星林居雲南米線餐廳 (已結業)

同朋友上完course去食好耐無食既米線，當時已經9點，本應係過左dinner時間架啦，但都仲係全場爆滿，以為係好味旺場，事實上係······等左唔使3分鐘有得搭檯，餓鬼上身既我地即刻order，之後傾偈45分鐘後，發覺唔對路，D野食都仲未到，環顧四週，原來其他檯既人都係無既追單之下，waiter無奈解釋廚房唔夠人，要再等下，亦唔知幾時出菜，what?!唔怪得知爆場啦，原來食一碗米線要等成個鐘食物到啦，我地2碗都係叫中辣，但一睇個湯底顏色就知有分別，好明顯就求其架啦其實係保持水準既好味，酸酸辣辣咁，刺激味蕾，豬腩肉又腍又入味！但係再咁做生意既話，就算幾好味我都唔會再幫襯囉

下午同同事去食lunch1:20分落單大半個鐘都未有得食途中已叫侍應跟單但侍應明明睇到你扮睇吾到愛理不理既態度叫左幾次完全吾理你😡😠試問點可以容忍之後lunch時間得番10分鐘我地決定走出去同老世講話cut單吾食個老世仲話番我地轉頭仲咩吾跟單我地同佢講話佢d員工完全無視我地我地堅持要cut單個老細吾比迫我地打包即刻係廚房攞左2碗麵出黎話整左冇得cut😡😡😡😡😡值我地已經冇時間食成間店既員工同老細同一個態度咁樣對客希望大家可以睇到依個劣評選擇一間可以食餐安落茶飯既餐廳😠而吾係一肚火仲要空住肚咁走😡😡😡😡😡

中午去食 三個人去食 兩個同時叫餐 一碗後加 等左5分鐘先來飲料 等左約20分鐘 先來一碗面 我朋友吹佢快少少 扮聽唔到 係旁邊慢慢抹枱 再等10分鐘 一碗面都食完 另一碗都未來 朋友立即去叫佢取消 因為趕時間 佢地啲侍應話唔比取消 再等根本無時間食 我地選擇直接付一碗錢 佢地死都唔肯 話返我地無通知 轉個頭話廚房已整左兩碗出來 又話我地係加單會慢啲 明明一碗係同時叫 我地話唔要 果經理硬要我地外賣走 話我地浪費食物 明玩野 叫左cut 單唔cut 見有事先做 之前根本係hea 你 啲態度簡直差到呢！唔會有下次！ 破壞曬心情！好心佢地訓練下做野的效率啦！咁有時間老屈人倒不如用時間去跟足單啦！

臨近月尾當然要食平啲啲，呢個係打工仔嘅生活智慧吧！所以今日去到尖沙咀，唔係食啲乜嘢放題、西餐廳。呢一間樓上食鋪「星林居」專食酸辣湯米線，三四十蚊就有得落樓，當然係你同我呢啲打工仔嘅恩物啦！先唔講咁平民嘅價錢，佢嘅自選湯底都係相當出名，辣就揀得多喇，原來酸度都有得我揀㗎！小試一次「明火小鍋米線、普通酸、小辣、豬紅、墨丸、豬腩肉」，另外麵餐配罐裝飲品只要加HKD6。由於多人，都傾咗陣計個麵先到，當然要快快食。首先同男友個小鍋湯相比，個湯係無咁辣，但今次個酸好似重手咗，食到尾聲好難堅持，試下加咗幾匙小中辣嘅湯，多陣幾分辣，又幾野味啵！酸辣湯其實真係好好送米線，呢到嘅調味同食開嘅南記小鍋又唔同咗層次，係比南記更加鮮明嘅味道！令人引唔住要不停吸食啊！墨丸、腩肉、豬紅都係不過不失，量唔多，不過全部食完都好夠飽。交換咗隻韭菜餃，又幾好食啵，可以下次再叫！總結一下，我自己係唔太喜歡米線，就連南記都一定要食河粉。呢一間個湯底協助我克服咗自己對米線嘅厭惡感（僅限呢間）。所以鐘意酸辣湯嘅朋友不妨一試，自選酸辣口味真係好好。另外唔食得酸辣都有普通米線嘅，仲平好多添，荷包唔洗咗大壓力都好好。重口味怕辣嘅我首推薦

