春嬌越南河

營業中

休息中

好耐冇黎過明德商場，原來呢度裝修過晒，成個感覺麵唔同晒，多左好多餐廳進駐😮苦惱左一番決定食越南嘢-🇻🇳春嬌🛶餐廳環境寬敞，每張檯之間有一定距離，唔會太迫👍🏻🚂春嬌火車頭湯粉（檬粉 / 金邊粉 /河粉）（$68）火車頭湯粉入面有牛丸、牛肉等等嘅材料，竟然仲有大大塊嘅花膠，真係第一次食，岩晒啲有選擇困難症，咩配料都想食到嘅人🤣佢嘅湯底亦唔會太鹹，食完唔會好似出面餐廳咁口渴，而且$68大大碗，又足料，好抵食✌🏻🥬生菜包九層塔豬肉碎（$58）泰式生菜包就食得多，越南口味嘅生菜包就真係第一次食，豬肉碎用左九層塔、辣椒同秘製醬汁去炒，食落辣辣地，好惹味😋🍤越南脆炸蝦餅（ $46 ）炸蝦餅彈牙，唔會太油膩，配埋泰式辣醬，正！🫔脆炸米網蝦春卷（四件） （ $36）春卷皮薄，入面包左越南春卷常見嘅蔬菜作餡料，炸得鬆脆、香口總結：越南粉麵大大碗，又足料，性價比高，價錢平民🙂

終於到Happy Friday， 同朋友搵間餐廳，近近地食，可以早啲休息迎接週末~呢個商場人流比起坑口其他商場靜，入面都有唔少餐廳，所以都好容易搵到位。今次我哋想食東南亞菜式，所以就試食春嬌。呢度係自助用App點餐，簡面介單易用，可以慢慢睇有咩想食，員工好有效率，我哋落單冇耐，飲品已經到啦，食物都陸續送到，等候時間好短。招牌春嬌火車頭好足料好大碗，有一個人真係食唔哂。有大量蔥花，洋蔥、牛丸、豬肉等等，好大片，最緊要有用熱湯盪熟嘅牛肉片，如果湯底上多下苦心，更加正宗就好啦!另外我哋都試咗d小菜，生菜包九層塔豬肉碎，加入各式嘅香料炒，好惹味，食唔停口，好有驚喜而且生菜好新鮮，令唔鐘意生食菜嘅朋友都肯食。春卷炸得好脆口，新鮮滾熱辣。蝦餅就正常表現啦~龍眼冰好足料，有1/3杯都係龍眼肉，開心~見到有唔少人介紹燒春雞，可惜賣哂，下次嚟到一定要試下!

平時都比較少黎呢頭，咁岩去完將軍澳政府綜合大樓，就近近地黎到隔離既明德商場覓食。春嬌裝修幾有越南風情，唔洗等位，價錢又相宜，就咁決定啦！用QR code落單，選擇都算多，仲有唔同特飲揀。<椰青> $34新鮮，多果肉，椰汁水甜甜爽爽，正！<牛頂湯蘿蔔浸小棠菜>$48好大份，牛湯幾濃，如果蘿蔔再熟D入味D就好啦！<春嬌豬肉粉包> $34本時食開D粉包都係菜多海鮮多，今次試呢款爆曬豬肉碎，都幾特別！<菠蘿肉鬆炒飯> $78超大份呀！三個人食都夠，絕對係窮人恩物。炒飯粒粒分明，幾鍾意佢加左豆角，口感好豐富，係菠蘿少左D。試左咁多樣野，飽到抱肚，但最後埋單200蚊都唔洗，侍應又有禮貌，食物質素都唔錯，黎開政府綜合大樓呢頭都絕對值得試下！

美味的越南🇻🇳食物，將軍澳坑口新開嘅餐廳，今次你試吓晚餐，晚上六點多，餐廳唔使等位，環境幾舒服，座寬闊而且食物種類多，價錢都相當合理。菠蘿肉鬆炒飯$78菠蘿同肉鬆份量夠多，炒飯夠爽口，味道亦都唔錯，飯份量好大非常夠飽㗎。雞絲扎肉河粉$52越南湯河去名菜，湯底味道好，河粉又滑又多，估唔到呢度嘅食物咁大件。春嬌豬肉粉包$34一份有四件，新鮮出爐皮又滑又好食，夾埋入邊嘅肉真係絕配，呢個價錢餐來講相當抵食。珍多冰$14好味嘅椰汁冰配上唔同顏色嘅啫喱。話梅鹹檸七$14解渴消暑有啲酸酸甜甜嘅消滯感。

