星怡 (已結業)

看到多時但總遲遲未試，趁着今日有空檔的日子，所以來吃過午餐試一試真的是這麼好吃?對於這個商場自己就沒有太刻意去搵食，是不就腳還是他商場內的格局唔好行，總未能吸引自己。。。中午十二時入座，只有一兩枱客人，所以坐得比較寬鬆，自己就揀了當日的海南雞飯另（單點飲品價錢正價減$10 ）當日的(海南雞飯)，配上西式沙律，係唔係有點。。。先不講配角直入話題說說主角，海南雞份量正正常常，（不過自己就覺得冇乜味道），對於油飯自己亦都覺得沒有油香感，配上油光滿面的例湯、整頓說自己就覺得有什麼出色位，費解可以令到這間餐廳有咁多人讚賞，一面食一面有點疑惑～⭐️⭐️至於個拉茶，自己就覺得茶質較薄，至少不是自己喜歡的～整體而言自己就對這餐飯比預期有一點落差，這麼大的一致好評，對自己來說可能口味有點大不同。★此店有叧加一服務.HK$200.以上收信用咭★

2022.09.14 lunch放假，但要快食lunch，路過見到門面同坐位都算唔錯，快睇餐牌都揀到食咩⋯⋯即入，坐到好位，叫做遠離人堆😂 點知，原來午餐牌係分一至星期五，星期三嘅就只揀到海南雞，另一個就決定選擇散叫，魚旦喇沙麵。其實佢話set，只不過多咗個所謂沙律，叫飲品平$10 😪 仲要個沙律都少少求其 feel，菜又唔算新鮮海南雞到⋯⋯見到個汁已經打晒折扣，可能我哋唔知新加坡海南雞係咁啦⋯⋯你知啦，海南雞個幾個汁好緊要㗎嘛，只少對我倆係！所以當食緊普通滑雞飯，不過啲雞都真係幾滑嘅，加咗麻油，都香嘅。仲有個湯，麻麻哋都冇飲晒🫢 仲要係$88， not for us 👎🏼反而個魚旦喇沙麵有啲菜喜，賣相好ok又足料，味道都算唔錯添！不過就係得油麵底。唔好意思喇，應該唔會再到訪🫢

呢間之前已經想試，所以咁啱今日黎開尖沙咀，就梗係要一齊試下啦！🔆新加坡濃湯福建炒麵($1️⃣1️⃣8️⃣)呢個福建炒麵個人覺得真係整得唔錯😝佢嘅濃湯汁都幾夠味同幾濃蝦味，麵又好掛到汁，所以食落味道都幾唔錯。🔆馬拉盞炒通菜($7️⃣8️⃣)呢個通菜炒得幾有鑊氣，但啲通菜都仲係幾嫩幾新鮮😝加上佢鹹香鹹香嘅蝦醬同微辣嘅辣醬，食落又香又正。🔆南洋咖吔多士(榴槤)($4️⃣8️⃣)Kk又叫咖吔多士啦🤣🤣🤣今次係叫呢個榴槤味嘅咖吔多士👍🏻佢嘅多士烘得都幾脆，榴槤味都算幾重，配埋甜甜嘅咖吔醬同鹹鹹嘅牛油，真心好正！🔆娘惹蘿蔔糕($7️⃣8️⃣)呢個kk真心推薦大家一定要試😝佢嘅蘿蔔糕炒得都算幾香下，而且又唔話太多粉😝所以真係幾唔錯😊加上佢又香又鹹又帶點辣嘅醬😘食落真係好惹味！🔆雞肉咖喱酥($5️⃣8️⃣)咖喱酥個人都覺得唔錯🤗酥皮香但夠鬆脆😋配埋佢嘅咖喱香味同入面嘅雞肉薯仔，好味又飽肚。

星怡係I Square嘅星馬菜餐廳，裝修幾靚，幾寬敞，入面以木系為主，仲有一隻好似tiffant blue做主色，應該好多女仔會鍾意。同朋友過嚟食個lunch，有lunch set,set仲可以以優惠價揀煮餐牌裏面嘅特飲。仲有一份小食，當日嘅小食係星洲魚蛋，味道都幾濃郁，而且好有咬口。我地叫咗一個馬來炸雞脾辣死你媽同一個豬扒喇沙，呢度嘢食嘅份量超級大，首先講吓雞髀飯，雞髀真係同塊面一樣大🤣而且炸得好脆，二入面嘅肉質仍然保持到Juicy,個人來講真係10分喜愛。配嘅係椰漿飯，椰奶味幾龍，亦都可以減輕油炸雞髀嘅油膩感。唔錯唔錯。另外豬扒都係勁大塊，都幾好食，亦都算嫩滑。喇沙湯底有少少辣，不過係可接受程度，幾惹味。啲面都幾彈牙。最後仲叫咗一個小食娘惹蘿蔔糕，加埋蛋一齊炒，連埋醬料都係好夾好好食。

