春嬌越南河

營業中

休息中

🕰️用餐時間：18:45-21:00 👥人數：2人餐廳為漁民裝潢，店內寬敞，適合兩三人聚會；食客不多，可以隨意落座~春嬌豬肉粉包 (4件) ($34)一放入口，熱辣辣的，非常可口，粉包皮薄但十分煙韌~ 豬油汁超香~生熟牛湯檬 ($57)兩種牛，生牛肉身嫩嫩，熟牛脂肪多、牛味濃，而本人偏好生牛肉~ 十分欣賞他們的配料份量 泰式香草燒春雞配薯條 ($98) 以這個價錢來說，隻春雞算「大大隻」，薯條都挺多；春雞的炭燒味很濃，肉很鮮，另有不同配汁~

今次去搵朋友食飯,佢帶路,去左呢間小店坑口屋村入面商場的一間小店,裝修幾好,成個商場都無幾多間餐廳呢間都幾受歡迎,係門口睇完餐牌就決定去食佢有個招牌推薦菜式係燒春雞配薯條 要焗20分鐘,反正未肚餓先叫左一燒雞一隻,再落單叫左一碗越南河粉,選最貴個款有齊牛腩片肥牛,肉丸,一整片花膠,都係68,加底12蚊,超大碗湯湯鮮甜夠香氣,牛肉彈牙有肉汁,粉可選河粉或金邊粉牛腩厚切肉味鮮濃,小店黎講有水準,自助下單不收加一服務燒雞約20分鐘上菜,配一份即炸薯條,一隻炸雞,上菜時仍然散住熱氣攤凍套膠手套手撕雞或用刀開半食都得,雞皮好薄好香脆,肉算多,仍有肉汁,配埋特製既辣汁食更滋味將軍澳培成里10號明德邨明德商場地下4-6號舖

呢間叫春嬌嘅泰式料理🇹🇭夜晚去到都唔算太滿座，好好彩唔使等就有位。入面空間寬敞，坐得舒服，啲裝飾同燈都幾有feel，至少影出嚟都算有少少異國風情😙🐓泰式香草燒春雞配薯條（$98）作為一個鍾意食雞嘅人類，可以叫到大大隻（而且完完整整，任我切）嘅雞真係莫大喜訊。認真咁講啲雞肉好新鮮嫩滑，外皮烤得脆脆哋口感一流。薯條唔會太油，直身唔淋感覺非常爽朗。整體嚟講呢味餸非常jeng，夾硬搵嘢彈下應該就係食完會覺得好罪惡咁啦🥰🍛招牌芋頭臘腸粒炒飯（$78）雖然係泰式餐廳但好得意地，第一啖食落口我首先會諗起過年嘅感覺——芋頭、臘腸、炒飯——不禁令我聯想起某啲典型中式小菜，繼而食出一份難得懷舊嘅親切感，加上碟飯真係超大超大開頭好驚食唔曬，但又真係好好食，最近都係因為快樂嘅時光過得特別快之類嘅道理不知不覺就食完曬，正😚🥤🍹飲品方面我就叫咗椰汁冰同百香果梳打，兩杯嘅質素都幾高，椰汁冰甜度適中，椰汁味香濃，而百香果梳打都充滿新鮮嘅百香果味，喺夏天悶熱嘅日子飲返杯都真係幾爽🤩

我就係志明！🤓1. 泰式燒春雞 $98燒到好靚 個皮幾脆 少少燶燶地香香地咁 入面啲肉汁鎖住左 所以唔係太乾 隻雞髀幾滑 點啲泰式泰醬好惹味 個薯條熱辣辣 十分香脆2. 燒豬頸肉 $62都幾大塊 一碟大概有8-10塊 燒得好香 咬落唔會嚡熠熠 幾有咬口 唔錯3. 馬拉盞炒通菜 $48呢個價咁大碟 十分抵食 馬拉盞味都幾出 少少辣 炒嘅火喉啱啱好 賣相青bb 唔會太老 送飯一流4-5. 珍多冰/椰汁冰 半價好特別 佢加左焦糖做底 所以唔會淡 成杯都好濃椰汁同焦糖味 珍多冰只係多左啲綠色嘢咬 個底係一樣味Overall推介指數：4/5整體都抵食 三樣嘢兩個人已經食到好飽 如果想試抵食嘅越南嘢 可以一試

