星爺車仔麵 (已結業)

俾碗嗱喳麵呀唔該舖頭入面竟然收埋間中國廚藝訓練學院？你究竟係食神定破壞之王呀😂我想練電光獨龍鑽或者俾碗黯然銷魂飯黎吔下好喎咩話，無？人嚟，拖佢番去。講笑姐😂—————————————————————小店入面仲有星爺經典電影對白星爺擁躉入到去真係可以考下自己🤣連刻骨銘心初戀套餐都有中島都係中意食番自選餸多啲揀左啲基本嘅配料魚蛋 牛柏葉 菠菜餃同少見嘅辣汁螺肉😋呢度除左腩汁仲有鮑汁可以揀一於試吓佢再加個蒜蓉辣椒醬點知中曬伏微辣都好有辣勁😅仲要加埋辣汁螺肉 辣上加辣即刻整番杯含笑紅豆冰解辣先得四個配餸中島覺得菠菜餃最好食又大隻👨🏽就叫左豬腸 豬紅 牛腩 豬頸肉配腩汁同樣揀左特製蒜蓉辣醬微辣 敗陣😂所以都要整杯淫賤菠蘿園解辣餸方面揀左食車仔麵必點豬紅豬腸兩樣都在水準之上豬紅有咸香味豬腸大舊厚肉 牛腩夠腍入味 豬頸肉爽口而米粉吸汁得尼又唔會發晒星爺粉絲要去朝聖下😎—————————————————————▸ 牛栢葉 ▸ 菠菜餃 ▸ 咖哩魚蛋▸ 辣汁螺肉

同朋友去深水埗買嘢，經過呢間車仔麵見到幾特別，決定入去試一試。餐廳佈置好特別，有好多星爺電影經典金句。同朋友叫咗2碗車仔麵，2杯飲品同1個小食。~~車仔麵我叫咗滷水大腸，瑞士汁雞中翼，鮑汁花膠同爽嫩豬頸肉。鮑汁花膠好大塊，大過我隻手，好入味。滷水大腸清得好乾淨。滷水汁雞中翼超入味，雞肉好嫩滑。朋友叫咗紅腸，墨魚丸，鮮蝦腐皮卷同冬菇。墨魚丸好彈牙，好好味。鮮蝦腐皮卷真材實料，食落好有蝦味同好爽口。冬菇大大粒，好入味。~~秘製香辣魷魚真係幾辣下，好惹味。魷魚好爽口。都好大碗。~~淫賤菠蘿園有菠蘿肉。飲落酸酸甜甜，好正。~~含笑紅豆冰好多紅豆粒，飲落好有奶味。唔會好甜。

📍星爺車仔麵📮深水埗汝州街213-217號捷興大廈地下B號舖.「星爺車仔麵」估唔到真係完全將星爺當年膾炙人口既經典港產片文化融入左係間餐廳入面🤩.如果你自問係星爺既粉絲, 望住餐廳既霓虹燈對白, 餐牌既角色劇照, 絕對令你笑住食呢一餐😌鮑汁花膠/柱侯牛腩/滷水大腸/蘿白*油麵+腩汁 HKD57🙎🏽‍♂️車仔麵黎講, 牛腩, 豬大腸, 蘿白, 永遠係我既鐵膽🤭呢度既牛腩炆得夠淋, 滷水大腸入味, 蘿白索晒腩汁既味, 加埋大大舊花膠, 滿滿骨膠原鮑汁花膠/滷水大腸/牛柏葉/樹記鮮枝竹/自製韭菜餃/通菜/紫菜*秘製辣醬微辣+蒜蓉辣醬小辣HKD77💁🏻‍♀️不嬲唔好澱粉質既我, 最鍾意叫淨餸, 寧願用麵底既錢叫多個餸😌花膠攤平成隻手掌咁大性價比極高, 大腸唔會太肥太膩, 牛柏葉新鮮爽口, 樹記鮮枝竹超濃豆香, 韭菜餃大大隻勁足料, 通菜同紫菜嘅份量都好多淫賤菠蘿圓 +HKD10個名好抵死, 實質係菠蘿冰, 飲落唔會太甜, 而且入面啲菠蘿肉唔係罐頭菠蘿黎咖, 岩晒鍾意食菠蘿既朋友仔🍍.一間充滿香港電影回憶既車仔麵店, 食物又高質, 身為香港人既我點可以唔去幫襯🤫.整體環境：👍🏻👍🏻👍🏻👍🏻食物味道：

