星林居酸辣米線餐廳

營業中

休息中

自從食完一次星林居之後，每隔一排都會想反桌佢😛指定動作嘅多茜，係爆多茜🥳一定要食中辣，湯底夠酸，叫埋大大舊甜蘿白，同埋豬腩肉😎我覺得佢個湯底係有魔法，會吸引人去食💋 諗諗下又要再食啦😢

星林居係讀書時代嘅最愛每次出尖沙咀都一定食不過最近食返已經不復當年只可以話係好一般嘅米線蘿白 一如以往大大舊，夠哂淋，但又唔會一夾就散腩肉 好韌….米線 份量十足，略嫌太淋湯 好濃，不過冇以前咁甜😮‍💨

/ 對於米線關注組既我，梗係要試暈哂所有既米線店啦🙈😍！今日男朋友放假，突登出黎陪我食lunch，就帶左佢一齊去食「星林居酸辣雲南米線」🥰⋯(成日覺得佢張order紙好似買緊六合彩果張紙咁🤣)我叫左響鈴、生根、豬大腸🤪，揀左小辣，我同男朋友都覺得呢間既辣度唔算太勁，而佢就叫左雞翼、肥牛、豬腩肉，揀左中辣！💬我地覺得呢間米線都唔錯，酸辣湯底幾好食😋👍🏻，不過叫得多餸既話就有d貴，唔太抵食啦🙈⋯

星期日既8點鐘，好彩咁岩有位，唔洗排～坐低左之後，就開始多人 要等位嚕。第一次見小鍋米線既餐單係可以有得自己揀重酸，普通酸定少酸，要唔要葱，芫荽同韮菜全部圈低你想要既材料同口味轉頭就有得食今次我就揀普通酸，多葱多芫荽，餸我就揀左炸醬，麵既質地係滑身同唔太林。由於我個日唔太肚餓，所以份量我覺得係岩岩好

湯底酸辣得來清甜，十分易入口。勝在碗面鋪滿配料如芫荽、肉碎等，令味道更添層次。來到星林居，一定要點蘿蔔！蘿蔔清甜多汁又無渣，內裡都染上湯汁顏色，絕對是必吃之選！而米線則屬於比較軟腍的質地，喜愛嚼勁的人可能就覺得一般了。

作為米線關注組一份子既我見到好多人話星林居退步左😩我當然要試試佢🥸今日下午一點半左右黎到唔駛排隊落order個呀姨都好有禮貌double check 啲配料🤗我叫左雞翼、蘿蔔同腐竹(普通酸 小辣)📝最緊要走茜😆我頂唔順陣味🤢✅湯底:酸辣湯底黎講 佢都仲係number 1🤩酸度仲可以按喜好加加減減✅米線:十分入味💯✅配菜:雞翼夠入味，蘿蔔偏甜✅份量:對女仔黎講足夠❌腐竹就真係麻麻地，量多但成塊布咁剪都唔剪下㊙️每碗米線下面都有個碟仔 唔怕會有手指插入湯既情況出現🤣

以前係尖沙咀番工成日食，覺得好好食每日都會食，今日食完真係覺得不了！服務態度差，已經示意了幾次想落單，但係個員工啤咗我三次都無理我，第4次示意先走來幫我落單，都算，個米線我填咗小小酸，但碗野酸到我個胃同喉嚨都唔舒服，所以無食曬碗野就走咗。。。。。。好心唔想做生意就執咗佢啦！好難食，完全無服務態度！

記得第一次食星林居嘅時候，真係令我好驚喜😍酸度辣度都係恰到好處，米線口感亦非常唔錯。係一間食過返尋味嘅餐廳👍🏻早兩日喺尖沙咀唔知食乜野好所以就走咗上去，諗住快食個米線。叫咗小鍋米線加肥牛，芝士腸同貢丸。上枱嘅時候唔知碗米線係咩事，亂到好似打風咁樣😥😥然後全部餸都係超級硬同乾爭爭🥲米線又煮到好稔🥲唉加上店內裝修好舊，啲枱櫈好似好唔乾淨有啲油咁。個地下好似好污糟又好跣。真係令人無晒食慾。

其實一上到去職員態度已經唔系好好，坐低揀完就落單，都等左5分鐘先有人過黎（落單個人系亞伯黎），都系冇咩禮貌。我叫既餸系6蚊款既冬菇同豆卜，大約等左3個字碗野比插左隻手指公落去既職員送黎，睇見已唔開胃，成碗野油臨臨，再睇埋啲餸豆卜仲要得一粒唔係掛，碗野勁咸勁油，只系食左2粒冬菇，幾啖米線已經冇再食，真系好難食，我以後都唔會要黎。

之前見米線關注組同唔同reviews都有討論星林居嘅米線，comments都幾兩極，所以決定親身去試試佢究竟係咩一回事！ 平日夜晚七點幾唔算多人，order左明火小鍋米線(小辣走芫茜)，配料要腐皮角同豬腩肉。米線嘅分量都算多，可惜太淋口感一般，酸辣湯嘅酸味重過辣味。配料腐皮角只有兩片，豬腩肉嘅分量較多但有d韌。值得一提係湯底嘅炸醬好足料，食到尾都仲有！ 本身都唔算抱太大期望嚟，試完覺得屬OK正常，唔係好參透佢以前拎獎係因為米線、湯底、定配料～哈哈！附上餐牌

