春水堂 (東薈城名店倉)

營業中

休息中

入去迪士尼之前。慢遊東涌行行吓就發現有春水堂咁即刻排隊啦。好好彩人唔算多好快有位平時其他分店排長龍唔駛諗坐低即刻叫紅燒牛肉麵鐵觀音珍珠奶茶🧋鹵水拼盤都好正不過我自己本身唔係太喜歡吃鹵水汁但都唔係差嘅雖然仲未飛到台灣但都叫做食到台灣嘅春水堂

以前係日本九州生活左4年！果邊台灣野食餐廳唔多，其中一間就係春水堂返到香港見到有都好期待想再試下！同2位朋友一齊去~平日下午茶時間都等左10-15分鐘先有位，餐廳位唔多，去outlet行到攰所以都多客人入到去分別叫左涼伴麵，鹽酥雞便當，牛肉麵，紫薯波波！份量相當大！大家都爭d食唔曬~野食全部都有水準的！最有驚喜係個紫薯波波！就算食到好飽，再食佢都覺得好好食！唔會好流珍珠奶茶都好飲，個人喜歡細粒既珍珠，茶味都好夠！不過價錢偏貴~感覺上台式料理再平價d就更好！

午餐，一碗麻油烏雞麵缐，烏雞兩小件，其中一件係雞頸，另一件大部分是骨，很多薑片，基本差不多食淨麵，收$88，這個價錢在東薈城有很多選擇，問侍應想要一杯水，一個答等等，一個不作回應，如果不能提供可直接說出來，最後當然是沒有提供啦！東涌這間不用試，因為全個商場都是食肆。

讚1.食物好，麵質滑溜煙韌，小食既豆干同米血糕係香港無食過類似口味，夠辣香又入味；紅茶既甜味餘韻好有台灣feel；慢煮豬手好入味彈1.肉燥係好淡，一啲都唔似台灣味

春水堂被譽為台灣珍珠奶茶始祖😆，一直都好想食，難得呢日放假入到東涌，一於就同朋友試一試～💁🏻‍♀️⚪️ 凍珍珠茉香奶茶 $34 ⚪️珍珠奶茶梗係一定要order啦，茶味好濃好香，珍珠就普遍，都有咬口既，唔想食珍珠可以試胚芽奶茶！🟠 麻辣涼拌牛肚絲 $38 🟠個汁夠香麻，份量就好似偏少🟢 黃金香酥雞 $48 🟢外層嘅粉漿唔算厚，咬落香脆，好有台灣的味道～入面仲keep到肉汁，唔錯。👌🏻🟣 珍珠鐵觀音雪糕吐司 $58 🟣原來係香港限定菜式，賣相就好吸引，吐司搭配紅茶雪糕丶鐵觀音雪糕丶忌廉丶黑糖小珍珠，一齊放入口，口感好豐富，正正正！為今餐劃上完美句號！🥰

外賣一杯凍的愛玉鐵觀音檸檬茶，少冰少甜，非常之酸，非常之醒胃，可能我嗌了少甜的緣故，真係非常之酸，而且茶既口感有點「鞋」，總括嚟講係好味嘅，都會想下次再來幫襯，下次可以試吓堂食，點些麵類小食之類。

係東薈城Shopping完就搵美食醫下肚，發現春水堂竟然唔駛排隊，咁就決定食佢啦~ 坐企唔夠3個字就開始多人要排隊，lucky!春水堂必食係魯肉飯，香港有好多台灣過江龍食店，但好多既魯肉飯同係台灣食到既都差好遠，但春水堂既魯肉飯真係同係台灣食既好像，還原度100%!!! $28一碗迷你魯肉飯，睇落好似好細碗，其實都好夠飽，滿滿既肉碎，當中有肥肉，有瘦肉，食落口唔會好乾，mix埋少少甜既肉鬆，加上特制既汁料，唔會過咸，但味道又好夠，真係好好食!同場既香酥雞翼都好好食，炸得好脆但又唔乾，食落香口仲有肉汁，好味道! 份量都唔少，兩個人share食都得!飲品叫左「朱古力珍珠奶茶」，呢杯就有d失望，因為有好多未熔晒既顆粒，所以一路飲一路想咳，雖然味道係好濃，但飲得超辛苦…

