映月樓

營業中

休息中

2007年10月13日，映月樓。5友來到映月茶聚，一坐下，看到窗外維港景色，心情已經愉快啦。時間尚早，沒有點心車，是劃紙叫的：陳腎排骨粥：料好似唔算多，但味道不錯。雞包仔：包當然是小的，但餡似乎也太少，我吃不太真它的味道啊。奶皇包：奶皇不算出色，還是掛念二宜樓的流沙奶皇包蝦餃：一般。我覺得皮要薄D。煎馬蹄糕：一點也不油，我不知道原來是煎的。但可能因此也不香。味道一般。炸雲吞：都算脆口，但肯定不是我吃過最好吃的。沙律蝦角：友人的至愛，但我一向不太喜歡。帶子腸粉：不說我不知道是帶子腸。可能掛住傾，無留意，但腸粉不算很滑。環境衛生可以很影響我的食欲，這裏一定只會加分。

月頭訂左兩圍酒席, 點知昨晚去到食食下, 上果幾度菜同菜單完全唔一樣, 最離譜係雞翅變左魚肚更!!!跟住問d waiter點解唔同樣, 佢地只係話個菜單改左..., 但係佢地之前完全冇通知我地, 仲離譜到食食下先覺得唔對路!!!! 仲有, d $20一個o既壽包, 細到出奇, 以後都唔會幫襯!!!!

本年六月中朋友在映月樓設宴(WEEDING)$73XX.00/席紅燒大鮑翅清蒸大紅斑6頭罐湯鮑.....等等其實菜餚都好名貴好有睇頭,但是個燕窩配焗釀蟹蓋就好唔合適.蟹蓋內萄汁加菜粒焗完,面頭放D燕窩上去.成晚就是比佢(燕窩焗釀蟹蓋)扣減好多分.***有關管理人員要好好檢討,改善.其他服務,環境都可以.

7/7(六) 2pm熱浪逼人的星期六,陽光猛烈得無法蹓躂於戶外多頃刻,乾脆舒坦地來個悠閒午茶.致電訂座,接待員告知只接受四位或以上的訂臺,聰穎的我硬訂四位;待我倆入座後技巧地相告服務員,另外的兩位爽了約,哈哈,奸計得逞!維景相偎的中菜館並不多,價錢較平易近人的寥寥無幾(茶芥$9,點心小點$16,中$23,大$28);此處可算是其中一家.光是這賣相,足已招徠不少外國食客;左邊一臺竹星,右面一桌老外,恍若置身唐人街中餐館.打發了服務生後,詳閱餐牌,點了$98套餐-一粉麵(滑蛋石斑炒河)+兩點心(炸雲吞,蘿蔔絲酥餅);另加菜肉雲吞湯$38,瑤柱雞飽仔$23,白粥$9.菜肉雲吞湯-湯底清中帶甜;精緻雲吞一口一粒,口感鮮度不俗;津白則偏腍.滑蛋石斑炒河--蔥花蛋汁濃稠得宜,唯味道略清淡點;斑粒結實彈牙,頗有咬口!河粉質地奇厚兼黏作一團!水準馬虎!炸雲吞--一碟三件,體型頗的骰的雲吞炸得乾脆,鮮蝦餡料屬鮮美富彈牙,不沾半滴油.蘿蔔絲酥餅--酥皮做到絲絲脆口,坊間少見;但鬆化度及蘿蔔絲口感及鮮度僅是聊勝於無罷了!瑤柱雞飽仔--賣相輕巧,包身軟熟;咸蛋黃,蝦粒,雞粒,冬菇粒等新鮮用料作內餡,豐富汁液也

去映月樓飲下午茶，就在文化中心上面，有二、三、四樓，不是太大的，四樓有很美麗的海景。我們在三樓，點了燒賣、蒜香魷魚、煎腸粉、韮菜餃、紅豆餅(墨魚樣的)、叉燒包，全部都好好味，環境好舒服，不過都幾貴。

