星巴克咖啡

營業中

休息中

🛍️🛍️行街行到攰攰地，想飲杯野☕️坐下休息下😀今次叫左杯Matcha Latte鮮奶抹茶🍵第一次飲👍🏻好岩我口味😊🥰口感細膩順滑👍🏻抹茶與牛奶完美融合😍😍不會有分離感或粗糙感，整體口感非常細緻醇厚✅甜度適中不膩💯適量的糖分剛好🤌🏻補充了抹茶和牛奶的自然甜味🤙🏻🤙🏻不會過於甜膩💯💯清爽解膩👍🏻👍🏻相比於濃郁的奶茶☕️鮮奶抹茶更清新爽口,很適合炎熱的季節飲用鮮奶抹茶是一款既好喝又有益健康的飲品,完全值得大家品嘗👍🏻👍🏻👍🏻

第一次知道原来现在星巴克改成要拿单给店员看才开始做了，点了个茶结果等了半天都没看到，拿单给他看还问我需要什么？？？我说我没收到，他才跑去跟点单的女生说了几句话，急急忙忙把茶包放进杯里冲了点开水就给我了，不到三秒的过程我等了十分钟，没有一句抱歉，系统排单总不可能不按顺序排吧，明明就是看到前面有一单一直没做故意无视

住附近平時一星期都會自己嚟買兩三次，今日朝早剛開門，帶住個仔嚟諗住買咖啡，小朋友成身汗，諗住幫佢抹汗，飲淡清水，過程唔夠5分鐘，Bar 櫃入面沖咖啡嘅打呔白衫男仔望住我用唔友善嘅語氣問‘駛唔駛去睇吓個餐牌睇吓有咩想買’？ 人生第一次，聽完即刻咩心情都冇曬，拿拿臨抱起個仔走。今朝間鋪冇咩人，大把位，又唔見佢同我同時坐底坐我隔離又未買嘢飲嘅嘅女仔咁講。 真係好不愉快，永遠唔會再去Starbucks 。。。。。。

好耐冇飲Starbucks 有coupon要用先去飲唔到咖啡嘅人 每次只可以揀星冰樂 而家多咗啲茶味嘢飲揀揀咗焙茶星冰樂 諗住健康啲走cream 一開始覺得好似石灰色 望望吓覺得似蟹膏😂味道OK的 開頭真係夠焙茶味但飲到後尾解凍解得太慢 太凍 唔係好飲到剩返啲白色嘅就放棄咗

今晚食手指頭🍽，閒雲野鶴行到星巴克，測試下佢哋嘅新玩意兒——Garden Mix 果汁同藍莓芝士蛋糕。點首先飲嗰杯果汁，齋講清新爽口已經係少話，西柚大隻咁嚟，每一啖都好似啜住啲水果汁，打返一個涼笙笙🍹。諗住喺星巴克就搵返個角落由頭到尾都系嘆我嘅Green tea Latte，唔料遇到專屬嘅Reserve Latte！哎喲，啲咖啡豆嘅香味，真係無得輸，濃郁得黎，又唔會苦口。塊藍莓芝士蛋糕就更加唔使講，外層藍莓鮮甜得黎，啲芝士濃郁綿滑得黎，兩者夾埋真系完美組合😋。最後一試冷萃咖啡，唔使多講，一啖嘴，頓時咖啡嘅香氣撲鼻，同埋根本無苦味，真系太過癮！配曲奇嗰香脆口感，真係有齊哂！要讚吓佢哋嗰服務態度實在，等位雖然耐嗰陣，但職員真系貼心咁幫手安排 🤗。一次咁之唔錯嘅體驗，下次仲要黎！

星期五放工，我只求坐低飲下杯好少少嘅咖啡，點知真係選錯地方。今次叫左tall iced americano少冰，一拎杯野就知唔好飲，因為顏色好淡！一飲，真係好似水咁啖！咖啡味極少之餘，仲好似比溶左嘅冰蓋過晒味道！唉，好失望！原來飲咖啡都可以體會到當年曹操當年對雞肋話食之無味，棄之可惜的道理～～本人真係欲哭無淚～最衰都係自己無幫襯星巴克好耐，冇左個金星會員。冇得加個free shot～太古城呢間好多人，位都難搵，搵到一個，但係冇椅背架，幾十歲人就係坐得辛苦啲。媽呀，究竟我飲緊啲乜？好羨慕而家reserve飲緊咖啡嘅人。

早上去太古城返工之前來starbucks杯咖啡， 食個早餐。。呢間早餐都幾多好多人 。。等飲品同早餐差不多十分鐘。。.手調教咖啡starbucks 一向有保證 ， 今朝早叫咗個 Americano, 濃啲醒神啲。。American 適合唔鍾意太多奶 但係又想飲杯提神成咖啡的人。。 早餐買一杯咖啡加18蚊就有個三文治 同事落單都會好細心咁問你使唔使加熱早餐。。 今朝叫咗個Chicken Fritter三文治裏面有雞， 雞蛋，芝士，生菜。。 坦白講早餐三文治質素便一般。。 所有嘢都係由凍家熱，一來不夠熱 。。二來裏面的雞肉就像喺外國Costco 買一大pack雞塊processed food 的一樣。。 以Starbucks呢個大集團 ，三文治可以改善。。不過值得一 讚就係環境舒適，可以坐喺度處理文書工作

