係咖啡撞奶，都有珍珠係底。珍珠嘅問題依然係稔身，但係冇味，完全冇平時飲開珍珠奶茶咁樣，有黑糖味。最大嘅問題係呢杯咖啡好似溝唔雲。都已經要求一杯咖啡係用咩方法沖，應該都估到係咖啡粉即沖，但係咖啡粉都依然唔溶，飲到結咗一嚿嚿，真係完全唔得。咖啡嘅味道偏向酸，所以飲咗少少就唔好再飲。希望呢間店舖可以認真研究下更加好飲嘅飲品。

人氣小店俾網絡推得太利害，人流好多，相信大家都係黎買杯打卡。今次買左杯招牌春風青蛙撞奶，諗住無死。星期四晚黎排隊排三四個人到，等攞野飲等五分鐘，時間可接受。話明撞奶，我預計奶味會好突出。未撈之前飲左淡，同普通脫脂牛奶無分別。撈左再飲都係奶味重少少既珍奶咁。杯身size無一向台式飲品杯咁高。中杯size嚐下無妨，用黎打下卡$28都仲可以。個人認為brand logo係做得幾靚。如果有機會，會試下藍莓/草莓撞奶。

朋友逢看到元朗的美食介紹一定會send給我看，她問我知不知春風撞奶舖，我說知道，我看新假期的報導，她說她看飲食男女得知。難得入來元朗的她又說要試一試，我跟她一人點了一杯撞奶。我點了草莓鮮奶，與店員說要微甜微冰，他說不行，調味已固定，那沒辦法。至於朋友點黑糖青蛙撞奶，她要求微冰微甜，店員也拒絕，和朋友說少冰只會更甜，勉強朋友不少冰，整件事情很差劣。朋友未試春風撞奶舖前，她分享旺角有間新開業的撞奶飲品店不錯，也只是19元一杯，珍珠吃起來很香黑糖味，價錢及味道性價比高。點完這裡的撞奶，她再分享多一件事情，就是旺角那間撞奶店走甜微冰亦可以，她感覺春風撞奶舖差透，沒給客人選擇權，朋友所言甚是。我覺得春風撞奶舖不給客人選擇，主要想快手快腳沖多數杯撞奶，做多些生意，罔顧客人的所需。喝完我們兩杯撞奶的總結就是，草莓撞奶超級甜膩，味道如士多啤梨奶昔般，朋友的黑糖青蛙撞奶更差，沒有味道的，又說不少冰才不會死甜，整杯黑糖青蛙撞奶沒有味道何來甜味? 珍珠又是零味道，與無倫比的難喝。我們不會再光顧春風撞奶舖，亦奉勸各位勿浪費金錢去試。

如題！難得放假，專程去元朗買嚟試下，要咗一杯‘黑糖青蛙撞奶’，飲落第一個，覺得平平無奇，無咩特別，只係一杯普通鮮奶加咗啲黑糖嘅糖漿而已，而且掛杯效果略為差，但當啜咗第一粒珍珠入口之後，就開始𡁻佢，啲珍珠比我想像中來得更為軟糯煙韌，因為啲珍珠，絕對會有下次！

呢兩個星期每次去元朗做gym經過都見到呢間新開張嘅「春風撞奶」門口人山人海，次次見到個人龍都驚驚，不過今日把心一橫決定去排隊買黎試吓係咪真係咁好飲。鋪面細細，分兩條隊，一條隊買飛，另一條隊拎野飲，我問店員邊杯最出名，店員態度友善並向我介紹黑糖青蛙撞奶，並同我講大概要等15分鐘。我本身想叫小甜，但店員指甜度已經限死了，冇得調校，令我有少少擔心會好甜。其實黑糖青蛙即係黑糖珍珠，由於我本身唔係煙韌控，所以冇乜期待，純粹出於好奇心睇下佢點解咁多人買來飲。大概15分鐘之後我終於攞到我嘅黑糖青蛙撞奶，其實一杯唔係好大杯，價錢都唔便宜，要成＄29/杯。就咁望落去都好似幾多黑糖珍珠係底，攪勻再飲落去，咦？又唔係好甜啵！！啲珍珠真係用黑糖煮過入晒味，並唔係好似出面嗰啲珍珠同埋黑糖漿分開嘅感覺，啲珍珠愈𡁻愈出啲黑糖甜味，令我忍唔住會𡁻多幾下，真係幾好𡁻幾好味，不過鮮奶就真是普普通通冇乜奶味，唔係好夠濃，扣分，全靠啲黑糖珍珠令到成杯野加返啲分。杯野神奇之處就係令到我呢個唔係煙韌控嘅人會食晒佢啲佢啲黑糖珍珠，我會係咁用飲筒吸晒佢嗰啲珍珠上嚟𡁻，直到最後一粒都不剩下為止，重點係我平時飲珍珠奶茶係要叫佢少珍珠㗎😂

等左好耐 我唸大概20分鐘左右 叫左杯黑糖青蛙珍珠奶茶 其實第一次飲撞奶覺得都幾好飲 。。。珍珠幾好味 黑糖同奶亦都幾夾 不過實在等得耐左少少 如果第日有機會少d人嘅話會再飲👀..............................