20070303幾個舊同學約出來飲茶，選了中間點的尖沙嘴。這間的入口有點隱蔽，第一次來的難免要兜兜轉轉。站在lift lobby，聽說要上去“4字樓”，幾個人的第一反應都是：啊？原來文化中心有四樓的？不知是不是地點原因，又逢午市，並沒有滿座，加上樓底高，落地明窗，直望港島，桌子之間的空間也夠寬敞，所以一進來就頓覺心清氣爽。我們訂的是窗邊位，天氣還算清，直看得到半山以至山頂那些錯錯落落、掩掩映映的獨立住宅，俯視，則是每晚“煥彩詠香江”上映時觀者必爭之地。本來盤算著這裏一餐飯，怕有四成價錢都算在“景觀”一項上，誰知實際數字又完全是合理範圍喔~我們從12：30坐到將近3：00，看飽了靚景，飲足了香茶，人均不過75元，隨便一間好點的中式酒樓，怕都要這個價吧。而且，這裏的味道也還稱得上不錯，燒腩仔、叉燒餐包、菜苗餃、燒賣、流沙奶黃包（這個值得推介），新鮮滾熱；甚至還有些久已不見的點心，例如牛腩腸粉。盅飯也不錯，豉油甜，蒸雞滑。有機會再來：）

美心集團的酒樓，當然不會太差啦。但又是算太好，味精下得不算少。吃完後，口渴了整整一個下午。坐擁無敵海景，再加上挺豪華的裝潢，更又屬美心集團，貴一點，也不覺得肉赤。若味精少下一點，當更受人喜愛。

飲早茶,剛好有窗邊位,望到海景炸雲吞-本人就覺得唔錯,但老媽子就話雲吞皮唔夠鬆脆煎堆-味道OK南乳炆豬手-一般雞扎-勁難食服務普通,食物麻麻,價錢唔平唯一可取只有海景

keep到水準, 不錯不錯.點心選擇都算多. 唯一唔好既係有d點心可能唔係日日有, 就唔印係點心紙, 要你問佢或者有人拎出黎. 例如我地見隔離有燕窩蛋撻就叫佢落order, 又例如叉燒餐包佢係搵人拎出黎, 但我個時已經食左叉燒包lu. 下次去會醒d ~ hehe.上圖右1係紅油炒手; 右2係紅豆糕, 右3係忌廉咖啡糕(呢個一定要試, 好好味!) 左2係鮮奶紅豆羊羹(呢個都推介)同下面既燕窩蛋撻.

因為有張"良朋歡聚宴"券....所以有一圍免費餐食....咪以為免費會食cheap 野....個餐都好見得人....仲好多野食添....份量又大....個個都捧住個肚走....燒味拼盤- D叉燒同雞都好好味...帶子雞球西蘭花- D帶子好鬼大粒...炸蝦球拼炸鮮奶- 炸蝦球不過不失...但炸鮮奶好得....翅- 同去飲果D差唔多....但係好似唔係好多翅....鮑片生菜- 一般XXX蝦- 極好味...我諗我一個人食左半碟/半斤都有...但係都清唔到碟.....XXX魚- 掛住食蝦..冇食到...炸子雞- D雞好滑....又入味...干燒伊麵/ 鴛鴦飯- 個飯好好味...合桃露- 唔太甜...同桌好多人都讚好..但我麻麻..美點雙輝- 有迷你芝士蛋糕同XX酥...太飽..冇食到...經理仲送果盤...飽到唔郁得...叫左幾罐啤酒...連埋服務費埋單$2XX.....抵到爛....有幸成為座上客之一....

今日去左"映月樓"飲下午茶!下午茶超抵!!哎左大概10樣野,都幾好味!牛肉球(唔會好似出邊果d咁散)牛柏葉(好滑,未食過咁滑既)鳳爪(好入味,豆豉辣椒好夠)香煎芋頭糕(無出邊咁粉,都算okay)香煎蝦米腸(d醬汁好特別,可以試下)翡翠蝦粉粿(好新鮮,好爽,皮薄)蛋撻(酥皮,好好味,好新鮮,有蛋同奶味, 正)蛋散(好酥化,好薄,好似薯片咁薄=) 流沙奶皇包(真係流沙,而且好味道,蛋黃味好濃)奶紫米露(奶味好夠,都算okay)3個人去食好抵,食左$12x而且睇到海景,同對面海中環nice view美中不足就係出邊搭緊硼,所以睇到d景都係1格格

