星林居雲南米線餐廳 (已結業)

小弟從來未寫過食評 結果不得不留個評語 食物質素就不會提 因為一入鋪內就前後被兩個職員責罵式分派位置 先由櫃檯職員指罵我和女友行錯位置 之後我和女友面對面坐 突然被要求平排坐 本應我都願意配合 但態度實在不可一世 所以即時走人 本人第一次到該店 所以未知是否個別例子 但單從這種服務態度 永遠都不會光顧111111111111111111111111111111

到達後點餐，它要您2分鐘內點。點餐後，對面的阿姐狂咳狂打乞痴! 我見鄰桌有位，於是很有禮地要求調位。一個5尺唔夠的戴眼鏡女侍應，好惡咁問，您調咩位? 因咩事要調位!我說，因為對面位小姐好病，我有點擔心。佢怒目，之後有3個侍應在我身後罵我，話我落單才調位，麻煩...唉!

A restaurant I frequently visit. Normal lunch. Nothing remarkable. Food of stable quality and reasonable price. Acceptable service and environment. Last but not least, it’s spicy and sour, which I like.

之前食過幾次，第一次寫呢間野食評。上網睇到好似愈黎愈差甘，但系我就覺得OK啦個湯底！ 冇上網食評講到甘差（湯底）今日2點半左右去食，唔洗排隊。都幾大碗，配料好足。湯底都幾好味😋叫左魚腐(硬左d😞)，韭菜餃(皮厚少料😞)，雞翼，D餸就麻麻地。朋友個蘿白，冇咩味😞，好大舊，唔夠林。3個餸加杯野飲50蚊左右，一碗米線同出面價錢差唔多喇。🔸上菜速度快🔸地鐵出口行一分鐘都唔洗🔹座位較窄🔹環境較暗

自從上次同friend食過一次就掛住佢超級酸既米線今次專程再食多一次一坐低拎張tick tick紙簡餸，另外原來晚市都有學生價學生去食可以出示學生證就攞到<學生tick tick紙>嗌左蘿蔔腐竹小中辣超級酸米線 搭 凍檸茶不過不失，米線依舊酸但蘿蔔有些少苦。檸茶太稀，麻麻地。

今日1個人食，一個伯伯帶位，安排4個散客坐左卡位.個落單阿嬸埋黎，見到咁坐好唔高興，鬧伯伯，鬧完轉身就走，叫落單都叫唔住 😐.之後，佢一直唔睬我地成枱人，叫極都扮聽唔到 👎🏻.最後我自己拎張單出收銀，由收銀比阿姐（傻的嗎 😐）聽到阿姐好大聲講「張枱明明坐到5個，而家得4個，做得個$24生意」.真係非常無品.至於米線本身，今次叫左「大辣、非常酸」，真係非常酸。而辣度，其實無點增加，係多左好多辣油，超油膩 👎🏻

話說大大話話都食左星林居好多好多年 次次去親尖沙咀想食米線一定黎依到 食物方面真係幾好味👍🏻👍🏻👍🏻只可惜次次去職員態度都勁差無論係落單定收銀個個都黑口黑面 😓 令人食碗面都好受氣

落單後等咗半個鐘都未有得食，當時我1點入座人不算多。我叫埋罐可樂都要等10分鐘。但問題是不斷叫客入坐，但廚房只得1條友煮米線另1條友做餐飲。跟本做不切但樓面的人太多了有5個。不斷入座，不斷入單。點做啊

星林居攞過唔少獎，例如法國藍帶美食勳章、香港明火食神爭霸戰，今日特登黎試試.最基本嘅小鍋米線先$24，非常親民.但令人費解嘅係，說好的麻辣，其實係酸甜辣。湯底好甜，有啲酸，好少辣，完全唔麻，名不符實.酸辣米線之中，星林居做得唔錯，但食落遠遠未到獲獎級數，所以有少少失望