前兩日睇到facebook話元朗又開咗新嘅台式飲品，於是今日去試，點知係同千色個度其中一間係fd黎嘅，不過今次就唔係主打手作珍珠，而係撞奶，聽落都幾有特色加上個杯都幾有特色，係子彈形狀，唔似一般嘅手作飲品杯甘，佢係用奶去撞黑糖，開初以為會好甜，飲落又唔係，好香奶味，不過奶同下面d配料比例就唔係好夾，下面嘅仙草就好小， 啜幾淡就無哂，可能係個杯細d嘅關係嗱，不過杯嘢19蚊，下次如果仲係甘小仙草就唔會幫襯嗱😂😂

o係FB 見倒全港首間「撞奶」台飲店～賣相好吸引，決定同男朋友黎元朗一試～o個日未正式營業，但已經有好多人圍住等～落單ge 時候店員話要等40分鐘以上，一場黎到...唯有行住等啦～～等左一段時間終於有得拎喇～宇治抹茶紅豆望落去抹茶份量唔多....飲落去覺得好失望.... 冇咩抹茶味.... 紅豆就唔太甜都ok最貴係依杯要＄36，好唔抵飲，好稀下次有機會一定唔會再叫依隻味黑糖青蛙撞奶依個反而冇咁伏，珍珠煙韌彈牙，不過比較甜一試無妨嘅～不過唔好有太大期望

最近實在試左好多飲料店，見到春風撞奶舖個名都已經諗起同區飲品店春風三月，係佢地嘅新店。餐牌選擇唔多，共十款，有黑糖、冬瓜、仙草、咖啡、抹茶同三款水果：芒果、草莓、藍莓。價錢比起月頭已有明顯分別，定價$19-36。喺元朗晚飯前已經去過飲品店睇過，眼見有接近十幾廿人等緊、買緊，於是只好調一調，先去食晚飯再回頭。飯後人流明顯減少左，接仲有半個鐘就關門，買到最後嘅青蛙撞奶、珍奶，之後聽到店員話淨番冬瓜鮮奶同藍莓鮮奶黑糖青蛙撞奶 $29古早黑糖珍珠奶茶 $22等候時間約15分鐘，飲品用上圓碌碌杯，冰度、糖度固定。有冇做出杯邊老虎紋我就唔係太介意，只係拍照效果冇咁好而已。黑糖層稀薄偏少，黑糖鮮奶基本上完全冇奶味，黑糖味亦微乎其微，搞前搞後都冇一絲甜味，非常淡唔知係咪最初多人彈佢甜，調整完就變左冇甜味。至於珍珠奶茶嘅情況好啲，頭半杯有明顯茶味，甜度唔高，搞勻前後分別不大，黑糖味唔突出冰量偏多，珍珠已經唔多，仲俾啲冰堆到死死。珍珠有噍頭，唔算好有彈性，有幾粒仲未煮腍。

元朗對於唔係住喺新界嘅人來講，真係屬於大西北，好日都唔會黎一次。今日終於去到元朗，跟住朋友搵好嘢食，食完車仔麵之後咁岩好口渴，朋友就介紹左最近新開嘅春風撞奶舖。呢間店舖原來都算係春風三月嘅分店，兩間都位於元朗，都係買台式飲品。但網上有啲介紹就標榜呢間春風撞奶舖，係全港第一間賣撞奶嘅飲品店。好奇之下，我就揀咗一杯賣相好似唔錯嘅飲品。🍼黑糖青蛙撞奶店員一拎出嚟嘅時候，覺得佢嘅賣相的確唔錯，都幾Instagram-able!黑糖糖漿黏附係膠杯杯身，做到有一直drip嘅效果。不過呢個景象其實last得十幾秒，要影相嘅話真係要快，啲黑糖好快就化開。未攪拌之前，黑糖嘅甜味居然唔係好濃，可能落得唔夠多，又或者呢種黑糖嘅味道比較薄弱。所以，攪拌之後味道更加淡，好似得返奶溝水咁。珍珠都還好，冇話特別出眾，但都中規中矩。可能飲慣鹿仔嘅黑糖珍珠奶茶，嗰種黑糖嘅香味，撞落牛奶香，真係零舍好飲。到而家都未搵到一間珍珠奶茶可以做到佢咁出色。所以呢間春風，我應該都唔會再encore。