春嬌 (將軍澳)餐廳位於明德商場裏面，距離地鐵站有啲遠。餐廳主打越南菜，有出名嘅越南湯河、小、飯同飲品。價錢唔算貴，大約$60左右，下午茶同午市嘅價錢比較平同抵食啲。。河內生牛肉河粉 $55越南最出名嘅都係湯河，面底有得揀河粉、檬粉、金邊粉或者撈檬粉，我哋都揀咗河粉。一嚟到就見到上面鋪滿洋蔥、芽菜、蔥仲有西檸。洋蔥食落仲有啲辣，蔬菜增加左面食嘅口感同味道。湯底清得嚟又有種香味。有幾塊生牛肉，嚟到嘅時候仲有少少生，可以用湯浸一浸熟佢先食，所以食落都幾嫩。。生熟牛肉河粉 $57呢款比起生牛肉河粉，仲多咗一款熟牛肉。類似牛腩咁嘅質地，味道方面唔係差好遠。。内麻香手撕雞 $60份量比想像中細碟，手撕雞上面有大量花生碎，而且個醬汁好辣，食完要即刻飲嘢。建議如果係咁辣嘅話，應該要喺Menu寫返。。話梅咸檸七（凍）$14椰汁冰（凍）$12每一樣主食都可以半價加配飲品，仲有椰青。鹹檸七就比較清爽，七喜底再加上話梅梅同咸檸檬。椰汁冰嘅椰汁味好濃，飲到底都仍然有好重椰香味。📍 將軍澳培成里10號明德邨明德商場地下4-6號舖

其實我係附近做facial🤣我主動問美容師附近有咩撈檬或湯麵食佢毫不猶豫地答我：春嬌店舖名絕對引起我既好奇心😗下午茶時段去到只有三四枱客人🤣由於美容師力推佢既香茅豬扒餐牌睇左唔夠十秒就決定要碗香茅豬扒湯金邊粉啦😋豬扒係另上既，至少唔會令碗湯麵咁油呢個的確好抵讚😆老實講 香茅味真係唔多覺不過好似越式既豬扒都係咁上下反而係甜甜地 似馬來蜜汁咁😋稔得黎又要啅下 唔係鬆到好似落左好多鬆肉粉咁口感好唔錯😝但就真係油膩左啲🤣好似搽左唇彩食完成口都好油其實我鍾意食湯檬多啲唔知做咩嗌左金邊粉🤔比較硬身啲 但份量多 好夠飽😌海量配料 食落無咁單調

本來幾鍾意呢間餐廳，吾算話好好食，但都可以接受，價格相對鄰近東港城的東南亞餐廳咖池平宜，唔耐都會幫襯。但最近買左个下午茶豬扒包set, 就超級失望……本身个包已乾乾地，林林地……唔係餐牌寫既脆豬，味道就同美心的豬扒包差唔多，豬扒唔算大，不過$32連飲品算係咁上下不過，最差係，竟然食食下咬到塊骨………差d咬崩牙，大佬，無念過會食到骨……崩左隻牙係咪可以claim...厨房前期功夫很差，應該係切骨時切唔清……咁既低级錯誤，接受唔到

「粵式炸春卷」酥脆好食，外皮好薄附有甜薯即叫即炸粵式炸春卷嘅味道與普通春卷無法媲美嘅特別滋味「粵式玻璃生蝦」甜、爽、鮮味，賣相雖然普通嘅但食落有驚喜「招牌泰式芋頭臘腸粒炒飯」米粒好有口感粒粒分開，潤腸粒勁多，芋頭粒炒得幾香，而且炒飯係勁大碟👍🏻「春嬌燒春雞配薯條」🍟汁唔多、嫩滑度一般，💖🌿燒春雞油潤亮澤，雞皮焦脆，不是帶蜜糖的⋯⋯但有春嬌既特色嘅，呢個味道出面食唔到熱龍眼水好特別嘅飲品健康好滋補既感覺，細細杯已經好滿足

用家個人感受，不是打手！5️⃣0️⃣位置，將軍澳坑口站，唔近地鐵，明德商場入面，我都係無意路經，比啲亞姐招手入坐。7️⃣0️⃣環境，新裝修，有啲特色，感覺乾淨企理，但坐位比較迫，但可接受。7️⃣5️⃣招呼，Scan Code落單，快捷妥當，但上菜就比較耐咗少少，服務整體有禮。5️⃣5️⃣咖喱牛腩飯$54，份量足，加喱好味，但 牛腩比較嚡及靭，扣分。7️⃣0️⃣珍多冰跟餐加$10，正常。8️⃣0️⃣鴛鴦蝦春卷金邊粉$48，份量算少，4條春卷，好好味。8️⃣0️⃣話梅鹹檸七跟餐加$8，相當抵，好飲。9️⃣0️⃣豬肉串燒三吋$48，超正超正超正，必食。8️⃣0️⃣CP值，午餐時段大約12:30入坐，2個人埋單$162，無加一，平均每人$81。整體食物好味新鮮，感覺乾淨，再到將軍澳坑口，一定會再去。

