星星 Pho Cha

營業中

休息中

I dined with my buddy at Jordan after watched the Jungle Book at TST tonight. We had a birthday dinner around the warm atmosphere in a Korean restaurant, many stars were being decorated all around the restaurant, my friend was funny and said her wishes shall come true because a lot of lucky stars there. TOO FUNNY!There are too many Korean restaurants in HK but this restaurant felt like quite ''Seoul style'', the chef and waitress look like Korean as well. We ordered the raw crab, seafood soft be

My sister-in-law visited HK and I am going to be a dining guide for her in coming weeks, she actually is a super fans of Korean food, I believe there will have many of our footprints 🐾 in Korean restaurants and I shall prepare the panadol at home just in case we might have throat pain because of the spicy food. Hahaha!!!I mainly to look up ''OR'' for searching the Korean restaurants. Believe 星星Pho Cha is good as she got lots of positive comments! We ordered the soy sauce crab 🦀 and chicken 🐔 sal

朋友介紹下，星期四去咗依間位於文英街嘅韓國餐廳食。雖然地址寫佐敦，但係搭地鐵係柯士甸站落近好多。小店氣氛好好，七點半黎到，估唔到已經坐咗七成人。店內周圍貼咗好多韓星相，呀朋友見到好興奮指住嗌，唔睇韓劇嘅我真係唔識分，我就志在食㗎啫哈哈！兩個人嗌咗三道餱share食已經好飽。芝士絕對係重點！本身好驚一半係芝士會好“漏”，不過食落完全唔會！配合埋粟米，剩係芝士依part都可以生啪哈哈！ 第一次食醬油蟹！一個字正！醬油唔會話咸到蓋過蟹嘅鮮味，送飯一流！因為芝士飯團個飯唔夠兩個食，所以另外加多個飯，一樣有紫菜，加埋個蟹擺落口到又鮮又香，不得了！嫩口乾身嘅雞肉，加埋新鮮菜同秘製沙律醬，清新健康！

女友強烈要求我同佢去食呢間韓式餐廳，話有劉大尉軍用飯盒wor 果然泡菜劇太陽的後裔影響力不容忽視Happy Friday收工後，我地黎到位於佐敦文英街地鋪既"星星" 餐廳內有唔少星星形狀嘅擺設，呢盞星星燈好吸睛!餐廳其實唔算好大，當晚都差不多9成滿!裝潢係modern型格style, 牆上貼咗韓星相，好韓式餐廳 !星星拼份炸雞係雙拼炸雞, 一碟有2 隻味, 有辣有唔辣 !辣味唔算真係好辣，好香口!雞炸得酥脆，外皮唔會太油膩，而入面D雞肉係tender & juicy 泡菜餃子火鍋材料好豐富，粉絲索曬個湯底味!呢個對我黎講有點辣! 女友就好鍾意食 !醬油蟹 $268醬油蟹係未經烹調既生蟹, 女友第一次食覺得好得意!佢話蟹肉口感似jelly  醬油蟹蟹膏充滿醬油香味, 正呢個醬油蟹係無腥味架!最終女友係冇叫到星星飯盒，即係劉大尉軍用飯盒我地下次再黎食!

辛苦了四日天，難得賺到了一friday, 在難得的friday, 當然要配美食，還要是近期大熱的韓料理! 星星這個餐廳的名字，已經十分韓國 另人不免想起之前大熱的韓劇 ~来自星星的男人。餐廳佈置滿有特色，食物亦很地道，大多在韓國都十分流行。我們一行三人， 點了這次來的重點-芝士炸雞，當然要配上韓beer, 再加海鮮豆腐泡飯及醬油蟹。炸雞配芝士聽起上來好像很heavy 的感覺，但炸雞不肥，吃起上來没有感覺到很油腻 (請配上啤酒享用)。另外店家加上了粟米粒，感覺清爽，亦很有口感。另外韓料理的重點就是辣，海鮮豆腐泡飯便是辣的。由其豆腐和飯都吸收了辣湯, 十分入味。聽聞韓妹食這個可以減肥!如果你吃生的話， 可以點醬油蟹，質素比得上在韓國食的 (聽友人說的)。果然是來自星星的料理

