星海．譽宴 (鱷魚恤中心)

營業中

休息中

臨近父親節不少酒樓依然照常推出一系列的優惠，正好家中兩老也較喜歡中菜。這間連鎖大酒樓譽宴的觀塘分店正正位於鱷魚恤中心，鄰近地鐵站，店內海洋主題的裝修，牆身有長長的魚缸。餐前小食先來一碟花生，酥脆可口，有少少鹽味。澳洲龍蝦上湯伊麵配醬汁烤燒脆皮雞 - $468澳洲龍蝦比起波士頓龍蝦還要矜貴，沒有鉗子，但更體大肥美，拆開一塊塊嫩溝細緻的蝦肉，有海水的咸鮮味和爽脆的嚼勁，及後綿柔津甜，伊麵再吸收龍蝦的精華，加上鮮味的上湯和芝士。半隻脆皮雞的雞皮酥脆而不油膩，特別雞背位置的皮更薄脆，雞肉香嫩入味，幾乎不用沾上豉油汁。帝王香烤京式片皮鴨 - $98 (原價$338)最近推廣的優惠，有多款鴨食，當中最吸睛的一定是片皮鴨，足足有一整隻。師傅即場於附近把鴨子一片片切出，鴨皮好鬆脆，厚切的肉片充滿油香和肉汁，新鮮蒸起的餅皮薄得煙韌，夾著青瓜，京蔥和京醬好惹味。雪梨無花果花膠湯 - $68一碗十分清甜滋潤的湯水，裡面有豬腱、雪梨、雞腳和無花果，花膠溶在湯汁中。果皮紅豆沙(附送)軟腍的紅豆很起沙，清甜之中帶一點點果皮香。

屋企人平時最鍾意中菜想得舒服又有個靚環境估唔到仲有海魚🐠做埋裝飾雪梨無花果花膠燉湯滋潤養燥，而且解渴清甜第一時間便想起以雪梨煲湯雪梨甜度煮糖水煲湯最好啦配搭花膠養顏佢地好多孖寶選擇都超級優惠夜晚平均一百幾就有菜啦！脆皮乳鴿加祕制醃料生醃入味後燒得脆皮又滋味，而且不會過火再有小炒皇，蝦、帶子等等素菜都齊全，惹味萬分估唔到有油浸既方式，其實係有炸過，表皮脆脆的黃酒煮雞一樣入味，香濃黃酒味道，雞夠滑唔會鞋

晚市重開 當然要同朋友去試試譽宴酒樓夜晚推出特色小菜仲有好多孖寶套餐 好優惠脆皮燒雞半隻 加紅燒豆腐斑頭腩煲（例）整個份量都好足夠雞外板炸到脆卜卜又嫩滑醬汁入晒斑腩入面 夠惹味無論配白飯定係酒都一流呀濃湯鮮菌浸娃娃菜夠晒清甜而且爽口 湯底好濃配上唔同嘅鮮菌 令到菜夠入味黑椒薯仔牛仔粒（例）牛仔粒 牛肉味好重 黑椒醬汁醃料啱啱好 薯仔煮得好香口金銀京記斑球籠仔蒸飯份量好多 整個蒸籠上台一打開蓋飯香味出晒嚟 仲有蒸斑球夠先填之餘 又夠晒特別最後仲會送上紅豆沙另外仲可以加其他甜品 一齊享受

在網上👀呢間位於觀塘嘅「譽宴 • 星海」，有“抗疫震撼優惠”小菜，於是與 honey 一齊嚟試下！酒樓裝修華麗，而且地方好大又座位寬敞，仲有戶外茶座添！除了抗疫震撼優惠小菜，點心款式多多外，還有好多特色小食，任君選擇添，真係開心！😃👆🏻 冰鎮花雕5頭南非鮑魚 $68 ～ 一定要試，非常爽甜彈牙，超👆🏻 雪梨無花果花膠燉湯 $68 ～ 燉湯材料十足，鮮甜潤喉 👆🏻 蟲草花棉花雞 $19.8 ～ 魚肚大大舊有咬口，雞蒸得好滑，仲有蟲草花添 👆🏻 脆皮燒腩肉 $65 ～ 半肥瘦燒腩皮脆肉嫩，點啲芥醬一齊食，真係👆🏻 香煎蘿蔔糕 $21.8 ～ 蘿蔔糕煎得好鬆軟，內有絲絲蘿蔔，好好味 👆🏻 鮮蝦炸雲吞 $14.8 ～ 雲吞皮炸到脆卜卜，鮮蝦又大隻又彈牙，配合甜酸醬食，非常惹味 👆🏻 春風得意腸 $43.8 ～ 油炸鬼脆卜卜，加埋鮮蝦、薄腸粉，真係超👆🏻 香麻燒餅 $20.8 ～ 芝麻香，燒餅脆 👆🏻 菠蘿叉燒焗餐包 $27.8 ～ 菠蘿皮好鬆脆， 配合叉燒餡餐包，味道好夾