最中意係深水埗覓食架啦 因為有太多好野食🤩最近聽聞有間「星爺車仔麵」🎞本身睇落已經好有噱頭☺️入面裝飾同埋舖面都經過悉心設計 好多經典電影對白😆星爺拿喳麵😋叫左油麵做底 配腩汁蘿蔔好清甜又唔老冇楂😍豬皮就好爽口 魚蛋又彈牙 滷水大腸洗得好乾淨冇污糟野🤩皇帝魚肉🤤花膠嫩滑唔黐牙 魚肉好重魚味好鮮甜韭菜餃🥟 超級足料 每啖食落都係滿口韭菜 好滿足呀🤤韭菜豬紅🤪豬紅10分滑溜！淫賤菠蘿園🍍採用左新鮮菠蘿 唔會太甜 啱啱好好開胃😍含笑紅豆冰🥛甜到適中 紅豆大粒食落有咬口

不得了不得了星爺出面在深水埗！餐單設計偏向懷舊風，有5、60年代的風格，而且牆壁上及餐牌設計都充滿了星爺金句及其電影特色，想簡簡單單食一碗車仔麵都變得如此不平凡！.車仔麵價錢平民，而且份量超多，平靚正又好玩之選。.海景佛跳牆 有花膠、魷魚、魚肉、螺肉，山珍海味一碗收納！花膠超正有兩塊，快快厚身而且煮得很入味，想不到在深水埗吃車仔麵都有如此滋補之選。噢，忘記了還有炸魚皮，一點也不孤寒一大碟的，香脆可口又沒有油膩感，食完之後真的超飽。而且麵底選擇多，可以叫出前一丁不用加錢，原包調味粉送到你桌上！.牛魔王喜歡食牛的朋友一定不可以錯過牛魔王，應有盡有包括牛腩牛筋牛柏葉牛丸….. 牛肉煮得很入味腍腍地，而且份量真的超多！ 聽店員講，豆類製品都是來自豆品專門店樹記，於是額外叫了枝竹及麵筋，煙煙銀銀果然零舍香豆味。.另外加$10更加有煎釀三寶三件，魚肉多，材料實在。加$9有時菜。.連豆漿也是來自樹記，奶白色的豆漿很香濃，材料搜羅用心。.除了街坊來吃，也見到很多年輕男女特意前來打卡呢。

星爺車仔麵 (深水埗)深水埗汝州街213-217號捷興大廈地下B號舖秘製香辣魷魚$45這個秘製香辣又煮10分惹味，秘製香辣醬辣得來是大帶有甜味的，跟魷魚非常配，而且魷魚爽口！必成！星爺三補六件$22有尖椒魚肉、茄子魚肉、和豆腐魚肉。揸得香口，非常夾車仔麵。魚肉新鮮，豆腐嫩滑來外層香脆。車仔麵是逐個送雞錢的，叫了兩碗車仔麵，各有特色。冬菇$12、手帶魚肉$12、紫菜$11、鮮蝦腐皮卷$10鮮蝦腐皮卷有咬口，車仔麵的湯底加了腩汁很香，手袋魚肉打得出色。芝士腸$9、滷水雞腎$11、牛柏葉$12、滷水豬肚$12滷水豬肚滷得入味，牛柏葉爽口，滷水雞腎同樣是必食之選。腐乳通菜$18腐乳通菜清脆可口，腐乳轉甜甜地，很開胃。淫賤菠蘿冰加$10菠蘿冰的菠蘿份量很多，為什麼要淫賤菠蘿冰呢，其實係唔知嘅，但總之就好飲。豆漿$10一杯

「攞你命3000」、「爭咩呀溝埋做瀨尿牛丸呀笨 」甘熟嘅…之唔係史提芬周嘅電影經典對白囉！呢度就係深水埗嘅星爺車仔麵，充斥住經典電影對白同懷舊嘅場景。值得一讚嘅係店內亦有經濟之選 $23 就有一碗 柱候牛腩麵、南乳豬手麵、瑞士雞翼公仔麵 ，真係良心小店！要多支持。我就點左碗 攞你命3000 $58同另一款自選車仔麵！+$10/3件 煎釀三寶 做得幾好，咬落唔會油淋淋，釀嘅魚肉都有點厚度。特飲 +$10淫賤菠蘿園 充滿懷舊意味菠蘿冰含笑紅豆冰正常發揮嘅紅豆冰 攞你命3000 $58 （魚肉、魷魚、冬菇、韭菜餃、瑞士雞翼、雞腎….）超大碗足料，特別推介瑞士雞翼入晒味又唔柴！自選車仔麵 滷水汁配烏冬底（微辣蒜蓉醬）烏冬煮得唔軟爛，幾爽滑。自製紫菜餃比較少見，咬開勁大撮紫菜，足料紮實。咖喱魚蛋 有4粒甘多 另外要講講 樹記 麵筋 識食嘅人都知樹記豆製品出名綿密高質！

