影片
開飯介紹
富麗堂皇的中菜酒家，集團式經營，可作婚宴及宴會場地，供應高質點心及粵菜。
繼續閱讀
營業時間
今日營業
10:00 - 16:00
18:00 - 23:00
星期一至五
11:00 - 16:00
18:00 - 23:00
星期六至日
10:00 - 16:00
18:00 - 23:00
公眾假期
10:00 - 16:00
18:00 - 23:00
以上資料只供參考, 請與餐廳確認詳情
網上見到呢排「星海」嘅白胡椒蟹焗飯做緊推廣，$300多就食到咁大隻蟹真心抵呀！所以今晚約埋媽咪嚟The One分店試吓，順便提前慶祝母親節🤗 白胡椒蟹焗飯 ⭐️⭐️⭐️⭐️⭐️嚟到見到差唔多枱枱都有叫就知靠得住🤭上枱時見到咁大隻蟹真係嘩一聲！先打圈淋上白胡椒醬汁，蟹肉好新鮮而且份量超大，尤其蟹鉗啖啖肉極滿足！煲仔飯飯焦勁香口，而且充滿住蟹嘅精華鮮味，真係會一啖一啖停唔到口😋 瓦撐豉油雞 ⭐️⭐️⭐️⭐️⭐️我好鐘意食豉油雞🐓當我見到呢度嘅豉油雞顏色咁靚，就已經知道味道一定👍🏻👍🏻👍🏻雞肉質地好滑溜，連平時怕嚡唔鍾意食雞肉嘅妹妹都大讚✨食雞又點可以唔食雞皮呢？雞皮做得好入味，咸甜豉油味恰到好處，鍾意食雞嘅唔好錯過❣️ 遠年花雕凍食醉熟蝦 ⭐️⭐️⭐️⭐️⭐️估唔到咁驚喜😳首先蝦又大又新鮮彈牙，花雕味入晒落啲蝦到，食蝦時尤其食蝦頭有濃濃嘅花雕味🤤價錢咁抵無諗過咁高質🦐 川式酸菜煮深海龍躉球 ⭐️⭐️⭐️⭐️⭐️第一次食用龍躉做嘅酸菜魚🐟呢度嘅酸菜魚比一般嘅會辣少少！龍躉肉真材實料好厚好結實，配埋酸辣嘅湯更加滋味！
繼續閱讀
屋企人做節好多時都會揀中菜食飯，今次想用餐之餘仲可以享受下維港景色所以就約埋去到尖沙咀 The ONE 嘅星海食飯，可以一舉兩得餐廳裝潢富麗堂皇，店內環境寬闊，大堂設有舞台，設有大量座位非常適合團年晚餐、公司週年聚餐、用作婚宴場地近排仲可以優惠價享用招牌白胡椒肉蟹焗飯及其他菜式咁鐘意食胡椒蟹嘅我，又點可以唔叫黎試下食物方面 : 招牌白胡椒肉蟹焗飯 : 螃蟹肉質飽滿，蟹鉗肉質鮮嫩入味，以白胡椒烹調方法，帶出陣陣胡椒香味，蟹身配搭胡椒味道濃郁，微辣惹味，底層焗飯帶有少少焦香，吸收曬蟹汁及蟹膏嘅味道，夠曬惹味遠年陳皮燒鵝伴陳村粉 : 燒鵝燒到外皮香脆，肉嫩多汁，底層陳村粉吸收曬滷水汁及鵝油嘅精華，非常美味椒鹽鮮魷 : 鮮魷爽脆彈牙，炸漿夠薄身，椒鹽味十足蒜蓉粉絲焗牡丹蝦 : 牡丹蝦口感充滿彈性，鮮甜爽口，用蒜蓉粉絲做底層，吸收曬蝦汁嘅味道，真係成煲粉絲都食得曬
繼續閱讀