尖沙咀美食不少，但要選擇到價廉物美的一定會提到這家大大碗米線。星林居他們是供應車仔麵式雲南米線，配料也有不少，無論是肉類、丸類、蔬菜類也不少選擇。他們家米線分量很大。而且湯底惹味，他們都會加大堆的芽菜、韮菜、莞茜、葱、肉碎，這樣也很難不好吃。肥牛蘿蔔豬大腸小鍋米線 $44肥牛不算是很好的牛肉，可是牛肉味很夠，這個價錢算是很化算的。蘿蔔夠甜，而且水份很足，是我每次都必點的菜。而且豬大腸煮得夠焾。豬軟骨魚腐小鍋米線 $38豬軟骨很入味，不過魚腐我覺得不是像魚腐，比較像魚丸。他們家湯底分有不同辣度，覺得湯頭辣辣的好吃。

我名副其實係一個米線控以及嗜辣者，基乎一個星期有三四餐都去食米線，相信同為米線控既你唔會唔識星林居，我依家先寫係有點落後😑要乜自己劃，好似車仔麵咁自己圈餸，要幾酸，要幾辣，要唔要芽菜韮菜莞茜蒽，餸就4蚊-6蚊都有。啲介紹幾頂癮明火小鍋米線 $24起點左炸醬同魚腐，中辣，酸度就"普通酸"，唔記得要求炸醬另上，不過加入湯都正，事關呢度既湯底辣同酸比例配合得好好😭！夠辣同時夠酸，唔會有一方多啲，配上肉醬，成啖湯飲落係好濃郁豐富，呢個湯底真係絕對係我心中排頭一二！

自從朋友帶過我到星林居吃米線後，現在差不多每次到尖沙咀，都會來星林居品嚐它的米線！一如以往的，我點了小酸辣湯底的小鍋米線，配菜就點了豬軟骨，第一次點豬軟骨。個人比較喜歡吃'青'，只要在點菜紙上剔多蔥就會有很多'青'。我現在才發現豬軟骨是這麼大塊的，而且也很入味，兩個字，抵食。飲品就點了一杯凍奶茶，不過不失，但價錢就略為較高。如果飲品能便宜一點，星林居就真的非常抵食了！總體來說，星林居依然值得我再次光顧，但相比起我第一次來的時候，那配料是沒那麼多了，記得那時候的肉碎是非常多的！

同朋友過黎尖沙咀唱錢準備去旅行，我又想食米線。逼朋友陪我～好耐無黎星林居啦，對上一次黎係中學啦已經！起碼有5年。裝修無變過，就連餐紙都無變，好懷念啊～～～而家加飲品好似都貴左好多～餐廳內好多大陸人同韓國人，唔知點解我叫左麻辣米線雞翅同生菜～可惜湯底唔夠辣，走酸唔知點解係酸既！最失望既係生菜竟然係分開上，唔係米線度，所以係完全無味～朋友叫的撈米線仲普通，一樣係走酸但唔知點解好酸。分開上的炸醬竟然係凍既。。。。仲要漏單漏左一個送。多年無食，真係無以前咁好。

第一件事，行多兩步就係電梯， 唔駛行足3 層咁傻。 講明會要你搭檯，仲會係明明仲有吉檯既情況下就開始搭你檯，老闆應該玩開星期五餐廳？😂 落單靠自己拎住飛仔慢慢圈。如果你入左單要等成3 4 個字唔駛擔心漏單，因為真係要咁耐🙈 最近唔食辣，我地分別叫左清湯同涼拌。 涼拌先到。 份量望落少，不過男人話食落都係飽既。男人食完呢個炸醬之後再次表明自己心繫三哥。 我既清湯，偏甜，但唔係三哥個種鮮甜，其實有啲似落左少少冰糖既感覺。 唔差既，但要睇自己接唔接受到。 送個方面份量係少啲既，但我細食反而可以放心叫多一兩款試下。 要講講既係個韮菜餃，平時見既多數都係漲卜卜，咬落好多韮菜既。但呢到個啲呢，瘦底之餘仲要厚底，鍾意食韮菜/想食韮菜既人應該要將個期望放返係跟米線既配料到喇。 留意返！佢既菜係另上加係平時粉麵檔都要專登叫先有既走油🙈 介意既要諗諗（煮野既油同蠔油都無落）。