2022-08-27同女朋友行完尖沙咀K11🏬去咗國際廣場食晚飯🍽見到間食星馬菜叫星怡餐廳🇸🇬星期六晚市時段，人客都幾多☺️店員安排我哋坐近窗口位嘅卡位💺可以望吓尖沙咀嘅街景食飯🤗我哋點了，新加坡海南雞飯，88蚊份，包湯同油飯，份量正常，海南雞嫩滑，雞湯不油膩，雞湯都幾好飲清清哋，有少量湯料食，油飯食到有雞湯味，海南雞飯成個餐都幾好食🐓南洋咖吔多士，48蚊，有三款口味揀，蛋黃，榴連，班籣，揀咗班籣味，每塊多士都有超厚嘅牛油，班籣醬都好多，但食唔到班籣味，淨係食到厚牛油多士🧈雞串燒，58蚊三串，燒串份量偏少，類似超市嘅急凍串燒大小，有青瓜同洋蔥伴碟，雞串肉質都嫰口，沙嗲醬味道都好濃，啱重口味人士☺️魚露鮑魚，168蚊碟，係凍食鮑魚，有六隻，每隻都管理好，切到一粒粒係鮑魚殼上，味道就酸酸甜甜，鮑魚口感都彈牙🌊整體環境裝修都幾好，有新加坡嘅特色牆，坐得幾舒服😌服務都好主動有禮貌😊食物味道好一般，性價比唔算高，有好大嘅進步空間🤗🤗😊#新加坡海南雞飯#南洋咖吔多士#雞串燒#魚露鮑魚

食材質素好好，大多有海鮮的食物顯得性價比高。星加波食物特色相當到家！這次選了福建炒麵和帶子鮮蝦喇沙湯麵，均是海鮮食材，食材十分鮮味，令兩個主菜均十分有特色！桔仔話梅水也十分清新，推薦夏日飲品。榴槤湯圓是炸物，榴槤內心相當濃厚榴槤味！祇是太細，有點不夠！相片是較大粒較吸引！留意到周邊很多人叫椰醬飯，可以配雞、牛或豬，這次沒有點，但看見周圍吃得滿足，下次必定試試。整體食品特色星味獨到，員工服務態度非常好！值得推薦！

突然想食黑胡椒蟹 上網搵到呢間 點知中曬伏， 賣相係唔錯的，但味道真係無得呃人，真係好普通。魚露花甲：好失望  唔鮮甜  好似係急凍啤水出黎咁  醬汁味道同泰式相似 魚蛋喇沙：味道尚可  湯算合格  魚蛋無咩特別黑胡椒蟹：成晚最期待ge  胡椒蟹，  醬汁味道辛辣得黎  好香  但問題又來了  蟹無味  好失望  普通到唔普通ge  肉蟹但又唔算多肉  肉質不算梅  但唔知食緊咩  2分真係比面個醬汁 佢仲要收我$508 唔知憑咩麥皮蝦：真心講  佢炒麥皮真係好香，食落好香口  但個蝦係完全無味  一d  蝦味都無    如果唔係炒麥皮  碟野可以話無味  真係好可惜  未必係新鮮蝦 但未試過ge 可以試下環境算坐得舒服，輕食可以 但其他大菜 唔太建議，希望餐廳係用新鮮海鮮，總之我就無下次

香港有挺多的馬來西亞餐廳，咖喱蟹和喇沙麵是必點的，比較失望是咖喱蟹，賣相不錯，但是完全沒有味道，不夠香辣，蟹肉不新鮮，感覺不到正在吃咖喱蟹，喇沙麵還可以，除了蝦肉一般，喇沙湯夠正宗，油麵口感恰到好處，非常足料，希望下次可以油麵再加米粉，更加地道！另外一樣就是叫了冰檸檬薏米水，落單前預先已經要求侍應小冰，結果仍然是三份二杯冰，這個也要扣分，哈哈！要讚賞的是小吃，簡單叫了三個小吃，居然比main course 更好吃, 特別是那個金杯，好想吃多兩塊，沙嗲串燒也好吃，下次可以只叫小吃了，哈哈😆