去開東港城，想找一個落腳點坐低食個下午茶，見到春水堂，望落好似不錯，又唔使等，於是入去試試！入到去，地方都好闊落，有很多枱，我選了一張角落位置的，打開menu, 有很多奶茶的選擇，非常高興😊！奶茶上放了兩個小餅，鹹鹹地，杯嘢飲呢就甜甜地，配搭都幾得意一路坐，都冇趕嘅感覺，不錯！唯一可惜，我用了某一個電訊商，角落位置只收到一格，想上網都唔得😓。之後亞仔同爸爸一齊來到，職員服務好好，主動提議叫我哋轉到一張較大嘅枱，等我哋坐得舒服一啲！我哋一口氣點了滷肉飯，胚牙奶茶，同埋一個珍珠蛋糕！迷你滷肉飯好好食，價錢又平，好適合做下午茶胚芽奶茶，叫了少冰少甜，飲落去好清新亦都冇咁肥，有茶味！至於個珍珠蛋糕，蛋糕質地比較實，蛋糕面有一啲好soft 嘅cream，仲有珍珠，食落有幾種感覺，都幾得意仲有好多台灣小食好吸引，下次可以試多次！

去完大嶼山郊遊，返到東涌已經7點，落巴士有d肚餓，就不如喺東薈城食埋晚餐先再搭車返屋企。印象中呢個商場有好多野食，不過因為呢幾日太熱氣搞到牙肉腫痛，只好食得清淡d兜咗個圈，醒起呢到有春水堂，可以食碗麵就唔怕熱氣啦春水堂喺台灣就食得多，香港就第2次幫襯，上次喺沙田食。好彩今日唔洗等位，填完資料量體溫就可以入坐menu上好多野都好吸引，特別係鹽酥雞，好耐冇食過，不過今日狀態不佳，唯有下次先叫熱氣野啦功夫麵 $53麵質似上海麵，但比較煙韌，口感好滑，啱哂好怕食淋麵嘅我！麵上面嘅應該係肉燥，香而不咸，亦不會油膩，仲有d冬菇粒，幾有咬口！伴有牙菜同葱，感覺健康d麻辣牛肉麵(半筋半肉） $82友人表示牛肉麵好一般，麻辣唔夠香，而宜成碗麵較多油，幸好，牛肉份量都算多烏龍豆乾 $33有2款豆干，今日揀咗一款唔辣嘅，好鐘意豆干嘅口感，豆干入面都滷得入味，醬汁偏甜，食到有鰹魚碎喺入面，增加鮮味！另外仲叫咗2杯野飲，埋單總共254蚊總體，不過不失，始終不及台灣好味，服務也差很遠，價錢方面，本人覺得有點貴！不過係冇得去旅行嘅情況下，想懷念一下台灣味都ok嘅

食完飯要飲野 我叫咗胚芽奶茶 胚芽既口感不錯 但係唔係度度嘅茶底都咁靚 我記得好耐之前飲過春水堂 係日本福岡飲既 香港飲都係第一次 其實佢嘅茶底係好過好多其他品牌嘅珍珠奶茶 但係今次因為我食飽咗所以唔叫珍珠奶茶啦 我叫微甜走冰 雖然天氣熱但係都唔想飲到咁凍 微甜嘅甜度真係啱啱好 真係唔想飲咁甜 朋友就叫咗杯鐵觀音奶茶 我都飲咗一啖 佢個茶底真係好香濃 下次我都係轉飲鐵觀音奶茶 好似有特色一啲 其實佢有堂食 不過我覺得佢嘅餐比較貴 所以飲杯奶茶算啦 下次先至坐低慢慢食佢既堂食

今日點了雞翼魯肉飯便當，奶茶和招牌豆干。豆干味道很好，跟台北吃過的一樣，但雞翼便當就麻麻地，首先鹽酥雞翼炸得很脆，但沒有鹽味，而且雞翼拼魯肉飯，有點格格不入，配菜有貢丸湯，蔬菜，魯蛋半隻，同埋三片羅白，菜有點生，太硬同埋有菜青味，魯旦，好一般，貢丸湯很普通，所以整個便當沒有驚喜，下次亦不會再叫了，至於奶茶係ok 嘅，