尖沙咀星林居係其中一間另人一去再去嘅地方食米缐，依家係金馬倫道嘅2樓，入到去見到有好多卡位。店員安排我哋坐咗係其中一張，可以從座位中枱面拎出紙，再可以係左上角揀小窩米線定涼拌米線。今次我就揀選左係＄24嘅小窩米線，再加＄6.1個蘿蔔，牛𦟌，墨丸。湯底揀咗小辣，普通酸，朋友就加咗個菜！叫套餐可以用優惠價＄6加＋1罐可樂或是分達。另外，配料亦可選擇走蔥，走芽菜同韭菜等，方便唔同人有唔同口味！湯底真係值得一讚！

好彩大年初四有開工，唔係真係吊住條引。人地真係好中意食米線架麻，食小一日，個心真係好唔舒服，呵呵。呢間星林居見佢標着左話好似攞咗好多唔同嘅獎，好似好威水咁樣。送嘅選擇都有成十幾20款，只要係枱上面攞張紙自己去劃自己想食嘅餸，同埋特別嘅要求，例如要幾多或者走葱，多酸，小酸。落單左之後大概5分鐘就已經有得上枱食喇。加左一蚊叫咗個麻辣個湯底，食落去就唔多麻，反而個酸味就比較重。米線就係比較硬身，個人覺得唔夠淋，湯底嘅味道都算濃，覺得偏味精，但整體算是不錯。反而啲餸我就覺得好少，雖然就話係＄6一個餸，但份量真係少咗啲，好似腩肉咁樣只有三小塊，肥牛都係一樣，都剩係得三小塊。牛丸就得兩粒。話如果要大分啲就要＄12一份，如果＄12一份感覺好似貴咗啲，人地出面6蚊大大份。要提一提嘅呢就係呢度嘅飲品，大部份汽水淨係加＄6。一杯凍檸茶都係加＄8，但係相反其餘凍奶茶或者梳打就要＄12。咁與其加＄6一罐汽水，我寧願飲梳打或者咸檸七嗰d加＄12 就抵d。

睇戲前食啲野醫下肚尖沙咀食飯都無乜野係唔貴星林居叫做食得飽之餘又經濟配料 酸度辣度任揀 芽菜芫茜蔥呢啲都可以揀要定唔要肥牛蟹籽包酸辣米線($35)肥牛只得三四片 唔太肥 稍嚡蟹籽包有兩粒 味道正常湯底夠酸 米線煮過頭 略嫌腍身侍應姐姐無乜笑容 不過都唔係啲人講到咁差

很長時間沒有到星林居吃米線了，今次我約埋男友去，點知嚇鬼你。上去已經是下午茶時段，人不算多，我們坐在卡位。用紙圈個米線，我要了豬紅魚腐清湯米線，要多韭菜。我的米線到來，清底是清湯沒肉碎，可是十分咸，不清。韭菜很少，就快見不到有韭菜，米線是午茶份量，我一個女仔食完，都唔覺有飽既感覺，不過我是比正價食的。唉，連食都食唔飽呀，又咸，叫左杯野飲都唔夠，仲好口乾。我仲特登約男友上去，話好好食嫁。難食死了！我男友當然唔夠食啦，要再搵地方再開餐。

本身好鍾意食米線，食過咁多間米線始終未有一間超越到我心目中星林居嘅地位好鍾意佢嘅湯底，除咗辣度之外酸度都有得揀，我就揀咗中大辣同普通酸，好夠味之餘仲食得出好足香料，好惹味至於餸方面就揀咗蟹籽包、雞翼尖同油麥菜，滷水雞翼尖夠入味，份量唔少；另外值得一提嘅係油麥菜係分開用碟上，唔會喺湯入面吸曬啲辣油搞到好難食，仲可以解辣！米線加配優惠價飲品，$7一杯凍檸茶個人覺得合理不過員工態度就真係唔太友善，等食嘅時間都比較耐，建議如非必要唔好催單，唔係會受氣！總括而言係滿足嘅一餐！

去到尖沙咀想食平少少，最好就食米線，但係又唔想去食開果幾間，所以就同朋友去左星林居。等左好耐先上菜，原因係我地見到樓面得一個，連廚師都要廚房行出黎傳菜，真係侍應都慳返。朋友唔食辣又全走，所以叫左最平既米線，朋友話湯底清得黎都好有味，所以食晒成碗。我就食辣，貴少少既湯底加左肉碎，更加香！菜肉餃就麻麻。加埋可樂40蚊，算抵。