星海．譽宴 (The ONE)

營業中

休息中

琴晚同屋企人嚟咗呢度食中餐, 擁有無敵大海景, 而且食物質素高, 非常值得一試！坐擁270度海景大露台, 設有戶外露天座位, 可以飽覽維港景色🌃！大廳裝潢高尚典雅, 採用落地大玻璃、無柱設計, 高樓底加上水晶吊燈, 相當有氣派！無論係一般聚餐、舉行婚宴👰🏻‍♀️、私人包場都好適合！ 🥢招牌白胡椒蟹焗飯 必試招牌菜👍🏻！原隻肉蟹約一斤重🦀, 以鐵鍋呈上, 一上枱已經聞到胡椒香氣, 另配上秘製白胡椒醬汁, 風味十足！蟹肉厚肉又鮮美, 剝殼後仍然品嚐到濃郁嘅白胡椒味, 蟹鉗好大隻, 啖啖肉, 帶點微辣, 香口惹味, 令人一試難忘😋！焗飯非常入味, 滲透住香濃嘅白胡椒味, 米飯粒粒分明, 濕潤度適中, 食落有少少煙韌口感, 仲有飯焦㗎！我自己都忍唔住食咗兩碗飯！🥢紅燒皇子乳鴿燒至皮脆肉嫩, 一啲都唔乾柴, 啖啖肉好滋味, 沾上准鹽更添鹹香風味！🥢啫啫白鱔煲白鱔肉厚肥美, 口感爽彈, 加埋啲爆香咗嘅薑蔥, 好有鑊氣, 香濃惹味！🥢蠔皇百靈菇扒菠菜苗 百靈菇扒炆至軟滑入味, 菠菜苗青翠嫩綠🥢瑤柱珍菌炆伊麵份量好多！伊麵炆得好香好入味, 唔會太油或太濕, 配料豐富～

係尖沙咀想飲茶🫖 • 食點心🥢一定會諗到依到，靚場又好味，真係好正😝過左LUNCH PEAK HOUR都好爆場😳有好多仲係大枱聚會，下次我都要嗌多幾個朋友一齊開餐先得🤗💃🏻靚靚們記得要出去270° 海景露台打卡📸~•~•~•~•~•~•~•~•~•~•~•~•~•~•~•~•~•~•~•▪蠔皇原隻十頭鮑魚酥 ($34/隻)撻底🥧好鬆好酥，鮑魚口感彈牙，鮑汁濃郁夠入味🤎.▪蒜香剁椒蒸魚雲魚雲肉好嫩滑😚 • 冇腥味，辣辣勁開胃。底下有索滿蒜辣既豆卜🧄🌶️.▪惹味醬皇牛孖根超豐富既膠原BB🧏🏻‍♀️，牛孖根唔算好粗，但就入晒惹味醬汁🤤底仲有白蘿蔔.▪奶皇荔枝百花球 (4粒)有埋葉既荔枝造型，真係好精緻🤩表面脆脆，蝦膠彈牙，中間奶皇餡仲係流心💛.▪砂窩鮑魚雞粒炆飯 ($168)鮑魚 • 雞肉 • 菜心莖 • 蔥花 ，醬汁包住每粒飯 • 色澤好平均🤎勁大窩🥄我覺得可以4-5個人Share😂.▪芒果爆珠楊枝甘露好足料！芒果 • 柚子 • 西米 • 爆爆珠💥，質素拍得住糖水舖🥣.▪茶芥(可揀)🫖鐵觀音 / 香片 / 壽眉 / 龍井 / 菊花 / 普洱 & 水煮花生🥜.~•~•~•~•~•~•~•~•~•

🚩星海．譽宴 (The ONE)落地大玻璃|望住維港兩岸食中菜裝修非常高貴典雅|食物質素唔錯吸引唔少親戚朋友都係度辦婚宴〰️〰️〰️〰️〰️〰️〰️〰️〰️〰️〰️〰️〰️🌈招牌白胡椒煎焗龍蝦 $638鐵板上台|超熱小心辣手咁岩入秋就好想食下啲暖胃菜式胡椒味非常濃郁|真材實料帶點微辣肉蟹足斤半|非常巨量蟹肉厚實新鮮🌈鹵水豬腳仔 $78賣少見少嘅菜式豬腳仔有彈性得黎又唔會硬口感帶點微爽|有醬香味🌈紅燒皇子乳鴿 $68原價$88|依家用優惠價就可以食到乳鴿皮香肉嫩|撕開仲有肉汁🌈蒜蓉粉西蘭花 $108