絕美香港夜景，滋味中菜味蕾享受 今晚朋友請食飯，帶咗我嚟尖沙咀食中菜餐廳裝潢華麗，好適合做婚宴場地！ 我哋試咗幾道招牌菜，真係好正！首先係「招牌白胡椒蟹焗飯」蟹肉鮮甜，焗飯吸收咗蟹肉嘅鮮味，白胡椒嘅香氣撲鼻而來，口感滑順，飯粒粒分明，真係令人一口接一口，好好味！ 另一道菜喺餐廳新菜式「瓦𦉘豉油雞」，一上枱勁香噴噴，令人食慾大增。雞肉嫩滑，豉油味道入味得嚟又唔會過鹹，咬落去有種肉汁四溢嘅感覺，搭配一啖白飯，簡直係完美！ 至愛「金沙黃金蝦」都唔可以錯過，蝦肉彈牙，外面包著香濃嘅黃金沙，口感香脆，裡面嘅蝦肉鮮甜彈牙，咬落去令人好滿足！ 想食啲菜，叫咗「胡椒鹹骨粉腸芥菜煲」，忍唔住飲咗碗湯，微微的胡椒香辣，好香好暖胃。鹹骨嘅肉質軟嫩，粉腸彈牙，搭配清脆嘅芥菜，整體口感層次分明，食完之後令人感到滿足！母親節家人聚會必選 幾鍾意餐廳環境，覺得喺度擺酒，影嘅相應該又Grand又靚，出面個露台位仲可以Set啲位俾賓客打卡影夜景！ 星海尖沙咀彌敦道100號The ONE 18樓
繼續閱讀
有朋友外地返嚟同佢行尖沙咀，晏晝去飲茶，搵到呢間酒樓，裝修華麗有大型水晶燈裝飾，又有海景露台觀景，環境一流，怪不得呢度係有名嘅婚宴場地。呢度點心全部都係手工製作，食物高水準，朋友食完都讚好。 星海蝦餃皇 $50大大隻，皮薄餡靚，真材實料，啖啖爽口鮮蝦肉。 翡翠原蝦北菇燒賣皇 $50賣相顏色好靚，一整隻蝦舖喺面，燒賣豬肉爽口配上冬菇好香。 瑤柱鮮蝦莧菜餃 $44晶瑩剔透，翠綠翠綠咁樣，裏面主要係菜，幾清新爽口。 千島紅米脆皮鮮蝦腸 $50爽滑紅米腸粉卷住酥脆酥脆嘅蝦春卷，口感豐富，配上千島醬同埋甜豉油，味道又好夾。 草莓千絲百花球 $44外層一絲絲嘅脆脆好香口，裏面鮮蝦丸真材實料，唔係一舊粉團，沾上甜酸醬好醒胃，配上一小粒草莓增添果香，食油炸嘢都唔覺得油膩。 陳皮山竹牛肉球 $37牛肉球充滿陳皮同埋芫茜嘅香氣，肉質柔軟，同喼汁係絕配。 日式海鮮炒稻庭烏冬 $138稻庭烏冬煙煙靭靭，加咗一啲韭菜花、芽菜同埋洋蔥炒得好有夠鑊氣，每條烏冬都入晒豉油嘅香氣。配料好豐富，有大大隻厚肉帶子、大蝦仁同埋鮮魷，海鮮都鮮嫩爽口。
繼續閱讀
之前有朋友喺度擺個婚宴，先知道原來坐擁海景嘅星海，午市點心都非常高質！職員建議我要食吓佢哋嘅手工點心🧆全部真材實料(⁎⁍̴̛ᴗ⁍̴̛⁎) ✨黑椒蜜汁牛仔骨✨鮮淮山蟹柳棉花雞✨菠蘿黑毛豬叉燒餐包✨千島紅米脆皮鮮蝦腸✨草莓千絲百花球✨瑤柱鮮蝦莧菜餃 牛仔骨牛味香濃，黑椒同蜜餞平衡做得唔錯；棉花雞嘅魚肚好爽滑，配上健康嘅鮮淮山口感更加豐富；菠蘿黑毛豬叉燒餐包誠意推薦，菠蘿皮做得酥脆，黑毛豬口感特別爽嫩，加上甜甜地嘅醬汁堅正；紅米脆皮鮮蝦腸，每件做得精緻，口感脆卜卜，加上千島醬以及芝麻又更香口；百花球做得巧妙，特別係外層嘅千絲，裏面包裹住炸蝦球，沾上酸酸甜甜嘅醬汁以及士多啤梨果肉，確實幾好食～ ✨廈門鮮蝦炒米粉午市嘅炒粉麵飯款式都有好多，見到個份量即刻覺得性價比都算唔錯！廈門炒米嘅配料滿滿，酸酸甜甜亦特別開胃。 🍷嚟緊就係父親節，見到餐廳都有早鳥優惠！菜單好豐富，價錢都唔算太貴。呢間餐廳絕對可以放入list～佢仲拎咗大眾點評商圈人氣好店，成個環境都好得體，無論婚宴、公司宴會，聚餐都一樣得(⁎⁍̴̛ᴗ⁍̴̛⁎)
繼續閱讀
您可能會有興趣的...