星林居雲南米線餐廳 (已結業)

星林居有兩間分店。我就比較鐘意樓上舖個間喇！因為無咁多人。唔洗點等！講到雲南酸辣湯米線，暫時黎講我還是覺得星林居最好味😍😍通常我都係食 明火小鍋米線 雞翼魚腐 ，酸辣湯本身就有肉醬係度，唔洗再叫😉😉而辣既程度，我只能夠叫 小小辣 至 小辣。因為都已經幾辣。我見隔離抬 唔知係咪叫左中辣，辣到佢出哂汗，係咁叫職員加水，整稀去……但都唔掂。成碗都食唔到，就走左😂😂所以都係叫小小辣好，最多唔夠叫人加辣。😂講番個湯底，真係好開胃！但覺得最近個米線份量少左，感覺上可能配菜仲多過米線😅😅搞到食完都好似未夠喉咁😅