今次帶咗媽媽🧒🏻去尖沙咀The One樓上嘅星海飲茶🫖，呢度樓底高同無柱嘅設計，環境闊落舒適。水晶吊燈同大舞台整得好靚，非常吸睛✨！👧🏻好鍾意呢度嘅全落地玻璃，可以一邊飲茶🥢一邊望住出面嘅海景🌊，心情都特別好☺️！室外仲有戶外露台，可以270度飽覽維港美景👀 到夜晚仲可以睇埋幻彩詠香江添阿🤩！ 🫖茶位$17/位 ✨蠔皇原隻十頭鮑魚酥 $68/2隻鮑魚比想像中大隻，蠔皇醬汁包住整個鮑魚，口感軟腍入味。酥皮超級酥脆香口，食到多層薄脆嘅口感，層次豐富！裏面有蠔皇醬汁嘅香菇粒粒，配搭幾有口感。 ✨星海蝦餃皇 $45蝦餃皮做得夠薄同煙靭，包住鮮甜彈牙嘅蝦肉，蝦肉俾得好足料啊！ ✨雪山黑毛豬叉燒餐包 $40圓軲轆嘅餐包焗完表面有少少金黃，咬落去非常鬆軟，入面係香甜叉燒醬味嘅黑毛豬粒，包控嘅我同媽媽都好鐘意食。 ✨金銀蒜粉絲蒸鮮魷 $45鮮魷每件都大大塊份量多，𠝹花口感爽彈，仲有粉絲吸收晒金銀蒜同辣汁係幾正。 ✨鴻運脆皮鮮蝦腸粉 $45外層嘅腸粉皮包住脆皮同鮮蝦，上面仲灑咗三文魚子，口感好豐富。 ✨黑魚子蟹肉鳳眼餃 $40外皮同蝦餃一樣煙靭，內餡非常豐富，裏面係蝦肉、蟹肉、芫荽、紅蘿蔔，仲有黑魚子係面

今日專登同朋友到尖沙咀星海飲茶，因為朋友早前提過這裏的點心質素相當不俗，點心又特別。我梗係要探索吓啦，再加上未去過尖沙咀飲下午茶，所以一早book定位去等食。酒樓位於一座簇新的The One商業大廈18樓全層，樓底高，環境寬敞，食客可透過一排大玻璃窗遠眺室外維港景色，室內燈光柔和，配合牆身及精心打造的天花裝飾及吊燈，感覺頗有氣派。180度的維景及裝修豪華，這𥚃很合適婚宴。如有朋友需要擺酒，一定推介🤩除了特別點心外 ，還有很多傳統點心及小菜可供選擇，眼闊肚窄，同朋友商量左一大輪才決定下單。蠔皇原隻十頭鮑魚酥$68好新穎的點心！首先賣相已經相當吸引，頂層鮑魚仔口感彈牙，亦比相像中大粒，酥皮口感豐富。星海蝦餃皇(4件)$45飲茶一定要食蝦餃，蝦餃的外觀晶瑩剔透，包裹著飽滿的餡料。餃皮薄而韌，呈現出完美的半透明感，蝦肉鮮美多汁入面是大大隻蝦仁，整體口感彈牙，咀嚼時有一種滿足感。蠔皇手切黑毛豬叉燒包3件$33第一次食黑毛豬叉燒包，它包皮鬆軟，輕輕一咬便能感受到它的彈性和柔軟。內餡則是用心調配，黑毛豬肉的油脂使得叉燒包的口感更加豐富，肉質鮮嫩多汁，讓人一口接一口。迷你蝦乾珍珠雞 2件$40－份二件

The ONE呢個商場真係好好行，加上正值減價季，勁啱我shopping🥰，行到攰就去咗樓上星海薈dinner。餐廳地方又大又靚，水晶吊燈，樓底夠高，坐得舒服。瑤柱海皇冬瓜盅一煲夠4-6位用，完整冬瓜環內部有各式海鮮粒，瑤柱、海蝦、帶子、菜粒和蓮子，湯汁鮮甜，海鮮鮮味與冬瓜清香好夾，整體味道清新而不油膩。紅燒皇子乳鴿外皮金黃酥脆，表面光澤誘人，肉質鮮嫩有汁，有鹹香，感受到傳統順德風味。秘製瓦撑葱油雞(1隻）雞肉表面淋上超多青蔥，光滑油亮。咸味適中，雞肉油脂豐富，口感滑潤。瑤柱珍菌炆伊麵麵條柔軟，吸附了濃郁醬汁，瑤柱鮮味和菌菇香氣天然，很惹味。薑蔥焗桶蠔煲（煲）＋黑豚叉燒Dinner set性價比極高，大大隻桶蠔肉質鮮嫩，入口juicy又夠鮮，極力推介。黑豚叉燒色澤誘人，表面有微微焦香，油脂豐富。