大清早去starbucks食個早餐， 叫咗個Chai tea latte. 印度茶加糖及奶，甜甜地，呢個味幾特別 ， 我覺得都唔錯, 如果唔想飲太濃的咖啡 ，我間唔中都會去order 呢個。 之後叫咗個早餐係 蛋白牛油果煙肉 三文治。 好驚訝呢一個包係唔大好食的。。因為係凍，我以為佢會整熱。。 坐低食一個凍的早餐感覺 麻麻地 。。呢個包應該配鹹味，但相反系少少甜味的 ，成個配搭有點odd。。 下次叫返ham and cheese croissant會好食好多憑單下次滿$65蚊下次有$15優惠， 不過不失 ，叫啱食物便0K

去太古城看电影，还有一个多小时才开场，Pacific Coffee 找不到位，就跑到楼下的 Starbucks 喝一杯咖啡。很喜欢感受一下他们的手冲咖啡，坐在 bar 枱看咖啡师手调咖啡，可惜座位已坐满，只好跑进店内喝其他咖啡。店内已坐满了七七八八，很幸运找到一张高枱，还带有电源插座，可以顺便为手机充电。由于没有 scone, 就只点了一杯 Americano, 正常的咖啡味，只是浓度不够，但也没所谓，坐了一个小时把手机充满电就走了。

Starbucks 分店多，但有手沖咖啡飲品提供的則很少，可能因為這分店平日有開辦咖啡興趣課程而已。店舖圍欄外的座位很舒服，很有外國feel，讓顧客可以很悠閑的一邊看書一邊飲咖啡。店內有手沖咖啡師注場，價錢也相對的不貴，Grande Size只需$53-$63不等，是非常ok的。咖啡師好nice好專業，會與顧客了解口味及提供意見，最終我選了肯亞山巴拉格威咖啡豆，咖啡師更替我以1:15的比例沖泡，有喝茶的感覺，但黑加侖子味不太出，配上一塊朱古力梗正是絕配之組合。

Starbucks每逢聖誕節都會推出聖誕節特飲，呢日經過又見有啲口渴，就買番杯嚟試吓小弟不嬲都鍾情於朱古力咖啡，所以見到呢個薄荷朱古力咖啡即刻唔使諗就叫咗。一飲落口，薄荷味好重，但係未至於可以通鼻塞咁爽，所以啱啱好。不過飲落咖啡味唔算太重，整體似飲緊薄荷朱古力多啲。由於小弟怕肥，所以刻意揀咗脫脂奶，不過一啲都影響唔到朱古力嘅濃度，唔錯！冬天飲完暖笠笠好舒服

聖誕假期同朋友去太古城shopping，行得攰攰地，去地下Starbucks Coffee買杯聖誕特飲，坐低飲下先，咖啡店客人唔多，座位濶落，我地坐近窗邊位置，聖誕特飲有凍或熱選擇，我要咗杯凍聖誕薄荷朱古力咖啡，咖啡飲得到有微微薄荷，忌廉令杯咖啡更滑溜，而朱古力味就較重，蓋過咗咖啡味，好似係飲緊杯好滑嘅薄荷朱古力，又偏甜咗D🤔

身為Starbucks會員，唔可以話特別like佢d咖啡，不過有時係佢到hea下時間睇下書係唔錯嘅☺️而且有d野食，咖啡都可以，尤其鐘意佢特有嘅Ristretto Bianco通常港島區仲要有Reserve star嘅分店質素比較好，例如中環丶銅鑼灣，我第一次飲RB就係Jardine house 嘅staff介紹，一試愛上....不過飲過呢間足以改變我嘅睇法....飲一啖已經為之一振😬，打開睇下個＂花＂更加失望，心諗係太古城竟然如此質素 😨📍RB其中一個signature 就係一個白色圓點，佢無🙅🏻‍♀️📍飲落去勁奶又稀🤦🏾‍♀️錯晒.....RB特色就係口感濃郁，佢呢杯仲奶過latte雖然見沖咖啡嘅好忙無停手，但質素keep唔到令人好失望.....只好以後唔再去呢間分店🤷🏿‍♀️～一個大品牌真心希望會keep番款款咖啡，間間分店都有質素～

Starbucks又出新野，一於試試佢先💁🏻‍♀️【Mango Gold Foam Iced Shaken Pomelo Black Tea芒果鮮奶泡沫冰搖香柚紅茶$43(Tall size)】🥭🥛🍹個名超級之勁長😂。Starbucks用上Teavana英式紅茶🍵加埋紅西柚蜜糖醬🍯做base，可惜西柚味好淡；淨係飲得出係果茶😂最上面有一層芒果🥭味既鮮奶泡沫，只有好淡好淡既芒果味............底層香柚Jelly，同之前既水蜜桃啫喱差唔多，只係今次轉咗做柚子肉果粒，不過啫喱份量少到我以為佢地唔記得加🤭【Bagel🥯+cream cheese$28】平時多數食Mushroom pocket既我難得今日轉下口味，啲cream cheese慷慨到一個點，厚搽哂兩面都仲有剩🤤

幾個女子一起食飯聚會，食飽時間尚早，又吾想阻住餐廳啲枱，因為見門外還有好多人在等位，但又想繼續傾計，唯有另覓地方，由於本人喜歡試新野，來到Starbucks見到之前未試過的新產品，更係要試下啦 ，每人都叫新野試，吾太甜，值得一試。