疫情期間無法旅行，更想念台灣味道，來到東薈城春水堂吃台灣菜一解思念😆飲品方面點了珍珠奶茶（微糖走冰），女孩子生理期剛結束，所以不喝太冰的飲料，微糖走冰感覺甜度及溫度剛好，珍珠很煙韌，如果可以選擇波霸就更好了！豬水滷肉便當的豬手非常入味，很Q彈，滿滿的骨膠原。❤️鹽酥雞翼的味道剛好，炸得剛剛好，外層酥脆，肉質很嫩，吃完不會覺得很油膩。御品三寶牛肉麵 的湯很濃，麵的口感不錯，很彈牙，不過個人更喜歡粗麵，牛肉也很入味。總括而言，這次用餐體驗很不錯，喜歡台灣美食的話可以試試喔！😌

今天就是跟女朋友在一起的半年紀念日，既然想念旅行，就要去嘗一嘗不同國家的菜式。春水堂聞說在台灣很有名的，一於決定跟女朋友進入台灣的仙景。等了大約10分鐘，就獲安排座位，但位置是在餐廳的另一邊，在防疫角度下，是好事；但倘若是想點餐，就是壞事，因為有點難找到店員幫忙。最後，點了1）紅燒牛肉麵$822）魯肉飯（小碗）$283）珍珠鐵觀音雪糕吐司$58合共：$184先上紅燒牛肉麵，這是一個半筋半楠的牛肉麵，感覺就是挺好，麵質幾好，頗為爽口，吃下去跟其他名店是有所不同的。湯底則普普通通，喝下去顯然是下了不少味精。牛筋牛楠都頗為爽滑，牛楠肉質好，沒有石頭的感覺，牛筋很好，一個「殊」一聲就把它吞下去。魯肉飯，米飯煮得不好，黏性很大，而且配菜和汁不足，整體配搭不夠，吃到最後只吃了白飯的味道。最後上了珍珠鐵觀音雪糕吐司，價錢吸引，但上枱後覺得圖文不乎，而且賣相不佳，大大舊忌廉絕對是趕客，鐵觀音雪糕是此菜式的亮點，而多士是冷冰冰的，預計是一早烤過，跟侍應所說的「可以即上」是不謀而合，也同時失去了此菜式原有「冷熱交融」的感覺。但這是一個旅程的起點🎊感覺尚可。日期：2021.6.22

終於試到春水堂，我去咗東薈城嗰間，鋪面偏細，我都排咗一陣先有位～紅燒牛肉麵 (半筋半肉) ($82)個湯好濃牛肉味，第一啖有少少驚豔！我鍾意佢用幼麵，索晒啲湯好入味！可惜啲牛偏硬，肉味唔算好重，有點失色～鹽酥雞翼魯肉便當 ($92)雞翼炸得幾香，入面仲保持到肉汁，夠滑！魯肉飯入面嘅梅子中和咗魯肉嘅膩感，咸咸酸酸，唔覺唔覺食咗好多飯～配埋肉丸湯，貢丸夠彈牙，冬菇味夠香～珍珠鐵觀音奶茶 ($31)鐵觀音味好濃，又有我鍾意嘅細珍珠🧋，好滿足😌環境﹕7/10抵食﹕7/10味道﹕7/10回頭指數﹕7/10

✅ 紅燒牛肉麵 ($82)麵係比較幼 掛湯! 麵質唔錯 湯底牛肉味香濃 不過有啲筋難咬開-➡️ 滷肉飯 (小) $28細細碗啱啱好 除咗滷肉仲有肉鬆! 不過滷肉份量唔算多最後有淨白飯 就配滷水拼盤-✅ 滷水拼盤 ($78)牛筋 > 牛肚/大腸. 拼盤入邊嘅牛筋比起牛肉麵入邊嘅林好多 好入味!-✅ 鐵觀音珍珠奶茶($34) 出色 珍珠偏細粒, 夠煙韌! 茶味好香-🦁 春水堂銅鑼灣希慎廣場｜太古城中心｜旺角雅蘭中心｜尖沙咀美麗華商場｜觀塘apm｜沙田新城市廣場｜馬鞍山新港城中心｜東涌東薈城名店倉🦁 人均消費：$140 ｜推介：❣️❣️❣️❣️/5