今日放假同屋企人嘆茶歇腳，搵到呢間有高層大海景嘅酒樓，仲有2點鐘下午茶特價時段，大中小特頂點都有優惠。點心選擇好多，叫左好多款，特別有印象嘅係海苔肉鬆鮮蝦脆皮腸粉，薄薄幼滑的腸粉皮包住即炸米網鮮蝦春卷，上面加上海苔肉鬆，賣相好之餘口感豐富。洞庭湖海鮮泡飯（跟脆米）上枱份量好多，加入大量蝦肉，元貝同蔬菜，脆米香香脆脆，湯頭香濃鮮甜，飽肚暖胃。峰蜜話梅聖女果，係好有驚喜嘅菜式，平時唔食話梅嘅我都覺得好食，話梅味唔會好重，去皮小蕃茄清甜冰涼，夏天食起黎消暑解渴又開胃，頭盤必選。蝦餃，叉燒酥，古早味黑糖馬拉糕都有高水準。環境除左有270度大海景，場內星空主題，有大舞台，無柱大吊燈設計，有露台靚景影相，如果擺婚宴都相當有睇頭，仲可以睇埋幻彩耀香江添。

同屋企人食飯，一向都係將搵餐廳既重任交比我🤣 星海既中菜一直都口碑好好👍🏻 位於尖沙咀The One分店地點方便，仲有靚景加持😍 無論係環境定食物都好高質✨餐廳設有巨型露台可以望到維港景色🌃 室內都極有空間感，大廳無柱設計，裝潢高貴典雅💎 無論係婚宴﹑公司飯局﹑私人包場都好合適💃🏻 平日夜晚嚟到都有幾個event包房，好熱鬧🔥❝ 招牌白胡椒蟹 $638 ❞必試招牌菜⭐️ 原隻大蟹足足斤半重🦀 以鐵板送上，職員即席倒上白胡椒醬汁，簡直色香味俱全🔥 蟹肉新鮮又厚肉，破殼後仍然食到濃郁白胡椒味，香口惹味🤤，下次嚟到都一定會encore.ᐟ❝ 紅燒皇子乳鴿 $68 ❞乳鴿皮脆肉嫩，入口多汁，沾上准鹽更增添鹹香風味.ᐟ 最鍾意隻乳鴿夠肥美，啖啖肉好滋味😋❝ 晚市孖寶 $328 ❞晚市有唔少優惠，孖寶菜式性價比好高✅ 「香烤脆皮三黃雞」有半隻，肥瘦適中🐓 雞皮香脆可口，肉質超嫩滑，完全唔會鞋口，超好食呀😍 另外仲有「蒜蓉粉絲蒸蟶子」4隻，蟶子新鮮爽彈，以蒜蓉調味十分香口，而粉絲更加吸滿醬汁精華，非常入味👍🏻

平日下午來一個高空270° 全海景下午茶🌊🍵🥢..尖沙咀SHOPPING 後歇腳好地方，來得閒飲茶吧。一間富麗堂皇既中式酒家，以集團形式經營，係市區中少有設在天花板的270度海景😍，想吃飯更可以欣賞到幻彩耀香江🌈，係一處必影露台靚景既好地方❤️。呢個下午趁有時間跟屋企人來飲茶🍵 吃點心🥢，係平日難得既休閒🍃。無論來聚會飯局，更可作婚宴 or 宴會場地，都係九龍區一個唔錯既選址呢。🔸蜜汁黑毛豬叉燒 $108🔸蝦米銀絲節瓜煲 $62🔸蠔皇鮮竹卷 3件 $33🔸黑椒蜜汁牛仔骨 $45🔸香芒慕絲糯米卷4件 $33🔸香茜黑毛豬叉燒腸粉 $40🔸金箔斑蘭香滑奶皇包（3件） $33🔸川汁婆婆滑餃子 $40🔸午茶 $17位呢度既點心款式 & 菜式選擇都很多呢！有經典傳統，亦有創意之選，更設有午市 / 商務套餐，多元化配合唔同既需求～而我就選擇不同種類既點心、小廚推介，仲有甜品，質素有一定水準。在不急不趕的節奏，高空吃個Chinese Afternoon Tea🍵🥢，最緊要屋企人食得開心！下次再來～..×××××ש尖沙咀彌敦道100號The ONE 18樓..@Cheuntak1990