今日喺下午茶時間黎到春嬌食越南野😋Scan QR code就可以自行落單😀食左好多野，好飽，埋單都只係$224，超抵食！😋😋😋1. 生菜包配香烤牛肉同泰式肉碎不同味，呢種係類似甜烤肉醬味，好惹味😋😋😋2.招牌洋蔥扎肉脆豬豬麵包烤得幾乾身+脆，入面既醬汁同扎肉洋蔥好match，幾juicy😀3.跟餐加配迷你烤牛肉金邊粉絕對唔迷你！好抵食！湯底味道幾好，有牛味。4.春嬌豬肉粉包似腸粉包住d肉，外皮幾彈牙，但稍為太多油。4.春嬌火車頭金邊粉（湯粉加底）好大碗！又足料！😋有牛丸、牛腩、牛肉、花膠同勁多金邊粉！😋5.餐飲：熱龍眼水、凍百香果茉莉茶真係有龍眼肉同百香果☺️好消暑😀總括：好抵食！好飽肚，味道都唔錯👍🏻

其實好鬼鍾意食越南野…有時經過見到越南餐廳都會想試下。而呢間野係坑口附近…咁啱經過望下價錢唔貴就貢入去試下。越南粉我一定點火車頭…貪佢乜都有(牛肉…牛柏葉…牛丸)。而呢度好特別竟然有舊花膠…見$68咁抵就試下…加多兩個小食…網紋春卷…同蝦餅…碗粉黎到個樣唔錯…夠多青😂😂…仲有洋蔥添。牛肉都幾有肉味…牛丸同牛柏葉都幾爽…講下舊花膠…都幾大舊下…又夠咬口…呢個價錢真抵食。一定要提下個湯…味道幾濃又夠清…最緊要係好夠熱…好耐無試過咁熱既越南粉網紋春卷都唔錯…幾鬆化…蝦餅ok喎…呢度蝦餅一塊過切件…幾香蝦味同彈牙。唯一可以改善係春卷應該配甜魚露…呢度就俾左泰式醬(應該係…除非唔係🙂)野飲就點左鹹檸七同話梅鹹檸七…呢個就正正常常啦樣樣都ok最緊要價錢唔貴…而且姐姐服務唔錯春嬌

作為將軍澳嘅街坊當然會鍾意喺社區入邊捐窿捐罅尋找美食呢日想食得清啲所以就去左一間越南餐廳食粉🍜.🌟春嬌火車頭金邊粉 ($68)平時為食嘅我樣樣餸都想食 所以就點左最多餸嘅火車頭😋令我地最震撼嘅係有一片好大嘅花膠😳花膠腍得黎又彈牙 食完都覺得養顏而且呢度嘅牛丸味道同平時食開嘅唔同我覺得味道比較新鮮唔少得就係仲有大大片薄切生牛肉 真係好豐富 🤪.🌟生熟牛肉湯檬 ($57)生熟牛肉粉係另一個出名嘅越南菜式熟牛肉黎講覺得有少少韌 但係好有牛腩味而生牛肉亦都係同火車頭一樣 而且亦都唔算好生湯底好清甜 有需要仲可以加入枱面調味架嘅辣椒醬或者魚露餐廳仲特登配埋青檸等客人按自己喜好加入 真係好有心思🤓.🌟生菜包配香烤牛肉 ($58)呢個生菜包真係好出色 令人食唔停👍🏻牛肉落咗好多香料去煮非常惹味 之後再用生菜包住食感覺得好清新 完全唔油膩而且份量都幾多 係抵食之選.🌟越南脆炸蝦餅 ($46)蝦餅好有鮮味🍤 而且外型都同我想像中唔同原來係一大塊蝦餅切成一片片 蝦餅加埋甜酸醬味道更好.餐廳好闊落 而且座位都算幾多亦都用上好有越南特色嘅三角形帽做裝飾而且落單係用QR code 非常衛生同方便📱食粉通常會有

左住將軍澳的朋友介紹一間越式餐廳，餐廳位於明德商場內一個不顯眼的地方。被疫情下終於禁不住要出動搵食地方不難找，商場座落於屋苑停車迴旋處旁，商場面積不大，所以很快就找到，而且餐廳面有很大以及亮眼的招牌餐廳佈置簡清潔乾淨，餐枱擺設很闊落，防疫措施也非常嚴謹，令人十分安心於餐廳用膳。牆上也簡單掛上一些越南裝飾，非常有心思。餐牌款式有很多，很適合不用人仕，男女老幼。頭頂這個燒春雞以及椰青都非常吸引。由於我們一行二人決定：泰式香草燒春雞香葉肉碎炒飯一個椰青先上椰青，很大個，足夠兩個人分享，第一口飲就感到透心涼，而且有別於平時超市的椰青，這個椰青非常清甜，充滿椰香，椰味直衝味蕾，非常推薦香葉肉碎炒飯一上枱就香氣撲面，食落飯面乾身一粒一粒，非常夠鑊氣，濃濃的香葉味解除左炒飯的油膩感，兩者相得益彰。另一主角泰式香草燒春雞配薯條，春雞體型適中，適合二人分享。提供刀叉及手套以方便食客而且有四樣調味供食客各自選擇，分別有泰式辣醬，茄汁，青檸，檬汁。燒春雞新鮮燒起，皮脆肉嫩，仲有一陣炭燒味即使雞胸都很嫩滑，不用沾醬汁都很入味，當然燒雞個人喜歡配搭泰式辣醬，無得輸最後清晒枱已經很飽，但胃食既我當然連椰青肉也不能