星林居有兩間分店。我就比較鐘意樓上舖個間喇！因為無咁多人。唔洗點等！講到雲南酸辣湯米線，暫時黎講我還是覺得星林居最好味😍😍通常我都係食 明火小鍋米線 雞翼魚腐 ，酸辣湯本身就有肉醬係度，唔洗再叫😉😉而辣既程度，我只能夠叫 小小辣 至 小辣。因為都已經幾辣。我見隔離抬 唔知係咪叫左中辣，辣到佢出哂汗，係咁叫職員加水，整稀去……但都唔掂。成碗都食唔到，就走左😂😂所以都係叫小小辣好，最多唔夠叫人加辣。😂講番個湯底，真係好開胃！但覺得最近個米線份量少左，感覺上可能配菜仲多過米線😅😅搞到食完都好似未夠喉咁😅

今日同同事想食米線所以去左呢到。但如果大家唔趕時間同lunch 多過1個鐘先好黎呢到食。我地1:05分已經入座，根據以往經驗都知最快要等15分鐘，所以一坐底即刻交張紙。等左20分鐘後都未到，諗住提一提個服務員(疑似老闆)，點知比個服務員大聲話你見唔到好多人咩，等下喇。我地除左呆左都唔知可以比咩反應，唯有繼續等。期間，都聽到附有好多人問d野食幾時到...等到1:40發覺有d唔對路，再提一提，服務員就話煮緊，本身諗住唔食，埋單，點知佢話野飲要收返單價，再一次呆左。結果到1:55先到!

呢度嘅雲南米線好出名，係尖沙咀能夠食到20幾蚊一碗嘅米線，真係好抵。呢度嘅雲南米線可以自選餸，有魚蛋，紫菜，魚腐，水餃等等。味道非常唔錯，夠香，夠麻辣。不過衛生欠奉，服務態度差d，不過勝在坐得都舒服，仲有USB頭俾客人叉電。

落左單等左一个中，去追單時發現，張單只系入左四五个字 ，真系好嬲，追單個個吾比反應！真系吾想再黎，即使間嘢有幾好食，但啲員工態度咁愛理不理，又吾幫手追單，平均每次都等咁耐，真系食其他好過。輸在服務質素！

今日行開尖沙咀， 心血來潮想食米線，諗起之前食個間星林居幾好食就諗住返去食多次。晏晝三點幾嘅時候都唔算多人唔使等位就入得， 入到去梗係嗱嗱聲嗌番碗米線，送就揀咗冬菇同埋水餃，湯底就揀就酸辣。米線嚟到嘅時候出晒煙，即刻試啖湯先！湯底係算幾香既， 揀咗小辣嘅我都覺得有啲辣，冬菇用蠔油蚊個十分入味，水餃就正正常常啦。米線質感十分煙銀，可惜份量太少，大食嘅朋友可能就要加底啦。鋪頭仲有其他餸菜例如腩肉、炸醬等等嘅配料都好似好吸引，下次再嚟一定會試晒佢地。

佢一攞碗粉嚟嘅時候我心諗呀係喎佢啲菜係非常伏我唔明點解佢係都要將菜同碗粉分開放同埋點解要用啲咁爛嘅菜啲菜又黃又爛佢真係爛中間穿窿嗰隻老實講我以前真係好鍾意食佢但係我食埋今次應該唔會再上當我係鍾意佢嘅湯底夠麻夠辣但係唔等於我要忍受佢 差唔多溶曬嘅米線配料都可以忍但係米線咁淋真係食唔落好似一pat嘢咁你知唔知最得意係乜嘢就係佢漏左單跟住我話唔要個女仔態度惡劣咁話俾我聽冇得取消最多補番畀你㗎咋求其攞咗個碗畀咗三塊半火雞腎我就算佢個韭菜餃反而幾抵食六蚊有四舊不過皮厚餡唔靚韭菜味幾濃嘅同以前根本冇得比唔單止係嘢食服務差我仲見到有個阿嬸整跌啲碗落地下就叠返上去完全冇諗過要洗多一次佢裝餸用嘅碟都崩嘅連門口收錢嗰個阿伯都黑口黑面