今日和朋友到尖沙咀逛街 晚上又想 吃粵菜，突然想起這間口碑不錯的 酒樓，他正正位於商場樓上，確是歇腳的好地方。這裡的裝潢堂皇華麗，特別是天花板，確是擺設喜婚宴的好地方。另外酒樓有一扇門可以通往露台的，竟然看見270度的海景景觀，遠眺夜景的燈飾，非常美麗及壯觀， 實在是市區中的酒樓少有。喜歡吃海鮮的我，看見推介的餐牌，即時二話不說叫了一個招牌白胡椒蟹，份量十足，而且肉質鮮甜，啖啖肉，加上是用白胡椒烹調，份外惹味。台山蠔啫啫走地雞煲，同樣出色，生蠔非常新鮮，雞件 除了份量十足外，亦很有雞味，烹調得十分入味。看見餐牌竟然有薑蔥煎焗魚頭， 而且每邊只是28元，我簡直不敢相信自己的眼睛，馬上叫了兩邊魚頭， 煎得香脆， 亦不帶腥味 真是食過返尋味。朋友說除了小菜出色外，這裏的茶市點心亦十分出眾，下次一定要和三五知己來聚會。飯局必選這兒，因為環境舒適，枱與枱之間不會太近，非常適合朋友聚會。

平時去尖沙咀搵唔到有咩食都鍾意飲下茶呢間酒樓我都幾常嚟飲茶好抵食其實夜晚食特色小菜都唔錯話說其實個場都幾靚佈置好嘅大舞台高樓底 全海景婚禮應該好正-鐵板白胡椒煎焗澳洲龍蝦唔可以為龍蝦同埋胡椒蟹隨便都食到今晚就係因為無胡椒蟹最後叫咗個龍蝦冇諗過都幾好食肉質好彈牙胡椒味好出但係唔會掩蓋咗龍蝦嘅鮮味份量仲好足！-紅燒煲仔翅平時都鍾意飲湯今日食豪啲叫咗個翅份量係足三兩㗎紅燒翅係一種高檔菜色傳統做法嘅功夫非常繁複用排翅做，要煲同煨好多次加上紹酒、豬油、上湯入味一層一層咁煲味道好有層次，口感豐富-紅燒王子乳鴿喺枱上面最香嘅莫過於乳鴿雖然細細隻，但係肉質好幼嫩唔會柴皮加上個脆皮燒得好香脆油香好夠仲好抵食添-台山蠔啫走地雞煲雞煲有四隻台山蠔好大粒入口即溶食落去唔會有鐵鏽或者腥味調味足料，超惹味加上走地雞，入口有質感仲好有雞味

好傷心呀 寫咗成篇食評唔小心影咗張相就跳返過嚟OpenRice冇晒總括嚟講就係呢間酒樓幾高質雖然牛雜煲冇圖片所出現嘅牛膀，但係佢嘅牛肚 牛腸同埋牛肺都好正好新鮮，而且條味唔錯幾香濃少少辣，而且唔會好油㗎呢度腸粉超好味，因為腸粉皮整得好好蝦都比一般酒樓嘅新鮮實在腸粉皮未見到罐透明晶瑩剔透，軟熟得來好煙靭有彈性 每一夾就散，佢個麵粉嘅配料非常好超級大力推介百花釀口冬菇都好好味，個冬菇果然好好質素，平時都係見到百花釀魚肚，呢度百花釀冬菇仲啱我口味因為棉花雞都已經有魚肚 牛筋比較顏色重 。雖然覺得喺出面食皮蛋成五$60好唔抵 但係成日都想食 照嗌，好好味呀留心黃 而且個肉鬆豆腐都好好味個醬甜甜地🩷整體質素體驗更好，服務都好足夠有適當禮貌 唔算話好親切，但係都OK 㗎啦 環境都好唔錯好寬闊，最緊要有獨立廁所好方便因為食評見到有一間好似要用商場廁所