今天幫老友慶祝生日，知佢喜歡食中菜，於是搵左間同事推薦, 位於觀塘的譽宴·星海，佢食過覺得無論環境跟質素都唔錯，咁我就跟老友去食下啦😉。酒樓裝修得華麗，還有室外供人行禮的地方，地方寬闊每張枱都相隔得宜，令人坐得自在舒適，真係唔錯啊。鋪坐下便點了龍井茶，飲落順喉又可解油膩。跟手便開始點食物，選擇都多啊，有優惠孖寶、震撼價食品、小食、小炒…，選擇困難症的我哋真係心多多，什麼都想食。首先點了✴️震撼價的雪梨無花果花膠雞湯🫕，材料豐富有清潤雪梨肉、養顏花膠、滋補雞肉同響螺、湯味清甜，很好飲☺️。前菜點了冰鎭花雕5頭南非鮑魚，只需要$68便可以嘗到五頭南非鮑魚，一定要叫啦，鮑魚肉質鮮嫩，入味又爽口。晚市孖寶都好抵食，有脆皮雞半隻，皮蠻脆口的，極小皮下脂肪，雞肉調味適中。併上湯焗美國龍蝦伊麵，賣相美美的，龍蝦肉烹調得剛好，新鮮肉厚身，鮮甜彈牙，配搭上湯伊麵，伊麵份量超多，2個都食唔晒呀😝。食飽後店員送上紅豆沙，食落帶些陳皮香味的紅豆沙，煮得綿綿的很香甜😙。 譽宴．星海 觀塘開源道79號鱷魚恤中心2樓

爸媽話呢間婚宴主題酒樓之前去朋友仔女婚宴時候食過，味道唔錯。今次黎係下午茶時段，都幾多嘢食選擇。鮑魚汁炆雞腳：雞腳炆得非常入味，雞皮冇溶爛，但又能輕易離骨，爸媽都大讚。脆皮燒腩肉：腩肉嘅豬肉味好重，比平時酒樓嘅腩肉味道出色，外皮再脆多少少就完美。荷香龍躉頭腩蒸飯：龍躉頭腩份量非常重手大方，雖然龍躉好食，不過個人最愛就係佢個飯底，有用蛋炒香過，而且加入大量菇菌，好香口，乾爽唔油膩，仲有淡淡荷葉味。點心拼盤：燕麥糕 蝦餃 潮州粉果 燒賣可以一次過滿足幾個願望嘅點心拼盤啱晒一家人分享，可以各自選擇自己鍾意食嘅嘢，而我就最鍾意綿密低甜嘅燕麥糕同埋蝦肉爽彈嘅蝦餃王。

母親節正日怕多人沒有外出用膳，過了幾天與家人補祝，去了譽宴食媽媽喜歡的中菜。冰鎮花鵰5頭南非鮑魚 - 做緊推廣價，點了兩隻試試，用花雕釀製的鮑魚，彈牙之餘又充滿花鵰香。薑蔥焗廣島蠔煲 - 薑蔥和洋蔥爆得好香，廣島蠔大隻入味。小炒皇 - 除了平常有的韮菜、腰果、蝦乾等，還有帶子及蝦仁，惹味夠獲氣，配飯一流。梅菜蒸菜心 - 看似簡單的菜式，菜心蒸至剛好不過熟也相當孝功夫呢。金銀蒜斑球籠仔蒸飯 - 斑球肉質結實，配蒜蓉粉絲蒸保持鮮味同時更香。最後還每人送了一碗紅豆沙，不錯！