係將軍澳食飯而家多咗好多選擇，今日去咗坑口明德商場，個商場裝修完冇幾耐，環境好新。正門入去過咗百佳，新開左一間越南餐廳，見到價錢都幾平民，一於入去試吓😊叫左一碟「沙嗲雞肉串燒$42」啲肉好冧，唔會燒到好乾，食到個醬好香花生味，有誠意👍🏻「招牌泰式芋頭粒臘腸粒炒飯$78」鑊氣一流，估唔到咁好食，加咗肉鬆去炒好惹味，鹹香嘅臘腸配粉粉地嘅芋頭，口感一流😋晚市冇套餐，我地另外加咗一杯「越南煉奶咖啡$28」，別有一番風味，個人覺得甜咗少少，下次再嚟飲一定要嗌少甜😙兩個人食唔到幾多野，啲飯又好大碟，要下次再嚟試埋個生菜包😍

今日黎坑口探朋友, 介紹左呢間向明德商場內既貼地平民越南餐廳,  用二維落單好方便,  食物好快就黎到. 🥤椰青$38: 好大個好清甜好抵飲🍹咸檸七凍+$12跟餐: 已經包裝好感覺好乾淨, 更適合外賣唔怕漏🍜肉絲扎肉金邊粉$52: 最愛扎肉好爽, 加埋金邊粉, 正呀 🥢豬肉粉包$34: 有四件, 粉皮薄唔痴牙, 一啖一個好好味 🐤越式香茅雞翼: 味道岩岩好, 肉質唔會好乾好鞋埋單都系$184, 真心抵, 絕對系堂食或外賣既好選擇.下次要試下$98春雞配薯條🐥🍟

竟然今日食到一間性價比極高的越南菜！喺坑口明德商場其實都有唔少餐廳，行過春嬌見到主打越南菜式，突然間都好想食，所以就同朋友一齊入店try try! 餐廳環境寬敞舒適，雖然裝修不華麗，但感覺很實在，每一款食物價錢合理，店員亦都好有禮貌！越南脆炸蝦餅$46蝦餅超大塊切開一件件，香脆可口。鮮蝦味道濃郁，十分彈牙。上面更有非常多的香蔥和炸蒜，增添惹味。生菜包烤牛肉$58平時食生菜包主要食豬肉，見佢有牛肉選擇就試吓佢。賣相雖然黑蚊蚊，但估唔到味道又唔錯。調味非常濃郁，配上爽脆清淡的生菜，夾埋食不用醬汁已經好好味!鴛鴦蝦春卷金邊粉 $48春卷呈網狀，外皮十分香脆，炸得真係唔錯。金邊粉爽滑，湯底夠清甜，加入超多炸蒜和香蔥，香氣十足。越式香茅雞翼 $48香茅味不算太濃，但雞翼外脆內軟，雞肉有肉汁不乾身，調味剛好，咸甜得宜。

應承咗表弟仔放暑假會帶佢出去吃喝玩樂, 今日近近地就去咗佢屋企附近簡單食碗粉麵。呢間係越南粉麵餐廳, 入面嘅裝飾佈置都偏向越南風。scan QR code自行落單, 每款食物都有參考圖片, 非常清晰。【春嬌秘製燒春雞配薯條】HK$98即叫即燒, 雞皮燒得乾身脆口, 香草味很突出, keep到肉汁, 只係雞胸鞋咗少少。配有甜酸醬、泰式辣汁、茄醬、青檸做調味, 再有薯條伴碟, 好飽肚。粉麵類可自選走芫茜、蔥、芽菜、蒜、洋蔥、花生等配料, 再揀想要嘅粉麵款式, 湯底幾濃牛味, 初嚐味道清香, 食到尾就鹹咗d。而每次食越南粉麵都定必食生牛肉【河內生牛肉河粉】HK$55雖然只有兩片牛肉, 但都幾大塊, 有些少厚度, 粉嫩色牛肉片被熱湯底慢慢浸熟, 有肉香, 但唔算嫩口, 加咗大量不同調味料, 整體食落很有香葉、蔥、洋蔥味道, 清香可口。【香茅雞翼河粉】HK$55即炸嘅香茅雞翼外皮酥脆, 肉質juicy。