去尖沙咀𝐒𝐡𝐨𝐩𝐩𝐢𝐧𝐠🛍，順手𝐡𝐢𝐠𝐡個𝐭𝐞𝐚🍵不過今日唔係食𝟑層架，去左飲茶食點心🥢(其實主要係陪朋友仔睇埋婚禮場地👰🏻‍♀️🤵🏻‍♂️)位於𝐓𝐇𝐄 𝐎𝐍𝐄 𝟏𝟖樓，樓底夠高，空間感夠大，有大水晶吊燈💎 • 大舞台💃🏻🕺🏻(戶外)有𝟐𝟕𝟎°打卡海景露台🤩，日頭睇維港海景🌊/風景🌅，夜晚時間仲可睇埋幻彩詠香江🪩依個場真係幾靚，就算唔係婚宴，聚會 • 飯局都幾好😎~•~•~•~•~•~•~•~•~•~•~•~•~•~•~•~•~•~•~• ▪奶黃荔枝白花球 依個要叫你趁熱食，但又要提你睇住熱😛荔枝造型好精緻，外層脆卜卜，中間係爆漿奶黃💥.▪金箔斑斕香滑奶皇包外表淡淡綠色💚但斑斕香氣好出。包體好軟熟 • 奶皇餡奶香味重💛.▪蠔皇原隻十頭鮑魚酥 酥撻底夠鬆酥，拎上手係熱辣辣🔥唔係預先焗定😌.👆🏻鮑魚煮得岩岩好，夠入味鮑汁濃郁👇🏻.▪️原隻鮑魚燒賣 燒賣部份𝐒𝐢𝐳𝐞比平時既大，唔會實的的一舊肉😝.▪️海苔肉鬆鮮蝦脆皮腸粉 腸粉包春卷本身已經雙重口感，依個春卷仲係米網皮個種，食落更鬆脆✨，面頭加埋肉鬆好好食😙.▪懷舊薑蔥牛肉角嗱！我就真係第𝟏次食，但朋友仔話佢細個有食過😏先炸脆左再加上醬汁，好惹味😋.

尖沙咀是旅遊必到之地彌敦道The One，最適合shopping完過黎搵食《星海薈》 - The Starview 位於The One18樓，露台可以飽覽尖沙咀及維港夜境，真係好靚。場地樓底高，中間無樑柱，是舉行婚宴的舞台設計。當晚都有好些小型宴客及公司晚宴進行，靈活間板可以建立起不同大小私隱度高的空間。服務員照顧周到，沖茶點菜上菜都好快。《最chill粵菜推介》⭐️招牌白胡椒蟹$638（原價$798）🦀蟹有斤半啖啖肉、肉質新鮮、胡椒炒蟹有風味⭐️紅燒皇子乳鴿$68（原價$88）乳鴿燒得皮薄肉嫩、熱辣辣上枱一隻都唔夠《春季順德菜推介》⭐️薑蔥爆炒風鱔柳$198（原價$288）薑蔥爆炒鑊氣夠，鱔柳爽口彈牙⭐️欖豉貝貝瓜蒸肉排$138（原價$168）濃味欖豉配鮮甜南瓜，蒸出黎肉排亦好淋⭐️陳皮紅豆沙🫘有陳皮味，亦煲到起沙每款食物都認真製作"當我同朋友差唔多食完飯，我地就行咗出去露台欣賞好靚嘅夜景 ，可以270度睇到維港嘅景色，真係好正，打卡一流💕

位於尖沙咀The ONE嘅❣︎星海.譽宴❣︎係一間環境超舒適飲茶飯局好地方👍🏻座擁維港海景，仲可以出露台睇實景打卡📸吹吹風，呢到設計高貴華麗😍仲有舞台，最緊要無柱躉，空間感十足，超適合擺酒結婚，晚宴同聚餐。而家最新優惠71折$268就可以食到鐵板牛油上湯焗澳洲龍蝦🦞添，真係超推薦比大家🫶🏻❣︎川汁婆婆滑餃子❣︎$40個醬汁酸酸辣辣好惹味😋餃子皮薄餡料細緻鮮味。❣︎紅燒脆皮皇子乳鴿❣︎$68乳鴿皮脆肉嫩多汁😋跟埋准鹽同喼汁，沾埋來食更加滋味。❣︎濃湯珍菌浸勝瓜❣︎$64用濃湯煮嘅勝瓜爽脆鮮甜😋湯頭濃郁，真材實料👍🏻飲完都唔會口乾。❣︎南翔灌湯小籠包❣︎(3件)$40賣相好精緻😍用小提籃再鋪紅蘿蔔片上，誠意十足👍🏻小籠包皮薄餡多汁。❣︎雪山黑毛豬义燒餐包❣︎(3件)$40外層鬆脆香甜，包好軟熟，义燒餡料足，咸甜咸甜好正😋❣︎潮式水晶粉果❣︎(3件)$40粉果皮晶瑩剔透，入口軟綿滑溜，餡料鹹香美味。❣︎碧玉鮮蝦腸粉❣︎$45腸粉皮Q彈，鮮蝦彈牙，跟埋塊翠肉瓜，色澤更靚。❣︎金銀蒜粉絲蒸鮮魷❣︎$45鮮魷新鮮，蒜味十足，粉絲索晒啲汁好正。