星爺車仔麵 (已結業)

今日萬聖節行下北河街，記得附近有間新開不久的車仔麵檔，再次幫襯下。今日假期下午，店鋪食客很多，好快坐滿人，所以等食都要些時間，不過接待的樓面態度好，而且快手快腳。我地兩個叫左魚蛋豬頸肉米粉，魚皮餃豬腸米粉，加碟炸魚皮，有埋些油菜，味道不錯，豬頸肉好爽口，豬腸亦乾淨。尤其密制的辣醬料，我地叫左微辣，好野味開胃。只係米粉的份量不太夠，男士食可能要加底。堂食的環境可接受，有些食客都會留影，有香港特色，下次我都會再黎！