今日約左人去明德交收完 從來未去過明德商場 就走入去行吓 見到一間食越南湯河嘅餐廳 門面比起呢個商場入面其他既餐廳算靚 仲有下午茶餐好似好抵食咁就入去試吓下午茶價錢有平有貴 最平$18 最貴都係$48 豐儉由人 試左招牌必食洋蔥豬扒脆豬豬配烤牛肉湯粉$44 加$8 有越南練乳咖啡烤牛肉湯金邊粉烤牛肉夠香味度不錯 但牛肉太碎 如果唔係肉碎會好好 湯粉份量算又又唔會煮到太淋 河底配埋d香料 其實成碗粉都係好食 cp值好高洋蔥豬扒脆豬豬🐷好明顯係即叫即整 包真係夠脆 豬扒肉厚嫩 熱辣辣好好食 配埋洋蔥同個汁 呢個我都會推介朋友再食😄

今日約左朋友去將軍澳東港城買嘢，友人帶我去明德個邊食新嘢，行過天橋就到都好近，食春嬌係越南嘢，又幾啱我食越南嘢點可以唔食返碗生熟牛肉湯檬牛肉稍為浸下就食得全因湯夠滾，牛肉味很香濃檬粉幾軟滑，牛骨湯底又濃陏鹹魚蓉炒通菜，賣相唔錯，份量破多師傅控制火候唔錯，炒得剛好，唔會好似其他地方咁食到成口油，條條翠綠色的有蒜片很香口見到有我至愛的龍眼水，當然要飲返杯，有好多龍眼肉，帶有少少甜下午茶有好多款式選擇，經濟又實惠店內裝飾幾別緻

隔咗好耐都冇食越南野見到呢間春嬌新開就梗係要來試吓啦！最鍾意食就係有生牛肉嘅河粉再加埋啲小食 好抵又好味午餐非常抵食～不過雞翼稍為遜色比較淡如果整得更好或者有更令人驚艷嘅醬汁就正啦！午市堂食都唔算太多人大家去試吓啦

春嬌開左新分店係係o將軍澳 好近我哦👍🏻「越式炸春卷(4件）」外皮勁于酥脆可口，「玻璃生蝦」🦐虎蝦口感厚實，肉質富有彈性，營養成分高，蛋白質豐富，配搭泰式辣醬汁同蒜片食「招牌泰式竽頭臘腸粒炒飯」好香口，炒至粒粒分明，賣相好好睇到都想食，秋冬心食之選「春嬌秘製燒春雞配薯條」先讚一讚燒春雞個外皮好脆口，係即叫即製的，雞肉鮮嫩新鮮，鹹味差少少🤏，隻雞非常之大，兩人食唔哂，好滿足飲品「熱龍眼水」龍眼水好多功效，多飲可以養生美顏👍🏻而且夠甜，沖得好好飲

自從這間商場翻新後，進駐了不少新的食店，這家越式食店也是其一，整體的價錢都蠻貼地的。下午茶時間更便宜幾塊錢呢。河內麻香手撕雞手撕雞肉蠻多，跟麻醬、花生醬、芝麻混在一起，濃厚入味，不過醬汁有點過多。越南食店當然來碗牛肉麵吧。河內生牛肉河粉多片薄薄又大片的牛肉塊，呈現鮮粉紅色，輕輕灼一會，很易撕開且很稔滑。湯底是牛骨熬煮成的湯，濃郁又清甜，熱湯很快便把生牛肉灼熟，跟湯還有芽菜、蔥花、薄荷葉、生洋蔥、炸蒜片等，河粉特別掛湯及吸味，吸盡湯底精華。跟餐的飲料挑選了龍眼水，原粒龍眼，甜甜又健康的飲品。

好多餐廳都推行電子點單，呢度都唔例外朋友叫咗個招牌蔥油牛肉飯加隻太陽蛋太陽蛋煎到有燶邊，係流心嘅 因為天氣凍好想食熱嘢，所以就揀咗個香茅雞翼 湯金邊粉 電子落單可以好customize，每一樣配料都可以走，個清單水蛇春咁長，有蔥、芫茜、洋蔥、蒜、芽菜、九層塔、青檸等等 越式香茅雞翼冇得輸香茅嘅味道好重，炸雞翼金黃香脆，咬開雪白嘅雞肉，流曬汁好juicy 張青檸滴幾滴落去個湯麵度，令到牛肉湯嘅鹹味唔會單調，帶點兒酸酸甜甜 配搭埋青蔥等嘅配料食落清爽 炭燒豬頸肉上面有好多嘅炸蒜，切片睇得出每塊肉都燒得粉嫩 加上自家調製嘅酸甜醬 珍多冰係獨立包裝，好似外賣嘅台式飲品咁由椰汁同埋綠色條狀嘅啫喱組成，好甜 跟餐嘅玫瑰花茶正好為寒冬加添一點溫暖