春嬌越南河

營業中

休息中

今日過嚟呢邊睇醫生，諗住簡單食個河，越南河無死啦，叫左個雞絲扎肉河，一上黎聞到個湯味已經心感不妙，佢地無主動拎青檸辣椒仔，問佢地先俾，加完個湯勁淡無味，唔似平時食開嘅湯底，加埋魚露都好難食。唔明點解扎肉係出面叫貨都可以咁難食，一陣臊味，雞絲完全食唔出係雞肉，真係未食過咁難食嘅越南河，結果58蚊食左2啖河粉走人😵‍💫😵‍💫

坑口係美食荒漠想食東南亞菜係難上加難尤其係越南河基本上係好難搵到平時經開將軍澳都好少會入呢個商場但係估唔到佢入面有呢間都幾出色嘅越南河食入到去諗都冇諗就叫咗佢最出色嘅越南河食呢個河粉係乜都有所有佢哋牛嘅部份都有仲有一舊花膠牛骨湯湯底非常濃郁而且上枱時熱辣辣忍唔住一口接一口食食物整體嚟講唔錯越南咖啡味道一般有啲似即溶咖啡加冰下次會飲其他係呢個坑口美食荒漠入面搵到一間食越南河OK嘅地方真係好難下次口痕會再過嚟幫襯入到去坐嗰時 都係冇乜人算係坐得舒服

係明德商場 唔係特別平 50-60蚊lunch包飲品 可以揀綠茶/龍眼水 其他加錢揀左熱龍眼水 走甜 好多龍眼肉 正常ok志明咸滑肚雞湯粉 ($68)可以揀河粉/金邊粉/檬粉 我揀左金邊粉份量好多 軟硬度適中 都ok咸雞都算大份 有雞胸雞翼 咁都對得住個價錢咸咸地配粉食岩岩好 成個Set正正常常做尖人士可揀嘅健康之選😂

見到open rice 嘅評價都幾唔錯 就襯lunch 嘅時候試下啦 點知個湯碗無咩味，既無牛骨味又無魚露味，香料味都無咩。亦唔會俾香草/青檸/辣椒，同出面其他牛肉河差好遠…

閒日中午時間入座時，連埋我自己都唔夠五個人。等到餐廳滿座時，大部份人都食緊，我的食物仲未到。後來才發現比我更遲入座的客人食緊同我同一款的食物。好明顯係比錯咗隔籬枱。追單後仲要親眼睇住待應再一次將我碗野俾錯另一張檯，該檯客人話唔係佢哋嘅之後先再拎返過來俾我，極之唔衛生。食物質素一般，附近大商場的喇沙雖然貴少少，但更正宗，亦都未試過連續兩次比錯食物隔籬枱的經驗。考慮到地點唔就腳，同埋服務質素，下次一定唔會再去呢間食

⭐️ 春風得意去品春嬌！今次我食咗家越南菜，入口第一感覺就係「正」！🍜首先敲碗要講吓佢啲牛肉粉，講真，湯頭好夠鮮味，呢啲牛肉軟嫩入味，啲湯喝落去，真係有種暖笠笠嘅感覺。啲粉條滑而唔糊，完美陪襯住啲牛肉。🍖 話說返串燒肉，店家幾有講究，炭火嘅香味悶入肉入面，一啖咬落去，外層微酥，內裏多汁。試完啲肉，又幾得意，感覺食到啲炭香，但一啲都不會乾身。🍚 嚟講吓佢啲招牌綠咖喱雞飯，一開始份量睇落已經好「澎湃」，咖喱味道香濃得嚟又唔膩口，雞肉煮得啱啱好，唔會過火。佢哋啲飯粒飽滿又彈牙，真心覺得呢個組合又得意又過癮。環境算係幾舒服，啲裝修簡潔典雅，非常有越南風情。同朋友坐低傾偈嗌啲小食，個晚上就咁愉快咁過去。下次再約埋其他朋友一齊嚟品嚐其他美食啦！🌟

*:.｡. .｡.:* 春嬌-將軍澳（坑口）*:.｡. .｡.:* 今次同Kik 先生搵食搵到去坑口屋邨商場😅😅（只係咁岩去果邊做野）。我地揀左一間乾淨企理嘅越南餐廳。入到餐廳姐姐都好熱情招呼我哋，態度好好👍🏻✨ 招牌春嬌火車頭✨（花膠、生牛肉、牛腩同牛丸）花膠雖然唔係靚野但唔會係膠到一個點，咬唔爛，入味👍🏻牛肉&牛腩 好淋身。湯底無咩牛骨湯味但唔係死鹹。✨炸雞翼喇沙河✨喇沙湯底比較稀但唔影響味道。炸雞翼有3隻，炸而不油，食落仲feel 到個調味料甜甜地，勁鐘意食😍😍

8點左右入去一坐低就話要快啲落單準備收工，咁就嗱嗱臨叫左個喇沙咸雞金邊粉同生生肉金邊粉，之後食到一半，店員又佢話要埋數，所以要埋單先已經覺得比人催住晒，食得好唔舒服咁不如一早同我地講收舖，叫我地唔好入黎食😑之後到上菜，咸雞好生，有啲腥同侍應姐姐講咸雞未熟佢竟然話啲客中意食生啲，太熟d肉會鞋口之後見我拎部電話出嚟佢即刻話幫我收起佢真係怕左呢間野，結果好冇癮8點半左右就好趕急咁食完走人，其實趕收工都唔應該係咁掛？