這是我和男友第一次拜訪映月樓，本滿懷希望，卻失望而回。映月樓的裝修非常舊式，水晶燈尤其過時，海景有是有，卻給反光度極高的落地玻璃遮擋了。Service非常一般，侍應無禮貌，像是沒被train過似的。食物更不值一提，我和男友隨便點了兩個家常小菜：菜遠牛肉($68)和鮮茄什菌炒蛋白($75)。這裡的小炒portion非常細，鮮茄什菌炒蛋白味道超油「益」，尤其蛋白，搞到我要揾滾水去油才可下嚥。賣相又奇差，伴碟紅蘿白絲唔擺好過擺，charge$75蚊實在過份！菜遠牛肉亦非常油膩，菜心老，牛肉cheap，canteen飯都好味過佢。

是日3:30黎飲下午茶, 已過繁忙時間, 所以食客不多. 但係我地坐低後等左十分鐘都無人擺檯同沖茶, d阿姐好得閒但我地叫極都唔理我地, 已經有d掃興. 終於等到有茶, 但又無menu, 叫阿姐佢好唔耐煩咁叫我地等陣. 終於等到有點心紙, 快快手手o係4:15 last order前落單, 叫左:1) 蜜汁叉燒酥: 好快上檯. 酥皮幾脆, 但唔夠熱.2) 流沙奶皇包: 新鮮蒸起, 夠晒熱, 流沙有好濃蛋黃味, 唔錯, 不過都係海都好食d.3) 燕窩蛋撻: 酥皮蛋撻上放上一小匙燕窩, 真材實料, 不過蛋餡無味, 太淡口.4) 蜜汁燒鱔: 鱔好厚肉, 但骨太大太硬, 而且蜜汁太稀唔夠味.本身仲想叫芝士三文魚撻, 但係賣晒.賣單$144, 唔貴, 但係服務o係美心集團內真係差到貼地.

周日到不同的酒樓嘗試各處的特色點心,已成了我們近年的習慣,今次選擇了這裡.席間見到有數對准婚男女正在此處籌備婚事,想必定是被眼前這個無敵維港景色所吸引.曾幾何時,我倆亦為婚事四出張羅,期間幾經波折才能成事. 渴一口剛沖好的鐵觀音,雖不及老店專業.但新鮮濃郁的茶葉透出陣陣甘甜,精神亦為之一振,就好比結婚初期,新鮮與刺激感覺時刻存在.直到濃茶慢慢被沖淡,茶香不再時,才是婚姻係最大的考驗. 是日點了淮掦灌湯包,做得相當出色,不單皮薄,內面濃濃肉汁夾雜著鮮甜上湯,太太一向不好多肉點心,但此正是我所好,通常她只嚐其皮,肉則由我全包 沙薑鳳爪,價錢頗貴且只得數隻,但沙薑味濃,有嚼勁得來亦蚊得甚’淋’,一向我都不大好此點心,總覺是街邊貨色,不值在此品嚐. 蜜汁差燒腸,長長一條,賣相特別,差燒不單新鮮且粉皮極滑.蓮蓉炸刺蝟,其實是炸蔓頭包著蓮蓉,再把蔓頭挑成刺蝟模樣,甜點不錯之選, 多年來都相信,只要能互相稍微調節一下個人口味,遷就對方,飲啖茶食個飽都可以安安樂樂..最後,濃茶當然會淡如開水,但白開水就不正是生活所須麼?

一貫的美心食物水準, 蝦餃、燒賣、帶子腸、奶皇包、叉燒包...質素尚可。唯見他們於食物賣相上費了心思, 很有特色。蒸腸粉不是一成"品"字狀擺放, 而是一字型, 傳統腸粉馬上變得"in" 很多。又例如, 約3/4吋闊的春卷, 1 支支插在玻璃中, 加點甘筍作將飾, 精美! 全場最吸引的, 要算是那個維港靚海景。當天風和日麗, 望著靚海景, 吃個叉燒包, 巳使一向不愛飲荼的我吃了一頓很滿足的午餐。