Lunch menu 11:30am to 5:30am, 大約1:15pm到達餐廳 見openrice滿滿正評 以為要等位 幸運地遇到幾枱客埋緊單 唔洗點等位就可以入座 , 2人被安排坐到window side sofa seat 對住樓景街景 但總算坐得鬆動舒服 唔洗聽到隔離枱客人講野先啦 ---叫左星期一午市精選$88新加坡海南雞飯送田園雜菜沙律, 飲品跟餐正價減10蚊,  叫左杯熱拉茶(但黎左凍拉茶T^T), 朋友叫左比目魚柳喇沙田園雜菜沙律: 大部分餐廳lunch set配送既沙律係好hea 依度既沙律菜好新鮮 配有適量橄欖油同黑醋 份量岩岩好 有點小驚喜 冇渣流灘 (唔記得影相) 海南雞飯: 油飯普通 (just like有油既飯) 飯粒偏冧身 雞肉量比想像中多 上排係雞脾肉 下排係雞胸(有肉食,唔係D墊底肉) 味道中規中矩 本身肉味偏淡 上碟已配有少量醬油 配埋個辣醬剛剛好 湯有dd味精feel 總結性價比正常 下次會想試其他野食 朋友話個比目食魚也OK

Isquare 新開咗一間新加坡菜嘅餐廳，裝修幾靚，粉藍色好雅致，座位亦都幾好坐；侍應姐姐好好，本嚟窗口位滿晒，點知坐咗5 分鐘，就有人離開，問我地轉唔轉去窗口位💓👍🏻 服務態度好好❤️菜式種類好多，海鮮、新加坡、馬來西亞小食，當然唔少得最出名嘅海南雞飯、喇沙湯麵，仲有下午茶，同幾款嘅二人餐及四人餐。✨又係影咗menu 俾大家睇吓，記得拉到最後啦😉黑松露香煎鮑魚 $180 第一眼係俾黑松露呢三隻字吸引咗😍 鮑魚係切粒，煙韌度剛好；黑松露都算幾多，上枱嘅時候好香😌新加坡香辣魚蛋 $48份量有 6 粒；爽口彈牙，但比較普通，而且配醬都唔辣，有少少似豆瓣醬味道🤨新加坡海南雞飯 $88海南雞嘅份量適中剛好，都好滑；油飯一粒粒都唔錯；個湯好香好飲😄檳城大蝦湯麵 $98湯底好香濃！而且第一眼最吸引嘅係兩隻大蝦🍤!!!!!! 好大隻👍🏻👍🏻 豆腐卜浸埋啲湯底超好食😃 麵係叻沙摻摻，即係油麵+米粉，口感幾好😋

-//位於尖沙咀·新加坡餐廳🇸🇬餐牌選擇都幾多有招牌喇沙麵、辣死你媽·椰漿飯、肉骨茶等📍南半咖也多士 $48一直好期待嘅咖也多士，但就有啲失望喇🥺首先有三個味道揀 包括咖也/蛋黃/榴槤味咖也味唔太出☹️塊多士烘得唔夠 仲要係凍...睇相都見到個多士係白雪雪，完全唔吸引😥📍新加坡·海南雞飯 $881 set就有 海南雞+油飯+雞湯+調味醬🧂海南雞份量適中，加咗麻油令到雞味更香口雞肉仲細心起哂骨 方便入口，但就冇咩肉🤣油飯聞落好香🍚粒粒分明，拎嚟撈飯就一流雞湯唔會好咸 味道都唔錯，可以中和油膩感📍新加坡·鮮蝦·喇沙麵 $88一上碟己經聞到湯底好香🥘 湯底就係精華！配料包括有 鮮甜大蝦、雞蛋、豆卜、芽菜個湯濃郁帶點辣🌶豆卜索哂啲湯 一啖咬勁正另外幾鐘意個 油麵彈牙有咬勁，成碗清哂😏📍桔子話梅水 $33個人幾鍾意呢杯桔子水👍🏻 酸酸甜甜 好解渴📍芒果水果茶 $39反而呢杯就有啲中伏喇🫣好似飲緊一杯糖水個味道好似整芒果啫喱粉個味🤣仲要超甜啊#尖沙咀美食 #餐廳推介設加一服務費✔️抵食程度：🌝🌝🌗🌚🌚📍星怡 (尖沙咀)尖沙咀彌敦道63號國際廣場3樓303號舖