做得朋友當然要啱咀型，食野喜好要差唔多，我同best fd都最鐘意食雞，所以黎呢度食左個芝士酸辣味炸雞同埋韓式粉絲雞煲。芝士酸辣味炸雞的炸漿厚度好適中，脆得黎唔會好硬，肉質都幾嫩滑，唔會炸到好乾，份量兩個人share好足夠，加上滿滿的粟米及芝士，撈埋一齊食幾有新鮮感，唔會淨食雞咁齋，不過炸雞食得多始終容易膩，旁邊的醃蘿蔔就正好平衡一下喇。食得炸雞，又點可以少得飲酒呢？輸液酒既玩法，係店員幫我地將兩支酒快速將瓶口上下交接，啲酒會隨著流向自己溝埋，好好飲，下味道豐富有層次。再黎一個韓式粉絲雞煲，類似食開的安東燉雞，一碟有齊洋蔥、馬鈴薯、紅蘿蔔、青蔥同辣椒，味道甜中帶辣，雞件嫩滑，粉絲完全吸收湯汁，灑上芝麻更香更吸引。

身邊有d fd追星真係追得好誇，好似上個禮拜傳Bigbang會搞游擊演唱會，佢地即係話組團飛過去，自問我就真係無咁既材力去追星喇，算，拉d朋友食返餐韓國菜安慰自己對oppa既思念之情吧啦~我毫不考慮咁先點左個星星飯盒($53)，因為呢個正正就係係太陽的後裔出現過果個軍用飯盒，yeah!入面好簡單，主要係餐肉、腸仔、蛋同一d配菜，mix好上下兩層後就蓋好係咁搖係咁chok，之後就可以打開慢慢歎架喇，相當有軍人風味，哈哈……同行友人揀左星星伴飯($68)，都係由好多唔同配料組成，話係"雜錦"都無形容錯，店員提醒撈既時候匙羹要向內，出黎既飯先會靚仔喎，期間可以一邊撈、一邊加入辣椒醬，咁就會成為一個好惹味既飯喇。食完個心warm晒，如果可以有個oppa黎陪我地食飯就仲開心。

呢排女同事之間既熱門話題，竟然係水晶男孩！佢地係一隊16年前解散左既大熱韓國男團，最近係《無限復活》入面重組，令到大家都睇到勁感動，仲為佢地即將會重新出道感到好欣慰。傾傾下我地又韓癮起，又係時候食返餐韓國菜調劑下心情先。炸雞已經夠邪惡，呢度仲要用鐵板上變成芝士酸辣味炸雞，真係邪惡度爆燈！大大件雞件炸到勁香勁脆，然後熱辣辣咁放係半融芝士上面，撈埋d粒粒粟米入去，一手拉起件雞，拉到好多芝士絲同沾滿好多粟米，不得了！睇黎減肥計劃又要暫且擱置。之後呢個星星飯盒，因為覺得個賣相好得意而叫，最啱影相呃like。呢樣係好傳統既韓國食物，只要將煎香左既韓式午餐肉同腸仔，加入埋菠菜同芽菜等配料，然後收返個蓋係咁搖、係咁搖，咁就食得，簡單滋味。而呢個韓式粉絲雞煲帶甜既味道層次豐富，汁醬好多，浸滿左d雞，加上用薯粉製成既韓國粉絲吸盡湯汁精華，煙韌彈牙，仲有大量薯仔同蘿蔔都豐富左口感。下次唔知我地又會搵個咩理由再食韓菜呢，期待~~