如果可以比我時光倒流，我想話比你知……….鍾意周圍食….鍾意相機📷食先….鍾意食…拍….寫鍾意食完又寫….留下美食回憶食..拍…寫已經成為我生活中的一部份———————————-深水埗區美食多，喜歡發掘美食，就像我喜歡星爺的電影一樣，現在想看星爺的電影🎬真艱難，來到這裡令你可以重回星爺的年代，這𥚃內內外外的佈置，都是星爹的回憶，特式又雅徴，令人很回憶，深水埗區竟然有一間這麼雅緻的車仔麵，環境靚，食物正、地方寛大又衛生，店員又有禮貌，老闆超級好人，我見到咁靚嘅環境，必定相機食先……一於就拍..拍..拍..靚…靚…靚…👏👏👏一路食就一路玩，一路食就一路影一路食住見住呢到嘅環境，真係全部對白走哂出嚟，有得玩，有得食嘅車仔麵👍😋————————————-天氣咁熱，坐底整兩杯凍飲先…先來一杯淫賤菠蘿園🍍再加一杯含笑紅豆冰🥤😂———————————🟨淫賤菠蘿園🍍：大杯懷舊菠蘿冰🍍又甜又大件菠蘿足料菠蘿啖啖肉冰冰凍凍菠蘿園懷舊滋味童年時又去回憶想當年——————————-🟥 含笑紅豆冰🥤：點解含笑紅豆冰細時最鍾意食冰見到紅豆冰就笑啖啖紅豆仲好笑奶味又滑滑白白時光倒流到童年————————🟧秘製香辣魷

蘿蔔、樹記麵筋、手打魚肉米線（腩汁） $42整體都ok~手打魚肉真材實料 有陣魚肉既味道 同埋有少少魚骨 所以食個時要小心啲～韭菜豬紅 $24豬紅當然唔會一夾就散 唔會腥😚秘製香辣魷魚 $45好爽脆 煮得岩岩好 個辣汁可以再惹味會更加正😍 不過都好食😋鮮枝竹、冬菇、鮑汁花膠、辣汁螺肉、秘製牛孖筋油麵（秘製辣醬-小辣） $72辣汁螺肉都係真材實料！ 所以都比平時食個啲好味啲！ 冬菇好濃菇味好滑🙈好味😋豆漿 $10豆腐正常 唔會好甜！👍🏻凍檸蜜 $6檸蜜幾好飲 唔同一般茶記紅茶加菜蜜 佢用左青檸蜜再配新鮮檸檬 飲落更加清甜！🥰

深水埗區有唔少出名嘅車仔麵店，所以要喺呢區生存都要多啲噱頭，最近喺汝州街就開咗一間星爺車仔麵，店舖嘅裝修都花咗唔少心思，平時路過都見到入面佈滿打卡位，今日就嚟試試佢嘅食物質素如何。餐廳內嘅牆身寫上好多電影經典對白，身為香港人一定會明白！開放式廚房上仲掛有中華廚藝訓練學院嘅牌匾，玩味十足！呢度嘅餐牌都充滿星爺經典電影嘅色彩。打完卡一輪之後，當然要入返正題，食返碗車仔麵先。朋友揀咗鮑汁麻辣湯底米粉，麻辣雖然揀咗小辣不過對我哋嚟講都幾辣，下次都係要特別註明BB辣先啱我。另外加配咗魚腐($10)、惹味酸齋($11)、牛柏葉($12)、爽嫩豬頸肉($13)，魚腐$10好抵食，而且佢每樣餸嘅份量都唔少，另外仲會配兩條生菜，絕對唔錯。而我就揀咗清湯香辣配米線，餸方面就揀咗豬紅($10)、樹記麵筋($11)、鮑汁花膠($13)、香辣魷魚($13)，麵筋採用樹記嘅出品絕對有保證，朔埋湯底超好食，香辣魷魚有勁多條，總之多到食極都唔完。特別要推介鮑汁花膠，絕對有我手掌咁大塊，應該叫做花膠扒先啱，仲要只售$13，呢個絕對係必食推介！另外仲揀咗啲小食，自家製菠菜餃$30有六隻，仲要自家製，加少少菜譜味道不錯。拿