春嬌越南餐廳酸辣鳳爪沙律 $52好爽脆！調味岩岩好，酸帶辣！好清新！牛肉串燒(3串) $42牛肉唔會太乾身，都多汁！再配上好足料既花生醬，東南亞既感覺返晒黎！越南脆炸蝦餅 $46份量好大份！整得唔錯，上面仲有d薑蔥蓉，呢個配搭幾特別！馬拉盞炒時菜 $48好香口好有鑊氣！馬拉盞味好出！春嬌火車頭河粉 $68好食！個湯底唔會味精感太重，好足料，有牛丸、牛肉、牛腩，仲有一大塊花膠！好夠飽，河粉好滑口，唔會一夾就碎！咸滑雞撈檬 $59份量都好足！咸雞一大碟分上，醃得好入味，雞肉好淋好嫩滑！撈檬配料都好足，成件事好清新消濟！脆炸米網蝦春卷(4件) $36呢度d炸野幾出色，食得出即叫即炸，好夠熱同脆口，入面d料都好多！既隻米網無春卷皮都飽肚！都唔錯！椰青 $32越南既感覺返晒黎！好清甜好解渴！相當消暑！話梅咸檸七 $8好解渴！配越南野一流！位置有d入既小商場，但整體性價比幾高，抵食味道唔錯！

𝒱𝒾𝑒𝓉𝓃𝒶𝓂𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝑒𝓊𝓃𝑔 𝒦𝓌𝒶𝓃 𝒪餐廳好似係新開既，野食價錢唔貴，見到唔少人買外賣。可以電子落單，靜靜地坐得幾舒服，𝘊𝘗 值高。🌟馬拉盞炒時菜 𝗕𝗲𝗹𝗮𝗰𝗮𝗻 𝗙𝗿𝗶𝗲𝗱 𝗩𝗲𝗴𝗲𝘁𝗮𝗯𝗹𝗲𝘀 ($𝟰𝟴)雖然話只係炒菜心🥬，賣相都幾平實，但我覺得係全晚最好既(真係冇誇張😳)。佢既菜心真係好嫩同冇渣，而且馬拉盞應該係自己整，勁香。菜上面加左大量炸蒜，蒜味同馬拉盞勁夾，完全帶出左菜既鮮味又唔會好𝘰𝘷𝘦𝘳。讚!👍🏻🌟志明咸滑雞湯粉 𝗦𝗮𝗹𝘁𝗲𝗱 𝗖𝗵𝗶𝗰𝗸𝗲𝗻 𝘄𝗶𝘁𝗵 𝗣𝗵𝗼 ($𝟱𝟵)滑雞真係名副其實，🍗肉質好滑，而且好開心佢比左雞髀位我，啖啖肉。不過就略嫌少少肥，但連埋個檬粉食就剛剛好。湯檬份量都幾大碗，檬粉好滑同埋夾起黎唔碎，湯就加左蒜、芽菜同埋我至愛既蔥花 (🤪大量)，清清地配埋雞食幾好味。🌟泰式香草燒春雞配薯條 𝗧𝗵𝗮𝗶 𝗥𝗼𝗮𝘀𝘁 𝗦𝗽𝗿𝗶𝗻𝗴 𝗖𝗵𝗶𝗰𝗸𝗲𝗻 𝘄𝗶𝘁𝗵 𝗛𝗲𝗿𝗯𝘀 𝗮𝗻𝗱 𝗙𝗿𝗶𝗲𝘀 ($𝟵𝟴)燒春雞係即叫即整，所以等左一陣。上碟時用一個好越式既碟裝住，雞既表面烤得焦香，上面舖左好多炸蒜，仲配埋薯條。打卡好靚。雖然係春

最近係屋企附近個商場翻新咗 ，之後開咗間越南餐廳，今日就同朋友去試試🍗燒春雞配薯條🍟 $99依個會等得耐啲因為係即叫即整上枱個陣係熱辣辣塊皮好脆，再配埋佢個汁食一流雞有少部分比較老但整體隻雞做得唔錯🍝招牌春嬌火車頭 $68依碗粉勁多配料有花膠 牛肉 牛腩 牛丸牛腩大大舊 肉質嫩滑牛丸又彈牙 爆汁而花膠大大舊 吸曬個湯嘅味勁好食😋🫔越式炸春卷 $34同樣地都係即叫即炸皮薄脆口🧋椰子冰 +$12勁濃椰子味用足料🤤👍🏻味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻回頭機會：👍🏻👍🏻👍🏻👍🏻👍🏻#人總有一飽今餐我最飽！😋📍 春嬌 (將軍澳)將軍澳培成里10號明德邨明德商場地下4-6號舖