🌸觀塘中菜🌸譽宴·星海🌟今天與家人到了觀塘一間主打高質中菜的中菜廳-「譽宴·星海」品嚐一頓優質中式晚餐❗中菜廳裝修精美，座位寬敞舒適，中菜廳樓底高而且天花有精美迷人的閃耀星海吊燈掛飾點綴，侍應們也相當殷勤有禮，為細心為客人介紹菜式及添加茶水！我們一行4人惠顧了菜式：1️⃣🌟冰鎭花雕5頭南非鮑魚 $68@這是近日中菜廳推出的抗疫震憾優惠，是非常大隻的足5頭南非鮑魚，以冰鎮形式上菜，擺盆精美，散發著迷幻的煙霧，而鮑魚預先被預先切片，肉質鮮嫩，非常新鮮香甜❗2️⃣🌟重慶麻辣雞煲 半隻 $158重慶麻辣雞煲即叫即製，熱炳炳香噴噴地上菜，雞肉香滑鮮嫩，非常入味，充滿麻辣風味，秘合秘制惹味重慶雞煲醬汁，相當有鑊氣。❗️3️⃣🌟粟米鮮龍躉斑塊 $158斑塊以新鮮龍躉製成，即叫即炸，炸得黃金香脆，份量十足，每件也非常大塊，粟米濃湯汁分開另上，以保持魚塊的香脆，魚塊香脆肉滑，味道鮮甜，外脆內軟，十分惹味❗️4️⃣🌟乾隆皇石鍋炒飯 $138這是一款充滿穫氣焦香的炒飯，以香濃蠔皇汁、新鮮帶子粒、鮮味櫻花蝦、鮮香瑤柱及鹹香火腿蓉配合熱炳炳石鍋炒成的炒飯，炒飯粒粒分明，帶淡淡焦香，還有香脆飯焦，配搭豐盛，十分惹味❗5️⃣🌟脆皮冰燒腩肉

因為疫情關係，停左幾個月冇去飲茶，屋企人已經超掛住飲茶，所以今日放假就帶屋企人去左觀塘行下，順便去譽宴．星海飲茶。餐廳位於觀塘開源道79號鱷魚恤中心2樓，係地鐵站格離，方便就腳。餐廳以寶藍色為主調，好有氣派，而且亦有室外座位。脆皮燒腩肉豬皮非常香脆，燒腩仔肥瘦相間，味道咸香滋味。安格斯牛肉腸平時蝦腸，叉燒腸食得多，安格斯牛肉腸第一次食，估唔到有驚喜，腸粉口感柔軟有彈性，安格斯牛肉牛味突出。蒜香蝦春卷上枱時仲熱辣辣，炸得香脆，蝦肉新鮮彈牙春風得意腸見到個名好盞鬼，腸粉入面包著了脆脆，蝦仁、蟹籽、芫茜、芹菜，口感豐富。山竹牛肉、蝦餃之王、四寶滑雞扎、薑蔥牛柏葉、蟹籽燒賣皇、墨汁金箔蝦餃皇、黑松露野菌餃。個人推介墨汁金箔蝦餃皇，平時酒樓好少見，用墨汁再加上金箔，賣相吸引，外皮煙煙韌韌，加上蝦仁大大隻，爽口彈牙另外黑松露野菌餃都一樣喜愛，入面包了野菌，加上滿滿的黑松露，黑松露味道突出。紅豆桂花糕桂花糕加上了紅豆，估唔到味道又幾夾。

終於放假，可以一家人出去飲餐茶，順便補祝母親節😅😅！今次安排咗地點非常就腳的觀塘區，地鐵一出就到😊！呢間《譽宴．星海》店舖環境都好大，重有戶外座位，感覺不錯😌！🐁鳳梨甜心鼠$32.8以小老鼠作賣相的糯米糍，造型特別精緻，面層鋪滿香口椰絲，內裏包著一絲絲的鳳梨果肉，味道酸酸甜甜，糯米皮煙煙韌韌帶微暖，估唔到咁好食😋😋！🦐墨汁金箔蝦餃皇$34蝦餃以金箔墨汁皮登場，賣相相當吸引，加上蝦肉肉質爽口又鮮甜，大大隻，不錯👍🏻！🦞上湯美國龍蝦伊麵 $198份量一啲都唔少，好多龍蝦又啖啖肉，爽口實肉，好好味😋全家都覺抵食👍🏻👍🏻！而其他點心～蜜汁叉燒腸、菠蘿叉燒焗餐包和藥膳鳳爪，都不錯，全部食哂😊！

黎到拎左飛都要等左一陣先有桌原因係等下午茶一夠鐘叫飛就好快有得入座入座後已經開始好肚餓，睇左陣點心紙都未諗好叫d咩太多選擇飲茶叫點心真係間間都甘上下主要都係睇廚師做得好吾好食吾講起大家都吾記得今日係團年好耐係一家人出外飲茶難得齊人叫多d點心又有咩所謂山竹牛肉球荳苗餃春蛋燒賣蝦餃牛肉腸叉燒飽炸滑腸藥膳雞腳馬拉糕蟲草花棉花雞最後又點可以少左甜點呢椰汁馬豆糕飲茶當然要開開心心架啦估吾到叫甘多野竟然食得晒點心算係不過不失