今日路徑將軍澳明德邨這個屋村商場，剛好是下午茶時間，見有越式食品做下午茶的餐廳，便入去試一試下午茶。見款式也不少，有牛骨湯粉、牛肉飯、豬扒飯又有配豬扒、雞扒或牛肉的脆脆豬包。飽肚和輕食的都有，各式其色。價錢不貴，是少有將軍澳平價越式下午茶今日不是太肚餓，叫了牛肉包。個包都幾大，真的脆口。牛肉十分入味，醬汁很多，有大片生菜，能調和牛肉的重味，算是做得不錯。餐飲比較特別不是一般的檸茶檸水咖啡，而是熱龍眼水或茉莉綠茶，龍眼水偏濃味有很多龍眼肉，有滋潤清熱的效果值得一讚的是這間小店的侍應很有禮貌，待客以誠👍🏻

啱啱落車就睇到啲食肆標誌寫住「春嬌」，行入去先知原來係間叫「春嬌泰式料理」嘅餐廳。睇咗菜單，見到佢哋有唔同款式嘅粉麵同埋米線，就揀咗啲都係泰式嘅粉麵。等咗幾耐先嚟嘅菜，仲係冇啦啦嘅樣，食落去味道都好出色。不過，有啲菜色還是值得推薦，尤其是佢哋嘅咖喱雞同炸蝦，味道幾好。啲菜色嘅份量都幾大，食得好飽。不過嘢食完之後，就覺得好懊惱，因為啲價錢有啲貴咁。

✨春嬌（ू•‧̫•ू⑅) ⁡🎀 <招牌春嬌火車頭> 𝚁𝚊𝚝𝚒𝚗𝚐: 𝟼/𝟷𝟶⁡招牌生牛肉望落咩都有所以望到menu就點左生牛肉以外 有牛腩花膠同牛丸花膠有一大塊其他大概有兩件牛腩係一薄片同想像中有落差湯比較清淡整體不過不失⁡🎀 <香茅豬扒撈檬> 𝚁𝚊𝚝𝚒𝚗𝚐: 𝟻/𝟷𝟶⁡豬扒味道可以但薄咗少少肉質如果更軟淋會好檬粉份量多甜甜酸酸嘅撈檬汁好開胃⁡🎀 <河內生牛肉湯檬(走葱)> 𝚁𝚊𝚝𝚒𝚗𝚐: 𝟻/𝟷𝟶⁡湯底偏淡牛肉唔算好多性價比一般⁡🎀 <越南炸春卷> 𝚁𝚊𝚝𝚒𝚗𝚐: 𝟻/𝟷𝟶⁡春卷有細咗少少但香脆食完有少少油膩感加生菜食會較合適⁡🎀 <牛肉串燒> 𝚁𝚊𝚝𝚒𝚗𝚐: 𝟼.𝟻/𝟷𝟶⁡串燒味道幾好食越南菜必叫⁡整體評分：😋味道: 5.5/10💰價錢: 人均約$70⁡*☼*―――*☼*―――*☼*―――*☼*―――*☼*💖 春嬌 📍將軍澳培成里10號明德邨明德商場地下4-6號舖📞 (852) 2833 2180⁡⁡ ⁡⁡

用外賣app叫外賣，今日想食生牛肉湯河。佢有河粉 檬粉 金邊粉 選擇。其實我唔知金邊粉同河粉有咩分別，諗住金邊粉只係幼身既河粉，就叫左黎試下。一食 到d 金邊粉好硬身，完全冇食牛河果個軟滑感。然後再飲啖湯，冇味既。我即刻上openrice 望下d 人comment 話咩清甜，真係清甜架，清到好似水咁。平時食開第二間係可以不停一啖接一啖咁齋飲啲湯，依間真係飲左2啖湯，食左2啖麵，完全已經唔想再食成碗掉左。然後亦唔去講d 湯唔夠熱搞到我d 牛仲好生 (佢已經有煮左少少，不過我覺得可以再熟d d, 始終放賣d 湯唔保證仲keep 到好熱）

泰式料理-個人餐🍴🍴泰式料理一直都給人一定要多人用餐不然會吃不完不知道怎麼點的印象。現在推出這種類似簡餐的方式覺得也不錯小家庭也很適合！環境也乾淨那天平日中午用餐座無虛席，讓我很意外。點了🌱綠咖喱跟糖醋卻克雞👍🏻以價位算是符合期待喔！

春嬌火車頭 熱龍眼水牛肉丸好食，好彈牙，重牛肉味！花膠好大條，好入味好冧！另外有好多洋蔥同芽菜，好岩連河粉一齊食。不過生牛肉就“鞋”左少少，而牛腩係入味既，但即使係薄身依然好韌。下次應該會試其他口味。我見好多食客都會叫喇沙，有機會試下！

去開明德商場，順便試吓呢間餐廳先。-🥢招牌春嬌火車頭湯檬$69｜內有花膠、生牛肉、牛腩同牛丸。少見火車頭入面會有花膠，即刻叫嚟試試～花膠約莫有兩嚿，吸咗湯底嘅汁，爽口。如果唔想牛肉太生，仲可以揀定「熟啲」，不過其實牛肉薄切，嚟到都會熟得七七八八。🥢香茅豬扒河粉$58｜豬扒分碟上，唔怕影響到碗粉嘅味。豬扒一共有兩件，唔多骨，啖啖肉，實夠你食實成碗粉。🥢脆炸米網蝦春卷（4件）$34｜蝦春卷以米網包住脆炸，咬落脆卜卜。用生菜包住嚟食，中和一吓罪惡感先。☕️而飲品就揀咗玫瑰茉莉花茶，不過不失。想飲特飲嘅話可以叫返椰汁冰/越南咖啡～-用手機scan code自助落單-初頭以為係屋邨商場小店，不過原來銅鑼灣都有店。