今日試食呢間車仔麵，有點驚喜，味道很好。豬腸，豬紅都好入味，湯底夠濃 （我真係試過淡到溝水架）。係深水埗住咗一段時間試咗咁多間，呢間真係唔錯，同好多人排隊嗰間比，呢間唔使排，滷得夠入味，杯嘢飲夠大杯。Menu有兩款，一，自己圈麵湯底餸，二，選擇已定面款套餐，例如，那渣麵就包豬雜底，牛魔王就係牛筋牛丸等，湯底自選可加麻辣醬蒜蓉醬等。凍熱飲加 $6，樽裝加$9。對餐廳有少少意見：第一，凍檸水唔夠甜；第二，點餐要有足夠指示，例如，自選餸就畫嗰張卡，另外特定餸果本Menu亦係可以直接用筆劃落order；第三，面底份量可能比較少，建議男士要加底。

網上見到深水埗依間以「星爺」電影做主題嘅車仔麵段片，我第二日放假就走左落深水埗去試下，點左一碗車仔麵同招牌煎釀三寶食，食物賣相雖然一般，但味道唔錯，尤其是招牌煎釀三寶。本人對茄子麻麻地，但食落都唔差。應該會翻卓～

深水埗進駐咗咁多cafe，每逢weekends間間都大排長龍😅😅今次我就轉戰平民啲又唔使排隊既車仔麵🤪見佢裝修好有特色，向星爺既《食神》致敬，連隔板都精心設計玩刻骨銘心初戀套餐，不過講多無謂，味道最實際，一於試下個車仔麵有無「豬紅一夾就散，失敗。蘿蔔冇揀過，失敗。最離譜就係大腸，完全無洗乾淨，仲有舊屎先」🤪🤪蘿蔔+豬紅+滷水豬肚+上湯花膠+米線（腩汁+秘製辣醬微辣）魚皮餃+滷水大腸+上湯花膠+粗面（清湯+秘製辣醬小辣）都幾大碗，秘製辣醬叫微辣都夠辣味，每樣配料既份量都好足，最signature梗係花膠啦，每碗都有1－2大塊，夾上嚟真係勁大塊，好揼本，食落有少少海味既味但唔會腥，仲食到膠質添😗😗～車仔麵食到高質花膠真係好抵食😋😋豬紅一啲臭味都無，口感夠爽彈，豬肚就失色咗少少，冇乜味，咬落煙煙靱靱。我平時就唔食豬腸，見朋友叫咗就試下，估唔到都幾好食，一啲腥臭味都無，仲好軟腍，食落唔會成口肥膏／油，平時唔食內臟既人都一定接受到。蘿蔔雖然無浸過湯汁，白雪雪，不過都幾清甜無渣👍🏻👍🏻人均消費：$60推介指數（10分為滿分）：8分

今日萬聖節行下北河街，記得附近有間新開不久的車仔麵檔，再次幫襯下。今日假期下午，店鋪食客很多，好快坐滿人，所以等食都要些時間，不過接待的樓面態度好，而且快手快腳。我地兩個叫左魚蛋豬頸肉米粉，魚皮餃豬腸米粉，加碟炸魚皮，有埋些油菜，味道不錯，豬頸肉好爽口，豬腸亦乾淨。尤其密制的辣醬料，我地叫左微辣，好野味開胃。只係米粉的份量不太夠，男士食可能要加底。堂食的環境可接受，有些食客都會留影，有香港特色，下次我都會再黎！

行過深水埗見到有間新開的車仔麵店，叫星爺車仔麵，店內牆上已經有不少星爺電影裏的金句，還有見到中國廚藝訓練學院的牌匾，員工身上的衣服也有龍的傳人字樣，店內已充滿星爺的味道。餐牌也有很選擇，我還見到有花膠,後來我叫了豬紅丶蘿蔔、滷水大腸、粗麵小辣加腩汁，店內還有小支裝汽水，雖然製作需時但來到那碗車仔麵真是很有水準大腸滷味十足，牛腩汁大少少甜味，可能因為太忙忘記給我蘿蔔、但後來我見到枱面上有一樽辣菜浦，我加了少少非常好味。