見到社交平台米線關注組有人話好食，所以就見經過就入左黎試。點知黎到食左兩啖就食唔落，即刻埋單走......一入到去見到星期六日都得小貓三四隻，係米線咁當紅既情況下其實都知道中中地伏....首先，衛生情況幾差下，一路行你會feel到鞋底「痴立立」，著波鞋行過會吱吱聲，檯面都有路少上手食淨既湯積，不過其實價錢唔貴，呢啲都預左既😭米線黎到先係重點。湯底係濃既，但一路食一路要瘋狂飲水，食完繼續要飲。賣相一黎到就唔開胃，呢米線好hea就咁掉落去，飛到周圍係...一食落去，米線淋到係出哂事，好明顯提前煮左好多（其實提前煮無問題，但淋到一夾就散，真心唔得）。豬腸落調味落得太勁，係個湯咁濃既情況下，竟然重可以食到勁鹹既味道，真心非比尋常。重點係個油面筋，你好明顯會食到一陣變左既酸味，係我食左一啖要吐出黎果隻酸，因為怕會食完腸胃炎🤮🤮最黎頂唔順食左兩啖即刻走左佬，真心呢到俾啲正評呃左入黎，奉勸大家真心唔好黎食，貼錢買難受，唔怪得星期六日都完全無人咁濟...😭 超級後悔....（PS 服務態度都勁差，不過呢個價錢都唔expect啲咩...，評價星數太底唔俾我貼圖，如果唔係一定會share出黎）

係尖沙咀食米線，當然首選係星林居（樂道），而今次幫襯咗呢間上樓分店，好很失望！上面呢張點餸紙就幾肯定係星林居嘅signature logo，見到呢張紙應該係代表好食嘅，但⋯⋯先唔講出品，講番個環境，由地下行上去三樓，要途經兩層，有一層好很污糟，其實明知食客係會行樓梯上去食米線，又點解唔幫手清潔下條樓梯呢？上到去坐低，可能俾樓下影響到咁，成間店感覺殘殘舊舊。以上兩碗，1,米線，蘿蔔，軟骨，金菇，呢幾樣嚟講係正正常常。2,生菜又d爛，爛咗半碗，所以只食咗半碗。3,大腸食唔番星林居（樂道）味道。4,韭菜餃第一次係呢度食，第一次食到『麵粉』嘅感覺，咁大過人第一次食呢種入口即化嘅餃子皮，化係化番成麵粉粒般散開，又個韭菜餡極奇渺小，不如叫番做「韭菜麵粉皮」好過啦。5,湯底本身幾好，又係第一次係星林居食完會極度口乾，怪！下次都係番番去樂道嗰邊食，希望以上事件唔會（樂道店）再次發生。

米線達人又出動！今次試位於尖沙咀既星林居 朋友同我講呢到好出名 鐘意食米線一定要試下於是就黎試下啦🔆肥牛冬菇酸辣米線 $48米線食既時候偏腍 唔夠彈牙 已經減左啲分我叫左普通酸小辣 但個湯底都偏咸 而且唔算辣酸菜相對上就唔太多 食到最後會愈食愈咸啲餸就正常發揮 肥牛，冬菇呢啲配菜都容易煮 難啲會失手相比下 佢係好食過雲貴香個啲我覺得已經變左質既米線店但需要有進步空間😂 始終太咸唔會想繼續食落去😂味道: 2.5/5賣相: 3/5

-{尖沙咀酸辣米線🍜}假日黎左依間 以前係好多好評🤨但係依家假日嚟都冇乜人👀睇下質素點先~🤤三餸酸辣小鍋米線🤤 ($55)今次嗌左3款餸 bb辣非常酸 麵就係米線 麵質偏淋 個湯嗌左勁酸嘅酸辣其實都唔係好酸 入面有肉碎芫荽蔥芽菜 芫荽味幾香💁‍♀️個湯普通 有比較有傷害🧐以下順序排嘅餸😛豬大腸($12): 超肥 好入味但係個份量都唔係好多😂肥牛($12): 好普通 肥肉太多感覺冇乜肉食剩係得啲肥膏🥴冇乜肉味豬紅: 真係一夾就散而且冇乜味🤣同埋個邊邊係有啲黑黑地最尾唔敢食嗰舊🙉最後食完真係口渴 感覺點都有啲味精👀👖褲評: 5.5/10學生有得食平少少但係寫勁多資料超級麻煩🤢份量係比譚仔小啲 感覺好普通 都係老闆娘好食啲🤓性價比: 5/10服務: 5/10環境: 6/10🚩星林居酸辣米線餐廳🚩地址:尖沙咀樂道23號地下A舖尖沙咀金馬倫道14號金輝大樓3樓#fuudjai #fuudjai港式 #fuudjai尖沙咀

.尖沙咀❣️米線關注組本人都係喜愛米線既一群🤤係尖沙咀返工總會有幾間成日都會食！星林居一定有份上榜，多蔥多芫荽唔駛講啦🤭今次叫左超級吸湯既📍油面筋📍蘿蔔📍豬腩肉，多酸中辣🤤講個秘密比大家知，其實佢既煮米線既穩定度係30/100，所以今次好好味，下次就會一係好酸一係好辣一係無味🤭睇下大家好唔好彩喇！穩定發揮既就非常之好味😝好食指數：8/10（正常發揮下）星林居酸辣米線餐廳尖沙咀金馬倫道14號金輝大樓3樓