飲過千色匯間春風三月，諗住「春風」排頭嘅應該有番咁上下質素，點知中伏。宇治抺茶紅豆👎🏼好似飲緊紅豆冰，抺茶味淡，仲要賣$36，差。古早味黑糖珍珠奶茶👎🏼點呢杯原因啱啱喺台北飲咗珍煮丹嘅黑糖珍珠，超級出色，點知呢度嘅黑糖珍珠超級難食，奶茶冇茶味，成杯野飲咗一半都冇就頂唔順tum咗。可能新開張，人手完全唔夠，閒日晚上六點幾落單要等成45分鐘，份量又小，d珍珠仲係熱嘅，性價比極低，唔會推介俾大家。

嗱！如果唔係得閒係野做...如果唔係有兩個傻婆陪...如果唔係係屋企附近...我真心唔會等，當聽到要等45mins個下...真係想算啦走啦...終於好不容易hea 左45mins，見到杯野好似都幾靚嘅，我就叫到黑糖仙草奶茶（伸利：正常甜）。入口我呆左...甘伏嘅...D味淡到一個點，以為自己飲緊水，明明係奶茶，但完全飲唔到佢個茶味，而奶呢...雖然係滑，但同樣都係冇奶味。而仙草嘅分量又得個dd...成杯野俾我嘅感覺係伏囉...no next time la

春風三月就冇飲過，因為嫌價錢有點貴但今次咁啱行過新開的撞奶鋪，又見未有好多人瘋狂排隊，就買兩杯試試！黑糖青蛙蛋撞奶其實即係黑糖"掛杯"加上撈有黑糖的珍珠再加鮮奶。本人其實好喜歡飲奶製品的，但今次所嗌的，就真係令我有點失望奶味唔夠重，唔濃，飲落覺得係溝左水，冇乜味道！不過同黑糖都夾嘅，飲落唔會係一啖奶一pat糖咁。珍珠咬落去比較爛，同黑糖撈埋，有點痴牙，要啲時間𡁻下，有少少張住個口的感覺，自己黎講可接受的，但男朋友就覺得太甜，一pat pat好難食所以各人有各口味啦！之後再嗌左杯黑糖珍珠奶茶，冇乜特別，珍珠味道、口感都同撞奶嗰杯一樣啦。不過呢杯味道就冇撞奶咁淡，可能始終係奶茶，有個茶底襯返，香口啲。不過飲落茶、奶嘅味都偏淡，冇話特別香，特別濃，非常普通。撞奶鋪仲有其他水果系列的，下次都可以一試！ 呢間新鋪，主打撞奶同黑糖，黑糖同珍珠我都接受的，覺得還好，但如果想飲到濃重、香口、滑嘅鮮奶味，就未必係個好選擇了

🌿清香味道-同先生思考食咩晚飯💭剛好見到廣告咁行 就衝入元朗去試下-形點食完晚飯 就行過鴻運中心大概需時7分鐘 .遠處就見到好多人圍住左間鋪👫(廣告威力wow~)招牌都未開封-但可能太夜既關係(9pm) 選擇只有....1️⃣咖啡撞奶 $292️⃣冬瓜鮮奶 $223️⃣草莓鮮奶 $184️⃣藍莓鮮奶 $185️⃣宇治抹茶紅豆 $29-其他招牌全部都冇🧐6️⃣芒果鮮奶 $187️⃣古早仙草茶 $298️⃣黑糖仙草奶凍 $229️⃣黑糖青蛙撞奶 $291️⃣0️⃣古早黑糖珍珠奶茶 $22-最後簡左 @咖啡撞奶 | @宇治抹茶紅豆-☕️「咖啡撞奶」外觀：3/5分 杯身加分 撞奶好似水墨畫 口感：咖啡偏苦澀味、珍珠是軟糯感溫度：拎上手，最底珍珠係暖 上面凍(可選少冰)# 要自行攪拌、中小型冰粒「宇治抹茶紅豆」🍵外觀：3.5/5分 漸變色好療癒口感：味道清香 不太濃郁 偏水狀 溫度：同上，最底珍珠係暖 上面凍(可選少冰)-總評：喜歡清香既你，都可以嘗試一下。值得一讚嘅係，店務員係忙碌中依然好有禮貌！、但可能帶有滿滿既期望去飲，所以有少少失落。😢選擇太少、味道未有一致性，無太大驚喜。短期內未必再試，可能等開業耐少少，期待有機會再試仙草系列。🧐