星怡係iSquare新開嘅星馬餐廳，黎開哩度個市集見倒星怡個Menu價錢唔貴，環境都好乾淨企理座位唔會好迫咁，就入去試下。午餐只有星期一至五先有，周末只有散叫，不過每款菜式都係幾十至百幾，價錢合理，選擇都好豐富，飯麵、小食、海鮮、甜品同飲品都有好多款揀。串燒($98/6串) - 串燒有豬牛雞三款揀，唔會燒到乾柴柴，蘸沙嗲醬食非常惹味。南洋咖央多士($48) - 咖央多士有三款唔同口味，分別係蛋黃、榴槤同班蘭，我地揀左蛋黃。多士烘到脆地但又唔會太硬，中間夾左厚厚嘅鮮牛油，蛋黃咖央甜甜地，配埋微鹹嘅鮮牛油食真係絕配。新加坡鮮蝦喇沙麵($88) - 哩度淨係喇沙都有好多唔同配料揀，好似魚蛋、鮮蝦、大蝦、安格斯牛或者北海道帶子。我地揀左鮮蝦，入面除左有六隻蝦，另外仲有豆卜、半熟蛋同芽菜。麵量都幾多，麵質唔會太腍，喇沙湯底椰香味啱啱好，帶少少辣味，味道濃郁惹味。馬來西亞拉茶($28) & 鳳梨水果茶($39) - 拉茶味道香濃，唔會太甜，就算飲到最後冰溶左都唔會太淡。鳳梨水果茶入面除左鳳梨，仲有檸檬、藍莓、紅肉火龍果，色彩豐富賣相吸睛，味道酸酸甜甜非常開胃。總結，野食唔錯，價錢亦合理，座位亦闊落

好耐無食新加坡菜！今日放工去左位於ISQUARE3樓既星怡食飯！原來呢間係由新加坡一位朋友開設的！係呢度可以食到最地道的海南雞喇沙、胡椒蟹仲有最特別的辣死你媽既椰漿飯都可以搵到！今日我就點左特級北海道帶子鮮蝦喇沙湯底好濃郁有蝦既鮮味帶點椰香味道！帶子鮮蝦新鮮彈牙雞蛋🥚豆卜完全吸收晒啲湯好好味！而且夠哂地道風味👍🏻咸魚炒芽菜睇落好似好普通.不過怡保既芽菜短身又脹卜卜，加上咸魚香味食落又爽甜係會越食越想食呀！榴連雪糕就係維記既..都幾香榴連味..比飯後一點甜！

同男朋友行商場見到幾吸引加上唔洗排隊！就入咗去試下~見到人地坐窗位啲風景好似幾靚🤣如果下次黎想試下坐窗位xd 特級北海道帶子海鮮喇沙麵喇沙湯底勁濃！啲麵質啱啱好加上都掛湯已經好好食！辣就唔係好feel到🤣啲料都幾新鮮同唔少新加坡海南雞飯略厭雞嘅份量有啲啲少～不過無骨啖啖肉+肉質都好嫩口同幾好食～其實唔洗點醬都已經幾好味～不過點埋個醬酸酸甜甜就惹味啲～個湯都幾好飲～唔會太咸太淡Overall質素唔錯 大家經過可以試吓

點樣食推介✨⭐️有鑊氣福建炒麵⭐️⭐️尖沙咀新加坡菜⭐️星怡 地址：尖沙咀彌敦道63號國際廣場3樓303號舖🍖新加坡海南雞飯 $88 (7.2/10)食新加坡菜例牌一定會嗌海南雞😚，佢地嘅雞件份量適中，肉質都叫滑，雞醬個味道就正正常常酸酸甜甜咁，碗雞湯好仲雞雜味，都唔錯～🍖新加坡濃湯福建炒麵 $118 (7.8/10)依碟有驚喜！食落去係有淡淡鑊氣，係粗麵mix米線再加d濃湯芡咁去炒，食落會比較濃味，配料有好多炒蛋、魷魚同埋腩片，點埋拌碟辣醬一齊食會更重口味🫶🏻，份量都好多，食完超飽足🍖咖吔斑斕多士 $48 (7.3/10)個多士食落帶一點鹹味，同咖吔嘅甜有對比，味道都係正正常常回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️