星星 Pho Cha

營業中

休息中

近日成班女同事都中左好深既韓劇毒，個個都攞住手機日煲夜煲《太陽的後裔》，仲鬼咁迷劉大尉，話要識番個oppa做男朋友喎~為左滿足大家嘅幻想，今晚放工就齊齊黎左呢度歎正宗韓國菜~芝士炒年糕 $128吸收左芝士既味道，食落味濃同幾煙韌，不過年糕凍左好易變硬，所以記得要趁熱食。芝士酸辣味炸雞 $148雞嫩醬濃，酸辣汁好吸引，幾乎食一啖就想點多啲醬汁同沾多啲芝士，好在佢個醬唔算油膩，食完唔會飽飽滯滯，keep到雞件香脆可口。特大牛排骨(1件)+LA牛排骨(2件) $198有專人為大家「碎上」方便開心share，肉質夠嫩，甜甜地，好多肉汁，而且厚度啱啱好，食既時候有牛味同時口感唔錯，連埋洋葱一齊放入口別有一番風味。