講真，一直以黎對酒呢樣野無乜好感，一黎完全唔覺得好飲，二黎見d人飲醉後發酒顛覺得好恐怖，所以平日同朋友出去飯聚，大家都係飲果汁呀、汽水比較多。今晚黎呢度食韓菜，店員推介我地幾個女仔飲呢款酒，話唔易醉又好易入口，好啱女仔飲，大家先膽粗粗試下。呢款叫輸液酒既酒，係將在韓國好受歡迎既真露燒酒加埋白歲酒溝成。韓國燒酒顏色透明，酒精度較高，口感清新唔辣口；白歲酒係韓國一種由糯米同中藥釀成既酒精飲料，主要材料係高麗參，飲落甘甘地。輸液酒既玩法，係將燒酒樽倒立同百歲酒咀對咀，睇住佢地mix埋一齊好得意，mix好就可以飲架喇，飲落有好多層次，易入口，最緊要店員話唔易醉，飲得健康。叫左星星拌飯，加上調左味既蔬菜、牛肉、雞蛋，睇到佢咁顏色繽紛已經令人食慾大增，重點係要加入紅到發亮既韓國辣醬，跟手就可以迅速攪拌，等飯同配料同辣醬mix得均勻就可以食，簡簡單單已好好味呢。再order左個烤雞肉加燒牛肉加燒豬肉，雞牛豬三大肉類大集匯，滿足晒鐘意食唔同肉既朋友，幾款都好香口，水準唔錯，份量亦唔少。原來食韓國菜真係唔少得飲酒呢個環節，慶幸今晚大家走時都無醉。

試左用鐵板上枱既特大牛排骨同LA牛排骨，店員幫我地將牛排剪碎，方便夾生菜入口食，旁邊既醬汁令牛肉食落更惹味，感覺更Juicy，牛排肉質都幾軟嫩，我最鍾意連埋洋葱加入生菜包內，增添口感！估不到係韓國餐店都能食美味牛排，令我呢位牛魔王好滿足！

知道呢度有同《太陽的後裔》同款既軍隊飯盒，作為太陽迷梗係第一時間黎朝聖兼湊熱鬧啦！呢款飯盒部隊拉麵($58)，入面有泡菜、腸子同餐肉，配上好彈牙嘅韓式拉麵，再加三舊飯團，邊食邊覺得自己都係阿爾法隊嘅一員咁~拉麵熱騰騰，個湯夠香濃，加埋d辣辣地嘅泡菜，非常醒胃，至於飯團就煙煙韌韌，每口都有紫菜同芝麻嘅香味~其他唔錯既選擇有星星伴飯($68)，提提大家撈嘅時候匙羹要向內撈，先唔會壓平啲飯，出黎啲飯先會一粒粒，跟住下面4個步驟做就係最正宗既食法喇：1. 蓋住張蛋焗熟佢2. 焗到咁上下撈一撈3. 加辣椒醬4. 再撈， 完成。鍾意食香口野既朋友就一定要試芝士酸辣味炸雞，炸雞喺韓國有幾hit真係唔洗多講，mix埋勁多芝士同粟米之後口感更加豐富，更加可口，酸酸辣辣既炸雞外皮脆、內層肉嫩，粟米同芝士就起左平衡作用，nice！

《太陽的後裔》雖然已經播完，但熱潮未有減退跡象，尤其我地呢班劉大尉嘅忠粉，持續日以繼夜咁追住宋仲基嘅星蹤，遲d佢仲會黎香港搞fans meeting，實在太太太興奮喇！喺未見到佢真人之前，幾個女仔今晚就黎左呢度食劇中出現過嘅軍用飯盒，一邊回味返d劇情~呢度好醒食住個勢，推出左兩款同劇中同款嘅 軍用飯盒，其中一樣係星星飯盒($53)，睇到個飯盒我地成班女仔都瘋狂影相，真係同劉大尉食果款一模一樣架(心心眼)！入面主要有餐肉、香腸同一d配菜，下層就放左蛋同紫菜飯，先將上層既餸mix落下層，之後按自己口味加入辣醬，然後加返個蓋後狂shake！shake！shake！之後就可以打開黎慢慢歎架喇！唔……食材雖然簡單，但食落都相當有風味，飯好有嚼口，韓式午餐肉煎香後口感比香腸軟腍，同伴菜撈勻黎食，滋味不凡。大家都食得好滿足，完全中晒韓劇既毒，哈哈~另外點左個烤雞肉+燒牛肉+燒豬肉，一次過歎晒三大熱門肉類，最啱一班人食，因為即使有人唔食牛、有人唔識豬，一樣可以齊齊開心share，配生菜包住食，再點埋d汁，滋味即時double up！最後仲有個土豆豬骨湯，豬骨燉得好嫩好稔好好味，薯仔非常入味，鍾意飲湯嘅