平時到譽宴通常是飲茶、食點心，今晚與家人試試晚市小菜。椰青燉花膠雞湯抗疫震撼價$98，湯盅以椰青肉墊底，再放入花膠、雞件，雞湯吸引了各種配料的精華，濃郁滋補。美國桶蠔蠔身飽滿，以姜蔥烹調後更惹味，美中不足的是炸粉略嫌較厚身。這道小菜份量十足，建議3-4人一同享用。蝦乾啫啫生菜煲甫送來已聞到香濃之味，蝦乾好入味，佐飯一流。名門帝王蝦球名字有氣勢，大大只蝦球夠爽口蝦籽海蔘鮮菌煲-好多件海蔘，而且大件啖啖肉。加入西蘭花、秀珍菇和金菇，增添口感。結賬時，侍應表示會送甜品，是日是陳皮紅豆沙，入口頗綿密。

2:01pm 就有tea time 茶位每位$9 呢度啲點心包羅萬有都幾好味每台有一壺熱滾水 方便自己加水我選擇咗香片茶鍾意呢度嘅紫色閃閃天花 成個感覺好富麗堂皇 係新派嘅浪漫氣息💕我哋一台四個 個個都食到飽飽整體而言感覺幾好 啲嘢好味又唔貴 坐得又舒服 位置方便可以再嚟食叫咗啲特色點心 又好味又精緻 ♥︎ 鮑魚汁炆雞腳 $58💯 份量都幾多♥︎ 墨汁金箔蝦餃王 $34 💯 有三件♥︎ 黑松露野菌餃 大💯 有三件仲有呢啲 ♥︎ 香脆百味豆腐 $48💯 外脆內嫩 充滿豆香♥︎ 脆皮燒腩肉 $63 夠脆卜卜夠肉味♥︎ 金珠鹹水角 $17.8💯 有三件♥︎ 上湯鮮竹卷 $23.8💯 好味 充滿湯汁大點叫咗♥︎ 菠蘿叉燒焗餐包 大 有三件♥︎ 薑蔥牛柏葉 大💯♥︎ 蜜汁叉燒腸 大💯甜品♥︎ 香芒凍布甸 $23.8♥︎ 紅豆桂花糕 中♥︎ 鳳梨甜心鼠 大💯

今日幾位友人一起逛街，忽發奇想吃中餐，於是就去了這間譽宴酒家叫餸吃飯。前菜方面，青瓜伴海蜇，海蜇彈牙而且份量十足和開胃；主菜有名門帝王蝦球，沙律醬酸酸甜甜好惹味，而且每個蝦球都有幾隻蝦在裏面，簡直物超所值， 係一道食過返尋味嘅菜式；另外有黑椒薯仔牛仔粒，這道菜有驚喜，牛仔粒唔會韌 而且爽口彈牙，黑椒味香濃，配飯一流。蔬菜方面，點了唐生菜煲，菜煲的調味一流，用上多種醬汁和配料去煮，食起上嚟唔會有浸草青味；上湯焗龍蝦伊麵作為主食，醬汁充足唔會乾，面底同龍蝦都十分彈牙 ；壓軸來個冰鎮花雕南非鮑魚，令人意想不到的是花雕酒同鮑魚可以好夾， 食落彈牙而且香味環繞，乾冰做底令鮑魚保持個冰鎮狀態煙霧瀰漫嘅時候氣氛十足；最後仲有紅豆沙作為飯後甜品 為這餐飯錦上添花。

餐廳位於觀塘，鄰近地鐵站，地理上十分方便快捷，餐廳主打的就是中式美食，而我這天最喜愛的就是他的炸物，全因為在家中很少機會吃到，絕對一提的當然就是炸豆腐，一口一粒，味道美味，最重要內裏的豆味十分豐富，配搭丁點鹽香，更能帶出味道，當然最基本的不油膩也做得很好，絕對証明廚房的基本功做得出色。另外，我也十分喜愛他的腸粉，新鮮即叫即拉，在家中也沒有機會吃到，鮮蝦腸粉內裏的鮮蝦爽口彈牙，加上清洗乾淨，絕對就是代表作，這就是在街吃飯的好處。