開頭無 expect呢間餐廳會好好食，去到 d waitress好有耐性 recommend我地咩好食。同好多 韓菜一樣會俾 side dish我地，d side dish幾好食，特別係 d eggplant.kimchi都係side dish, 佢 唔算 too spicy and唔太酸。炸雞，一個order有晒 2 隻味 (soy sauce + spicy), 分量都夠 3 個女仔shae. 辣味 其實唔係真係好辣 korean d sauce 都係有 d 扁甜，d雞炸得岩岩好，皮脆肉嫩。我就鐘意 Soy sauce 味多 d, 酸酸 甜甜 咁既，仲有 d 酸瓜其實好好食 好開胃 會越食越多。最好係shop會同 韓國 d shop一樣俾埋手指套你，咁就唔會整dirty d手指。(連外賣都有 好貼心)呢個 芝士抄年糕 超好食 !!!! 個人覺得佢唔辣，但係芝士味超濃，年糕又係soft, d麵 撈埋 d芝士 and d chilly sauce超好食，放凍咗都好好食。年糕又係放凍咗都唔會硬咗。土豆豬肉褒，一路食可以一路滾住 同埋 加湯。略嫌油膩咗少少。柚子酒，我覺得有 d香精味

前排睇到新聞話中國六千旅客迫爆韓國「星你」拍攝地，搞到我暫時都唔敢去韓國玩住，不過又好掛住當地美食喎，唯有黎呢度止住癮先啦！泡菜餃子火鍋(粉絲)大鍋內堆滿泡菜、金菇、餃子、豆腐及粉絲，越煮越香辣。大大隻韓式餃子，包著切得細碎的豬肉及蔬菜，雖然外皮口感比不上中式餃子，但浸在大量濃湯中，每口都包含湯的精華，而且不覺肥膩。芝士炸雞在芝士熱辣辣時，將雞件混合其中捲後拉絲，雞件炸得酥脆，外皮不會太油膩，裡面的雞肉滑溜溜，不會過熟。星星炒粉絲韓國傳統菜式，做法有點像港式炒米粉。韓國粉絲是由番薯乾製而成，味道甜甜辣辣的，配料豐富，對健康當然有益，也很飽肚。星星煎餃子韓式煎餃有點像我們的鍋貼，但皮薄得多，外層煎得金黃，入口有爆破的香脆聲，肉汁在嘴裏四濺，肉香豐腴。

近日成班女同事都中左好深既韓劇毒，個個都攞住手機日煲夜煲《太陽的後裔》，仲鬼咁迷劉大尉，話要識番個oppa做男朋友喎~為左滿足大家嘅幻想，今晚放工就齊齊黎左呢度歎正宗韓國菜~芝士炒年糕 $128吸收左芝士既味道，食落味濃同幾煙韌，不過年糕凍左好易變硬，所以記得要趁熱食。芝士酸辣味炸雞 $148雞嫩醬濃，酸辣汁好吸引，幾乎食一啖就想點多啲醬汁同沾多啲芝士，好在佢個醬唔算油膩，食完唔會飽飽滯滯，keep到雞件香脆可口。特大牛排骨(1件)+LA牛排骨(2件) $198有專人為大家「碎上」方便開心share，肉質夠嫩，甜甜地，好多肉汁，而且厚度啱啱好，食既時候有牛味同時口感唔錯，連埋洋葱一齊放入口別有一番風味。